Արթուր Վանեցյան

Ընդդիմությունը արցախյան պատերազմը չի վերսկսելու. Վանեցյանը հերքեց Փաշինյանի խոսքերը

314
(Թարմացված է 18:38 21.11.2020)
Արթուր Վանեցյանի խոսքով`Արցախում պատերազմը հրահրել է Նիկոլ Փաշինյանն իր ապաշնորհ արտաքին քաղաքականությամբ։

ԵՐԵՎԱՆ, 21 նոյեմբերի - Sputnik. «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը ընդդիմության հանրահավաքի ժամանակ հայտարարեց, որ վերջին օրերին ՀՀ վարչապետ Նիկոլ Փաշինյանը օրակարգ է բերում կեղծ պնդումներ, որով փորձում է պահել իր իշխանությունը։ Մանավորապես Վանեցյանը հերքեց վարչապետ Նիկոլ Փաշինյանի հայտարարություններն այն մասին, որ ընդդիմությունը ցանկանում է խափանել նոյեմբերի 9-ին Ռուսաստանի և Ադրբեջանի հետ ձեռք բերված պայմանավորվածությունների կատարումը։

«Նիկոլ Փաշինյանը արտաքին լսարանի համար ասում է, որ եթե Հայաստանի քաղաքական ուժերը հասնեն իմ հրաժարականին, ապա այն հայտարարությունը, որը ստորագրվել է, չեղարկվելու է և պատերազմը սկսվելու է։ Ես պաշտոնապես հայտարարում եմ, որ մենք պատերազմ սկսելու մտադրություն չունենք։ Մենք ասում են, որ այս ստորացուցիչ հայտարարությունը ստորագրած, պարտված առաջնորդը չի կարող ներկայացնել հայերի շահերը կնքվող պայմանագրում»,-հայտարարել է Վանեցյանը։

Նրա խոսքով` պատերազմը հրահրել է Նիկոլ Փաշինյանն իր ապաշնորհ արտաքին քաղաքականությամբ։

Վանեցյանը նաև հերքեց Փաշինյանի այն պնդումը, թե եթե ինքը հանկարծակի հեռանա, նրան փոխարինելու են նախկինները:

Վանեցյանը կոչով դիմել է նրանց, ում Փաշինյանը պաշտոն կառաջարկի

«Դա կեղծ օրակարգ է, նախկինին վերադարձ չի լինելու: Ներկան մերժվել է: Մենք ապագան ենք, գալիս ենք նոր դեմքերով, նոր մտքերով եւ նոր տեսլականով»,-հայտարարեց Վանեցյանը։

Հավելենք, որ ընդդիմության բողոքի ակցիաները՝ վարչապետի հրաժարականի պահանջով, սկսվել են Հայաստանի, Ռուսաստանի ու Ադրբեջանի ղեկավարների՝ Արցախյան ռազմաճակատում հրադադար հաստատելու վերաբերյալ եռակողմ հայտարարության ստորագրումից հետո։

314
թեգերը:
հանրահավաք, Նիկոլ Փաշինյան, ընդդիմություն, Արթուր Վանեցյան
թեմա:
Իրադրությունը Հայաստանում և Արցախում հայտարարության ստորագրումից հետո (598)
Ըստ թեմայի
Միակ լուծումն ազգային համաձայնության կառավարություն ձևավորելն է. նախագահ
«5 ժամ բանակցում էին, հետո ասում` սուրճ ենք խմել, կոնսուլտացիա ենք արել». Գագիկ Ծառուկյան
Երևանում ընթանում է Փաշինյանի հրաժարականի պահանջով ընդդիմադիր ուժերի հանրահավաքը
Նաիրա Զոհրաբյան, արխիվային լուսանկար

«Նոյեմբերի 10-ը պիտի հայրենադավության օր հռչակվի». Նաիրա Զոհրաբյանը նոր նախագիծ է մշակում

27
(Թարմացված է 19:08 02.12.2020)
ԲՀԿ պատգամավորը լրացում է առաջարկում ՀՀ «Տոների ու հիշատակի օրերի մասին» օրենքում. պիտի սգանք այդ օրը, որպեսզի որևէ իշխանություն երբևէ չմտածի ժողովրդի թիկունքում գնալ նման դավաճանական քայլի:

ԵՐԵՎԱՆ, 2 դեկտեմբերի – Sputnik. Երևանի կենտրոնում «միասնության», «արժանապատվության» երթ է անցկացվում: Ընդդիմության հերթական բողոքի ակցիային այսպիսի գնահատական տվեց ԲՀԿ պատգամավոր Նաիրա Զոհրաբյանը;

«Ես՝ որպես քաղաքացի, լինելու եմ բոլոր այն միջոցառումներին՝ երթերին ու հանրահավաքներին, որոնք կլինեն ընդդեմ այս դավաճանության, ընդդեմ այն կապիտուլյացիոն համաձայնագրի, որը ստորագրվեց նոյեմբերի 10-ին»,- լրագրողներին ասաց Զոհրաբյանը: 

Պատգամավորը հայտնեց, որ առաջիկա օրերին շրջանառության մեջ է դնելու «Տոների ու հիշատակի օրերի մասին» օրենքում լրացում անելու նախագիծ, որով նոյեմբերի 10-ը կառաջարկի նշել որպես հայրենադավության կամ դավաճանության օր:

«Նիկոլ Փաշինյանը մեզանից խլեց մայիսի 8-ը՝ Շուշիի ազատագրման մեր եռատոնը: Ուրեմն նոյեմբերի 10-ը, երբ Արցախը ծնկի բերվեց Ալիևի առջև, մենք պետք է նշենք որպես հայրենադավության օր, պիտի հիշենք այդ օրը, պիտի սգանք այդ օրը, որպեսզի որևէ իշխանություն երբևէ չմտածի ժողովրդի թիկունքում գնալ նման դավաճանական քայլի»,- ասաց Զոհրաբյանը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1746 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

27
թեգերը:
երթ, Նաիրա Զոհրաբյան, Հայաստան
Ըստ թեմայի
Ինչու Փաշինյանը հրաժարական չի տալիս, կամ վարչապետի ինքնապաշտպանվելու տարբերակը
Ո՞ր դատավորներն են գնացել Նիկոլ Փաշինյանի հետ հանդիպման. «Ժողովուրդ»
Արցախում կադրային փոփոխությունների գործում վերջին խոսքն արդեն Փաշինյանինը չէ
Համացանցում Փաշինյանի հրաժարականի պահանջով ստորագրահավաք է սկսվել
Արխիվային լուսանկար

Հանրապետության հրապարակում այս տարի տոնածառ չի տեղադրվելու

63
(Թարմացված է 18:24 02.12.2020)
Պատերազմն իր կանոններն է թելադրել. Ամանորին այս տարի Երևանը տոնական տեսք չի ունենալու։

ԵՐԵՎԱՆ, 2 դեկտեմբերի – Sputnik. Հայաստանի Հանրապետության հրապարակում ամանորյա տոնածառ այս տարի չի տեղադրվելու: Sputnik Արմենիայի հետ զրույցում տեղեկությունը հայտնեց Երևանի քաղաքապետի մամուլի խոսնակ Հակոբ Կարապետյանը:

«Երևանի քաղաքապետարանը որոշել է` մայրաքաղաքի փողոցներում ամանորյա զարդարանք նույնպես չի լինելու»,- հավելեց Կարապետյանը:

Հիշեցնենք, որ նոյեմբերի 24-ին Երևանի ավագանու նիստի ժամանակ որոշում կայացվեց, որ Երևան քաղաքի 2020 թվականի բյուջեի վարչական մասի պահուստային ֆոնդից 100 մլն դրամ կհատկացվի Ստեփանակերտին։

Ի դեպ, այդ 100 մլն դրամը պետք է ծախսվեր Երևանում ամանորյա տոնական միջոցառումների կազմակերպման համար։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Համացանցում լուր տարածվեց, որ հայկական կողմն ունի 4750 զոհ ու անհետ կորած։  ՀՀ առողջապահության նախարար Արսեն Թորոսյանը նոյեմբերի 18-ին ԱԺ–ում լրագրողներին հայտնեց, որ պատերազմի առաջին օրվանից մինչև նոյեմբերի 17-ի երեկոյան պաշտոնապես հաստատված զոհված զինծառայողների թիվը 2425 է։ 

Դեկտեմբերի 2-ի տվյալներով՝ Արցախի ՊԲ-ն հրապարակել է 1746 զոհվածների անունները։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

63
թեգերը:
Հանրապետության հրապարակ, տոնածառ, Ամանոր, Պատերազմ
Ըստ թեմայի
Ինչ տեսք ունի Երևանի գլխավոր տոնածառը երկնքից. տեսանյութ
Գյումրին առաջ անցավ Երևանից. վառվեցին Գյումրու գլխավոր տոնածառի լույսերը. տեսանյութ
Ամանորյա տոները մեկնարկեցին. Երևանում վառվեցին հանրապետության գլխավոր տոնածառի լույսերը
Բողոքի ակցիա

Անցումային կառավարությունը պետք է վերացնի եռակողմ հայտարարության տակ դրված ականները

0
(Թարմացված է 19:27 02.12.2020)
ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը լրագրողներին ներկայացրել է, թե ինչ հրատապ խնդիրներ պետք է լուծի անցումային կառավարությունը:

ԵՐԵՎԱՆ, 2 դեկտեմբերի – Sputnik. Նոր իշխանությունը՝ նոր բանակցողը, պետք է կարողանա  վերացնել եռակողմ հայտարարության տակ դրված ականները: Ընդդիմության հերթական բողոքի ակցիայի ժամանակ, լրագրողների հետ զրույցում հայտարարեց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը;

Նրա խոսքով` այդ խնդիրը կարող է իր վրա վերցնել անցումային կառավարությունը՝ Նիկոլ Փաշինյանի հրաժարականից հետո:

«Անցումային կառավարությունը կփորձի լուծել մի քանի խիստ կարևոր օրակարգային խնդիրներ, որոնցից առաջինը ռազմագերիների վերադարձի հարցն է, քանի որ այս իշխանությունն ուղղակիորեն չի կարող այդ հարցով զբաղվել: Կարևորագույն հարց է նաև փրկել այն, ինչ դեռ հնարավոր է փրկել Հայաստանի տարածքային ամբողջականությունից»,- ասաց Զոհրաբյանը՝ վկայակոչելով երեկ Ադրբեջանի ՊՆ տարածած տեսանյութը, որտեղ ՀՀ Գեղարքունիքի մարզում գտնվող Սոթքի ոսկու հանքավայրի շինություններից մեկի վրա բարձրացվել էր Ադրբեջանի դրոշը:

«Ես ուզում եմ հասկանալ, եթե եռակողմ հայտարարության մեջ նշված է, որ կողմերը կանգնում են հրադադարի պահին հաստատված սահմանների վրա, այդ դեպքում ինչո՞ւ հանձնվեց Բերձորը, ինչո՞ւ հանձնվեց Սոթքը: Այստեղ խնդիրներ կան, որ ուղղակի պիտի կարողանա նոր բանակցողը, նոր իշխանությունը վերցնել այն ականները, որ դրված են եռակողմ հայտարարության տակ»,- ասաց Զոհրաբյանը:

Գերիների վերադարձն ու անհայտ կորածների խնդիրներն առաջնային են. բողոքի երթը` լուսանկարներով

Անդրադառնալով Սոթքի հանքի խնդրին՝ պատգամավորը հայտնեց, որ երբ նոյեմբերի 25-ին ահազանգով մեկնել են Սոթք, այնտեղ հայտնվել են ադրբեջանցի զինծառայողներից ընդամենը 1.5 մետր հեռավորության վրա:

Այս պահին նրանք սպասում են իշխանության պաշտոնական հայտարարությանը, թե հանքավայրի քանի տոկոսն է արդեն լինելու ադրբեջանական կողմում:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1746 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

0
թեգերը:
Նիկոլ Փաշինյան, իշխանափոխություն, Նաիրա Զոհրաբյան, Եռակողմ հայտարարություն
թեմա:
Իրադրությունը Հայաստանում և Արցախում հայտարարության ստորագրումից հետո (598)
Ըստ թեմայի
Համացանցում Փաշինյանի հրաժարականի պահանջով ստորագրահավաք է սկսվել
«Հանուն Արցախի ու Հայաստանի փրկության». ընդդիմությունը համապետական հանրահավաք է անելու
«Ես վախենում եմ». քաղաքացիները` Թուրքիայի և Ադրբեջանի հետ սահմանները բացելու մասին