Երևան

Սև հանդերձանք, չինարեն գրություններ. ովքե՞ր էին Երևանում քաղաքացիներին բերման ենթարկողները

705
(Թարմացված է 22:34 20.11.2020)
Ոստիկանությունը զգուշացնում է, որ իրենց օրենքից վեր դասողները կենթարկվեն պատասխանատվության։

ԵՐԵՎԱՆ, 20 նոյեմբերի - Sputnik. Այսօր Երևանի տարբեր հատվածներում իրականացված բողոքի ակցիաների դադարեցման գործողություններին մասնակցել են բացառապես ոստիկանության աշխատակիցներ։ Տեղեկությունը հայտնում է ՀՀ ոստիկանության մամուլի ծառայությունը։

Նշենք, որ այսօր ԶԼՄ-ներում և սոցիալական ցանցում տարածվել էին ոստիկանների լուսանկարներ և տեսանյութեր, որոնցում ծառայողների սև հանդերձանքի վրա չինարեն գրություններ էին երևում։

«Սա ոմանց հիմք է տվել եզրակացնելու, թե ոստիկաններից բացի, գործողություններին մասնակցել են նաև այլ անձինք ու թիկնապահներ։ Ոստիկանությունը պաշտոնապես հայտարարում է, որ բոլոր գործողություններին մասնակցել են միայն ոստիկանության ծառայողներ»,- նշված է ոստիկանության պարզաբանման մեջ։

Ոստիկանությունը ևս մեկ անգամ կոչ է անում քաղաքացիներին պահպանել ռազմական դրության իրավական ռեժիմի կանոնները։

Իրավապահները զգուշացնում են՝ նրանք, ովքեր կդիմեն հակաիրավական քայլերի, բռնության, սադրանքների, «ովքեր իրենց վեր կդասեն օրենքից ու հասարակությունից, կենթարկվեն ամենախիստ պատասխանատվության»:

Երևանում ոստիկանների գործողությունների հետևանքով վնասվեց ցուցարարներից մեկի գլուխը

Հիշեցնենք, որ Երևանի մի շարք փողոցներում այսօր քաղաքացիների տարբեր խմբեր փողոցներ են փակել։ Նաև ավտոերթ է կազմակերպվել դեպի Հանրապետության հրապարակ։ Բողոքի ակցիայի մասնակիցները պահանջում են վարչապետ Նիկոլ Փաշինյանի հրաժարականը։

Նախնական տվյալներով, կան 85 բերման ենթարկվածներ։

Հավելենք, որ բողոքի ակցիաները սկսվել են նոյեմբերի 9-ին Հայաստանի, Ռուսաստանի ու Ադրբեջանի նախագահների եռակողմ հայտարարությունից հետո։

705
թեգերը:
Բողոքի ակցիա, Երևան, Ոստիկանություն
Ըստ թեմայի
Ինչ կաներ Փաշինյանը, եթե այսօր ինքը լիներ ընդդիմություն
Փաշինյանն ակնկալում է, որ ընդդիմությունն էլ բռնությունը բացառելու հայտարարություն կանի
Ընդդիմությունը պահանջում է ԱԺ-ում քննարկել եռակողմ համաձայնագիրն ու վարչապետի հրաժարականը
Զինվորականի հագուստ

Զոհվել է «Արցախի հերոսի» կոչմանն արժանացած Դավիթ Գրիգորյանը

557
(Թարմացված է 16:57 26.11.2020)
Դավիթ Գրիգորյանը Ֆիզուլիի և Կարախանբելիի հատվածում 15 տանկ և մեկ միավոր հետևակային մարտական մեքենա էր խոցել։

ԵՐԵՎԱՆ, 26 նոյեմբերի – Sputnik. Սարդարապատի համայնքապետարանը տեղեկացնում է, որ զոհվել է «Արցախի հերոսի»  կոչմանն արժանացած Դավիթ Գրիգորյանը։ Դավիթը Սարդարապատ համայնքի բնակիչ էր։

Հարութը երազում էր շատ երեխաներ ունենալ. ռազմական բժիշկը զոհվեց` 2 վիրավորներին փրկելով

«Մեր Դավիթ, մեր հերոս, մեր սարդարապատցի Դավիթ դու հաղթեցիր, մենք պարտվեցինք քանզի մեր մեջ քիչ էր քո տեսակը։ Խոնարհվում ենք քո առաջ, քո կատարած սխրանքների առաջ, դու պետք է մնայիր ու կրթեիր մի ողջ ժողովուրդ»,–նշված է համայնքապետարանի ֆեյսբուքյան էջում։

Սարդարապատի համայնքի ղեկավար Բաբկեն Վարդանյանը Sputnik Արմենիայի հետ զրույցում հայտնեց` Դավիթ Գրիգորյանը զոհվել էր դեռ նոյեմբերի 2-ի լույս 3-ի գիշերը։ Տղայի դին, սակայն, նոր են դուրս բերել։

Դավիթ Գրիգորյանի հոգեհանգստի արարողությունը տեղի կունենա այսօր` Սարդարապատ համայնքի Սուրբ Աստվածածին եկեղեցում։

Հիշեցնենք, որ դեռ հոկտեմբերի 4-ին Արցախի նախագահը հայտարարել էր, որ «Արցախի հերոսի» կոչմանն է արժանացել Դավիթ Լյովայի Գրիգորյանը։ Նա սեպտեմբերի 27-ից մասնակցելով մարտերին` Ֆիզուլիի և Կարախանբելիի հատվածում 15 տանկ և մեկ միավոր հետևակային մարտական մեքենա էր խոցել։ Հարությունյանը հայտնել էր, որ Գրիգորյանը շարունակում է մնալ առաջնագծում։

557
թեգերը:
«Արցախի հերոս» բարձրագույն կոչում, Արցախյան պատերազմ, Արցախ, Զոհ, Սարդարապատ
Ըստ թեմայի
Դեռ երկար ժամանակ վատ է լինելու. թեժ քննարկում ԱԺ-ում ռազմական դրությունը չեղարկելու շուրջ
Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով
«Արցախն Ադրբեջանին է հանձնում ոչ թե 121, այլ 181 բնակավայր». ԱԺ փոխնախագահ
Միհրան Հակոբյան

Միհրան Հակոբյանին մեղադրանք է առաջադրվել, որը նա չի ընդունում 

45
(Թարմացված է 16:27 26.11.2020)
Միհրան Հակոբյանը հայտնեց, որ իր համար պարզ է` ինչու է իր դեմ քրեական գործ հարուցվել։

ԵՐԵՎԱՆ, 26 նոյեմբերի – Sputnik. «Քառյակ մեդիայի» համահիմնադիր Միհրան Հակոբյանին մեղադրանք է առաջադրվել։ Հակոբյանը Facebook սոցցանցի իր էջում ուղիղ եթերի ժամանակ հայտնեց այդ մասին` ասելով, որ նոր է դուրս եկել քննչական վարչությունից։

«Ինձ մեղադրում են ռազմական դրության պայմաններում ապօրինի հավաքներ կազմակերպելու մեջ։ Ես չեմ ընդունում ինձ առաջադրված մեղադրանքը, քանի որ հավաքը որևէ կազմակերպիչ չի ունեցել»,–ասաց Հակոբյանը։

Նրա խոսքով` իր հանդեպ քրեական գործի հարուցումը կապված է այն հանգամանքի հետ, որ հստակորեն կարծիք է հայտնել ՀՀ վարչապետ Նիկոլ Փաշինյանի մասին` ասելով, որ նա պետական դավաճան է։ Հակոբյանը հայտնեց` ասել ու ասելու է, որ Փաշինյանը դավաճան է, և պետք է րոպե առաջ հեռանա։

Հիշեցնենք, որ քաղաքագետ Հրանտ Մելիք-Շահնազարյանը նոյեմբերի 24-ին հայտնել էր, որ ոստիկանության աշխատակիցները խուզարկություն են իրականացնում Միհրան Հակոբյանի տանը: Նրա խոսքով` դատարանի որոշման մեջ հստակ նշվում է, թե ինչ պետք է որոնեն (ցույց կազմակերպելու ապացույցներ), բայց ոստիկանները առգրավում են Միհրան Հակոբյանի օրինական զենքերը։

Բաքուն գեներալ Սեյրան Օհանյանին մեղադրում է ցեղասպանության համար

Հիշեցնենք, որ նոյեմբերի 20-ին Երևանում վարչապետ Նիկոլ Փաշինյանի հրաժարականի պահանջով բողոքի ակցիա էր տեղի ունեցել։ Ոստիկանությունը տասնյակ մարդկանց էր ձերբակալել, այդ թվում` Միհրան Հակոբյանին։ Հաջորդ օրը, սակայն, Հակոբյանն ազատ արձակվեց` դատարանը նրան ձերբակալելու որոշումը ոչ իրավաչափ էր համարել։

Հավելենք, որ ընդդիմության բողոքի ակցիաները սկսվել են Հայաստանի, Ադրբեջանի ու Ռուսաստանի ղեկավարների եռակողմ հայտարարության ստորագրումից հետո։

45
թեգերը:
հանրահավաք, Մեղադրանք, Միհրան Հակոբյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
«Պետք է մոռանալ թավիշը». ինչ է քննարկել «Իմ քայլը» փակ դռների հետևում. «Ժողովուրդ»
«Գտեք մի ոստիկան, որը մորուք ունի». Վանեցյանը` չինական համազգեստով «իրավապահների» մասին
Թիկնազորի վերաբերյալ միստիկ պատմությունների պատճառը օրենքի պահանջից շեղվելն է
Սոթք–Քարվաճառ

Արձանագրենք`Հայաստանն այսօր չունի իշխանություն. Նաիրա Զոհրաբյանը` Սոթքի իրավիճակի մասին

0
(Թարմացված է 18:31 26.11.2020)
Նաիրա Զոհրաբյանն ԱԺ-ում ներկայացրեց համացանցում տարածված տեսանյութն ու պատասխանեց Փաշինյանի խոսնակին:

ԵՐԵՎԱՆ, 26 նոյեմբերի — Sputnik. ԲՀԿ պատգամավոր Նաիրա Զոհրաբյանը քիչ առաջ ԱԺ ամբիոնին մոտեցավ միացրած հեռախոսով՝ գործընկերներին ու ընտրողներին ցույց տալով այն տեսանյութը, որի համաձայն` ադրբեջանցի զինծառայողներն այս պահին գտնվում են Սոթքի ոսկու հանքավայրի մատույցներում:

«Նիկոլ Փաշինյանի ստորագրած դավաճանական համաձայնագրից հետո գծվեցին սահմանները, երբ Քարվաճառի դռները ցավալիորեն փակվեցին: Իսկ այսօր ազերի զինյալները 80 հոգով կոտրել են կողպեքը: Քիչ առաջ ինձ զանգեցինք Սոթքի հանքի աշխատակիցներն ու ասացին, որ իրենք սարսափի մեջ են, փորձում են իջեցնել իրենց տեխնիկան ու մարդկանց անվտանգ տեղափոխել»,- ասաց Զոհրաբյանը:

Այս բոլոր փաստերով Նաիրա Զոհրաբյանն առաջարկում է արձանագրել, որ Հայաստանն այսօր չունի իշխանություն:

«Այս կադրերից հետո վարչապետի մամուլի խոսնակը հայտարարում է, որ տեղեկությունը չի համապատասխանում իրականությանը և երկրորդ նախադասության մեջ գրում է. «Սպասում ենք Գեղարքունիքի մարզպետի պարզաբանմանը, որի հետ այս պահին չենք կարողանում կապ հաստատել»: Հարգելի տիկին կամ օրիորդ, եթե տեղեկատվությունը չի համապատասխանում իրականությանը, այդ դեպքում ինչո՞ւ եք սպասում մարզպետի պարզաբանմանը», -ասաց Զոհրաբյանը:

Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է

Պատգամավորը հայտարարեց, որ  Հայաստանը փրկելու միակ տարբերակն այսօր ռազմական դրության չեղարկում ու Նիկոլ Փաշինյանի հրաժարականն է:

ՊՆ–ն հերքում է ադրբեջանցի զինվորականների` Սոթքի հանքավայր մտնելու լուրերը

0
թեգերը:
հայ-ադրբեջանական, ադրբեջանցի, Ադրբեջան, Քարվաճառ, Սոթք-Քարվաճառ ավտոճանապարհ, Սոթքի հանքավայր
թեմա:
Իրադրությունը Հայաստանում և Արցախում հայտարարության ստորագրումից հետո