ԵՐԵՎԱՆ, 20 նոյեմբերի - Sputnik. Նոյեմբերի 20-ի կեսօրին Գյումրիում մի խումբ քաղաքացիներ մոտ 20 րոպե փակել են Շիրակի մարզպետարանի հարակից Գարեգին Նժդեհի փողոցը՝ պահանջելով վարչապետ Նիկոլ Փաշինյանի հրաժարականը։
ՀՀ ոստիկանության Շիրակի մարզային բաժնի աշխատակիցները հորդորել են բացել ճանապարհը, սակայն ցուցարարները չեն ենթարկվել։
Ոստիկանները ճանապարհն ազատել են ավտոմեքենաներից ու բողոքի ակցիայի 8 մասնակիցների բերման են ենթարկել ոստիկանության Գյումրու Մուշի բաժին:
Հավելենք, որ Փաշինյանի հրաժարականի պահանջով ակցիաներ են ընթանում նաև մայրաքաղաքում։ Ոստիկանության հասարակայնության հետ կապերի բաժնի տվյալներով՝ կան 85 բերման ենթարկվածներ։
Երևանում ոստիկանների գործողությունների հետևանքով վնասվեց ցուցարարներից մեկի գլուխը
Մարդու իրավունքների պաշտպանի գրասենյակի արագ արձագանքման խմբերն այցելել են բերման ենթարկվածներին Երևանի ու Գյումրիի ոստիկանական բաժանմունքներում։
Հավելենք, որ բողոքի ակցիաները սկսվել են նոյեմբերի 9-ին Հայաստանի, Ռուսաստանի ու Ադրբեջանի նախագահների եռակողմ հայտարարությունից հետո։
