Բողոքի ակցիա՝  Երևանի Մաշտոց-Ամիրյան խաչմերուկում

Երևանում փողոցներ են փակում Փաշինյանի հրաժարականի պահանջով. տեսանյութ

293
(Թարմացված է 14:33 19.11.2020)
Մաշտոց-Ամիրյան խաչմերուկում բողոքի ակցիա է իրականացվում՝ ՀՀ վարչապետ Նիկոլ Փաշինյանի հրաժարականի պահանջով:

ԵՐԵՎԱՆ, 19 նոյեմբերի - Sputnik. Երևանի Մաշտոց-Ամիրյան խաչմերուկում բողոքի ակցիա է իրականացվում ՀՀ վարչապետ Նիկոլ Փաշինյանի հրաժարականի պահանջով: Մի խումբ երիտասարդներ փակել են Ամիրյան փողոցը։ 

«Նիկոլ Փաշինյանը ստորագրել է կապիտուլյացիայի համաձայնագիր։ Մենք դեմ ենք բռնությանը, սակայն օգտագործելու ենք բոլոր հնարավոր միջոցները` ժողովրդին արթնացնելու և ցույց տալու համար, որ ՀՀ–ում պետությանը և ժողովրդին դավաճանող իշխանություն չպետք է լինի։ Նիկոլ Փաշինյանը պետք է հեռանա»,–հայտարարեց բողոքի ակցիա անողներից մեկը։

Նրանք վանկարկում են «Նիկոլ, հեռացիր», «Նիկոլ, դավաճան»...

Акция протеста молодежи против премьер-министра (19 ноября 2020). Еревaн
© Sputnik / Asatur Yesayants
Բողոքի ակցիա՝ Երևանի Մաշտոց-Ամիրյան խաչմերուկում

Բողոքի ակցիայի մասնակիցներին մոտեցան ոստիկանության ծառայողները և հիշեցրին, որ ռազմական դրության ժամանակ հավաքներ անցկացնելն արգելվում է։ Ի պատասխան բողոքի ակցիա անողները հայտնեցին, որ Փաշինյանը վաղուց հողերը հանձնել է` ինչո՞ւ է հիմա ռազմական դրությունը շարունակվում։

Հավելենք, որ ակցիային են միանում նաև պատահական անցորդներ։

Րոպեներ առաջ ոստիկանները Ամիրյան փողոցի բանուկ մասից հեռացրեցին ակցիայի մասնակիցներին։ 

Акция протеста молодежи против премьер-министра (19 ноября 2020). Еревaн
© Sputnik / Asatur Yesayants
Բողոքի ակցիա՝ Երևանի Մաշտոց-Ամիրյան խաչմերուկում

Նշենք, որ քաղաքացիների խմբեր կան Բաղրամյան պողոտա-Մոսկովյան փողոց հատվածում ու Տիգրան Մեծ և Խանջյան փողոցների խաչմերուկում:

Հիշեցնենք, որ Հայաստանի, Ադրբեջանի ու Ռուսաստանի ղեկավարների կողմից նոյեմբերի 9-ին եռակողմ համաձայնագրի ստորագրումից հետո Երևանում մի խումբ մարդիկ ներխուժել են կառավարության գլխավոր մասնաշենք ու Ազգային ժողով։ ԱԺ խոսնակ Արարատ Միրզոյանը ծեծի է ենթարկվել ու տեղափոխվել է հիվանդանոց։

Նոյեմբերի 11-ից ընդդիմադիր 16 կուսակցություններ բողոքի ակցիաներ են անցկացնում՝ վարչապետ Նիկոլ Փաշինյանի հրաժարականի պահանջով։ 

293
թեգերը:
Եռակողմ հայտարարություն, Երիտասարդ, Բողոքի ակցիա, փողոց
Ըստ թեմայի
Ղարաբաղ չմնաց․ Նոր Մարաղա գյուղի բնակիչը չգիտի՝ երեք երեխաներին որտեղ ու ինչպես է պահելու
«Նիկոլ, դավաճան». ոստիկաններն ընդհատեցին երիտասարդների ընդվզումը. տեսանյութ
Ավտոմեքենան վրաերթի է ենթարկել փողոցը փակած երիտասարդներին. տեսանյութ
Նիկոլ Փաշինյան

Համացանցում Փաշինյանի հրաժարականի պահանջով ստորագրահավաք է սկսվել

77
(Թարմացված է 17:07 02.12.2020)
Վարչապետ Նիկոլ Փաշինյանի ու կառավարության հրաժարականի պահանջով ակցիաներն ու երթերը Հայաստանում շարունակվում են։ Ի պատասխան դրան, իշխանությունը խոսում է երկրում իրավիճակի կայունացման ու անվտանգության ապահովման անհրաժեշտության մասին։

ԵՐԵՎԱՆ, 2 դեկտեմբերի — Sputnik. Հայաստանի վարչապետ Նիկոլ Փաշինյանի հրաժարականի պահանջով ստորագրահավաքի պահանջագիրը հրապարակվել է change.org կայքում։

Տեքստում նշվում է, որ Փաշինյանը դավաճանել է ազգային շահերին ու պառակտում է մտցրել հասարակության մեջ, հետևաբար՝ նա առնվազն պետք է հեռանա զբաղեցրած պաշտոնից։

«Սակայն դուք էլ ավելի մեծ մեղք եք գործում ձեր ժողովրդի ու նրա ապագայի հանդեպ։ Չեք ուզում ձեր վրա վերցնեք պատասխանատվությունը տեղի ունեցածի համար ու հեռանալ։ Դուք նվաստացրել եք հաղթանակած ժողովրդի պատիվն ու արժանապատվությունն ու ոտնահարել եք նրա փառահեղ սխրանքները։ Ձեր անունն այսուհետ կապված է պատվազրկության ու արժանապատվության կորստի հետ։ Դուք խաբված հույսերի խորհրդանիշ եք։ Դուք այլևս առաջնորդ չեք, այլ սնանկ քաղաքական գործիչ եք», - նշված է պահանջագրում։

«Լուսավոր Հայաստանը» Փաշինյանի հրաժարականի պահանջով խորհրդարանական լսումներ կանցկացնի

Նշվում է, որ վարչապետի հրաժարականից հետո ժողովուրդը պետք է համախմբվի ու իր ճանապարհը գտնի։

Հիշեցնենք՝ նոյեմբերի 9-ին արցախյան ռազմաճակատներում հրադադարի վերաբերյալ եռակողմ հայտարարության ստորագրումից հետո Փաշինյանի ու կառավարության հրաժարականի պահանջով Հայաստանում բողոքի ակցիաներ են սկսվել։

77
թեգերը:
Հրաժարական, Նիկոլ Փաշինյան, ստորագրահավաք
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
«Մայթից են գողանում». Փաշինյանի հրաժարականի պահանջով ակցիա անողներին բերման են ենթարկում
Ոստիկանները բարձրացան տրոլեյբուսի վրա՝ բռնելու Փաշինյանի հրաժարականը պահանջողներին
«Որ մեզ հետ էլ հաշվի նստեն որպես ազգ»․ Փաշինյանի հրաժարականը պահանջող երիտասարդների երգը
Հովհաննես Պետրոսյան և Տիգրան Չամաքյան

Արժանապատվության վերականգման պահանջով. Գյումրիում տնօրենի հացադուլին ազատամարտիկ է միացել

88
(Թարմացված է 15:25 02.12.2020)
Հովհաննես Պետրոսյանն ու Տիգրան Չամաքյանը վստահեցնում են՝ անժամկետ հացադուլը կշարունակեն մինչ իշխող ուժի հեռացումը:

ԵՐԵՎԱՆ, 2 դեկտեմբերի - Sputnik. Նոյեմբերի 30-ից Գյումրիում անժամկետ հացադուլ հայտարարած՝ Գյումրու թիվ 2 դպրոցի տնօրեն Հովհաննես Պետրոսյանին երեկ երեկոյան միացել է նաև ազատամարտիկ, արցախյան երեք պատերազմների մասնակից Տիգրան Չամաքյանը: Պահանջը նույնն է՝ Նիկոլ Փաշինյանի ու թիմակիցների հրաժարականը։

«Պահանջս իմ ու ողջ հայ ազգի արժանապատվության վերականգնումն է: Այս դաժան պարտությունն ունի պատասխանատուներ, ովքեր իրենք էլ չեն հերքում դա, և եթե ՀՀ կառավարությունն ի դեմս ՀՀ վարչապետի գիտակցում է պատասխանատվությունը, պետք է հեռանա, քանի որ նման պարտություն ու նման ստորացում հայ ազգը երբեք չի ունեցել»,-Sputnik Արմենիայի հետ ունեցած զրույցի ժամանակ նշեց ՀՅԴ-ական տնօրենը:

Սա, ըստ տնօրենի, նաև սերունդների վերադաստիրակության խնդիր է առաջ բերել:

«Ստեղծված իրավիճակի մեջ բոլորս մեր սխալներն ունենք, ուզում եմ, որ բոլորս մեր մեղքի համար պատասխան տանք։ Դավաճաններ են եղել՝ ես պահանջում եմ բոլորի անուններն ու պատիժը»:

Ի դեպ, այս պատերազմում Հովհաննես Պետրոսյանի ղեկավարած դպրոցի 3 սան է զոհվել: «Կապ չունի, որ դպրոցի սան է, բոլոր զոհվածները մեր սաներն ու մեր սերունդն է, բոլորն էլ մերն են»:

Արշակ Զաքարյանը հացադուլ հայտարարեց. նա պահանջում է պատասխանատվության ենթարկել Փաշինյանին

Շիրակի մարզպետարանի շենքի դիմաց հացադուլ հայտարարած Հովհաննես Պետրոսյանին միացել է նաև Տիգրան Չամաքյանը, ով նախկինում զբաղեցրել է Կրթության որակի ապահովման ազգային կենտրոնի Շիրակի մասնաճյուղի ղեկավարի պաշտոնը: Նա արցախյան երեք պատերազմների մասնակից է, առաջնագծից վերադարձել է մի քանի օր առաջ։ Տիգրանը վստահեցնում է՝ պարտությունը հանրապետությունը ղեկավարող քաղաքական ուժինն է, ոչ թե զինվորինը:

«Պարտությունը նոր չէ, 2 ու կես տարի առաջ է գրանցվել, երբ քարը քարին չի թողնվել՝ քանդվել է ամեն ինչ՝ եկեղեցուց ու դպրոցից մինչև բանակ, ու վատն այն է, որ այդ քանդողները հիմա մեղադրում են զինվորին ու ժողովրդին»,-նշեց Տիգրան Չամաքյանը:

Գյումրիում մարտական ական է հայտնաբերվել

Հովհաննես Պետրոսյանն ու Տիգրան Չամաքյանը վստահեցնում են՝ անժամկետ հացադուլը կշարունակեն մինչ իշխող ուժի հեռացումը:

88
թեգերը:
Հրաժարական, հացադուլ, Գյումրի
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Դաշնակցականները հացադուլ են հայտարարել ԱՄՆ-ում և այրել ԵԱՀԿ ՄԽ հայտարարությունը. տեսանյութ
«Նիկոլը պետք է հեռանա». Գեղամ Մանուկյանը հացադուլ է հայտարարել
Հացադուլին է միացել նաև զոհված զինծառայողի մայրը․ Գեղամ Մանուկյան
Կոնստանտին Սիվկով

Տեսակամուրջ. «Արցախյան պատերազմի ռազմատեխնիկական դասերը». փորձագիտական տեսակետ Մոսկվայից

0
Դեկտեմբերի 4-ին` ժամը 12: 00-ին, Sputnik Արմենիա մուլտիմեդիոն մամուլի կենտրոնում կանցկացվի Մոսկվա-Երևան տեսակամուրջ, որի ընթացքում ռազմական փորձագետներն իրենց տեսակետները կհայտնեն տեղի ունեցածի վերաբերյալ և կգնահատեն պատերազմող կողմերի գործողությունները:

Բանախոսներ`

  • Կոնստանտին Սիվկով, Ռուսաստանի հրթիռային և հրետանային գիտությունների ակադեմիայի թղթակից անդամ, ռազմական գիտությունների դոկտոր, տեղեկատվական քաղաքականության հարցերով ՌՀՀԳԱ փոխնախագահ, պաշտոնաթող կապիտան,
  • Վիկտոր Մուրախովսկի, ռազմարդյունաբերական հանձնաժողովի կոլեգիայի փորձագիտական խորհրդի անդամ, պաշտոնաթող գնդապետ, «Հայրենիքի զինանոց» ամսագրի գլխավոր խմբագիր։

Մոդերատոր`

ռազմական մեկնաբան Ալեքսանդր Խրոլենկո:

Ասուլիսը կհեռարձակվի Facebook–ի և Youtube–ի մեր էջերում:

Հարցերը կարող եք հղել նաև v.aloyan@sputniknews.com էլեկտրոնային հասցեով:

Հեռ.` +374(98)180-626, +374(91)42-12-35։

0