ԵՐԵՎԱՆ, 18 նոյեմբերի – Sputnik. Առողջապահության նախարարության պրոֆեսոր Յոլյանի անվան արյունաբանական կենտրոնը հայտնում է, որ արյան կարիք ունեն։
«Հանուն հայրենիքի իր կյանքը վտանգած զինվորը չի կարող սպասել ստեղծված իրավիճակի կայունացմանը. ձեր արյունն անհրաժեշտ է հենց հիմա… Արյան անշահախնդիր նվիրատվությունն ամենաչնչին, բայց և ամենակարևոր քայլն է, որ յուրաքանչյուրս կարող ենք անել մեր զինվորների սխրանքի դիմաց։ Չկա աշխարհում որևէ դեղամիջոց, որը կարող է փոխարինել արյանը»,–նշված է կենտրոնի ֆեյսբուքյան էջում։
Ցանկացած առողջ մարդ, որը համապատասխանում է սահմանված նորմերին, որոնք ներկայացված են կայքում (https://blood.am/arm/blood-donors/information), կարող է նպաստել վիրավոր զինվորների ապաքինմանը:
Ի դեպ, արյունաբանական կենտրոնի Արյան բանկն աշխատում է երկուշաբթիից ուրբաթ` ժամը 09:00-13:00–ը:
Անհրաժեշտ է մոտենալ անձնագրով:
