Փամփուշտներ

Դավիթ Գալստյանն արձագանքել է Թուրքիային զենք վաճառելու մասին լուրերին

2708
(Թարմացված է 14:03 15.11.2020)
Համացանցում տեղեկություններ են շրջանառվում, որ ՀՀ պաշտպանության նախարար Դավիթ Տոնոյանն ու նրա տեղակալ Մակար Համբարյանը պաշտոնատար այլ անձանց հետ ներգրավված են եղել զենքի վաճառքի գործարքներում։

ԵՐԵՎԱՆ, 15 նոյեմբերի - Sputnik. Համացանցում շրջանառվող տեղեկությունը Թուրքիային զենք վաճառելու մասին ամբողջովին ապատեղեկատվություն է։ Այս մասին Sputnik Արմենիային հայտնեց Moston Engineering կազմակերպության սեփականատեր Դավիթ Գալստյանը։

Նրա խոսքով, Moston Engineering կազմակերպությունը 02.04.2014 թվականին տենդերով Ղազախստանի Հանրապետությունում գնել է տարբեր տրամաչափերի 200.000.000-ից ավելի փամփուշտ։ Բոլոր գործարքները, որոնք բոլորը փաստագրված են, կատարվել են Ղազախստանի Հանրապետության և միջազգային օրենքների հիման վրա։ Տևական ժամանակ վերոգրյալ փամփուշտները տարբեր խմբաքանակով վաճառվել են մի քանի պետությունների՝ տվյալ երկրում ընդունված ընթացակարգերով։

«Թուրքիային վաճառելու տեղեկությունը ամբողջովին ապատեղեկատվություն է և ստոր մանիպուլյացիա։ Թուրքիային ոչինչ չի վաճառվել մեր կազմակերպության կողմից։ 2018 թվականի սկզբին Moston-ի ղազախական գրասենյակ թուրքական կազմակերպության կողմից հարցում է ուղարկվել, որը մերժվել է։ Այդ ժամանակ դեռ Դավիթ Տոնոյանը պաշտպանության նախարար չէր։ Հավաստիացնում եմ, որ որևէ գործարք չի կնքվել, լիցենզիա չի տրվել և ապրանք չի մատակարարվել Թուրքիա։ Խոսքերիս հավաստիությունը ստուգելու համար կարող եք հարցումներ ուղարկել ղազախական պատկան մարմիններին և համոզվել, որ որևէ գործարք չի եղել»,–ասաց Գալստյանը։

DFRLab․ արբանյակային լուսանկարներն ապացուցում են, որ Ադրբեջանը ֆոսֆորային զենք է կիրառել

Նրա պնդմամբ` համացանցում տարածված փաստաթղթերի մեծ մասը կեղծ են։ Ստիպված են պարզաբանել հատուկ նրանց համար, ովքեր չեն տարբերում հարցումն ուղարկելու և գործարք իրականացնելու տարբերությունը։

«Մի փաստաթղթի հիման վրա մնացածը ծաղկեցվել, հորինվել և հարմարեցվել է դրան։ Այն, որ հարցումներով կարող ենք դիմել տարբեր պետությունների տարբեր զինատեսակների մասին տեղեկատվություն ստանալու համար, կարծում եմ, որ գաղտնիք չէ։ Լավագույն տարբերակի փնտրտուքով՝ դա վերաբերում է որակին, գնին, անհրաժեշտության մակարդակին, մենք բազմաթիվ հարցումներ ուղարկել ենք տարբեր կազմակերպությունների, ինչը դեռ չի նշանակում, որ գործարք է իրականացվել։ Սա ստոր մանիպուլյացիա է։ Հարցումների փաստաթղթերը հրապարակելով միտում կա ցույց տալու, թե գործարքն իրականացվել է»,–նշեց նա:

Գալստյանը նաև հավելեց, որ տեղեկությունը, թե գնվել է այնպիսի փամփուշտ, որի կարիքը հայկական բանակը չի ունեցել (խոսքը վերաբերում է 23 մմ տրամաչափով փամփուշտներին) ևս սուտ է։

«Տվյալ անձինք պարզապես տեղյակ չեն, թե ՀՀ ԶՈւ-ն ինչ զինատեսակներով է համալրված կամ ՀՀ ՊՆ ինչի կարիք ունի: Ինչ վերաբերում է Ղազախստանից Հայաստան ներկրված այլ զինատեսակներին, ապա նշենք, որ պնդումը, թե հին արտադրության արկերը գնվել են 1500 ԱՄՆ դոլարով, անհիմն են: Վերջին տասը տարվա ընթացքում Ղազախստանի Հանրապետությունից գնվել է միայն նոր արտադրության մի տեսակի արտադրանք: Արկեր Ղազախստանից ընդհանրապես չեն գնվել, դրանք ձեռք են բերվել այլ երկրներից»,–պարզաբանեց Գալստյանը:

Նա ընդգծեց, որ ընդհանուր առմամբ, իրենց կազմակերպության կողմից ցանկացած զինատեսակի և ռազմամթերքի ներկրումն իրականացվում է բոլոր ընդունված միջազգային օրենքների և ընթացակարգերի հիման վրա: Դրանք անցնում են համապատասխան եռափուլ փորձարկումներ, ինչը ենթադրում է որակի ստուգում գործարանում, քանակական ստուգում պահեստում և յուրաքանչյուր խմբաքանակի նմուշների դաշտային փորձարկում։

Ղարաբաղում թուրքական կողմից օգտագործվող կամ Ադրբեջանին տված զենքը ՆԱՏՕ-ինն է. ՀՀ նախագահ

Տեղեկացնենք, որ համացանցում տեղեկություններ են շրջանառվում (հղում անելով @Military_arm տելեգրամյան ալիքին), որ ՀՀ պաշտպանության նախարար Դավիթ Տոնոյանն ու նրա տեղակալ Մակար Համբարյանը պաշտոնատար այլ անձանց հետ ներգրավված են եղել զենքի վաճառքի գործարքներում։

Հավելենք, որ շրջանառվող լուրերը պաշտոնապես հերքել է նաև պաշտպանության նախարարության մամուլի ծառայությունը։ Հայտարարության մեջ նշվում էր, որ համացանցում շրջանառվող տեղեկությունը զենքի վաճառքի մասին լկտի սուտ է և մանիպուլյացիա, որի նպատակն է վարկաբեկել պաշտպանական գերատեսչությունը։

2708
թեգերը:
վաճառք, Դավիթ Տոնոյան, ՀՀ Պաշտպանության նախարարություն (ՊՆ), Զենք
Ըստ թեմայի
«Պարզապես անկեղծ պատասխանեք»․ Ռոման Բաբայանը մի քանի անհարմար հարց է ուղղել Փաշինյանին
«Վերջին 2 տարին աննախադեպ է եղել». Արծրուն Հովհաննիսյանը` սպառազինության մասին
Ղարաբաղի խաղաղապահ կոնտինգենտն ունի ամենաժամանակակից սպառազինությունը․ ՌԴ Գլխավոր շտաբ
Գեղամ Մանուկյան

Արարատի մարզի մի շարք համայնքապետներ միացել են Նիկոլ Փաշինյանի հրաժարականի պահանջին

35
(Թարմացված է 18:28 05.12.2020)
ՀՅԴ անդամ Գեղամ Մանկյանը նշեց, որ ՀՀ վարչապետի աթոռը զբաղեցնող անձին երկրի համայնքների մեծ մասն ասում է գնա տուն, սակայն նա դեռ կառչել է աթոռից։

ԵՐԵՎԱՆ, 5 դեկտեմբերի – Sputnik. Արարատի մարզի մի շարք համայնքների ղեկավարները ևս միացել են ՀՀ վարչապետի ու կառավարության հրաժարականի պահանջին: Այս մասին հայտարարեց ՀՅԴ անդամ Գեղամ Մանկյանը` Ազատության հրապարակում ՀՀ վարչապետ Նիկոլ Փաշինյանի հրաժարականի պահանջով ընդդիմադիրների հանրահավաքին։

«Նիկոլ Փաշինյանի հրաժարականի պահանջին միացել են Արարատի մարզի Արարատի քաղաքապետ Հայկ Հայկյանը, գյուղ Արմաշի համայնքապետ Հակոբ Զեյնալյանը, Սուրենավանի գյուղի համայնքապետ Կարեն Կարապետյանը, Արարատ գյուղի համայնքապետ Կարեն Ղազարյանը, Լուսառատ գյուղի համայնքապետ Դանիել Հակոբյանը, Եղեգնավան գյուղի համայնքապետ Հովսեփ Ղազարյանը, Նորակերտ գյուղի համայնքապետ Գագիկ Հարությունյանը, Վանաշեն գյուղի համայնքապետ Արտաշ Գրիգորյանը, Ուրցաձոր գյուղի համայնքապետ Ռաֆիկ Անդրեասյանը, Փոքր Վեդի գյուղի համայնքապետ Նորիկ Մարտիրոսյանը, Վեդի քաղաքի քաղաքապետ Վարուժան Բարսեղյանը»,–ասաց Մանուկյանը։

Նա նշեց, որ ՀՀ վարչապետի աթոռը զբաղեցնող անձին երկրի համայնքների մեծ մասն ասում է «գնա տուն, սակայն նա դեռ կառչել է աթոռից»։

Հիշեցնենք`այսօր Սյունիքի մարզի համայնքների ղեկավարներն ու ավագանու անդամները հանդես են եկել կոչով՝ պահանջելով վարչապետի և կառավարության հրաժարականը: Նրանց հայտարարությունը հրապարակել է Մեղրիի համայնքապետարանը։

Հրաժարականի կոչին միացել են Կապան, Գորիս, Քաջարան, Մեղրի, Սիսիան, Տեղ, Տաթև համայնքները։

Հավելենք, որ երեկ Ավշարի համայնքապետարանը` համայնքի ղեկավար Սուրիկ Գրիգորյանի գլխավորությամբ և Կոտայքի մարզի Քասախ համայնքի ղեկավար Արա Մկրտչյանը ևս միացել էին ՀՀ վարչապետ Նիկոլ Փաշինյանի հրաժարականի պահանջին։

Նշենք, որ Ազատության հրապարակում այսօր հրավիրված հանրահավաքում Հայրենիքի փրկության շարժման անդամներն ու հանրահավաքի մասնակիցները պահանջում են վարչապետ Նիկոլ Փաշինյանի անհապաղ հրաժարականը։ 

 

35
Ըստ թեմայի
Որևէ բռնարարք կամ սադրանք կարող է հանգեցնել քաղաքացիական պատերազմի. Լևոն Տեր-Պետրոսյան
Ալիևը ծիծաղում է վրադ ու ծաղրում. ՀՀ երրորդ նախագահի գրասենյակը պատասխանել է Փաշինյանին
Ընդդիմադիր ուժերի համապետական հանրահավաքը սկսվեց, ոմանք ոտքով են հասել Երևան. տեսանյութ

Հանրահավաքի մասնակիցները երթով շարժվում են դեպի կառավարական ամառանոց

145
(Թարմացված է 18:32 05.12.2020)
Հայրենիքի փրկության շարժման անդամները պահանջում են վարչապետ Նիկոլ Փաշինյանի անհապաղ հրաժարականը։

ԵՐԵՎԱՆ, 5 դեկտեմբերի - Sputnik. Հայրենիքի փրկության շարժման հրավիրած հանրահավաքի վերջում ՀՅԴ անդամ Գեղամ Մանկյանն առաջարկեց երթով շարժվել դեպի կառավարական ամառանոց ու այնտեղ փոխանցել իրենց պահանջը՝ «Նիկոլ Փաշինյանը պետք է հեռանա»։

Митинг оппозиции с требованием отставки премьер-министра (5 декабря 2020). Еревaн
© Sputnik / Andranik Ghazaryan
Երթ դեպի կառավարական առանձնատուն՝ Նիկոլ Փաշինյանի հրաժարականի պահանջով

Հիշեցնենք, որ Ազատության հրապարակում հրավիրված հանրահավաքում ելույթներով հանդես են եկել ՀՅԴ-ից Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ից Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, «Հայրենիք» կուսակցության ղեկավար Արթուր Վանեցյանը։

Հայրենիքի փրկության շարժման անդամները պահանջում են վարչապետ Նիկոլ Փաշինյանի անհապաղ հրաժարականը։ 

Երթի մասնակիցները պարզած տանում են հսկայական եռագույն դրոշ։

Митинг оппозиции с требованием отставки премьер-министра (5 декабря 2020). Еревaн
© Sputnik / Andranik Ghazaryan
Երթի մասնակիցները պարզած տանում են հսկայական եռագույն դրոշը։

Հիշեցնենք, որ Ազատության հրապարակում Հայրենիքի փրկության շարժման հրավիրված հանրահավաքում ելույթներով հանդես են եկել ՀՅԴ-ից Գեղամ Մանուկյանը, Դադիվանքի վանահայր Տեր Հովհաննեսը, դերասան Վիգեն Խաչատրյանը, ԲՀԿ-ից Իվետա Տոնոյանը (քանի որ Գագիկ Ծառուկյանը գտնվում էր ԱԱԾ-ում), ՀՅԴ ԳՄ ներկայացուցիչ Իշխան Սաղաթելյանը, վարչապետի միասնական թեկնածու Վազգեն Մանուկյանը, «Հայրենիք» կուսակցության ղեկավար Արթուր Վանեցյանը։ Նրանք պահանջում են վարչապետ Նիկոլ Փաշինյանի հրաժարականը։

145
թեմա:
Իրադրությունը Հայաստանում և Արցախում հայտարարության ստորագրումից հետո
Արայիկ Հարությունյան, Ռուստամ Մուրադով. 14 նոյեմբերի, 2020

Հարությունյանը Մուրադովի հետ հանդիպել է անհայտ կորածների և գերեվարվածների հարազատներին

0
Արցախի նախագահը շեշտել է, որ Ադրբեջանն այս պահի դրությամբ հաստատել է գերության մեջ գտնվող ավելի քիչ անձանց անուններ, քան անառարկելի ապացույցներն են ցույց տալիս:

ԵՐԵՎԱՆ, 5 դեկտեմբերի – Sputnik. Արցախի Հանրապետության նախագահ Արայիկ Հարությունյանը Արցախում խաղաղապահ առաքելություն իրականացնող ՌԴ զորակազմի հրամանատար Ռուստամ Մուրադովի հետ հանդիպել է անհայտ կորած և գերության մեջ հայտնված զինծառայողների և խաղաղ բնակիչների հարազատներին: Այս մասին Արցախի նախագահը գրել է Facebook–ի իր էջում։

«Ես իմ անկեղծ շնորհակալությունն եմ հայտնել գեներալ Մուրադովին, ով անձամբ այցելել է Ադրբեջան, տեղում հանդիպել մեր որոշ ռազմագերիների հետ և նրանց անուն-ազգանունները տրամադրել մեզ, իսկ նրանց ողջ լինելու մասին հաստատված տեղեկությունն այս պահին փոխանցվում է հարազատներին»,–գրել է Հարությունյանը:

Արցախի նախագահը շեշտել է, որ Ադրբեջանն այս պահի դրությամբ հաստատել է գերության մեջ գտնվող ավելի քիչ անձանց անուններ, քան անառարկելի ապացույցներն են ցույց տալիս:

«Ձեռքբերված պայմանավորվածության համաձայն՝ շարունակելու ենք սկսված աշխատանքները բոլոր գերեվարված անձանց և զոհվածների մարմինները գտնելու ու հնարավորինս շուտ վերադարձնելու ուղղությամբ»,-նշել է Հարությունյանը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
գերի, Ռուստամ Մուրադով, Արայիկ Հարությունյան, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Հայկական ու ադրբեջանական կողմերը գերիների ցուցակները փոխանցել են Կարմիր խաչին
Գերիների անվտանգ վերադարձի ապահովումը հրատապ լուծում պահանջող խնդիր է. Հայաստանի ՄԻՊ
Ստիպում են համբուրել Ադրբեջանի դրոշը. հայ գերիների վերադարձից ոչինչ հայտնի չէ