Երևան տեղափոխված արցախցիները

Միայն ձմեռն էր պակաս․ որտեղ և ոնց են ապրում Արցախից Հայաստան տեղափոխվածները

370
(Թարմացված է 00:08 15.11.2020)
Sputnik Արմենիայի թղթակիցներն այցելել են մի քանի քաղաք ու փորձել են հասկանալ՝ ինչ օգնություն է պետությունը ցուցաբերում ղարաբաղցիներին։

ԵՐԵՎԱՆ, 15 նոյեմբերի — Sputnik. Հայաստանի գրեթե ամեն մարզում և յուրաքանչյուր համայնքում Արցախից եկածներ կան։

Պատերազմի սկզբից ի վեր Արցախի 150 հազար բնակիչների մեծ մասը Հայաստան են տեղափոխվել՝ պատերազմի ավարտին սպասելու ակնկալիքով։ Թե ինչ կլինի նրանց հետ, արդյո՞ք նրանց գոնե մի մասը հայրենիք կվերադառնա, դեռ հայտնի չէ։

Այժմ քաղաքացիներին տեղավորելու հարցերով զբաղվում է ՀՀ աշխատանքի և սոցիալական հարցերի նախարարությունը․ տեղական ինքնակառավարման մարմիններին գումարներ են հատկացվել՝ արցախցիների համար սննդամթերք, հագուստ գնելու և նրանց նվազագույն կենցաղային կարիքները հոգալու համար։

ՀՀ աշխատանքի և սոցիալական հարցերի նախարարության մամուլի խոսնակ Սոնա Մարտիրոսյանը Sputnik Արմենիայի հետ զրույցում հայտնեց, որ տեղափոխվածների մի մասն այս պահին գլխին տանիք ունի մասնավոր անձանց շնորհիվ։ Մի մասին տեղավորել են հյուրանոցներում ու հյուրատներում, նաև վարձով բնակարաններում։ Մնացածին տեղափոխել են համայնքային տարածքներ (մանկապարտեզների, քոլեջների, մանկատների շենքերում), որոնք որպես սոցիալական բնակատեղի են ձևափոխել։ Այստեղ ապրելու պայմանները մեղմ ասած վատ են, սակայն պետությունն այլ տարբերակ չուներ։

Պետք է նշել, որ պետությունը չի վճարում հյուրանոցներում մարդկանց մնալու դիմաց, սակայն կառավարությունը փոխհատուցման նախագիծ է մշակում մասնավոր սեկտորի համար, որը հոգ է տանում արցախցիների մասին։ Սա կարևոր է, մանավանդ, որ ձմռան ընթացքում ծախսերը շատ են ավելանում։ Պետությունը չի փոխհատուցում նաև բնակարանի վարձի գումարը։

«Մեր արցախցի հայրենակիցները նախընտրում են Երևանում մնալ ու հրաժարվում են մարզերում առաջարկված բնակարաններից։ Սակայն հաշվի առնելով, որ քաղաքը խիտ բնակեցված է, նրանց բոլորին դժվար է մայրաքաղաքում տեղավորել։ Արցախցիների բողոքների մեծ մասը հենց դրա հետ է կապված»,–ասում է Մարտիրոսյանը։

Նախարարությունը փորձում է մարդկանց տեղավորելու ընթացքում հաշվի առնել մի շարք գործոններ․օրինակ, եթե ընտանիքում հղի կին կա, նրանց բնակեցնում են ծննդատան մոտակա տեղանքում։

«Տուն», ուր ձգտում են հղիները

Վաղարշապատի տարածքային մանկավարժահոգեբանական աջակցության կենտրոնում մոտ 50 արցախցի է ապրում, նրանցից 17-ը երեխաներ են։ Ինտերնատի տնօրեն Հովհաննես Հովհակյանն ամեն ընտանիքին մի սենյակ է տրամադրել։ Պայմաններն առանձնապես լավը չեն․միջանցքները մաշված են, լոգարանն ընդհանուր է։ Խոհանոցում հերթապահություն է, կանայք հերթով են պատրաստում ու հավաքում։ Արցախցիների սննդի ու հագուստի հարցը հոգում է մի բարերար, որը ցանկացել է անհայտ մնալ։

Կենտրոնում մեկ տղամարդ կա՝ Ժորիկ պապը, նա էլ հաշմանդամություն ունի։ Ստվերի պես քայլում է շենքում ու միայն երբեմն պատասխանում է աշխույժ կնոջ հարցերին։ Հերթական սիգարետն է փաթաթում ու լուռ շարունակում է դեպի հեռուն նայել։

Կենտրոնում ավելի քան տասը տարեց կա, որոնք մի քիչ իրարից տարբերվող արցախյան բարբառներով են խոսում։ Նունեն` Շուշիից պատմում է վանքի հրթիռակոծության մասին, Ալվարդը` Հադրութից՝ լուսաբացին հնչող պայթյունների, Նվարդը` Ստեփանակերտից՝ հարևանի պատշգամբն ընկած արկի։

Նրանց ֆոնին տասը տարեկան Մաթևոսն առանձնահատուկ երջանիկ է երևում։ Տղան հերթով ծալում է մատներն ու թվարկում է եղբայրների ու քույրերի անունները՝ Սերինե, Մելինե, Արման, Արսեն, Տիգրան, Մխիթար, Արայիկ։ Վերջինս օրերս է ծնվել ու լավ ուրախացրել է կենտրոնի բնակիչներին։ Կանայք նրա պատվին նույնիսկ տորթ են թխել։

«Մաթևոսի մորը փոքրիկի հետ ավելի հարմարավետ վայրն են տեղափոխել։ Եվս մեկ հղի կին կա։ Օրերս կծննդաբերի։ Տեղափորման կետում ասացին, որ հղիներն ուզում են հենց մեր կենտրոն գալ, դա իհարկե ուրախալի է, բայց այդքան էլ հասկանալի չէ՝ ինչու», - ասաց Հովհակյանը։

Ինչ է լինելու արցախցիների հետո աշնանային արձակուրդից հետո, երբ աշակերտները կենտրոն վերադառնան, դեռ պարզ չէ։

«Հայկական օջախ», որտեղ հաթերքցիները գտել են Աստծուն

Գեղարքունիքի մարզի «Հայկական օջախ» հյուրանոցային համալիրում Մարտակերտի շրջանի Հաթերք գյուղի 50 բնակիչ կա։ Բոլորն իրար ազգական ու խնամի են։ Յուրաքանչյուր ընտանիք ապրում է առանձին համարում, որտեղ լոգարան կա։ Բոլորը միասին ճաշարանում են ճաշում։ Կենտրոնի աշխատակիցներն են պատրաստում, բայց արցախցի կանայք ու աղջիկներն իրենք են սպասարկում համագյուղացիներին։

Ավելի քան մեկ ամիս նրանց ծախսերը հոգացել է հաստատության սեփականատեր Արթուր Սուքիասյանը։ Սակայն վերջին օրերին համաձայնել է, որ մարզպետարանն օգնի սննդամթերքի մատակարարման հարցում։ Նա նաև իր վրա է վերցրել 25 փախստականի մկրտության ծախսերը։

«Ամբողջ կյանքում երազել եմ կնքվել, բայց միշտ հետաձգվել է։ Այժմ տնից հեռու գտել եմ Աստծուս ու հույսս դրել եմ նրա վրա», - ասում է 83-ամյա Ժասմին Գրիգորյանը։

Համալիրի բակում միշտ երեխաների ծիծաղ է լսվում։ Ավելի քան 20 երեխա է հիմա այստեղ ապրում, ամենամեծը 17 տարեկան է, ամենափոքրը՝ 7 ամսական։ Տղաները «բռնոցի» են խաղում, իսկ աղջիկներն օգնում են մայրերին կամ ճոճանակի վրա նստած զրուցում են։ Կանայք հենց դրսում են փռում լվացքն ու խոստովանում են, որ չգիտեն՝ որտեղ կանցկացնեն սպասվող ձմեռը, բայց հույսները դրել են Սուքիասյանի հյուրընկալության վրա, ձմռան ցրտին փողոցում չեն մնա։

Առողջարանային քաղաք, որտեղ արցախցիներն աշխատում են

Դիլիջանում` Վարուժան Բաբախանյանի ու Մարիամ Մայիլյանի «Հովեր» հյուրատանը, մոտ երկու հարյուր արցախցի կա։ Տղամարդ չկա։ Բոլորը կանայք են Հադրութից, Շուշիից, Ստեփանակերտից, Մարտակերտից ու Արցախի այլ շրջաններից։ Նրանք պատերազմի առաջին օրերին են եկել։

Վերաբնակեցվածներին տեղավորել են հյուրատան համարներում։ Պայմանները լավն են։ Որքան ավելի մեծ է ընտանիքը, այնքան ավելի ընդարձակ է համարը։ Բոլորը միասին են ճաշում։ Սկզբում ծախսերը հոգում էր Վարուժան Բաբախանյանի ու Մարիամ Մայիլյանի երիտասարդ  ընտանիքը, հետո արցախցի կանայք բիզնես հիմնեցին։ Նրանք ժենգյալով հաց ու փախլավա են թխում, ստացված գումարով էլ վճարում են կոմունալ ծախսերը։

«Քաղաքապետարանը պատրաստ է օգնել սննդամթերքի հարցում, այժմ քննարկում ենք այդ հարցը։ Փառք Աստծու, մեզ հաջողվեց լուծել կոմունալ վճարումների հարցը։ Արցախցիները կարող են այստեղ մնալ այնքան, որքան հարկավոր է մշտական բնակավայրի հարցը լուծելու համար», - ասաց Մարիամ Մայիլյանը։

Արցախցի կանայք հույս ունեն, որ շուտով իրենց տները կվերադառնան, համենայն դեպս նրանք, ում տները պահպանվել են։ Ձմռանից չեն վախենում․Մարիամն ինքն էլ Ղարաբաղից է ու իր ժողովրդին վատ վիճակում չի թողնի։

Տնից լավ տեղ չկա

Բոլոր երեք հաստատություններում ժամանակավոր կացություն հաստատած արցախցիները պատմում էին իրենց հագուստով, սննդամթերքով, դեղորայքով և այլ բաներով օգնած անձանց հոգատարության մասին։ Նրանք գոհ են հյուրընկալությունից, սակայն չեն ուզում փախստական դառնալ, ցանկանում են վերադառնալ իրենց հայրենի տուն։

370
թեգերը:
Հադրութ, երեխա, Կին, Էջմիածին, Դիլիջան, Ղարաբաղյան հակամարտություն, Լեռնային Ղարաբաղ, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո (631)
Ըստ թեմայի
Արցախցիների նկատմամբ ատելություն և թշնամանք հրահրող տեսանյութն ուղարկվել է ԱԱԾ
Իրենց տունը կորցրած արցախցիները հիմնականում կբնակեցվեն Ստեփանակերտում. Արցախի նախագահ
Փաշինյանը խորհրդակցություն է արել. արցախցիներին Արցախ վերադարձնելու ծրագիր պետք է լինի
Առաջնագծում

Ստիպում են համբուրել Ադրբեջանի դրոշը. հայ գերիների վերադարձից ոչինչ հայտնի չէ

309
Արմեն Կապրիելյանը Sputnik Արմենիայի հետ զրույցում մեկնաբանել է Human Rights Watch միջազգային իրավապաշտպան կազմակերպության զեկույցը՝ հայ գերիների նկատմամբ Ադրբեջանի զինծառայողների վերաբերմունքի մասին ու գնահատել ՀՀ կառավարության քայլերը:

ԵՐԵՎԱՆ, 4 դեկտեմբերի - Sputnik. Հայ գերիների խնդրին ու նրանց նկատմամբ անմարդկային վերաբերմունքին անդրադառնալը միջազգային հեղինակավոր հասարակական կառույցի կողմից ողջունելի է, բայց նման զեկույցները սովորաբար դեկլարատիվ բնույթ են կրում:

Sputnik Արմենիայի հետ զրույցում ասաց Հայաստանում Գերիների, պատանդների եւ անհայտ կորածների հարցերով զբաղվող հանձնաժողովին առընթեր աշխատանքային խմբի նախկին ղեկավար Արմեն Կապրիելյանը՝ մեկնաբանելով Human Rights Watch միջազգային իրավապաշտպան կազմակերպության զեկույցը՝ հայ գերիների նկատմամբ Ադրբեջանի զինծառայողների վերաբերմունքի մասին:

«Իհարկե, շատ լավ է որ միջազգային հանրության ուշադրությունը հրավիրվում  է տվյալ խնդրի վրա, բայց ցավոք, միջազգային կառույցների համար, ինչպիսիք են ՄԱԿ-ը և այլն, նման զեկույցները պարզապես դեկլարատիվ բնույթ են կրում: Իմ պրակտիկայում չի եղել դեպք, երբ պետությունը դասեր քաղի ու փորձի նվազեցնել  գերիների նկատմամբ իր այդ կարգի վերաբերմունքի դեպքերը»,- ասաց  Կապրիելյանը:

Հայկական ու ադրբեջանական կողմերը գերիների ցուցակները փոխանցել են Կարմիր խաչին

Մյուս կողմից, սակայն, նրա խոսքով, այսօրինակ զեկույցների քննարկումը միջազգային ատյաններում չի կարող չնպաստել խնդրի հայանպաստ զարգացումներին:

Այդուհանդերձ, Կապրիելյանը միջազգային հանրության կողմից անտարբերություն է նկատում: Իսկ Ադրբեջանի իշխանությունները, նրա դիտարկմամբ, իրենց անմարդկային գործելաոճը հայ գերիների նկատմամբ որդեգրել են 2000 թթ-ի կեսերից և գնալով ավեի են կատարելագործում:

«Սոցկայքերում տարածված որոշակի նյութերից դատելով՝ կարող ենք ասել, որ Ադրբեջանի վայրագությունները սաստկացել են»,- ասաց նա:

Նշենք, որ Human Rights Watch-ի զեկույցը ևս հիմնված է համացանցում առկա տեսանյութերի վրա: Կազմակերպությունը գրում է, որ Ադրբեջանը հայ ռազմագերիներին ֆիզիկական բռնության և նվաստացման է ենթարկել, տեսագրություններում պատկերված է, թե ադրբեջանցի զավթիչներն ինչպես են ապտակում, հարվածում ու ստիպում հայ ռազմագերիներին՝ համբուրել Ադրբեջանի դրոշը, գովերգել Ադրբեջանի նախագահ Իլհամ Ալիեւին, հայհոյել  Հայաստանի վարչապետ Նիկոլ Փաշինյանին ու հայտարարել, որ Լեռնային Ղարաբաղն Ադրբեջան է:

«Տեսագրությունների մեծ մասում երևւում են առևանգողների դեմքերը, ինչը վկայում է, որ նրանք չեն վախեցել պատասխանատվության ենթարկվելուց»,-ասված է զեկույցում:

Իսկ Human Rights Watch-ի Եվրոպայի եւ Կենտրոնական Ասիայի գծով տնօրեն Հյու Ուիլյամսոնը հայտարարել է, որ ռազմագերիների նկատմամբ դաժան եւ նվաստացուցիչ վերաբերմունքի ոչ մի արդարացում չի կարող լինել: «Ադրբեջանի իշխանությունները պետք է ապահովեն նման վարվելակերպի անհապաղ դադարեցումը»,- ասել է նա:

Նրա խոսքով, անկախ այն բանից, թե ինչու են ազերի զինվորներն իրենց այդ կերպ պահում, չափազանց կարեւոր է այդ հանցագործությունների մեղավորներին ու նրանց հրամանատարներին քրեական պատասխանատվության ենթարկելը:

Զեկույցի հեղինակներն ուսումնասիրել են համացանցում հրապարակված հայ գերիների մասնակցությամբ 14 տեսանյութեր, կապ հաստատել ու խոսել նրանցից 5-ի ընտանիքների հետ:

Human Rights Watch-ը խոսել է նաև փաստաբաններ Արտակ Զեյնալյանի և Սիրանուշ Սահակյանի հետ, ովքեր ՄԻԵԴ-ում ներկայացնում են շուրջ 40 ռազմագերիների ընտանիքների շահերը:

Ադրբեջանի ՊՆ–ն հայտնել է իր զոհերի, վիրավորների, գերի ընկածների ու անհետ կորածների թիվը

Մինչդեռ ադրբեջանական կողմից, կազմակերպության տեղեկություններով, Հայաստանում միայն մի քանի ադրբեջանցի ռազմագերիներ ու երեք օտարերկրյա վարձկաններ են պահվում:

Խոսելով գերիների փոխանակման մասին Արմեն Կապրիելյանը նշեց, որ փորձը ցույց է տալիս, որ այդ հարցի որոշակի ժամանակ, գուցե և ամիսներ է պահանջելու:

Կապրիելյանը  նաև չթաքցրեց, որ զարմացած է մեր երկրի կառավարության մոտեցումից:

«Թվում է, թե կառավարությունն օր ու գիշեր պետք է մտածեր ու զբաղվեր այս հարցով: Բայց հանրությունը, համենայնդեպս, այդ աշխատանքի արդյունքը չի տեսնում: Թե անցած 2 տարում, թե հիմա, երբ այս հարցն արդեն լուրջ մարմնավորում է ստանում ու շատ ակտուալ է, ոչ այդ հանձնաժողովի աշխատանքներն ենք տեսել, ոչ արդյունքները»,- Sputnik Արմենիայի հետ զրույցում ասաց Կապրիելյանը:

Նա հիշեցրեց, որ ստեղծվելուց 17 տարի հետո՝  2018-ի գարնանը, հանձնաժողովը լուծարվել էր: Հետագայում այն նորից վերակազմավորվեց արդեն որպես կառավարական հանձնաժողով: Բայց իր աշխատանքի 2 տարվա ընթացքում, ըստ Կապրիելյանի, այն թափանցիկ ու հաշվետու չի եղել հանրության առջև (հանձնաժողովի հետ կապ հաստատելու մեր փորձերը ևս ապարդյուն էին - Ն. Դ.)։

Իսկ գերիների վերադարձի, նրանց իրավունքների պաշտպանության ու փրկության հարցով, Կապրիելյանի տպավորությամբ, Հայաստանում այսօր ավելի շատ Մարդու իրավունքների պաշտպանի գրասենյակն է աշխատում, այդ թվում՝ միջազգային կառույցների հետ:

Գերիների հարցով զբաղվող հիմնական միջազգային կառույցը, Կապրիելյանի խոսքով, ԿԽՄԿ-ն է՝ իր առաջնային մանդատով, նաև՝ ԵԱՀԿ-ն, ՄԱԿ-ի տարբեր կառույցներ:

Բայց այս հարցում էական է նաև միջազգային հասարակական կազմակերպությունների հետ աշխատանքը, նույնիսկ՝ հեղինակավոր անձանց հետ անձնական կապերը, որոնց շնորհիվ Արմեն Կապրիելյանն իր 17-ամյա գործունեության ընթացքում ականատես է եղել գերիների վերադարձի առանձին օրինակների:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Համացանցում լուր տարածվեց, որ հայկական կողմն ունի 4750 զոհ ու անհետ կորած։  Հայաստանի առողջապահության նախարարության դատաբժշկական ծառայությունը փորձաքննել է 2718 զոհված զինծառայողի մարմին:

Դեկտեմբերի 2-ի տվյալներով՝ Արցախի ՊԲ-ն հրապարակել է 1746 զոհվածների անունները։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Վիրավորների, անհետ կորածների ու գերիների թվի վերաբերյալ պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

309
թեգերը:
Ադրբեջան, Արմեն Կապրիելյան, գերի
թեմա:
Իրադրությունը Հայաստանում և Արցախում հայտարարության ստորագրումից հետո (631)
Ըստ թեմայի
Որտեղ փնտրել հայ գերիների վերադարձի բանալին. Զաքարյանը՝ ՌԴ նախագահին ուղղված նամակի մասին
Վաղարշակ Հարությունյանը ՀԱՊԿ գործընկերների մոտ խոսել է անհայտ կորածների ու գերիների մասին
Ղարաբաղում գերիների և զոհվածների մարմինների փոխանակման գործընթացն արագ կարվի. Լավրով
Տիգրան Ավինյանն ընդունել է Լին Թրեյսիին

ԱՄՆ-ն պատրաստ է օգտակար լինել գերիների փոխանակման գործընթացում. դեսպան

27
(Թարմացված է 18:08 04.12.2020)
Հայ-ամերիկյան գործակցությունը կընձեռի փոխադարձ բարեկեցության առավել մեծ հնարավորություններ։

ԵՐԵՎԱՆ, 4 դեկտեմբերի - Sputnik. Այսօր ՀՀ փոխվարչապետ Տիգրան Ավինյանն ընդունել է Հայաստանում ԱՄՆ դեսպան Լին Թրեյսիին: Կառավարության մամուլի ծառայության փոխանցմամբ՝ հանդիպման ընթացքում քննարկվել են գերիների փոխանակման գործընթացին վերաբերող հարցեր։ Փոխվարչապետը վերահաստատել է՝ պետք է կիրառել «բոլորը բոլորի դիմաց» սկզբունքը:

«Նա հավելել է, որ հայկական կողմից ամեն ինչ արվում է գործընթացը հնարավորինս արագացնելու համար: Դեսպան Թրեյսին նշել է, որ պատրաստ է կառուցողական երկխոսություն ծավալել փոխվարչապետի հետ այն մասին, թե ինչով կարող է Միացյալ Նահանգներն օգտակար լինել այս ջանքերում»,- նշված է կառավարության հաղորդագրության մեջ։

Հանդիպման ընթացքում Տիգրան Ավինյանը նշել է, որ կառավարությունը մտադրված է ավելի մեծ թափով առաջ մղել նախորդ տարիներին մեկնարկած բարեփոխումների ծրագիրը։ Նա նշել է, որ այժմ աշխատանք է տարվում հակաճգնաժամային տնտեսական ծրագրի ուղղությամբ:

Քննարկվել են երկկողմ օրակարգի ներդրումային ու գործարար միջավայրին և թվայնացմանը վերաբերող հարցեր:

Դեսպան Թրեյսին խոստացել է, որ հայ-ամերիկյան գործակցությունը ընդհանուր մարտահրավերներին դիմակայելու ու հայաստանյան բարեփոխումներն առաջ տանելու հարցերում կընձեռի փոխադարձ բարեկեցության առավել մեծ հնարավորություններ։

Փոխվարչապետը շեշտել է, որ Հայաստանի ու Արցախի իշխանությունները մեծ ջանքեր են գործադրում ադրբեջանական ագրեսիայի հետևանքով ստեղծված հումանիտար իրավիճակի կարգավորման ուղղությամբ։

Այս համատեքստում նա կարևորել է միջազգային գործընկերների, այդ թվում ԱՄՆ-ի աջակցությունը և դրա հետագա ընդլայնումը: Հանդիպման ընթացքում ներկայացվել են Միացյալ Նահանգների կողմից ցուցաբերվող հումանիտար աջակցության ընթացիկ աշխատանքները։

Ալիևը հայ գերիների վերադարձը ձգձգում է երկու պատճառով. Այվազյանը փակագծեր է բացում

27
թեգերը:
Արցախ, Պատերազմ, գերի, Տիգրան Ավինյան, Լին Թրեյսի
Ըստ թեմայի
Գերիների ու անհետ կորածների անմեղության կանխավարկածը. ինչո՞ւ նրանց գումար չի տրվում
Ադրբեջանի ՊՆ–ն հայտնել է իր զոհերի, վիրավորների, գերի ընկածների ու անհետ կորածների թիվը
Հայկական կողմը համաձայն է գերիների փոխանակման «բոլորը բոլորի դիմաց» սկզբունքին. նախարար
Второй президент Республики Армения Роберт Кочарян в гостях у Sputnik Армения

Հիմա Ռուսաստանի հետ ավելի խորը ինտեգրում է պետք. Ռոբերտ Քոչարյան

0
Երկրորդ նախագահը վստահ է, որ ներկա իշխանությունները չեն կարող Ռուսաստանի հետ խորացնել հարաբերությունները։

ԵՐԵՎԱՆ, 5 դեկտեմբերի - Sputnik. Այս պատերազմում զինտեխնիկայի ահռելի մեծ կորուստներ ենք կրել։ Այդ ամենը սեփական ուժերով վերականգնելու և մարտունակ բանակ ունենալու հնարավորություն չունենք։ «5-րդ ալիքի» հետ հարցազրույցում ասեց ՀՀ երկրորդ նախագահ Ռոբերտ Քոչարյանը։

«Մենք այսօր նույնիսկ բանակ չունենք, որ Սյունիքում սահման պահի։ Գյուղացիները` աշխարհազորով, տղամարդկանցով հավաքված, գյուղի սահմանն են պահում՝ պետական սահմանը։ Ո՞ւր է մեր կառավարությունը։ Ադրբեջանցիներն այն կողմից գալիս են, սահման են գծում, մեր կողմից մեկը չկա, որ բանակցի, ասի՝ այս կողմից չէ, դա այն կողմն է։ Գյուղապետն է դա անում։ Սա՞ է կառավարությունը»,- վրդովված աաց նախագահն ու շեշտեց, որ այս ամենը բնականոն ընթացքի բերելու և բանակի մարտունակությունը վերականգնելու համար մեզ Ռուսաստանն է պետք։

Վստահ է, որ պետք է ավելի խոր ինտերգման բանաձևեր գտնել՝ նաև հաշվի առնելով Թուրքիայի գործոնը, որը փորձելու է հնարավորինս թուլացնել Հայաստանին։ Ուստի և՛ անվտանգության, և՛ տնտեսական ոլորտում Ռուսաստանի հետ հարաբերություններն ավելի պետք է զարգանան։

«Բանակցելու հարց է...Եվ այստեղ պետք է լինի իշխանություն, որն ունի բացարձակ վստահություն Ռուսաստանի հետ հարաբերությունները ճիշտ կառուցելու համար։ Սա այն հանգամանքներից ևս մեկն է, որը ենթադրում է շատ արագ իշխանափոխություն, որ մենք կարողանանք սկսել այդ գործընթացը։ Մենք այսօր պաշտպանված չենք, և երկրորդ հարվածը ստանալու վտանգը, այո, կա»,- նշեց Քոչարյանը։

Նա վստահ է՝ այս իշխանությունների հետ դա անհնար է։ Հիշեցրեց այն, որ ԱԱԾ նախկին պետ Արգիշտի Քարամյանի առջև խնդիր էր դրվել «ազատվել ռուսական գործակալներից»։ Ասում է՝ խոսքը Ռուսաստանում կրթություն ստացած մարդկանց մասին է։ Այս պայմաններում ինչպե՞ս կարող էին մեր երկրների հատուկ ծառայությունները համագործակցել։

0
թեգերը:
Ռուսաստան, Նիկոլ Փաշինյան, Հայաստան, Ռոբերտ Քոչարյան