Ազատության հրապարակում

«Մեկը՝ 89 դավաճաններից». Ազատության հրապարակում ԱԺ պատգամավորների նկարներ են պարզել

430
(Թարմացված է 17:40 13.11.2020)
Իշխանությունները վախենում են ընդդիմության ցասումից. ցուցարարները ցանկանում են, որ կապիտուլյացիա ստորագրած ղեկավարն անցնցում, կամավոր հեռանա։

ԵՐԵՎԱՆ, 13 նոյեմբերի - Sputnik. Արդեն երրորդ օրն է՝ Ազատության հրապարակում շարունակվում են 16 կուսակցությունների կազմակերպած բողոքի հանրահավաքները։ Ցուցարարները պահանջում են վարչապետ Նիկոլ Փաշինյանի հրաժարականը։ Հիշեցնենք՝ բողոքի ալիքը հասունացավ այն բանից հետո, երբ հայտնի դարձավ պատերազմական գործողությունների դադարեցման շուրջ ընդունված եռակողմ հայտարարության մասին։ Այս անգամ Ազատության հրապարակում ցուցարարները դատարակաձեռն չեն եկել. 89 ցուցանակներ են պատրաստված, որոնցից յուրաքանչյուրի վրա ԱԺ պատգամավորի նկարն է և գրություն՝ «մեկը՝ 89 դավաճաններից»։ Բացի անվանական ցուցանակներից՝ հանրահավաքի մասնակիցները պարզել են նաև «ստախոս», «դավաճան», «հող հանձնող» գրություններով ցուցանակներ։

«Իշխանությունները վախենում են ընդդիմության նախաձեռնած ցասման ալիքից»,- լրագրողների հետ զրույցում նշեց ԲՀԿ պատգամավոր Իվետա Տոնոյանը՝ մեկնաբանելով ընդդիմության ներկայացուցիչներին բերման ենթարկելու և իրավապահ մարմիններ հրավիրելու դեպքերին։ Նա նաև տեղեկացրեց, որ 16:00-ին Գագիկ Ծառուկյանը հրավիրված է Հատուկ քննչական ծառայություն։

Նրա խոսքով՝ ինքն ու իր խմբակցության անդամներն այս օրերին սոցիալական ցանցերում հաշվեհարդարի սպառնալիքներ են ստանում։

ՀՀԿ խոսնակ Էդուարդ Շարմազանովը նշում է՝ 44 օր շարունակ իշխանությունները խաբել են ժողովրդին «հաղթելու ենք, առաջ ենք գնում, գյոռբագյոռ» մտքերով, մինչդեռ տարբեր քաղաքական ուժեր իշխանությունների հետ հանդիպումների ժամանակ շեշտել են, որ կարելի է պատերազմն ավելի շուտ ավարտել հնարավորինս քիչ տարածքային և մարդկային կորուստներով։

Գագիկ Ծառուկյանն ու Արթուր Վանեցյանը Հատուկ քննչական ծառայությունում են

«Հասանք նրան, որ ստորագրվեց կապիտուլյացիայի ակտ։ Կապիտուլյացիա ստորագրող և դրան բերող ղեկավարն իրավունք չունի ղեկավարելու հայ ժողովրդին, որովհետև նա ապացուցեց, որ ի զորու չէ բոլորի անվտանգությունն ապահովել»,- նշեց Շարմազանովը։ Նա հավելեց, որ հիմա զոհասեղանին Հայաստանի, Սյունիքի ճակատագիրն է։

Շեշտում է՝ իրենց պայքարն իշխանության համար չէ, երկրի ղեկավարը պետք է անցնցում , օրինական և կամավոր հեռանա։

«Մենք չունենք ռեսուրս Հայաստանը տանելու բախումների և ցնցումների։ Եթե ոմանց պետք են ցնցումներ և բախումներ, մեզ պետք է միասնական, համերաշխ ազգային Հայաստան, որտեղ կապիտուլյացիա ստորագրողներն անելիք չունեն»,- նշեց Շարմազանովը։

Նա անդրադարձավ վարչապետի խոսնակի այն հայտարարությանը, թե խորհրդարանական և արտախորհրդարանական բոլոր ուժերը տեղյակ են եղել որոշման մասին։ Շարմազանովը հերքում է, ասում է՝ վերջին անգամ հոկտեմբերի 19-ին է հանդիպել, երբ Շուշիի մասին խոսք էլ չկար։

«Մեր խիղճը մաքուր է։ Մինչև պատերազմի սկիզբը Ալիևն ու Էրդողանը ոչ մի փաստաթղթի մեջ չէին կարող երազել, թե Շուշին, Հադրութը, Ղազանչեցոց եկեղեցին, Թալիշը, Մատաղիսը կլինեն իրենցը»,- հայտարարեց նա։

Նման արարքներով անհնար է զսպել համաժողովրդական բողոքի ալիքը. ՀՅԴ

Էդուարդ Շարմազանովը վրդովված է այն հայտարարություններից, թե մեղավորը նախկին իշխանություններն են։

«Հանրապետական կուսակցությու՞նն էր Դուշանբեից հետո Ալիևին կիրթ ու կառուցողական անվանում, Հանրապետական կուսակցությու՞նն էր կանգնում պառլամենտում ասում՝ ինչ պետք է, այն էլ կբանակցենք, թե Հանրապետական կուսակցությունն էր ասում՝ ժողովուրդ ջան, երեք միլիոն վարչապետ ենք, առանց ձեզ հետ քննարկելու հարց չի լուծվելու։ Այս մարդը սպառել է երկրի ղեկավար լինելու ամբողջ վստահությունը։ Նրա ամեն օր ու ժամ ավելի մնալը սպառնալիք է ՀՀ անվտանգությանը»,- եզրափակեց ՀՀԿ խոսնակը։

430
թեգերը:
Ազատության հրապարակ, հանրահավաք
Ըստ թեմայի
«Ձերբակալվածների մի մասն իմ ընկերներն են»․ Վալերի Օսիպյանն Ազատության հրապարակում է
ՄԻՊ աշխատակիցներն առանձնազրույցներ են ունեցել բերված կամ ձերբակալված 60 անձի հետ
«Վայ, ես ձեր ցավը տանեմ». Գագիկ Ծառուկյանն ազատ արձակվեց
Արծվիկ Մինասյան

Վաղը կհայտարարվի վարչապետի միասնական թեկնածուի անունը

14
(Թարմացված է 21:14 02.12.2020)
Դեկտեմբերի 3-ին՝ ժամը 18:00-ից ընդդիմությունը կփակի Երևանի ոչ կենտրոնական փողոցները: Իսկ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք:

ԵՐԵՎԱՆ, 2 դեկտեմբերի - Sputnik. Ընդդիմադիր 16 կուսակցությունները վաղը կներկայացնեն վարչապետի միասնական թեկնածուի անունը: Այս մասին այսօր կազմակերպված հանրահավաքի ժամանակ լրագրողներին հայտնեց ՀՅԴ Հայաստանի ԳՄ անդամ Արծվիկ Մինասյանը:

Նա չցանկացավ բացել փակագծերը, բայց նշեց, որ ընդդիմության հետագա քայլերի ու անելիքների մասին ևս կհայտարարվի առաջիկա համազգային մեծ հանրահավաքի ժամանակ:

«Չեմ ուզում շատ փակագծեր բացել, բայց ուզում եմ, որ մեր ժողովուրդն իմանա, որ այն սպասելիքները, որոնք ինքը ներկայացրել է՝ կապված այն ապագա զարգացումների հետ, թե՛ ընդդիմադիր կուակցությունների սկսածն ավելի մեծ համազգային շարժման վերածելու, թե՛ միասնական թեկնածուի, թե նաև ճանապարհային քարտեզն ու նոր ձևավորվելիք անցումային կամ հակաճգնաժամային ծրագրերի հետ, նոր հայտարարություն կլինի և առաջիկա օրերին մեծ հանրահավաքի ընթացքում կներկայացվի»,- ասաց Մինասյանը:

Հիշեցնենք՝ ընդդիմության այսօրվա բողոքի ակցիայի ժամանակ հայտարարվեց, որ վաղը՝ ժամը 18:00-ից, ապակենտրոնացված սկզբունքով կփակվեն Երևանի տարբեր փողոցներ՝ որպես անհնազանդության ակցիաներ՝ Փաշինյանի հրաժարականի պահանջով:

Ընդդիմությունը կոչ է անում փակել Երևանի փողոցները

Իսկ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք:

Հիշեցնենք՝ նոյեմբերի 9-ին արցախյան ռազմաճակատներում հրադադարի վերաբերյալ եռակողմ հայտարարության ստորագրումից հետո Փաշինյանի ու կառավարության հրաժարականի պահանջով Հայաստանում բողոքի ակցիաներ են սկսվել։

14
թեգերը:
Հրաժարական, ընդդիմություն, Արծվիկ Մինասյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանը պետական դավաճան է, նա հանձնել է մեր կյանքի գնով պահված դիրքերը. զինվորականներ
Ինչու Փաշինյանը հրաժարական չի տալիս, կամ վարչապետի ինքնապաշտպանվելու տարբերակը
Համացանցում Փաշինյանի հրաժարականի պահանջով ստորագրահավաք է սկսվել
Արխիվային լուսանկար

Միջազգային կազմակերպությունն արձանագրել է, որ Ադրբեջանը բազմաթիվ հայ զինվորներ է գերեվարել

77
(Թարմացված է 20:46 02.12.2020)
Կազմակերպությունը հատուկ նշում է արել, որ ադրբեջանական զինված ուժերը հայ գերիների նկատմամբ կիրառել են հարկադրանք՝ ունենալով նրանց նվաստացնելու դիտավորություն:

ԵՐԵՎԱՆ, 2 դեկտեմբերի - Sputnik. Human Rights Watch միջազգային իրավապաշտպան կազմակերպությունը քիչ առաջ զեկույց է հրապարակել, որտեղ արձանագրել է, որ ադրբեջանական ուժերը բազմաթիվ էթնիկ հայ զինվորականների են գերեվարել:

Ինչպես նշում է ՀՀ ՄԻՊ Արման Թաթոյանը, զեկույցում նշվում է, որ հայ գերիները ենթարկվել են բռնության ու նվաստացման: Եվ այդ մասին վկայում են հոկտեմբերից ի վեր սոցիալական ցանցերում լայնորեն տարածված տեսանյութերը:

«Կազմակերպությունը հատուկ նշում է արել, որ ադրբեջանական զինված ուժերը հայ գերիների նկատմամբ կիրառել են հարկադրանք՝ ունենալով նրանց նվաստացնելու դիտավորություն: Human Rights Watch կազմակերպության հետ հանդիպման ընթացքում ինքս ներկայացրել էի ադրբեջանական վայրագությունները՝ շեշտելով, որ գերիների վերադարձն ու մարմինների փոխանակումը պահանջում է հրատապ լուծում»,- գրում է Թաթոյանը։

ՄԻՊ-ը նաև հայտնում է, որ հայկական կողմը շարունակում է միջազգային մարմիններին ներկայացնել ադրբեջանական զինված ուժերի խոշտանգումներն ու դաժանությունները՝ պատերազմական հանցագործությունները:

Առանձնացվել են 60 ռազմագերի, բռնի անհետացած քաղաքացիների թիվը հասնում է 40-ի. Բեգլարյան

Նա նաև նշում է, որ այդ գործողությունների նպատակն է ամեն ջանք գործադրել՝ գերիների վերադարձն ու զինվորների մարմինների փոխանակումը րոպե առաջ կազմակերպելուն աջակցելու համար։

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը դեկտեմբերի 2-ին հայտնեց, որ պաշտպանի աշխատակազմի գտած տեսանյութերից արդեն կարողացել են առանձնացնել գրեթե 60 ռազմագերի, որոնցից միայն փոքր մասի ինքնությունը դեռ չեն կարողացել պարզել: Առանձին փաստահավաք գործունեություն են իրականացնում նաև ներկալված ու բռնի անհետացած քաղաքացիական անձանց մասով, որոնց թիվը հասնում է շուրջ 40-ի: 

77
թեգերը:
Պատերազմ, Ադրբեջան, գերի, ՀՀ ՄԻՊ
Ըստ թեմայի
Գերիների վերադարձն ու անհայտ կորածների խնդիրներն առաջնային են. բողոքի երթը` լուսանկարներով
Ղարաբաղում գերիների և զոհվածների մարմինների փոխանակման գործընթացն արագ կարվի. Լավրով
Հունահայոց թեմը հայ գերիների հարցով դիմել է Հունաստանի վարչապետին