Մանե Գևորգյան

Հանրապետության հրապարակում տեղադրված մեծ էկրանը կապամոնտաժվի. Մանե Գևորգյան

285
(Թարմացված է 15:35 13.11.2020)
Երևանի Հանրապետության հրապարակում տեղադրված մեծ էկրանին երեկ ուշ երեկոյան տեսանյութ էր հեռարձակվել, որն առաջացրել էր հասարակության լայն զանգվածների դժգոհությունը:

ԵՐԵՎԱՆ, 13 նոյեմբերի – Sputnik. Հանրապետության հրապարակում տեղադրված մեծ էկրանը բռնություն խրախուսող տեսանյութից հետո կապամոնտաժվի։ Տեղեկությունը «Փաստինֆո»-ի հետ զրույցում ասել է վարչապետի խոսնակ Մանե Գևորգյանը։

Նշենք, որ նոյեմբերի 12-ին հանրապետության հրապարակում սպանության սպառնալիքներով ու բռնությունը խրախուսող տեսանյութ է հրապարակվել։ Այս առնչությամբ հայտարարություն էր տարածել ՄԻ պաշտպան Արման Թաթոյանը։

«Իմ տեղեկություններով այնտեղ հայհոյանքներ չկան, դրանք փակված են եղել ձայնային նշանով։ Ես կարծում եմ, պարոն Թաթոյանը չափազանցնում է այն ինչ-որ կա՝  իրականությունը։ Տեղյակ եմ, որ ամեն դեպքում մեր հանրության շրջանակում դժգոհություններ են առաջացել, և հաշվի առնելով այդ փաստը, ես այսօր խնդրել եմ, որ այդ էկրանը ապամոնտաժվի»,–նշել է վարչապետի խոսնակը։

Վարչապետի աշխատակազմի ղեկավարը հրապարակել է իրավախախտների ձերբակալման լուսանկարները

Մանե Գևորգյանը նաև հաստատել է, որ Էկրանը տեղադրվել է վարչապետի ելույթի համար, որը երեկ հեռարձակվել է։

«Ամեն դեպքում հաշվի առնելով, որ բավականին թանկ տեխնիկա է էնտեղ դրված, որոշում ենք կայացրել, որ դա պետք է ապամոնտաժեն, որ գույքը չվնասվի»,–նշել է նա։

Իսկ թե ո՞ւմ թույլտվությամբ է հեռարձակվել տեսանյութը, խոսնակն ասել է, որ թույլտվության խնդիր բացարձակ չկա։

«Ամեն դեպքում խնդիրը լուծված է, էկրաններն ապամոնտաժվում են և վերջ»,–նշել է Գևորգյանը, իսկ բովանդակության համար պատասխանատուի մասով ոչինչ չի ասել։

Նշենք, որ ըստ կայքի, նոյեմբերի 12-ին հանրապետության հրապարակում սպանության սպառնալիքներով ու բռնությունը խրախուսող տեսանյութի հեռարձակումը տեղի է ունեցել կառավարության գիտությամբ, եթե չասենք` հանձնարարությամբ: Միայն թե վարչապետի խոսնակը համամիտ չէ, որ տեսանյութը բռնություն ու վիրավորանք է քարոզում:

Նշենք, որ Երևանի Հանրապետության հրապարակում տեղադրված մեծ էկրանին երեկ ուշ երեկոյան հեռարձակված տեսանյութի առնչությամբ ՄԻ պաշտպան Արման Թաթոյանը նշել էր.

«Ինչպե՞ս կարելի է Հանրապետության հրապարակում լայն սփռումով ցուցադրել այնպիսի տեսանյութ, որում տրվում են սպանության սպառնալիքներ ու որով խրախուսվում է բռնությունը՝ արժանապատվությունը վիրավորող արտահայտություններով, ու այն էլ դա անել այս պատասխանատու օրերին:

Հանրապետության հրապարակում նման տեսանյութի ցուցադրման համար պատասխանատու մարմնի կամ պաշտոնյայի հարցով՝ որպես Մարդու իրավունքների պաշտպան, կզբաղվեմ անպայման»,–նշել էր Թաթոյանը։

Հիշեցնենք, որ հոկտեմբերի 5–ին Հանրապետության հրապարակում տեղադրվեց մեծ էկրան, որը պետք է ծառայեր որպես տեղեկատվության փոխանցման հարթակ։

285
թեգերը:
էկրան, Հանրապետության հրապարակ
Ըստ թեմայի
Փաշինյանը հայտնել է՝ ինչ են գողացել վարչապետի կեցավայրից
Փաշինյանը խոսել է Վրաստանի վարչապետ Գիորգի Գախարիայի հետ. ի՞նչ է քննարկվել
Վարչապետն ԱԱԾ գունդ է ուղարկել Գագիկ Ծառուկյանի տուն. Նաիրա Զոհրաբյան
 Գյումրեցի փրկարարները պարգևատրվեցին

«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին

10
(Թարմացված է 20:02 03.12.2020)
Հայրենիքի պաշտպանությունն իրականացնելով ամենաբարդ տարածքներից մեկում, Շիրակի հրշեջ–փրկարարների ստորաբաժանումը կարողացել է իր առջև դրված խնդիրը պատվով կատարել:

ԵՐԵՎԱՆ, 3 դեկտեմբերի -Sputnik. ՀՀ Արտակարգ իրավիճակների նախարարի հրամանով` մարտական գործողություններին մասնակցելու և քաջություն ցուցաբերելու համար «Լավագույն հրշեջ-փրկարար», «Անձնվեր  փրկարար», «Կանխարգելում, օգնություն, փրկություն» մեդալներով այսօր պարգևատրվեցին Շիրակի մարզի փրկարարական ծառայություն տարբեր ջոկատների 12 հրշեջ-փրկարարներ:

В Ширакском отделении МЧС вручили медали проявившим себя спасателям, участвовавшим во время воины (3 декабря 2020). Гюмри
© Sputnik / Armenuhi Mkhoyan
ՀՀ Արտակարգ իրավիճակների նախարարի հրամանով պարգևատրվեցին Շիրակի մարզի փրկարարական ծառայություն տարբեր ջոկատների 12 հրշեջ-փրկարարներ

«Զինվորական ծառայությունից հետո առաջին անգամ էի զենք վերցրել, զուգադիպությամբ այն նույն տարածքն էինք պաշտպանում, որտեղ անցել է ծառայությունս: Փրկարարի գործն էլ հայրենիքի պաշտպանի գործ է. կապ չունի` զենքով, թե հրդեհաշիջում անելով: Փրկարարի մասնագիտությունը սիրելով եմ ընտրել, բայց եթե չլինեի փրկարար, կզինվորագրվեի»,-Sputnik Արմենիայի հետ զրույցում ասաց Աշոցքի հրշեջ–փրկարարական ջոկատի վարորդ, ավագ սերժանտ Գևորգ Մխիթարյանը, որը պարգևատրվածների շարքում է:

Водитель Ашоцкого пожарного спасательного отряда Геворг Мхитарян
© Sputnik / Armenuhi Mkhoyan
Աշոցքի հրշեջ–փրկարարական ջոկատի վարորդ, ավագ սերժանտ Գևորգ Մխիթարյան

Շիրակի մարզային փրկարարական վարչությունում մարտական գործողություններին մասնակցած շիրակցի փրկարարներին մեդալները հանձնեց ՀՀ  ԱԻՆ փրկարար ծառայության տնօրենի տեղակալ, գնդապետ Հովհաննես Եմիշյանը, որը մի քանի օր առաջ ՀՀ արտակարգ իրավիճակների նախարար Անդրանիկ Փիլոյանի հրամանով արժանացել է  «Փառքի խաչ Նոյ» մեդալի:

Լիքը տունս ստիպված թուրքին եմ թողել. արցախցիները Գյումրուց գնում են, բայց չգիտեն` ուր

«Շիրակի մարզի հրշեջ– փրկարարաները մասնակցել են հայրենիքի պաշտպանությանը շատ բարդ տեղամասում:  Դա  եղել է այն տեղամասը, երբ մեր գնալու ժամանակ  արդեն ուժեր չկային: Կարողացանք  կայունացել վիճակն ու կանխել թշնամու հոսքը  Կարմիր Շուկայից դեպի Շուշի: Ստորաբաժանումն իր առջև դրված խնդիրը կատարել է և բարձր  է կատարել։ Ունենք արդյունք. այն տարածքը, որտեղ մենք  էինք, այսօր մնացել է Արցախի Հանրապետության կազմում»- նշեց գնդապետ Հովհաննես Եմիշյանը։ 

В Ширакском отделении МЧС вручили медали проявившим себя спасателям, участвовавшим во время воины (3 декабря 2020). Гюмри
© Sputnik / Armenuhi Mkhoyan
ՀՀ  ԱԻՆ փրկարար ծառայության տնօրենի տեղակալ, գնդապետ Հովհաննես Եմիշյանը մեդալներ է հանձնում մարտական գործողություններին մասնակցած շիրակցի փրկարարներին

Փրկարարները վկայում են՝  պատերազմն ավելի մտերմացրեց իրենց, ավելի լավ զգացին զինակից ընկերոջ ուժն ու  նվիրվածությունը:

«Կամավոր ենք մեկնել։ 24 օր իմ ընկերների հետ կռվի դաշտում էի, այնտեղ ավելի ես հասկանում ու արժևորում ընկերոջդ ներկայությունը, երբ դժվար պահին քո կողքին զինակից ընկերդ է»,-նշեց Արթիկի հրշեջ – փրկարարական ջոկատի անդամ Սամվել Զորաբյանը, որը նախարարի հրամանով արժանացել է «Անվեհեր փրկարար» մեդալի:

Спасатель Артикского пожарного спасательного отряда Самвел Зорабян
© Sputnik / Armenuhi Mkhoyan
Արթիկի հրշեջ – փրկարարական ջոկատի անդամ Սամվել Զորաբյանը, որը նախարարի հրամանով արժանացել է «Անվեհեր փրկարար» մեդալի

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

10
թեգերը:
Պատերազմ, Արցախ, փրկարար, հրշեջ, Գյումրի
Ըստ թեմայի
Մարտի են գնում ծերունիները. Գյումրիում թոռները պապին ճանապարհում են ռազմաճակատ
Լուռ երթ` ի հիշատակ նահատակված հերոսների. Գյումրիի ազատամարտիկների պանթեոնը մարդաշատ էր
86-ամյա կինը գուլպա է գործում զինվորի համար. էլ ինչ են անում գյումրեցիները հանուն Արցախի
Ինչն է միավորել գյումրեցի վաստակավոր նկարչին, 6-ամյա երեխային ու ադիբուդի վաճառողին
Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար
Երիտասարդները խոստանում են հասնել Նիկոլ Փաշինյանի հրաժարականին

Պայքարը շարունակվում է. երիտասարդները խոստանում են հասնել Նիկոլ Փաշինյանի հրաժարականին

44
(Թարմացված է 19:25 03.12.2020)
Երևանյան փողոցներն աստիճանաբար վերադառնում են բնականոն կյանքին։ Բողոքի ակցիաներն ավարտվում են։

ԵՐԵՎԱՆ, 3 դեկտեմբերի – Sputnik. ՀՀ վարչապետ Նիկոլ Փաշինյանի հրաժարականի պահանջով բողոքի ակցիա անող մի քանի տասնյակ քաղաքացի է բերման ենթարկվել։ Լրագրողների հետ ճեպազրույցում ասաց ՀՅԴ երիտմիության անդամ Քրիստինե Վարդանյանը։

«Այսօր մեր ընկերները փակ են պահել մի շարք փողոցներ` սկսելով Մաշտոցի պողոտայից և հասնելով Տիգրան Մեծ. այսքանով մեր այսօրվա ակցիան համարում ենք ավարտված։ Պայքարը, սակայն, շարունակվում է, մենք մեր ձեռքի տակ եղած գործիքներով կշարունակենք մեր ակցիան»,–ասաց Վարդանյանը։

Նա հույս հայտնեց, որ «Իմ քայլը» խմբակցությունում կան մարդիկ, որոնք ուզում են ՀՀ–ում ապրել և անհրաժեշտ դեպքերում կքվեարկեն խղճի ձայնով։ Վարդանյանի խոսքով` Փաշինյանի օրակարգը թելադրելու է ժողովուրդը, իսկ ժողովուրդը պահանջում է նրա հրաժարականը։

Բողքի ակցիայի մասնակիցներն այժմ շարժվում են դեպի կենտրոնի ոստիկանություն` աջակցություն հայտնելու բերման ենթարկվածներին։

Նշենք, որ նոյեմբերի 9–ի եռակողմ հայտարարությունից հետո հայաստանյան ընդդիմադիր ուժերը պարբերաբար բողոքի ակցիաներ են իրականացնում` պահանջելով վարչապետ Նիկոլ Փաշինյանի հրաժարականը։

«Առանց Նիկոլ Հայաստան». Երևանում կրկին փողոցներ են փակել

Այսօր նրանք հայտարարեցին, որ ունեն անցումային կառավարության ղեկավարի միասնական թեկնածու, և նա Վազգեն Մանուկյանն է։

44
Ըստ թեմայի
«Լուսավոր Հայաստանը» վարչապետի իր թեկնածուն ունի. նրանք չեն միանում ընդդիմությանը
«Առանց Նիկոլ Հայաստան». Երևանում կրկին փողոցներ են փակել
Հրմշտոց, կաղամբով սայլակներ և գունավոր ճայթուկներ. Մաշտոցի պողոտայում լարված վիճակ է
Գեներալ-մայոր Կարեն Սարգսյանն այսօր ընդունել է «Celise care» ՀԿ–ի տնօրեն Ժան Լուի Մեսսաժերին, նրա օգնական Սիլվիա Մորետտիին և կազմակերպության հետ համագործակցող ֆրանսահայ Միքայել Խաչիկյանին:

Ֆրանսիական ընկերությունն Արցախի փրկարարներին մեքենաներ կնվիրի

0
(Թարմացված է 20:02 03.12.2020)
Ֆրանսիական ՀԿ–ի ներկայացուցիչները հետաքրքրվել են, թե ինչի կարիք ու պակաս ունի հետպատերազմյան Արցախը։

ԵՐԵՎԱՆ, 3 դեկտեմբերի – Sputnik. Մինչև տարեվերջ ֆրանսիական ընկերությունն Արցախի փրկարարական ծառայությանը կնվիրի 6 ավտոմեքենա` 2 ցիստեռն, 1 «ԿամԱզ» և 3 հատ շտապ օգնության ավտոմեքենա՝ նախատեսված փրկարարական աշխատանքներ իրականացնելու համար:

Ֆրանսիայի խորհրդարանը Ղարաբաղը ճանաչելու կոչով բանաձև ընդունեց

Արցախի արտակարգ իրավիճակների պետական ծառայությունը տեղեկացնում է, որ ծառայության տնօրեն գեներալ-մայոր Կարեն Սարգսյանն այսօր ընդունել է «Celise care» ՀԿ–ի տնօրեն Ժան Լուի Մեսսաժերին, նրա օգնական Սիլվիա Մորետտիին և կազմակերպության հետ համագործակցող ֆրանսահայ Միքայել Խաչիկյանին:

Директор ГСЧС Карабаха Карен Саркисян встретился с Жаном Луи Мессажером, Сильви Моретти и Микаелом Хачикяном (3 декабря 2020). Степанакерт
Գեներալ-մայոր Կարեն Սարգսյանն այսօր ընդունել է «Celise care» ՀԿ–ի տնօրեն Ժան Լուի Մեսսաժերին, նրա օգնական Սիլվիա Մորետտիին և կազմակերպության հետ համագործակցող ֆրանսահայ Միքայել Խաչիկյանին:

«Ժան Լուի Մեսսաժերը նշել է, որ հաճելի է համագործակցել մի գերատեսչության հետ, որը հատկապես այս օրերին ամբողջ ներուժով լծված է բնակչությանն օգնելու գործին: Նա նաև հետաքրքրվել է, թե ինչի կարիք ու պակաս ունի հետպատերազմյան Արցախը, հնարավորության սահմաններում աջակցելու համար»,–նշված է հաղորդագրության մեջ։

Հայաստանը մեզ չի խնդրում ճանաչել Ղարաբաղը. Ֆրանսիայի արտգործնախարար

Կարեն Սարգսյանը էլ նշել է, որ Արցախի և Ֆրանսիայի տարիների բարեկամության հիմքում միշտ եղել է մարդասիրության խորհուրդը:

Նախատեսվում է, որ առաջիկա օրերին ԱԻ ծառայողների ուղեկցությամբ Ֆրանսիայից ժամանած հյուրեը շրջայց կկատարեն Ստեփանակերտում և շրջաններում, տեղում կտեսնեն պատերազմի թողած վնասները:

0
թեգերը:
փրկարար, Ֆրանսիա, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
«ՀՀ կառավարություն էլ կդիմենք». մտավորականները Ֆրանսիայի դեսպանատուն նամակ կհանձնեն
«Հայկական հարցը»՝ Ֆրանսիայի ներքին ու արտաքին քաղաքականության ելևէջներում
Մահացել է Ֆրանսիայի նախկին նախագահ Վալերի Ժիսկար դ՛Էսթենը