Նորածին

Երգչուհի Լիլուի երկրորդ երեխան ծնվել է. լուսանկար

97
(Թարմացված է 14:02 13.11.2020)
Երջանիկ մայրիկն ամուսնու և փոքրիկ դստեր հետ լուսանկար է հրապարակել։ Գրառում է արել նաև նորաթուխ հայրիկը։

ԵՐԵՎԱՆ, 13 նոյեմբերի - Sputnik. ԱՄՆ–ի Լոս Անջելես քաղաքում բնակվող երգչուհի Լիլուն երկրորդ անգամ է մայրացել։ Նրա դուստրը լույս աշխարհ է եկել նոյեմբերի 11–ին։ Ուրախ լուրը երգչուհին երկրպագուներին է հայտնել այսօր` սոցցանցային իր էջերում հրապարակելով փոքրիկ դստեր և ամուսնու` Արկադի Վարդանյանի համատեղ լուսանկարը հիվանդանոցից։

«11.11.20: Բարի գալուստ, Մարիա»,–լուսանկարին կից գրել է երգչուհին։

Певица Лилу с новорожденной дочерью Марией в одном из роддомов Лос-Анджелеса
© Photo : provided by Lilu
Լիլուն ամուսնու և դստեր հետ

Երջանիկ հայրիկը ևս սոցցանցային իր էջերում հրապարակել է դստեր լուսանկարն ու գրառում կատարել։

«Իմ թագուհի Մարիա։ Շնորհակալ եմ, Տեր Աստված, շնորհակալ եմ, իմ սեր»,–գրել է նա։

Посмотреть эту публикацию в Instagram

Публикация от Arkadi Vardanyan (@arkadivardanyaan)

Հետևորդները բազմաթիվ շնորհավորանքներ են գրել` երջանիկ ու խաղաղ մանկություն մաղթելով փոքրիկ Մարիային։

Հիշեցնենք, որ երգչուհին ամուսնացել էր 2019-ի դեկտեմբերին, իսկ հղիության մասին հայտնել այս տարվա մայիսին։

Երգչուհի Լիլուն յուրահատուկ ձևով է հայտնել ապագա փոքրիկի սեռը․ տեսանյութ

Նա ևս մեկ զավակ ունի և հաճախ է որդու՝ Ռոբերտի առօրյայի մասին պատմող լուսանկարներ ու տեսանյութեր հրապարակում Instagram–ում։ Երգչուհու խոսքով՝ ամուսինն ու որդին շատ լավ հարաբերություններ ունեն։

«Թե ասա` ինչու ես փչացնում գյոզալական նկարներս». Լիլուն խրատել է ամուսնուն

 

97
թեգերը:
երեխա, Լիլու
ՀՀ ԱԱԾ

ԱԱԾ-ն խուզարկում է ԲՀԿ Երիտասարդների միության նախագահի բնակարանը

17
(Թարմացված է 19:50 26.11.2020)
Աշոտ Անդրեասյանը շեշտել է, որ խուզարկության հիմնավոր պատճառները բացակայում են։

ԵՐԵՎԱՆ, 26 նոյեմբերի - Sputnik. Ազգային անվտանգության ծառայության աշխատակիցներն այս պահին խուզարկում են «Բարգավաճ Հայաստան» կուսակցության Երիտասարդների միության նախագահ Աշոտ Անդրեասյանի բնակարանը: Տեղեկությունը հայտնում է ինքը՝ Աշոտ Անդրեասյանը Facebook-ի իր էջում։

«Խուզարկության հիմնավոր պատճառները բացակայում են: Նշեմ նաև, որ գիշերը կրկին անգամ ապօրինի կերպով մեքենաս բերման են ենթարկել կենտրոնի ոստիկանական բաժանմունք առանց որևէ ծանուցման և հիմքի։

Ապօրինաբար բացել են մեքենայիս դռները և խուզարկել են այն վնասելով իմ անձնական գույքը»,-նշված է գրառման մեջ։

Անդրեասյանը նշել է, որ այդ ամենը խոսում է «երկրում տիրող ամենաթողության և խուլիգան ղեկավար ունենալու մասին»։

«Քաղաքական շինծու հետապնդումներով չեք լռեցնելու մեզ և չեք կոծկելու ձեր դավաճանությունը»,-եզրափակել է նա։

«Է՞ս ինչ բան էր». բերման են ենթարկել Ավետիք Իշխանյանին

Հավելենք, որ նոյեմբերի 9-ին եռակողմ հայտարարության ստորագրումից հետո ընդդիմադիր կուսակցությունները բողոքի ակցիաներ են սկսել՝ վարչապետ Նիկոլ Փաշինյանի հրաժարականի պահանջով։ Այդ ընթացքում ընդդիմության բազմաթիվ ներկայացուցիչներ բերման են ենթարկվել ու որոշ ժամանակ անց ազատ արձակվել, ոմանց բնակարաններում խուզարկություն է անցկացվել։

Իսկ ՀՅԴ անդամ Գեղամ Մանուկյանը, ՍԴ նախկին դատավոր Կիմ Բալայանն ու Անահիտ Կիրակոսյանն անժամկետ հացադուլ են հայտարարել՝ Փաշինյանի հրաժարականի պահանջով։

 

17
թեգերը:
խուզարկություն, ՀՀ ազգային անվտանգության ծառայություն. ԱԱԾ, Բարգավաճ Հայաստան կուսակցություն (ԲՀԿ)
Ըստ թեմայի
Բերման ենթարկվածները ոստիկանության բաժանմունքում «Նիկոլ, դավաճան» են վանկարկում. տեսանյութ
Սև հանդերձանք, չինարեն գրություններ. ովքե՞ր էին Երևանում քաղաքացիներին բերման ենթարկողները
Դուք ծառայում եք Ադրբեջանին. ոստիկանությունը բերման ենթարկեց բողոքի ակցիայի մասնակիցներին
Զինվորականի հագուստ

Զոհվել է «Արցախի հերոսի» կոչմանն արժանացած Դավիթ Գրիգորյանը

750
(Թարմացված է 16:57 26.11.2020)
Դավիթ Գրիգորյանը Ֆիզուլիի և Կարախանբելիի հատվածում 15 տանկ և մեկ միավոր հետևակային մարտական մեքենա էր խոցել։

ԵՐԵՎԱՆ, 26 նոյեմբերի – Sputnik. Սարդարապատի համայնքապետարանը տեղեկացնում է, որ զոհվել է «Արցախի հերոսի»  կոչմանն արժանացած Դավիթ Գրիգորյանը։ Դավիթը Սարդարապատ համայնքի բնակիչ էր։

Հարութը երազում էր շատ երեխաներ ունենալ. ռազմական բժիշկը զոհվեց` 2 վիրավորներին փրկելով

«Մեր Դավիթ, մեր հերոս, մեր սարդարապատցի Դավիթ դու հաղթեցիր, մենք պարտվեցինք քանզի մեր մեջ քիչ էր քո տեսակը։ Խոնարհվում ենք քո առաջ, քո կատարած սխրանքների առաջ, դու պետք է մնայիր ու կրթեիր մի ողջ ժողովուրդ»,–նշված է համայնքապետարանի ֆեյսբուքյան էջում։

Սարդարապատի համայնքի ղեկավար Բաբկեն Վարդանյանը Sputnik Արմենիայի հետ զրույցում հայտնեց` Դավիթ Գրիգորյանը զոհվել էր դեռ նոյեմբերի 2-ի լույս 3-ի գիշերը։ Տղայի դին, սակայն, նոր են դուրս բերել։

Դավիթ Գրիգորյանի հոգեհանգստի արարողությունը տեղի կունենա այսօր` Սարդարապատ համայնքի Սուրբ Աստվածածին եկեղեցում։

Հիշեցնենք, որ դեռ հոկտեմբերի 4-ին Արցախի նախագահը հայտարարել էր, որ «Արցախի հերոսի» կոչմանն է արժանացել Դավիթ Լյովայի Գրիգորյանը։ Նա սեպտեմբերի 27-ից մասնակցելով մարտերին` Ֆիզուլիի և Կարախանբելիի հատվածում 15 տանկ և մեկ միավոր հետևակային մարտական մեքենա էր խոցել։ Հարությունյանը հայտնել էր, որ Գրիգորյանը շարունակում է մնալ առաջնագծում։

750
թեգերը:
«Արցախի հերոս» բարձրագույն կոչում, Արցախյան պատերազմ, Արցախ, Զոհ, Սարդարապատ
Ըստ թեմայի
Դեռ երկար ժամանակ վատ է լինելու. թեժ քննարկում ԱԺ-ում ռազմական դրությունը չեղարկելու շուրջ
Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով
«Արցախն Ադրբեջանին է հանձնում ոչ թե 121, այլ 181 բնակավայր». ԱԺ փոխնախագահ
Тартарское ущелье в Карвачаре

Շահումյանի շրջանի 2 գյուղ կմնան Արցախի կազմում

0
Շահումյանի շրջանի երկու գյուղերի հետ կապված անհասկանալի իրավիճակ է ստեղծվել։ Դրանք նախկինում եղել են Մարտակերտի կազմում, ապա տրվել են Շահումյանի շրջանին։

ԵՐԵՎԱՆ, 26 նոյեմբերի- Sputnik. Արցախի Շահումյանի շրջանի Ակնաբերդ գյուղը մնում է հայկական վերահսկողության տակ։ Ամենայն հավանականությամբ, նույն ճակատագրին կարժանանա նաև Չարեքթար գյուղը։ Տեղեկությունը Sputnik Արմենիային հայտնել է Մարտակերտի շրջանի վարչակազմի ղեկավար Հայկ Բախշիյանը։

Նշենք, որ երկու օր առաջ ՀՀ կառավարությունը հրապարակեց Արցախի այն 121 բնակավայրերի (քաղաքներ ու գյուղեր) ցանկը, որոնք նոյեմբերի 9–ի եռակողմ հայտարարության արդյունքում անցնում են  Ադրբեջանի վերահսկողության տակ: Այդ ցուցակում ներառված էին նաև Ակնաբերդը և Չարեքթարը։

«Ակնաբերդը մնում է մեզ։ Եթե չեմ սխալվում, Չարեքտարը` նույնպես», - ասաց Բախշիյանը։

Նրա խոսքով` նախկինում, երկու գյուղերն էլ Մարտակերտի շրջանի մեջ էին մտնում։ Հետո դրանք հանձնվել են Շահումյանի շրջանին։

Նա նշել է, որ հայկական վերահսկողության տակ պետք է մնա Դադիվանքից արևելք ընկած տարածքը։

0
թեգերը:
Շահումյանի շրջան, Գյուղ, Ղարաբաղյան հակամարտություն, Լեռնային Ղարաբաղ, Եռակողմ հայտարարություն, Արցախյան պատերազմ, Արցախ