ԵՐԵՎԱՆ, 6 նոյեմբերի - Sputnik. ՀՀ վարչապետի տիկնոջ՝ Աննա Հակոբյանի հավաքագրած կանանց ջոկատն արդեն պատրաստ է ռազմաճակատ մեկնելու։ Տեղեկությունը Facebook-ի իր էջում հայտնել է Հակոբյանը։
«Մեր ջոկատը տասնօրյա մարզումներից հետո պատրաստ է մարտական առաջադրանքի կատարման»,- գրել է նա։
Վարչապետի կինը նաև տեղեկացրել է, որ ջոկատն արդեն անուն ունի։
«Ջոկատը կոչել ենք Հայոց թագուհի Էրատոյի անունով»,- հավելել է նա։
Էրատոն Արտաշեսյան արքայատոհմի վերջին թագուհին է։
Գրառմանը կից Աննա Հակոբյանը նաև լուսանկարներ է հրապարակել, որոնցում երևում է զինպատրաստության ընթացքը։
Նշենք, որ օրեր առաջ նա տեղեկացրել էր, որ պատրաստվում է մի խումբ կանանց հետ ջոկատ կազմել և մեկնել հայրենիքը պաշտպանելու։
Վարչապետի տիկինը շեշտել էր, որ մենք ո՛չ հայրենիք, ո՛չ արժանապատվություն չունենք թշնամուն զիջելու։
Կամավորականները խախտել են նախագահի հրամանն ու արժանացել նախագահի պարգևներին
