ԵՐԵՎԱՆ, 5 նոյեմբերի — Sputnik. ՀՀ առողջապահության նախարարությունը տեղեկացնում է, որ կառավարության որոշման համաձայն` մարտական գործողություններին մասնակցած, այդ թվում կամավոր սկզբունքով մեկնած անձանց բուժօգնությունն ու հիմնական դեղերի ցանկում առկա դեղերը տրամադրվում են անվճար։
«Կամավորների դեպքում անձը պետք է իր տեղամասային պոլիկլինիկա ներկայացնի պահեստազորում հաշվառված զինապարտի զորակոչման վերաբերյալ տեղեկանք։ Դեղերը տրամադրվում են տեղամասային պոլիկլինիկաների կողմից»,–նշված է հաղորդագրության մեջ։
Ի դեպ, հիմնական են այն դեղերը, որոնք առողջության պահպանման գործում բավարարում են բնակչության մեծամասնության պահանջները և ցանկացած դեպքում պետք է առկա լինեն բավարար քանակով, համապատասխան դեղաձևերով ու դեղաչափերով:
Վարկերն ուշացնելու համար արցախցիների ու կամավորների նկատմամբ պատժամիջոց չի կիրառվի. ԿԲ
Հիմնական դեղերի ազգային ցանկը մշակվում է ԱՀԿ-ի երաշխավորությունների և հիմնական դեղերի մոդելային ցանկի հիման վրա: Ազգային ցանկերի ստեղծմանն իրենց մասնակցությունն են ցուցաբերում երկրների առաջատար մասնագետները: Հիմնական դեղերի ցանկում են, օրինակ, «Դիկլոֆենակը», «Իբուպրոֆենը», «Պարացետամոլը», «Մորֆինը», «Մագնեզիումի սուլֆատը», «Լևամիզոլը»։
Կամավորներ են հարկավոր. Զինծառայողների հիմնադրամը սկսում է հատուցումների գործընթացը