Նարինե Աբգարյանն իր նոր գրքի համար ստացած կանխավճարը փոխանցել է «Հայաստան» հիմնադրամին
(Թարմացված է 23:52 20.10.2020)
Հանրահայտ գրողը միացել է «Մենք ենք մեր սահմանները, բոլորս Արցախի համար» համազգային դրամահավաքին։ ԵՐԵՎԱՆ, 20 հոկտեմբերի - Sputnik. Ռուսաստանաբնակ գրող Նարինե Աբգարյանը «Հայաստան» համահայկական հիմնադրամին է փոխանցել իր նոր «Սիմոն» գրքի համար ստացած 380 հազար ռուբլի կանխավճարը (շուրջ հինգ հազար դոլար)։
©
Photo : Union of Greek communities of Armenia
«Սիրելի ընկերներ։ Լույս է տեսել նոր գիրքս, որը զվարճալի է ու միաժամանակ ցավոտ։ Ոչ մի խոսք չկա պատերազմի մասին, մտածված եմ մի կողմ դրել այդ թեման. չէի ուզում պատերազմի մասին գրել։ Ու չեմ գրել։ Բայց պատերազմը ներխուժեց իմ կյանք, իմ բարեկամների կյանք, իմ ժողովրդի կյանք։ Հեղինակային կանխավճարը փոխանցել եմ Արցախին օգնող հիմնադրամին», - Facebook-ի իր էջում գրել է Աբգարյանը։
Նա խնդրել է Ռուսաստանի հայկական համայնքին, որն այժմ ահռելի աշխատանք է իրականացնում, շարունակել օգնություն ցուցաբերել։
«Ես անպայման շնորհակալություն կհայտնեմ բոլոր մարդկանց, որոնք կապ ունեն նոր գրքիս հետ, երբ ամեն ինչ ավարտվի ու երբ գտնվեն միակ ճիշտ խոսքերը․․․ Հուսամ՝ կհավանեք «Սիմոնը»», - գրել է նա։
«Հայաստան» համահայկական հիմնադրամն իր հերթին շնորհակալություն է հայտնել գրողին, որ նա խթանել է մարդասիրական դրամահավաքը։
Մեծավանցի երեխաները բանակի համար 68000 դրամ են հավաքել ու տարել համայնքապետարան․ լուսանկար
Հիշեցնենք` 2018 թվականին հրապարակվեց Աբգարյանի «Շարունակել ապրել» գիրքը, որում 90-ականների ղարաբաղյան պատերազմի մասին պատմող տասներեք պատմվածքները միաձուլվում ու մեկ պատմություն են դառնում։
«Հայաստան» համահայկական հիմնադրամը «Մենք ենք մեր սահմանները, բոլորս Արցախի համար» համազգային դրամահավաք է սկսել Արցախին ու թուրք-ադրբեջանական ագրեսիայից տուժած հայերին օգնելու նպատակով։
Ինչու են Արցախի հարցում հնդիկներն աջակցում հայերին․ The Indian Express–ի անդրադարձը
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։