ԵՐԵՎԱՆ, 20 հոկտեմբերի - Sputnik. Ժամանակավորապես դադարեցվում է զինծառայողների կողմից առողջական վիճակի վերաբերյալ ԶՈւ ռազմաբժշկական վարչություն ուղարկվող դիմում-բողոքների ընդունումը: Տեղեկությունը հայտնում է ՀՀ պաշտպանության նախարարության մամուլի ծառայությունը։
20 հոկտեմբերի 2020, 16:15
«Սա վերաբերում է նաև զորահավաքով զորակոչվածներին և կամավորականներին»,– նշված է հաղորդագրության մեջ։
ՊՆ–ն տեղեկացնում է, որ ռազմական դրության պայմաններում բոլոր զինծառայողների, այդ թվում՝ զորահավաքով զորակոչվածների և կամավորականների բուժսպասարկումը հավասարաչափ իրականացվում է ԶՈւ բուժտարհանիչ միջոցառումների ընդհանուր համակարգում, զորամասերում կամ տեղակայման վայրերում գործող կարգի համաձայն։
