«Մեկին մորթել են, մյուսին` վիրավորել». արցախցի կանայք ՄԱԿ–ի առջև բողոքի ակցիա են անում
(Թարմացված է 12:42 19.10.2020)
Արցախցի կանայք նամակ են պատրաստել, որը փոխանցելու են Հայաստանում ՄԱԿ–ի գրասենյակին։ Նրանք պահանջում են, որ միջազգային հանրությունը չլռի։ ԵՐԵՎԱՆ, 19 հոկտեմբերի –Sputnik. Արցախցի կանայք Երևանում ՄԱԿ-ի գրասենյակի դիմաց բողոքի ակցիա են իրականացնում` պահանջելով կույր չլինել ու կոչերից անցնել գործի։
Բողոքի ակցիային մասնակցում են նաև երեխաներ։ Հավաքվածները վանկարկում են` «Կանգնեցրեք ադրբեջանական ագրեսիան», «Մի եղեք կույր», «Ճանաչում»։ Բողոքի ակցիայի մասնակիցներից մի կին` Իրինա Սաֆարյանը, հայտնեց, որ պահանջում են, որ Հայաստանում ՄԱԿ–ի ներկայացուցիչն իջնի և հանդիպի իրենց հետ։
«Ուզում ենք լսելի դարձնել մեր ձայնն ամբողջ աշխարհին, որպեսզի աշխարհը չլռի։ Այն, որ միջազգային կազմակերպությունը չեզոք կոչեր են անում, հասկանում ենք, որ այստեղ խոսում են շահերը, մարդասիրական ոչ մի բան չի մնացել։ Ամեն դեպքում, հույսներս չենք կորցնում»,–ասաց Սաֆարյանը։
Բողոքի ակցիայի մեկ այլ մասնակից էլ` Սիրանուշ Սարգսյանը, ասաց, որ գրասենյակի դիմաց կկանգնեն այնքան, մինչև որևէ մեկը ներքև կիջնի։
«Իրենց բախտը բերել է` մեզ տեռորիստներն են շրջափակում, մենք էլ իրենց կշրջափակենք։ Մեզ ինչքան են անտեսելու, ինչքան կարելի է լուռ մնալ. մեր խաղաղ բնակիչներից մեկին մորթել են, մյուսին` վիրավորել։ Ես այսօր Ստեփանակերտ եմ գնում, եթե ուզում են իրականությունը տեսնել, թող գան ինձ հետ. եթե ռիսկ անեն, Հադրութ էլ կտանենք»,–ասաց Սարգսյանը։
©
Sputnik / Andranik Ghazaryan
Արցախցիները ՄԱԿ–ի առջև բողոքի ակցիա են անում
Նրանք, ի դեպ, նամակ են պատրաստել, որտեղ փաստերն են ներկայացված ադրբեջանական ագրեսիոն քայլերի առնչությամբ։
Գրասենյակի անվտանգության աշխատակիցները հայտնեցին, որ բողոքի ակցիայի մասնակիցներից երեքին պատրաստ են ընդունել։
Կարճ զրույցից հետո ՄԱԿ–ի հայաստանյան գրասենյակից դուրս եկան բողոքի ակցիա անողներն ու տեղեկացրին` այսօր ժամը 5-ին Հայաստանում ՄԱԿ-ի մշտական համակարգող Շոմբի Շարփի հետ կհանդիպեն։
©
Sputnik / Andranik Ghazaryan
Արցախցիները ՄԱԿ–ի առջև բողոքի ակցիա են անում
Արցախցի Լիանա Ադամյանն ասաց, որ իրենց հայտնել են` Շարփն այս պահին տեղում չէ, դրա համար էլ պայմանավորվել են ժամը 5-ին հանդիպել։
«Մենք գնալու տեղ չունենք, ոչինչ, չենք շտապում. կսպասենք ու ժամը 5-ին կհանդիպենք Շարփին։ Պահանջելու ենք, որ Շարփը գա Արցախ, որպեսզի տեսնի` ինչ է կատարվում, արձանագրի ու ներկայացնի միջազգային հանրությանը»,–ասաց Ադամյանը։
Բողոքի ակցիա անողները ՄԱԿ—ի գրասենյակի դիմաց սպասում են նախանշված ժամին։
Արցախցիները ՄԱԿ–ի առջև բողոքի ակցիա են անում© Sputnik / Andranik Ghazaryan
Արցախցիները ՄԱԿ–ի առջև բողոքի ակցիա են անում© Sputnik / Andranik Ghazaryan
Արցախցիները ՄԱԿ–ի առջև բողոքի ակցիա են անում© Sputnik / Andranik Ghazaryan
Արցախցիները ՄԱԿ–ի առջև բողոքի ակցիա են անում© Sputnik / Andranik Ghazaryan
Արցախցիները ՄԱԿ–ի առջև բողոքի ակցիա են անում© Sputnik / Andranik Ghazaryan
Արցախցիները ՄԱԿ–ի առջև բողոքի ակցիա են անում© Sputnik / Andranik Ghazaryan
©
Sputnik / Andranik Ghazaryan
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։