Ինչպես պարզել` անախտանիշ վարակակիր եք, թե ոչ. բժիշկը` կորոնավիրուսի մասին
ԵՐԵՎԱՆ, 19 հոկտեմբերի – Sputnik. COVID-19-ի ախտանշաններ չունեցող հիվանդների մոտ կարելի է վարակի մի շարք նշաններ հայտնաբերել, Sputnik ռադիոկայանի եթերում ասել է ռուս բժիշկ-կենսաֆիզիկոս Նելլի Սոսեդովան։
©
Sputnik / Илья Питалев
«Կորոնավիրուսը վտանգավոր է նաև նրանով, որ երկրորդ ալիքի շրջանում շատերի մոտ հիվանդությունը սկսում է զարգանալ առանց վառ արտահայտված ախտանշանների՝ առանց ջերմության երկարատև բարձրացման, հազի և այլ արտահայտումների, բայց դրա հետ մեկտեղ այդպիսի հիվանդները կարող են վտանգավոր լինել մյուսների համար»,–նշել է մասնագետը։
Նա ասել է, թե որ նշաններին արժե ուշադրություն դարձնել, եթե կասկածում եք, որ վարակվել եք, բայց ակնհայտ ախտանշաններ դեռևս չունեք։ Այսպես, անախտանիշ հիվանդների մոտ կարճ ժամանակով կորչում է հոտառությունը և փոխվում է համի զգացողությունը։
«Եվս մեկ ցուցիչ կա` եթե շրջապատում որևէ մեկը հիվանդ է եղել, պետք է ավելի ուշադիր լինեք ինքներդ ձեր հանդեպ։ Երրորդ՝ կարելի է հակամարմինների արագ թեստ անել․․․ եթե կլինիկական պատկերի բացակայության պարագայում ձեզ մոտ հակամարմիններ են հայտնաբերվում, ուրեմն արդեն իսկ անախտանիշ հիվանդ եք եղել և կորոնավիրուսի դեմ իմունային կարգավիճակ ունեք»,-բացատրել է փորձագետը։
Հիվանդությունը հստակ ախտորոշել հնարավոր է համակարգչային տոմոգրաֆիայի (КТ) միջոցով, որը ցույց է տալիս թոքերում տեղի ունեցող փոփոխությունները։
Մենք չպետք է մոռանանք, որ ունենք անտեսանելի թշնամի. կորոնավիրուսը նոր թափ է հավաքել
«Մենք կարող ենք նաև տոմոգրաֆիա անել։ Եթե տեսնում ենք «փայլատ ապակի», հասկանում ենք` կա հիվանդություն, որն արտաքին արտահայտում կարող է և չունենալ։ Թոքաբորբը ոչ միշտ է արտահայտվում հազով կամ մրսածությամբ։ Կարող է բարձր ջերմություն լինել, այն էլ կարճաժամկետ։ Մարդիկ կան, որոնք թոքաբորբ են տանում առանց բարձր ջերմության»,-ամփոփել է բժիշկը։
Հիշեցնենք՝ ավելի վաղ հայտնի էին դարձել, որ կորոնավիրուսի երեք նոր ախտանշան կա` բարձր ջերմության, հազի և հոտառության կորստի հետ մեկտեղ COVID-19-ով վարակված լինելու նշան կարող են լինել մկանային ցավը, շարունակական հոգնածությունն ու ոտքերի վրա առաջացող բշտիկները։ Այս տվյալները հրապարակվել են բրիտանացի հետազոտողների՝ Արտակարգ իրավիճակների գիտական խորհրդատվական խմբի (SAGE) համար զեկույցում և ի գիտություն են ընդունվել Մեծ Բրիտանիայի Առողջապահության նախարարության կողմից:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Բերման են ենթարկվել «օրենքով գողեր» «Լեննականցի Զապը», «Շահումյանցի Ժիրոն» ու ևս 13 անձինք
(Թարմացված է 21:06 04.03.2021)
Բերման ենթարկվածների ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք։ԵՐԵՎԱՆ, 4 մարտի - Sputnik. Ոստիկանները Էջմիածին քաղաքում գտնվող «Անտառային ձայներ» օբյեկտից ոստիկանության Վաղարաշապատի բաժին են բերման ենթարկել 15 հոգու: Տեղեկությունը հայտնում է shamshyan.com–ը։
«Բերման ենթարկվածներից երկուսը «օրենքով գողեր» «Լեննականցի Զապն» ու «Շահումյանցի Ժիրոն» են, իսկ մնացածները՝ քրեական ենթամշակույթի ջատագովներ»,– գրում է կայքը։
Քրեական ենթամշակույթի հոդվածներով դատարան ուղարկված գործերով անցնում են 3 «օրենքով գողեր»
Նշվում է, որ նրանց ավտոմեքենաները տեղափոխվել են ոստիկանության Վաղարշապատի բաժնի հատուկ պահպանվող տարածք:
Դեռ հայտնի չէ, թե նրանք ինչի համար են բերման ենթարկվել։
Երևանում մահացել է ամենատարեց հայ «օրենքով գող» Վանիկ Տեր-Պողոսյանը
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։