ԵՐԵՎԱՆ, 14 հոկտեմբերի – Sputnik. Այսօր առավոտյան Ադրբեջանի զինված ուժերը ԱԹՍ–ով հարվածներ են հասցրել Գեղարքունիքի մարզի Վարդենիս համայնքին, ինչի հետևանքով 14-ամյա երեխա է վիրավորվել է։ Տեղեկությունը հայտնում է ՀՀ մարդու իրավունքների պաշտպան Արման Թաթոյանը։
«Այժմ նա գտնվում է հիվանդանոցում»,– Twitter-ի իր էջում գրել է նա։
Հարվածի պահին դաշտում մարդիկ կարտոֆիլ են հավաքել։ ՄԻՊ–ի խոսքով` անօդաչու թռչող սարքի հարվածը ծրագրված է եղել։
Strongly condemning: this morning, #Azerbaijani armed forces launched drone strikes near #Vardenis #Sotk community of Gegharkunik province, #Armenia. A 14-year-old #child was wounded, now in hospital. There were other civilians in agricultural civilian field for potato harvest.
— Arman Tatoyan (@atatoyan) October 14, 2020
Ավելի վաղ հայտնել էինք, որ այսօր` հոկտեմբերի 14-ին, ադրբեջանական զինուժը թիրախավորել է Վարդենիսի շրջանում հերթապահություն իրականացնող մարտական տեխնիկան ընդամենը մերկապարանոց ենթադրությունների հիման վրա, թե իբր այդ տեխնիկան «պատրաստ է եղել հարվածել Ադրբեջանի խաղաղ բնակավայրերին»։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 14-ի ժամը 11:00-ի դրությամբ` հակառակորդի կրակոցների հետևանքով զոհվել են 532 զինծառայողներ և 31 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:
«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը
