ԵՐԵՎԱՆ, 10 հոկտեմբերի – Sputnik. Հայաստանում կորոնավիրուսի հետևանքով ևս 4 մարդ է մահացել։ Տեղեկությունը հայտնում է ՀՀ առողջապահության նախարարությունը։
«Մահվան դեպքերի վերաբերյալ հայտնում ենք, որ պացիենտները եղել են 84 (կին), 60 (տղամարդ), 70 (տղամարդ) և 74 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ»,–ասված է հաղորդագրության մեջ։
Նախորդ օրը կորոնավիրուսային վարակ ունեցող, սակայն այլ հիվանդության պատճառով մահվան դեպք չի արձանագրվել։ Այդպիսի դեպքերի ընդհանուր թիվը շարունակում է մնալ 303։
Հիշեցնենք` հոկտեմբերի 11-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 56451 դեպք։
