ԱԺ նիստ

Կամավորներն ու զորակոչվածները կպահպանեն աշխատատեղերը. «Իմ քայլն» առաջարկում է փոխել օրենքը

241
(Թարմացված է 12:32 09.10.2020)
ՀՀ աշխատանքային օրենսգրքում փոփոխությունների անհրաժեշտությունն առաջացել է ՀՀ-ում սեպտեմբերի 27-ից հաստատված ռազմական դրության ռեժիմի պատճառով:

ԵՐԵՎԱՆ, 9 հոկտեմբերի - Sputnik. ԱԺ «Իմ քայլը» խմբակցությունն առաջարկում է պահպանել կամավորագրված ու զինվորակոչված անձանց աշխատատեղերն ու աշխատավարձերը:

Համապատասխան փոփոխությունը ՀՀ աշխատանքային օրենսգրքում ներկայացվեց այսօր ԱԺ արտահերթ նիստում:

«Իմ քայլը» խմբակցության պատգամավոր Հերիքնազ Տիգրանյանը, նախագիծը ներկայացնելիս ասաց, որ փոփոխությունների անհրաժեշտությունն առաջացել է ՀՀ-ում սեպտեմբերի 27-ից հաստատված ռազմական դրության ռեժիմի պայմաններում:

«Այսօրվա գործող օրենսգիրքը կարգավորում է պարտադիր զինծառայության հետ կապված դեպքերը՝ սահմանելով, որ գործատուն աշխատանքային պայմանագիրը լուծում է։ Բայց ինչ վերաբերում է զորահավաքներին, ռազմական դրության դեպքում հայտարարվաող զորակոչին ու այլ դեպքերին, դրանք օրենսգիրքը չի կարգավորում»,- ասաց Տիգրանյանը:

Առաջարկվող կարգավորման նպատակը, նրա խոսքով, հայրենիքի առջեւ իրենց պարտքը կատարող անձանց աշխատանքային հարաբերություններում որոշակի երաշխիքներ նախատեսելն է:

Հակառակորդի զոհերի թիվը հասել է 4369-ի. նոր տվյալներ

Օրինագծով առաջարկվում է սահմանել, որ

• զինվորական հաշվառման պարտականություններ կատարելու, զորակոչային տեղամասերի կցագրվելու, ինչպես նաեւ վարժական հավաքների, զինվորական վարժանքների կամ զորավարժությունների մասնակցելու ընթացքում պետք է պահպանվի աշխատողի աշխատատեղը (պաշտոնը).

• գործատուի կողմից աշխատողի վարձատրությունն իրականացվում է կողմերի համաձայնությամբ կամ կոլեկտիվ պայմանագրով: Այս պարագայում հարկ է նկատի ունենալ, որ առաջարկվող կարգավորումը նշված ժամանակահատվածում հավելյալ վարձատրություն նախատեսող դրույթ է, քանի որ այն վերաբերում է այն դեպքերին, երբ աշխատողի համար վարձատրություն օրենքով արդեն իսկ նախատեսված է, սակայն ոչ գործատուի կողմից.

• ռազմական դրություն հայտարարված լինելու դեպքում պետական եւ տարածքային կառավարման, տեղական ինքնակառավարման մարմինների, կազմակերպությունների գործունեությունը փոխադրվում է ռազմական դրության աշխատանքային ռեժիմի` օբյեկտիվ անհրաժեշտություն կարող է լինել նշված մարմինների եւ կազմակերպությունների` արձակուրդում գտնվող աշխատողներին արձակուրդից հետ կանչելը: Ուստի այս դեպքում արձակուրդից հետ կանչելու համար աշխատողի համաձայնությունը չի պահանջվելու:

Ընդ որում, հաշվի առնելով ստեղծված իրավիճակում երկրի առջեւ ծառացող հնարավոր ֆինանսական դժվարությունները, առաջարկվում է նաեւ նախատեսել, որ վերոնշյալ դեպքում արձակուրդից հետ կանչված աշխատողին հետագայում արձակուրդի չօգտագործված օրերը տրամադրելու դեպքում այդ օրերի համար վճարում չի իրականացվում:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հայաստանի Հանրանպետությունում ու Արցախում հայտարարվել է ռազմական դրություն։

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

241
թեգերը:
զորահավաք, կամավոր, արտահերթ նիստ, ՀՀ Ազգային ժողով
թեմա:
Ադրբեջանական ագրեսիան Հայաստանի դեմ - 2020 (139)
Ըստ թեմայի
Ադրբեջանի ճակատագրին վերաբերող որոշումներ կայացնողը Թուրքիան է. Փաշինյանը` «Spiegel»–ին
Պուտինը դիմել է կոչով. Հայաստանի ու Ադրբեջանի արտգործնախարարները հրավիրվել են ՌԴ
Ակնկալում եմ, որ Ֆրանսիայի նախագահը կճանաչի Լեռնային Ղարաբաղի անկախությունը. Փաշինյան
Մանվել Գրիգորյան

Մանվել Գրիգորյանի վիճակը կտրուկ վատացել է, նա բժիշկների պահանջով հոսպիտալացվել է

206
(Թարմացված է 14:36 21.10.2020)
ԵԿՄ նախկին ղեկավար, ԱԺ նախկին պատգամավոր Մանվել Գրիգորյանն այժմ վերակենդանացման բաժանմունքում է։

ԵՐԵՎԱՆ, 21 հոկտեմբերի – Sputnik. ԵԿՄ նախկին ղեկավար Մանվել Գրիգորյանը բժիշկների պահանջով շտապ տեղափոխվել է Հայաստանի բժշկական կենտրոններից մեկը։ Sputnik Արմենիայի հետ զրույցում տեղեկությունը հայտնեց Գրիգորյանի պաշտպան Լևոն Բաղդասարյանը։

«Մանվել Գրիգորյանը հոկտեմբերի 7-ից գտնվում էր Արցախում: Սակայն երեկ երեկոյան նրա ինքնազգացողությունը կտրուկ վատացել է, և բժիշկների պահանջով շտապ տեղափոխվել է հայաստանյան հիվանդանոցներից մեկը։ Գրիգորյանը չէր ցանկանում հիվանդանոց տեղափոխվել և ուզում էր մնալ Արցախում, սակայն բժիշկները պահանջել են, որ նա տեղափոխվի։»,–ասաց Բաղդասարյանը։

Պաշտպանի խոսքով` Գրիգորյանն այժմ վերակենդանացման բաժանմունքում է, գիտակցությունը տեղն է։ Բաղդասարյանը նշեց` ոտքի կանգնելուն պես նա նորից Արցախ է մեկնելու։

Հիշեցնենք` Մանվել Գրիգորյանը մեղադրվում է ապօրինի կերպով զենք-զինամթերք պահելու, 101.232.917 ՀՀ դրամի գույք յուրացնելու, 1.228.176.342 ՀՀ դրամի հարկերի վճարումից խուսափելու, պետական միջոցներից 1.225.003.300 ՀՀ դրամ վատնելու և շորթմամբ 37․101․100 ՀՀ դրամ արժողությամբ գույքի հափշտակությունը կազմակերպելու մեջ: Նա 1.5 տարի կալանքի տակ էր։

Երևան քաղաքի ընդհանուր իրավասության դատարանը հունվարի 15-ին, ելնելով Մանվել Գրիգորյանի առողջական վիճակից, որոշեց նրա խափանման միջոց կալանավորումը փոխել չհեռանալու մասին ստորագրությամբ:

206
թեգերը:
հիվանդանոց, Մանվել Գրիգորյան, Արցախ, Հայաստան
Ըստ թեմայի
Արցախում վիրավորված ռուս լրագրողը դեռ պատրաստ չէ Մոսկվա մեկնելու
Արցախում վիրավորված փոքրիկ Արծվիկը դուրս է գրվել հիվանդանոցից. լուսանկար
Պատերազմ Արցախում` առանց սեփական զինվորների. ո՞րն է Էրդողանի գերնպատակը
Երևան

Հայաստանում ու Արցախում օդի ջերմաստիճանը կշարունակի փոքր-ինչ նվազել. եղանակի տեսություն

62
(Թարմացված է 16:33 20.10.2020)
Օդերևութաբանների կանխատեսումների համաձայն` օդի ջերմաստիճանի նվազումը կարճ կտևի, ու մի քանի օր շարունակ և՛ Հայաստանում, և՛ Արցախում անձրև չի գա։

ԵՐԵՎԱՆ, 21 հոկտեմբերի – Sputnik. Այսօր Հայաստանի առանձին շրջաններում անձրև կտեղա։ Տեղեկությունը հայտնում է ՀՀ արտակարգ իրավիճակների նախարարությունը։

Տեղումները կդադարեն հոկտեմբերի 22–ին, և մինչև ամսի 25-ը Հայաստանում առանց տեղումների եղանակ կլինի։

Օդի ջերմաստիճանը երեկվանից սկսել է 2-4 աստիճանով նվազել, Լոռիում, Տավուշում, Սյունիքում և Արցախում՝ 6-8 աստիճանով, սակայն օդերևութաբանների կանխատեսումների համաձայն` հոկտեմբերի 23-25-ը ջերմաստիճանը նույնքան կբարձրանա։

 Եղանակի կանխատեսում
Եղանակի կանխատեսում

Այսօր Երևանի առանձին հատվածներում հնարավոր է թույլ անձրև։ Մայրաքաղաքում ցերեկային ժամերին օդի ջերմաստիճանը կտատանվի +22-ից +24–ի սահմանում, իսկ գիշերը կնվազի մինչև +8–ից +10 աստիճան։

62
թեգերը:
եղանակ, Արցախ, Հայաստան
թեմա:
Եղանակը Հայաստանում
Ըստ թեմայի
Այս պահին արյուն հանձնելու կարիք չկա. ԱՆ-ն շնորհակալություն է հայտնում կամավորներին
Վարորդները դիմակ չեն դնում. Մարությանն ասաց` խիստ զգուշացվել են
Արցախում վիրավորված փոքրիկ Արծվիկը դուրս է գրվել հիվանդանոցից. լուսանկար
ՀՀ ԱԳՆ

ՀՀ ԱԳՆ–ն հերքում է Ադրբեջանի հերթական մանիպուլյատիվ հայտարարությունը

210
(Թարմացված է 01:07 22.10.2020)
ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

ԵՐԵՎԱՆ, 22 հոկտեմբերի – Sputnik. Ադրբեջանի ԱԳՆ-ն հանդես է եկել մանիպուլյատիվ հայտարարությամբ, որտեղ փորձ է արվում ԼՂ հիմնախնդրի խաղաղ կարգավորումը մերժող Ադրբեջանի և Թուրքիայի դիրքորոշումը հրամցնել որպես հայկական կողմի մոտեցում: Տեղեկությունը հայտնում է ՀՀ ԱԳՆ մամուլի ծառայությունը։

Նշվում է, որ Թուրքիայի և նրա կողմից հովանավորվող ահաբեկիչների ուղղակի ներգրավմամբ Ադրբեջանի կողմից Արցախի ժողովրդի դեմ իրականացվող ռազմական ագրեսիան ուղղված է Արցախի բնիկ ժողովրդի բնաջնջմանը և առաջին իսկ օրվանից ուղեկցվում է միջազգային հումանիտար իրավունքի բազմաթիվ խախտումներով ու պատերազմական հանցագործություններով: Այս գործողություններն օրվա հրամայական են դարձնում Արցախի ժողովրդի գոյութենական անվտանգության լիակատար ապահովումը:

«ՀՀ-ն հետևողականորեն աջակցում է ԵԱՀԿ Մինսկի խմբի համանախագահող երկրների ղեկավարների միջնորդությամբ հոկտեմբերի 10-ի և 17-ի հայտարարություններով համաձայնեցված կրակի դադարեցման պայմանավորվածությունների անվերապահ իրականացմանը: 

Մշտապես հանդես գալով հակամարտության ռազմական կարգավորումը բացառող դիրքերից՝ մեկ անգամ ևս շեշտում ենք, որ ԼՂ հիմնախնդիրը կարող է կարգավորվել բացառապես խաղաղ միջոցներով միջազգային մանդատ ունեցող ձևաչափի՝ ԵԱՀԿ Մինսկի խմբի համանախագահության շրջանակներում»,–ասված է հաղորդագրության մեջ: 

ՀՀ ԱԳՆ կոչ է անում Ադրբեջանին և իր հովանավոր Թուրքիային հրաժարվել միջազգային հանրության՝ կրակի դադարեցման վերահսկելի ռեժիմի հաստատմանն ուղղված ջանքերը տապալելու գործողություններից և մեղքը հայկական կողմի վրա բարդելու իրենց ավանդական քաղաքականությունից:

Ավելի վաղ Ադրբեջանի նախագահի օգնական Հիքմեթ Հաջիևը, մեկնաբանելով Հայաստանի վարչապետ Նիկոլ Փաշինյանի հայտարարությունը, որ այս պահին անիմաստ է խոսել հակամարտությունը դիվանագիտական ճանապարհով լուծելու մասին, հայտարարել էր, որ պաշտոնական Բաքուն աջակցում է բանակցությունների միջոցով ՄԱԿ-ի Անվտանգության խորհրդի բանաձևերի հիման վրա հարցի կարգավորմանը:

Նշենք, որ հոկտեմբերի 21–ին ՀՀ վարչապետ Նիկոլ Փաշինյանը Facebook–ի իր ուղիղ միացման ժամանակ ասել էր, որ Ղարաբաղյան հիմնահարցի դիվանագիտական լուծման մասին այս փուլում խոսելն անիմաստ է։ «Պետք է հստակ գիտակցենք, որ Ղարաբաղի հարցը գոնե այս փուլում և այս փուլից սկսած` երկար ժամանակ դիվանագիտական լուծում չունի։ Բոլոր հույսերը, առաջարկները, թե պետք է Արցախյան հիմնահարցի առնչությամբ դիվանագիտական լուծում գտնել, ըստ էության, պետք է ավարտված համարել»,–ասել էր վարչապետը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Պատերազմ Արցախում` առանց սեփական զինվորների. ո՞րն է Էրդողանի գերնպատակը

210
թեգերը:
Արցախ, Ղարաբաղյան հակամարտություն, Լեռնային Ղարաբաղ, ՀՀ Արտաքին գործերի նախարարություն. ԱԳՆ, Հայաստան, Ադրբեջան
թեմա:
Ադրբեջանական ագրեսիան Արցախում - 2020
Ըստ թեմայի
Թշնամին հրետանի է կիրառել Մարտունի քաղաքի և Հերհեր գյուղի ուղղությամբ
Հադրութում հայ գերիներին գնդակահարած հանցագործներից մեկը ոչնչացվել է. Razm.info
Եթե Ադրբեջանը ցանկանա, Թուրքիան Լեռնային Ղարաբաղ զորք կուղարկի. Ֆուաթ Օքթայ