Ուտեստ

Ճարպեր պարունակող 5 մթերք, որոնք միայն օգուտ կբերեն կազմվածքին

311
Ճարպերը սննդի անհրաժեշտ ու առավել կալորիական բաղադրամասեր են և օրգանիզմի էներգիայի աղբյուր։ Իսկ թե մթերքի որ տեսակներն է պետք ընտրել չսխալվելու համար, կպատմի Sputnik Արմենիան։

Մարդու օրգանիզմը պետք է ամեն օր ճարպեր ստանա, որպեսզի կարողանա ճիշտ գործել։ Հենց այդ պատճառով էլ չի կարելի լիովին հրաժարվել ճարպերով հարուստ սննդամթերքից։

Կարևոր է հիշել, որ ճարպերը կարող են և՛ շատ վնասակար լինել, և՛ չափազանց օգտակար։ «Լավ» ճարպեր է պարունակում չվերամշակված սննդամթերքը։

Բեռնաթափման օրեր. ինչպես մեկ օրում մաքրել օրգանիզմը և նիհարել

Նշենք, որ հագեցած ճարպերը տևական ժամանակ անհիմն մեղադրանքների էին ենթարկվում։ Սակայն 2010 թվականին լայնածավալ ուսումնասիրություններ անցկացվեցին, որոնց մասնակցեց շուրջ 30 հազար կամավոր։ Արդյունքում գիտնականները եզրակացրին, որ որևէ լուրջ հիմք չկա կարծելու, թե հագեցած ճարպերի օգտագործումը կապված է իշեմիայի և սրտային այլ խանգարումների առաջացման հետ։

Հակառակը` մեր ուղեղի առողջությունն ու կոգնիտիվ ունակությունները խիստ կախված են կարևոր մոլեկուլներից, որոնց մատակարարները ճարպաթթուներն են։

Յուղոտ ձուկ

Յուղոտ ծովային ձուկը, իսկ ավելի կոնկրետ` թունան, սկումբրիան և հատկապես սաղմոնը, առաջատար են պոլիչհագեցած ճարպերի բարձր պարունակություն ունեցող մթերքների շարքում։

Лосось с экзотической сальсой
© Photo : provided by Nicolas Natalini
Սաղմոն

Մասնավորապես սաղմոնը հարուստ է օմեգա-3 ճարպաթթուներով, որոնք նվազեցնում են բորբոքումներն ու նպաստում սրտանոթային հիվանդությունների դեմ պայքարին։ Այս ձուկը շատ օգտակար է մարսողության համար, բացի այդ բարենպաստ ազդեցություն է թողնում մազերի, մաշկի և եղունգների վիճակի վրա։

Ձու

Ձուն առավել արժեքավոր է սպիտակուցի բարձր պարունակության համար. հավի մեկ ձվում 5-6 գրամ բարձր որակի պրոտեին կա։

Вареные яйца на тарелке
Խաշած ձու

Սակայն այս մթերքը հարուստ է նաև օգտակար ճարպերով։ Բացի այդ, այն 8 անփոխարինելի ամինաթթուներ է պարունակում, որոնք մասնակցում են կալցիումի, ցինկի և երկաթի յուրացմանը։

Ձուն «լավ» խոլեստերինի աղբյուր է և օգնում է նվազեցնել «վատ» խոլեստերինի մակարդակը։

Ավոկադո

Ավոկադոն մոտ 80%–ով բաղկացած է մեր առողջության համար օգտակար ճարպաթթուներով։ Ընդ որում` նրանում ճարպերի պարունակությունն ավելի շատ է, քան ածխաջրերինը։

Բացի այդ, այն մեծ քանակի կալիում է պարունակում, հարուստ է К և В վիտամիններով, ինչպես նաև բջջանյութով։ Ավոկադոյի պտուղների օգտագործումը դրական է ազդում հիշողության և մտավոր գործունեության վրա։ Այդ մրգի միջուկում առկա կալիումի մեծ քանակության շնորհիվ մեծանում է սթրեսային իրավիճակների նկատմամբ դիմադրողականությունը և բարելավվում ջրաղային հաշվեկշիռը։

Կաթ և կաթնամթերք

Կովի կաթը և դրանից պատրաստված մթերքները մեծ քանակի օգտակար ճարպեր են պարունակում։ Այդ նյութերը կարողանում են բարձրացնել տեստոստերոնի, աճի հորմոնի մակարդակը, նպաստում են իմունիտետի բարելավմանը։

Կաթն այնպիսի նյութեր է պարունակում, որոնք ակտիվացնում են իմունային համակարգի աշխատանքը։ Բացի այդ, դրանք հակաօքսիդանտային հատկությամբ են օժտված և նպաստում են մկանային զանգվածի աճին։

Молоко и другие молочные продукты
© Sputnik / Артур Лебедев
Կաթ և կաթնամթերք

Յոգուրտները, կեֆիրը, մածունը և այլ կաթնամթերքները ձեր օրգանիզմի համար մի ամբողջ համալիր օգտակար մանրէներ են պարունակում։

Հալած յուղ

Սա կարագի հատուկ տեսակ է, որը մթերք տապակելու համար համեմատաբար անվտանգ է համարվում։ Կարևոր հատկությունն այն է, որ անփոփոխ է մնում նույնիսկ բարձր ջերմաստիճանի ազդեցության տակ։ Այն կարել է պահել երկար ժամանակ և չի փչանում։

Ի՞նչ է տեղի ունենում օրգանիզմում, երբ սունկ ենք ուտում

Հալած յուղը մի շարք օգտակար նյութեր է պարունակում։ Բացի այդ, հարուստ է յուղաթթվով, որը վերացնում է բորբոքումներն ու բարենպաստ ազդեցություն ունենում մարսողության վրա։

Սխտորի օգուտն ու վնասը. ինչ է տեղի ունենում օրգանիզմում, երբ սխտոր ենք ուտում

311
թեգերը:
ձու, ձուկ, ծովամթերք, մթերք, օրգանիզմ
Ըստ թեմայի
Ի՞նչ է տեղի ունենում օրգանիզմում, երբ հապալաս եք ուտում
Ի՞նչ է կատարվում օրգանիզմում, երբ եգիպտացորեն ենք ուտում
Ի՞նչ է տեղի ունենում օրգանիզմում, երբ լոռամիրգ ենք ուտում
Ի՞նչ է կատարվում օրգանիզմում, երբ կարմիր հաղարջ ենք ուտում
ԱԱԾ

Ադրբեջանի օգտին լրտեսություն կատարած երկու անձինք կալանավորված են. ԱԱԾ

592
(Թարմացված է 14:47 27.10.2020)
ԱԱԾ–ն վստահեցնում է, որ ՀՀ քաղաքացիները լրտեսության դեպքերից անհանգստանալու առիթ չունեն։

ԵՐԵՎԱՆ, 27 հոկտեմբերի - Sputnik. Արցախյան պատերազմի ընթացքում ՀՀ ԱԱԾ–ի կողմից բացահայտված երկու լրտեսները կալանավորված են։ Հարուցված քրեական գործերով նախաքննությունը շարունակվում է։ Այս մասին այսօր լրագրողներին հայտնեց ՀՀ ԱԱԾ տնօրենի տեղակալ Արմեն Ալազյանը։

«Ընդհանուր առմամբ անհանգստանալու կարիք չկա, քանի որ ԱԱԾ–ի կողմից իրականացվում են բոլոր օպերատիվ–հետախուզական միջոցառումները` նմանատիպ անձանց անմիջապես բացահայտելու, կանխարգելելու ու համապատասխան աշխատանքներ իրականացնելու ուղղությամբ»,– ասաց ԱԱԾ տնօրենի տեղակալը։

Նա նաև փաստեց, որ կալանավորված երկու անձանցից մեկին առաջադրվել է լրտեսության, մյուսին` դավաճանության մեղադրանք։

Հիշեցնենք` կալանավորված անձանցից մեկը, ով մեղադրվում է դավաճանության մեջ, ՀՀ ԶՈւ–ում պատասխանատու պաշտոններ զբաղեցրած անձ է։ ԱԱԾ–ն բացահայտել էր, որ նա օտարերկրյա կազմակերպության ներկայացուցիչներին է հանձնել կամ հանձնելու նպատակով հավաքել է պետական գաղտնիք պարունակող տեղեկատվություններ։ Նա գտնվել է Վրաստանում և այնտեղ ադրբեջանական հետախուզական ծառայությունների աշխատակիցների կողմից ստացել է կոնկրետ առաջադրանքներ` Արցախի և Հայաստանի արտաքին անվտանգության, զինված ուժերի, սպառազինությունների մասին տեղեկություններ ձեռք բերելու կամ ծառայության բերումով արդեն իսկ իրեն հասանելի դարձած տեղեկատվությունը փոխանցելու վերաբերյալ։

Նա նաև Հայաստանում պարբերաբար հանդիպումներ է ունեցել ՀՀ–ի և Արցախի սպայական կազմի ներկայացուցիչների հետ, իրականացվող կոնկրետ գործողությունների և այլնի վերաբերյալ լուրեր հավաքել, հետո մեկնել է Վրաստան ու դրանք փոխանցել ադրբեջանական հետախուզական ծառայությունների աշխատակիցներին։

Ադրբեջանցիները համացանցում հայերին պատվիրում են նկարահանումներ անել ու ուղարկել իրենց. ԱԱԾ

Երկրորդ անձը, ով մեղադրվում է լրտեսության մեջ, ՀՀ զինված ուժերին պատկանող մարտական տեխնիկայի, սպառազինության շարժի, զորամասերի տեղակայման վայրերի, ինչպես նաև ռազմական դրության պայմաններում հայտարարված զորահավաքին մասնակցող անձանց և նրանց քանակի վերաբերյալ որոշակի տեղեկություններ է հավաքել, ըստ օպերատիվ տվյալների` հակառակորդին փոխանցելու համար։

592
թեգերը:
Ադրբեջան, լրտես, ՀՀ ազգային անվտանգության ծառայություն. ԱԱԾ
թեմա:
Ադրբեջանական ագրեսիան Արցախում - 2020
Ըստ թեմայի
Կեղծ լուրեր՝ բարձրաստիճան պաշտոնյաների մասին. ԱԱԾ–ն հորդորում է կասկածելի կայքերի չհետևել
«Վախի ազդեցության տակ է եղել». աղմկահարույց տեսանյութի Ազնիվն իրոք գերեվարվել է. ԱԱԾ
Արցախյան պատերազմի 1 ամսվա ընթացքում զոհվել է ԱԱԾ սահմանապահ զորքերի 37 զինծառայող
Նորածնին դուրս են գրում հիվանդանոցից, արխիվային լուսանկար

Երևանում արդեն 107 արցախցի է ծնվել

38
(Թարմացված է 14:40 27.10.2020)
Երևանի քաղաքապետարանը հրապարակել է հրաշք փոքրիկների լուսանկարները, որոնք ավելի վաղ ներկայացրել էր «Շենավիթ» բուժկենտրոնը։

ԵՐԵՎԱՆ, 27 հոկտեմբերի – Sputnik. Երևանի քաղաքապետարանը տեղեկացնում է, որ սեպտեմբերի 27-ից մինչ օրս Երևանում ծնվել է 107 արցախցի երեխա:

«Հոկտեմբերի 16-22-ն ընկած ժամանակահատվածում Երևանում ծնվել է 471 երեխա՝ 241 տղա և 230 աղջիկ»,–նշված է քաղաքապետարանի Facebook–յան էջում։

«Նորածին աղջկաս կնքելու ենք Ղազանչեցոցում». արցախցի կինը վստահ է` ամեն ինչ լավ է լինելու

Արցախի մարդու իրավունքների պաշտպան Արտակ Բեգլարյանն ավելի հայտնել էր, որ նախնական տվյալներով` վերջին շաբաթներին տեղահանվել կամ տեղափոխվել է Արցախի բնակչության շուրջ 60 տոկոսը։ Մարդիկ տեղափոխվել են կա՛մ Արցախի ավելի անվտանգ բնակավայրեր, կա՛մ Հայաստան։

«Պիտի ապրենք...». Հենրիխ Մխիթարյանն արցախցի երեխաների ձայնը փոխանցել է աշխարհին. տեսանյութ

38
թեգերը:
նորածին, Երևան, Հայաստան
Ըստ թեմայի
Հայաստանում արցախցի ևս մի տղա է ծնվել. փոքրիկի հայրը հիմա առաջնագծում է
Կյանքն է պատասխանը. Երևանում արցախցի գեղեցկուհի է ծնվել. լուսանկար
Գնել Սանոսյանն այցելել է Գավառի ծննդատանը լույս աշխարհ եկած արցախցի Մոնթեին

Սյունիքում հակառակորդի հարվածից զինծառայողներ են վիրավորվել

0
Հայկական բանակը հակառակորդին զգալի կորուստներ է պատճառել` հասցնելով հարվածներ։

Սյունիքի մարզում հակառակորդի ԱԹՍ–ներից զինծառայողներ են վիրավորվել։ «Զինուժ մեդիան» տեսանյութ է հրապարակել, որի կադրերում երևում է, թե ինչպես են վիրավորված զինծառայողներին տեղափոխում հոսպիտալ։

«Հակառակորդը թիրախավորել է Հայաստանի հարավային սահմանը։ Կրակ է վարում հարավի ուղղությամբ, հիմնականում օգտագործում է անօդաչու թռչող սարքեր»

Հայկական բանակը հակառակորդին զգալի կորուստներ է պատճառել` հասցնելով հարվածներ։

Ավելի վաղ հայտնել էինք, որ այսօր առավոտյան՝ ժամը 10:00-10:15–ի սահմանում, հերթական անգամ խախտելով հրադադարի ռեժիմը, ադրբեջանական կողմը անօդաչուներով և հրթիռահրետանային միջոցներով հրետակոծել է ՀՀ հարավային սահմանի Իրանի հետ հատման կետի հայկական սահմանապահ ուղեկալի դիրքերը: Անօդաչուներից մեկն ընկել էր Հայաստանի Հանրապետության տարածքում։

ՀՀ ՊՆ խոսնակ Շուշան Ստեփանյանը նշել էր, որ ստիպված են լինելու պատասխան հարվածներ հասցնել ադրբեջանական ուժերի ուղղությամբ:

Ավելի ուշ նա հայտնել էր, որ ՀՀ հարավային սահմանի ուղղությամբ հակառակորդի ձեռնարկած ոտնձգության հետևանքով վիրավորներ կան:

0