Երևանի Eltaroz – Rozelita մանկապարտեզը

Խաղում են հասակակիցների հետ․ Երևանի մասնավոր մանկապարտեզներն ընդունել են Արցախի երեխաներին

180
Ադրբեջանը շարունակում է գնդակոծել Արցախի խաղաղ բնակչությանը, շատ ընտանիքներ երեխաներին Հայաստան են ուղարկում՝ ռմբակոծություններից հեռու պահելու համար։ Իսկ այստեղ արդեն տեղացիներն անում են ամեն հնարավոր բան, որպեսզի երեխաները ոչ մի բանի կարիք չունենան և հաճախ ժպտան։

Լիլիթ Հարությունյան, Sputnik Արմենիա

Հայաստանի բոլոր բնակիչները միահամուռ կերպով ջանում են անել հնարավոր ամեն բան, որպեսզի Արցախից եկած երեխաները ոչ միայն ապահովված լինեն բոլոր անհրաժեշտ իրերով, այլև առավելագույնս ուրախ և օգտակար ժամանակ անցկացնեն։

Հիմա, քան երբևէ նրանց աջակցություն է պետք, չէ՞ որ մեծ մասը առանց ծնողների են եկել․հայրերը մեկնել են առաջնագիծ, իսկ մայրերը թիկունքում նրանց են սպասում։ Որպես կանոն երեխաների խմբին ընդամենը մեկ կամ երկու կին է ուղեկցում։ Եվ միայն ամենափոքրերի մայրերն են նրանց հետ եկել։

Արցախցի երեխաներին այստեղ ապաստան են տալիս ոչ միայն առանձին ընտանիքներ, այլև զանազան հաստատություններ։ Երևանի մի շարք մասնավոր մանկապարտեզներ և մանկական զարգացման կենտրոններ կամավորության սկզբունքով ընդունում են Արցախից եկած մանուկներին։

Ինչպես Sputnik Արմենիային պատմեց Eltaroz – Rozelita մանկապարտեզների ցանցի տնօրեն Անահիտ Պետրոսյանը, երեք հաստատությունում տեղավորել են մոտ 50 երեխայի։ Նրանցից ամենափոքրը մի քանի ամսական է, ավագը՝ 14 տարեկան։

«Ընդհանուր առմամբ երեխաների տրամադրությունը լավ է։ Իհարկե, սկզբում նրացից մի քանիսը վախեցած էին, բայց հիմա ամեն ինչ կարգին է։ Նրանք հիանալի լեզու են գտնում մեր սաների հետ»,-ասաց նա։

Օգնություն են ցուցաբերում նաև հղիներին։ Ի դեպ, նրանցից մեկը հոկտեմբերի 3–ին տղա է ունեցել։

«Մայրն ու փոքրիկը ապահովված են անհրաժեշտ ամեն ինչով` դեղամիջոցներից մինչև մանկասայլակ։ Բացի մեր աշխատակիցներից, եկածներին օգնելու հարցում շատ ակտիվ են նաև մանկապարտեզի մեր սաների ծնողները»,-նշեց նա։

Toy-Toy Richo զարգացման կենտրոնում արդեն տեղավորվել են 12 երեխայի, նրանցից 10-ը այսօր են ժամանել։ Փոքրիկները 3-10 տարեկան են։

«Շաբաթը երեք անգամ երկուական ժամով մեզ մոտ կսովորեն։ Մենք ավազով նկարում ենք, ավազային թերապիա ենք անցկացնում։ Կփորձենք այնպես անել, որ երեխաներին շեղենք տեղի ունեցող իրադարձություններից»,-ասաց կենտրոնի տնօրենը` Հայկուհին։

Իսկ երեխաների ուշադրությունը շեղել իրոք հարկավոր է։

Воспитанники детского сада Eltaroz – Rozelita
Երևանի Eltaroz – Rozelita մանկապարտեզը

5-ամյա աղջնակը՝ հայ-ադրբեջանական սահմանին գտնվող Նոյեմբերյան գյուղից, շատ վախեցած էր ռմբակոծություններից։ «Ծիածան» արվեստների կենտրոնում, որտեղ երեխաները նկարչությամբ են զբաղվում, նրան օգնեցին վերականգնվել։

«Սկզբում շատ կծկված էր։ Երբ նրան խնդրեցի ինչ-որ բան նկարել, տանկեր նկարեց։ Այդ ժամանակ իսկույն փոխեցի թեման, հեքիաթ պատմեցի նրան։ Կամաց-կամաց աղջնակը սկսեց գործընթացի մեջ ներգրավվել»,-պատմեց կենտրոնի ղեկավար Ինեսան։

Թորոսյանն Արցախում համակարգում է մարտական գործողություններից տուժածների բուժօգնությունը

«Օրրան» բարեգործական հասարակական կազմակերպությունը, ի լրումն այս ամենի, երեխաների հետ նաև առցանց դասեր է անցկացնում։ Ընդ որում՝ ինչպես դպրոցականների, որոնց ուսուցումը հարկադրված ընդհատվել է, այնպես էլ փոքրիկների հետ։

Сотрудники детского сада Eltaroz – Rozelita
Երևանի Eltaroz – Rozelita մանկապարտեզը

«Մեր մասնագետներն աշխատում են մոտ 50 երեխայի հետ։ Բայց, համավարակով պայմանավորված, դասերը հեռավար են իրականացվում»,-ասում է կազմակերպության տնօրեն Սուսաննա Մանուկյանը։ Արցախում խաղաղ քաղաքների և գյուղերի ռմբակոծություններից հետո հոգեբանական վնասը չեզոքացնելու համար երեխաներին զվարճացնում են նաև Երևանի տարբեր մանկական սրճարաններում։

Ցավոք, այս նախաձեռնությունը վերաբերում է միայն մասնավոր հաստատություններին։ Քաղաքապետարանից մեզ հայտնեցին, որ պետական նախադպրոցական հաստատություններն այս գործընթացում ներգրավված չեն

180
թեգերը:
Երևան, Արցախ, երեխա, մանկապարտեզ
Ըստ թեմայի
Արցախից եկած երեխաները կարող են հեշտ ու հանգիստ դպրոց գնալ Հայաստանում. ԿԳՄՍ փոխնախարար
Քեզ շատ եմ սիրում, խնդրում եմ` արի. Արցախը պաշտպանող զինվորները նամակ են ստացել երեխաներից
Այսօր թիրախավորվել են մեր երեխաները, վաղը կարող են լինել ձերը. Մխիթարյանը դիմել է աշխարհին
Բանաստեղծ Ռոբերտ Ռոժդեստվենսկին (ձախ կողմում), կոմպոզիտոր Առնո Բաբաջանյանը (կենտրոնում) և երգիչ Մուսլիմ Մագոմաևը (աջում)

Բաբաջանյանը 100 տարեկան է. Արամ Խաչատրյանը նրան ընտրյալ անվանեց, երբ Առնոն 6 տարեկան էր

91
Նրա ամբողջ կյանքը սիրո յուրօրինակ պատմություն էր, որը զարմանալի երգերի հետ գնաց թևածելու ամբողջ աշխարհում։ Հռչակավոր կոմպոզիտոր Առնո Բաբաջանյանի 100-ամյակի կապակցությամբ հատվածներ ենք ներկայացնում Sputnik Արմենիայի հրապարակումներից։

Նա կարողանում էր անկեղծորեն կենսախինդ լինել և այդ զգացումը փոխանցել մյուսներին, հեշտ ու հանգիստ տոն էր կազմակերպում աշխատանքային օրով և հրավիրում յուրաքանչյուրին, ով դեմ չէր միանալու ուրախությանը։

Առնո Բաբաջանյանը մանրանկարչի վարպետությամբ էր իր ստեղծագործություններում հայկական մեղեդին համադրում եվրոպական ու ռուսական ելևէջների հետ, և երևի հենց դա է պատճառը, որ նրա անկրկնելի հարմոնիկ համակցություններն այսօր էլ են զարմացնում երաժիշտներին։

Նրա ընտանիքում երաժիշտներ չեն եղել, թեև հայրը երբեմն ֆլեյտա էր նվագում սիրողական մակարդակով։ Իսկ Առնոն արդեն երեք տարեկանում նվագում էր տան հին ու մաշված հարմոնիկան, 9 տարեկանում գրեց «Պիոներական մարշը»՝ իր առաջին ստեղծագործությունը։ Բայց այս երկու տարեթվերի միջև կարևորագույն իրադարձություն տեղի ունեցավ․ Առնոյին նկատեց Արամ Խաչատրյանը։

Հայկական ամենասովորական մանկապարտեզ այցելած բարձրաստիճան հյուրին ապշեցրեց հրաշամանուկի տաղանդը։ Ապշեցուցիչ էին անգամ փոքրիկ Առնոյի ֆիզիկական համամասնությունները՝ խոշոր ձեռքեր, անհավանական մեծության քիթ։

Լսելով վեց տարեկան տղային` Խաչատրյանն արձանագրեց․ «Նա ընտրյալ է»։ Այդ օրից իր վեր Արամ Իլյիչը լամպից հայտնվող ջինի նման սկսեց հայտնվել Առնո Բաբաջանյանի ստեղծագործական կենսագրության ամենաանհրաժեշտ պահերին...

Հավատարիմ մնալով սեփական ժողովրդին, կամ թե ինչ կնկարեր Այվազովսկին հայկական գինու շշի վրա

Երգը ստեղծելիս Բաբաջանյանը միշտ նախապես գիտեր, թե ով է այն կատարելու։ Նա բացառիկ նրբությամբ էր զգում յուրաքանչյուր մենակատարի վոկալային առանձնահատկությունները, իսկ չէ՞ որ նրա հետ ամենատարբեր կատարողներ էին աշխատում՝ Լյուդմիլա Զիկինայից մինչև Սոֆյա Ռոտարու, Յուրի Գուլյաևից մինչև Ժան Տատլյան։

Մուսլիմ Մագոմաևի լավագույն երգերը գրել է Առնո Բաբաջանյանը։ Բառերի հեղինակը հիմնականում Ռոբերտ Ռոժդեստվենսկին էր։ Խորհրդային էստրադայի տիտանների եռյակը ոչ միայն համագործակցում էր, այլև ընկերություն էր անում։

Բանաստեղծին ժամանակ առ ժամանակ են հիշում, կոպոզիտորին՝ ավելի հազվադեպ։ Ի՞նչ է ստացվում։ Ստացվում է, որ երգը լսում ենք, կատարողին՝ տեսնում, իսկ թե ում երաժշտությունն է հնչում, չգիտենք։

Բաբաջանյանն ու Ռոժդեստվենսկին ընկերներ էին, և նրանք կարողանում էին համագործակցել։ Սկզբում գրվում էր երաժշտությունը, իսկ հետո արդեն՝ բանաստեղծությունը։ Բաբաջանյանի որդու հուշերում Ռոժդեստվենսկին մնացել է որպես շատ երաժշտական մարդ։

«Հայրիկը նրա համար երաժշտությունը ձայնագրում էր ժապավենի վրա, նա տանը լսում էր, ինքը նվագում, և ինչ-որ կերպ միշտ կերպարային ճիշտ արդյունք էր ստացվում»,-հիշում է Արայիկը։

Միշել Լեգրանի հայկական «ես»–ը. հանրահայտ կոմպոզիտորը` Sputnik Արմենիայի օբյեկտիվում

Իսկ կոմպոզիտոր Շաինսկին ասում էր, որ աստված Բաբաջանյանի մեջ դրել է այն ցնցող երաժշտականությունը, որով հայտնի է ամբողջ հայ ժողովուրդը։ Նրա կարծիքով՝ հայ կոմպոզիտորն իսկապես հզոր երաժշտություն էր հորինում։

«Նրա երաժշտական գործունեության շրջանակը շատ ընդարձակ է։ Բացի էստրադային երգերից, որոնք մեծ ժողովրդականություն էին վայելում, չի կարելի չհիշատակել նրա ստեղծագործությունները ակադեմիական լուրջ երաժշտության մեջ: Շատ տաղանդավոր էր»,-ասում էր Շաինսկին։

Իոսիֆ Կոբզոնը երբեմն կատակով նեղանում էր՝ կշտամբելով կոմպոզիտորին, որ նրա գլխավոր հիթերը Մագոմաևին են բաժին հասնում, իսկ իրեն ինչ-որ մնացորդներ են հասնում։ Չնայած Բաբաջանյանի «Նոկտյուրնը», ի հեճուկս համընդհանուր համոզմունքի, առաջին կատարել է հենց Կոբզոնը, ոչ թե Մագոմաևը։

Բաբաջանյանն այդ երաժշտությունը գրել էր իր կատարման համար և բազմիցս նվագել Սիլանտևի նվագախմբի հետ։ Մի անգամ Կոբզոնը Բաբաջանյանին ասաց․ «Լսիր, Առնո, արի Ռոբերտին խնդրենք, թող բանաստեղծությունը գրի, ես շատ եմ ուզում կատարել այս երգը»։ Պատասխան ստացավ, որ այ այս երաժշտությանը դիպչել պետք չէ։ «Երբ ես չեմ լինի, ինչ ուզում ես արեք»։ Եվ իրոք, Բաբաջանյանի մահից հետո Կոբզոնը դիմեց Ռոժդեստվենսկուն, որը հիանալի սրտառուչ բանաստեղծություն գրեց։

Պուտինի դիմանկարը «հայտնվել» է բրնձի վրա. ի՞նչ ցանկություն ունի Տեր–Ղազարյանի ծոռնուհին

Իոսիֆ Կոբզոնը Հայաստանն իր երկրորդ տունն էր համարում։ Մի անգամ, երբ նա Երևանում էր, խոստովանեց լրագրողներին․ «Ես Հայաստանում հյուր չեմ, քանի որ հաճախ եմ գալիս և ուրախալի առիթներով, բայց առաջին հերթին միշտ այցելում եմ ընկերներիս գերեզմաններ»։

Կոբզոնը համարում էր, որ Առնո Բաբաջանյանն ու Միքայել Թարիվերդիևն այն մարդիկ են, որոնցով պետք է հպարտանա ամբողջ հայությունը։

Հիշելով Բաբաջանյանին` Եվգենի Եվտուշենկոն ասում էր․ «Նա հենց երաժիշտ էր ծնվել։ Նրա տաղանդը տիպիկ բացառիկ երաժշտական ունակությունների քրտնաջան, ամենօրյա ջանքերի արդյունք չէր։ Նա ատիպիկ էր, բնությունն ինքն էր հոգ տարել նրա մասին»։

Իսկ մաեստրոն իր անձին վերաբերվում էր իրեն բնորոշ հումորով․ «Շոպենի կամ Ռախմանինովի ժամանակ ավելի հեշտ էր․ ժողովներ չէին անում, նարդի ու շախմատ չէին խաղում։ Եվ կյանքն էլ պակաս հետաքրքիր էր։ Այսօր չգիտես էլ՝ երաժշտություն գրես, թե ապրես։ Չնայած, եթե կոմպոզիտոր չլինեի, երևի բեմում կլինեի, կոմիկի դեր կխաղայի։ Կարծում եմ՝ գրոտեսկային կստացվեր»։

Հայտնի դաշնակահար և կոմպոզիտոր Մարտին Վարդազարյանը, հաստատելով այս խոսքերը, Առնոյի հետ կապված մի քանի զվարճալի դեպքեր է հիշում, թե ինչպես Դիլիջանում` Կոմպոզիտորների տանը, ով չէր ալարում, թռցնում էր նրա «Մալբորո» ծխախոտից, մեջքի բուժման գործընթացն անցնում էր «Գնացինք Առնոյին կախելու» նշանաբանով և այլն։

Եվ ամենակարևորը, վստահեցնում է Վարդազարյանը, Առնոն դաշնակահարի ու կոմպոզիտորի բնածին տաղանդ ուներ։ Նա բոլորին ցույց էր տալիս իր ստեղծագործություններն ու դպրոցականի պես կարծիքի սպասում, լսում, բայց միշտ իր ուզածով էր անում։

...Եթե մարդը հանճար է, ապա դա հավերժական է, հանճարեղությունն անցողիկ մեծություն չէ, քանի որ այն ամենը, ինչ ստեղծում են հանճարները, ո՛չ ժամանակային սահման ունեն, ո՛չ էլ աշխարհագրական։

91
թեգերը:
կոմպոզիտոր, Առնո Բաբաջանյան, Հայաստան
Ըստ թեմայի
Առնո Բաբաջանյան. հումորի մեծ զգացումով մարդը
Բաբաջանյանի «Նոկտյուրնը» Նոր տարվա «Огонек»-ի պատվեր է. ո՞ւր են կորել հայկական հիթերը
Անսովոր արվեստ․ Հովսեփ Բարսեղյանը յուրահատուկ դիմանկարներ է ստեղծում մեխերով ու լարով
Ինչպես է հայը Թիֆլիսում կառուցել դղյակ, որը ճարտարապետության գլուխգործոց է հռչակվել
Пещера у Ереванского озера

Երևանյան լճի հարակից քարանձավում դի են գտել

64
(Թարմացված է 18:32 22.01.2021)
Դին դուրս են բերել ԱԻՆ հատուկ նշանակության փրկարարական աշխատանքների իրականացման կենտրոնի աշխատակիցները։

ԵՐԵՎԱՆ, 22 հունվարի – Sputnik. Երևանյան լճի հարակից տարածքում դի է հայտնաբերվել։ Տեղեկությունը հայտնում է ՀՀ ԱԻՆ մամուլի ծառայությունը։

«Հունվարի 22-ին, ժամը 13։10-ին Ճգնաժամային կառավարման ազգային կենտրոն ահազանգ է ստացվել, որ Երևանի «Երևանյան» լճի մոտակայքում (քարանձավի մեջ) հայտնաբերվել է դի․ դժվարանցանելի տեղանքից դուրս բերելու համար անհրաժեշտ է փրկարարների օգնությունը»,–նշված է հաղորդագրության մեջ։

Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Փրկարարները Երևանյան լճի հարակից տարածքից (քարանձավից) դուրս են բերել քաղաքացու դին։

Կաթնաղբյուրի ձորում 43–ամյա տղամարդու դի են հայտնաբերել

64
թեգերը:
ՀՀ արտակարգ իրավիճակների նախարարություն (ԱԻՆ), Դիակ, Երևան, քարանձավ, լիճ
թեմա:
Վթար, պատահար, սպանություն, գողություն
Ըստ թեմայի
Սարսափելի դեպք Ճապոնիայում․ ծերանոցում 14 մարդու դի են հայտնաբերել
Երևանի Դավթաշենի կամրջի տակ 31–ամյա երիտասարդի դի են հայտնաբերել
Երևանում հրդեհված տանը երիտասարդի դի են հայտնաբերել
ԲԿՄԱ

18-ամյա հայազգի ֆուտբոլիստը միացել է ԲԿՄԱ-ի գլխավոր թիմին

0
(Թարմացված է 23:52 22.01.2021)
Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

ԵՐԵՎԱՆ, 22 հունվարի - Sputnik. Մարզիչ Ալեքսեյ Բերեզուցկին և կիսապաշտպան Տիգրան Ավանեսյանը միացել են ԲԿՄԱ-ի հիմնական թիմին` Իսպանիայում ընթացող մարզչական հավաքին մասնակցելու համար։ Տեղեկությունը հայտնում է ակումբի թվիթերյան էջը:

Վալերի Հովհաննիսյանը կզբաղեցնի «Տամբով» ֆուտբոլային ակումբի նախագահի պաշտոնը

Հունվարի 22-ին ԲԿՄԱ-ն հայտարարեց, որ Ռուսաստանի հավաքականի նախկին խաղացող Ալեքսեյ Բերեզուցկին, որը անցյալ տարվա հունվարից ակումբում զբաղեցնում էր գլխավոր տնօրենի տեղակալի պաշտոնը, մտել է գլխավոր թիմի մարզչական շտաբ:

Ավանեսյանը նախկինում մարզումային հավաքներ է անցկացրել ԲԿՄԱ-ի երիտասարդական թիմի հետ:

0
թեգերը:
Ռուսաստան, հայ, ֆուտբոլիստ, ֆուտբոլ
Ըստ թեմայի
Ծոծրակին աչք ունեցող ֆուտբոլիստը. Արկադի Անդրեասյանի «ոսկերչական» փոխանցումներն ու հումորը
Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում
Ըմբշամարտն ու պատերազմը. Արայիկ Բաղդադյանը` սպորտի հաղթանակների և կռվի դառնության մասին