ԵՐԵՎԱՆ, 5 հոկտեմբերի – Sputnik. լրագրող Սիրանույշ Եղիազարյանը պատրաստ է իր տունը կտակել ծնողազուրկ զինվորին։ Տեղեկությունը հայտնում է ՀՀ պաշտպանության նախարարության ներկայացուցիչ Արծրուն Հովհաննիսյանը։
«Ինձ նոր զանգեց լրագրող Սիրանույշ Եղիազարյանը և հուզական ձայնով ասեց, որ ինքը պատրաստ է մեր հերոս, ծնողազուրկ զինվորին, ով անմահանալու է իր քաջագործությամբ, մայրություն անել և իր տունը կտակել նրան։ Դժվար է ներկայացնել այս հուզմունքը։ Մենք անպարտելի ենք»,– Facebook–ի իր էջում գրել է նա։
Արծրուն Հովհաննիսյանն իր գրառումն ավարտել է #Հաղթելուենք հեշթեգով։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 5-ի ժ. 13։00-ի դրությամբ` հակառակորդի կրակոցների հետևանքով զոհվել են 223 զինծառայողներ և 18 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։
Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
