ԵՐԵՎԱՆ, 26 սեպտեմբերի – Sputnik. Համերգներից մեկի ժամանակ հայտնի երգչուհի Անի Լորակի պահվածքը քննարկման թեմա է դարձել համացանցում։ Օգտատերերն արդեն մի քանի օր է` Լորակի «ոսկորներն են լվանում» ու նրա մասին գրառումներ անում։ Իսկ ոմանք էլ հրաժարվում են հավատալ, որ դա իրենց սիրելի երգչուհին է։
Լորակին քննադատել են Կորսակովում կայացած ելույթի համար։ Քաղաքի օրվա կապակցությամբ կազմակերպված համերգին ներկա է եղել գրեթե ամբողջ քաղաքը, և շատերը ցնցվել են, երբ տեսել են, որ երգչուհու տեսքն ընդհանրապես չի համապատասխանում Instagram–ում հրապարակված այն լուսանկարներին, որոնցով հիանում են բոլորը։
Լորակը հանդիսատեսին ներկայացել է արծաթագույն կոմբինեզոնով։ Երկրպագուներն անմիջապես նկատել են, որ երգչուհին գիրացել է, իսկ այդ հագուստը միայն ընդգծել է կազմվածքի փոփոխությունը։ Համացանցում նախ սկսել են քննադատել նրա զգեստի ընտրությունը։
Ուզում եմ հայրենիքիս հետ ծանոթանալ. Լեդի Գագայի հայ դիզայները ներկայացրել է աշխատանքները
«Կարոլինկան կարանտինի ընթացքում գիրացել է, նախքան պլաստիկ վիրահատությունը հիասքանչ գեղեցկություն ուներ։ Ինչո՞ւ են կանայք գիտակցաբար իրենց տգեղացնում», – գրել են օգտատերերը։
Բայց օգտատերերին դուր չի եկել նաև, թե ինչպես է Լորակն իրեն պահել բեմում։ Երգչուհին ինչ–որ խելահեղ պար է ցուցադրել, ցնցվել է, կատաղի պտտվել, տարբեր կեցվածքներ ընդունել։ Նրա դիմախաղը ևս վախեցրել է մարդկանց։
Посмотреть эту публикацию в Instagram
«Նման պահվածքը չի սազում նրան, Լոպեսին է նմանակում. նույն շարժումներն են։ Զայրացնում են նրա ծամածռությունները, թեև պաշտում եմ նրան։ Նրա մեջ անտաշություն կա...», – գրում են մարդիկ։
Ոմանք նույնիսկ չեն հավատացել, որ դա Լորակն է։
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
«Ինքը չէ, կարծես թե նրա նմանակն է, որոշել են մարդկանց ուրախացնել, բայց շատ գումար չծախսել։ Աչքերիս չեմ հավատում։ Ինչ հիմարություն է, սա ինքը չէ», – մեկնաբանություններում գրում են երկրպագուները։
Երգչուհու էջում Կորսակովի ելույթից տեսանյութ չկա, իսկ նրա հրապարակած վերջին լուսանկարներում Լորակն այնքան նիհար է, որ հանդիսատեսի կասկածները կարող են լիովին արդարացված լինել։
Ավելի վաղ Անի Լորակը ԶԼՄ–ներին խոստովանել էր, որ գիրացել է կարանտինի պատճառով և այժմ խիստ սննդակարգ է պահում նախկին կազմվածքը վերադարձնելու համար։
Անի Լորակը (Կարոլինա Կուեկ) Ուկրաինայի ժողովրդական արտիստ է։ 2008 թվականին «Shady Lady» երգով Ուկրաինան է ներկայացրել «Եվրատեսիլ» երգի մրցույթում և զբաղեցրել երկրորդ տեղը։
Ստոցկայան ցույց է տվել` ինչպես է մեծացել հայ որդին. բաժանորդները նորից «ոգևորվել են»
