Ռոզա Աբգարյանը թոռնիկի հետ

«Բալես, ո՞ւր գնանք, տուն չունենք». Պտղունքում հրդեհի հետևանքով 14 ընտանիք անօթևան մնացին

2463
(Թարմացված է 22:14 25.09.2020)
Արմավիրի մարզում բռնկված խոշոր հրդեհից տուժել է 52 անձ։ Շատերը չեն հասցրել անգամ փաստաթղթերը հանել վառվող տներից։

ԵՐԵՎԱՆ, 25 սեպտեմբերի – Sputnik. Արմավիրի մարզի Պտղունք գյուղում ենք, որտեղ երեկ խոշոր հրդեհ էր բռնկվել։ Երկհարկանի շենքի բոլոր 14 բնակարանները տուժել են, այդ թվում` տասը կրակի բաժին են դարձել գրեթե ամբողջությամբ։ Շենքը լրիվ անպիտան է դարձել` նկուղները լցվել են ջրով, իսկ վերևի հարկում միայն մոխրի մեջ կորած առարկաներ են։ Տեղի բնակիչներից Ռոզա Աբգարյանին ենք հանդիպում։ Թոռան հետ շվարած կանգնած է։ 2-ամյա երեխան տատի ձեռքն է քաշում ու նվնվում` արի մեր տուն գնանք։ Տիկին Ռոզան թոռից ծածուկ սրբում է արցունքներն ու ասում.

«Բալես, ո՞ւր գնանք, էլ տուն չունենք»։

Сгоревший из-за пожара дом семьи Кюрегянов в селе Птхунк (25 сентября 2020). Армавир
© Sputnik / Karine Harutyunyan
Պտղունքում հրդեհված շենքը

Տիկին Ռոզան այս գիշեր ընտանիքի` հարսի, տղայի և երեք անչափահաս թոռնիկների հետ նույն գյուղում ապրող բարեկամներից մեկի տանն է գիշերել։ Կինը մեզ ուղեկցում է իր տուն, որի միայն կմախքն է մնացել։ Ճանապարհին հարևանները հերթով մոտենում են տիկին Ռոզային, ամուր գրկում, արտասվում։

Сгоревший из-за пожара дом Жени Геворгян в селе Птхунк (25 сентября 2020). Армавир
© Sputnik / Karine Harutyunyan
Պտղունքում հրդեհված երկհարկանի շենքը

Կինը պատմում է, որ երեկ` ժամը 17-ի սահմաններում, թոռների հետ նստած է եղել, երբ հարսը խուճապահար ներս է մտել ու ասել, որ հրդեհ է բռնկվել հարևան տներում, և կրակը մոտենում է իրենց տանը։

«Այդ պահին երեխաներին արագ ներքև իջեցրի ու ինչ տեսնեմ` կրակը տները կուլ տալով` գալիս է։ Ներս մտա, փաստաթղթերը հանեցի, միջանցքից փոքր հեռուստացույց ունեինք` դա վերցրի ու վերջ` մնացածը կրակի բաժին դարձավ»,–պատմում է տիկին Ռոզան։

Երեք սենյականոց բնակարանում այրվել է ամեն ինչ` կահույք, տեխնիկա, հագուստ, անգամ երեխաների դասագրքերը։ Տիկին Ռոզայի երկու թոռներն այսօր դպրոց չեն գնացել` հագուստ էլ չունեն։ Հրդեհաշիջման աշխատանքների ժամանակ էլ տղան է ձեռքը վնասել։ Հարևանները հուշում են` տիկին Ռոզան շաքարային դիաբետով է տառապում, ունի նաև այլ հիվանդություններ, որոնց մասին կինն ինքը խոսել չի ուզում։

Семья Абгарян у сгоревшего из-за пожара дома в селе Птхунк (25 сентября 2020). Армавир
© Sputnik / Karine Harutyunyan
Տիկին Ռոզայի ըևնտանիքը

Նրա հետ զրույցի ընթացքում հարսն է մոտենում երկու 8-9 տարեկան աղջիկների հետ։ Նրանց հայրը երեխաներին խնդրում է չնայել տանը.

«Պետք չի այս տեսքով տեսնեք մեր տունը»,–ասում է։

Պտղունքի երկհարկանի շենքի այն տանը, որտեղ առաջինը բռնկվել է հրդեհը, 81-ամյա Ժենյա Գևորգյանն է ապրում։ Նրան դեպքից հետո բարեկամներից մեկի տուն են տարել։

Сгоревший из-за пожара дом семьи Кюрегянов в селе Птхунк (25 сентября 2020). Армавир
© Sputnik / Karine Harutyunyan
Պտղունքում հրդեհի բաժին դարձած շենքը

Ժենյա Գևորգյանի աղջիկը` Մարինե Գրիգորյանը (որի տունը մոր տան հարևանությամբ է գտնվում) պատմում է, որ մոր հետ տան դիմաց գտնվող կառույցում, որը որպես բաց խոհանոց է ծառայում, պահածո են պատրաստելիս եղել, երբ հանկարծ տարօրինակ ձայն են լսել` կրակի ճարճատյունը։

Պայթյուն Ռայնիսի փողոցում․ վարչապետն ու արտակարգ իրավիճակների նախարարը դեպքի վայրում են

«Ձեռքիս գործը թողեցի ու վազեցի տուն, դուռը բացեցի` կրակը վրա տվեց։ Ներքև իջա, գոռգռացի, հարևաններին կանչեցի, ԱԻՆ զանգեցի։ Մեր տուն մտնել այլևս հնարավոր չէր` անգամ փաստաթղթերը չենք կարողացել տնից հանել; Մայրս այդ տեսարանից վատացավ, շտապօգնություն կանչեցինք, հետո էլ մորս բարեկամի տուն ուղարկեցինք»,–պատմեց Մարինեն։

Марине Геворгян у сгоревшего из-за пожара дома в селе Птхунк (25 сентября 2020). Армавир
© Sputnik / Karine Harutyunyan
Մարինե Գրիգորյան

81-ամյա կնոջը չեն ասել, որ իր տնից միայն մոխրի մեջ կորած պատերն են մնացել, քանի որ տարեց կինն իրեն մինչև հիմա լավ չի զգում։

Աղջիկն ասում է, որ հրդեհի հավանական պատճառը հոսանքալարերից առաջացած կարճ միացումն է, քանի որ նման մեծ ծավալով հրդեհի առաջացման համար այլ պատճառ ուղղակի չէր կարող լինել։ 

Պայթյուն և փլատակներ. Երևանի Ռայնիսի փողոցը դեպքից հետո. լուսանկարներ

  • Պտղունք համայնքի ղեկավար Կարապետ Արթենյան
    Պտղունք համայնքի ղեկավար Կարապետ Արթենյան
    © Sputnik / Karine Harutyunyan
  • Պտղունքի հրդեհված շենքի բնակիչները
    Պտղունքի հրդեհված շենքի բնակիչները
    © Sputnik / Karine Harutyunyan
  • Պտղունք համայնքի ղեկավար Կարապետ Արթենյան
    Պտղունք համայնքի ղեկավար Կարապետ Արթենյան
    © Sputnik / Karine Harutyunyan
  • Աբգարյանների տունը հրդեհից հետո
    Աբգարյանների տունը հրդեհից հետո
    © Sputnik / Karine Harutyunyan
  • Պտղունքի հրդեհված շենքը
    Պտղունքի հրդեհված շենքը
    © Sputnik / Karine Harutyunyan
  • Պտղունքի հրդեհված շենքը
    Պտղունքի հրդեհված շենքը
    © Sputnik / Karine Harutyunyan
  • Պտղունքի հրդեհված շենքը
    Պտղունքի հրդեհված շենքը
    © Sputnik / Karine Harutyunyan
  • Կարապետյանների ունեցվածքից մնացածը
    Կարապետյանների ունեցվածքից մնացածը
    © Sputnik / Karine Harutyunyan
  • Կարապետյանների ունեցվածքից մնացածը
    Կարապետյանների ունեցվածքից մնացածը
    © Sputnik / Karine Harutyunyan
  • Աբգարյանների տունը հրդեհից հետո
    Աբգարյանների տունը հրդեհից հետո
    © Sputnik / Karine Harutyunyan
  • Աբգարյանների տունը հրդեհից հետո
    Աբգարյանների տունը հրդեհից հետո
    © Sputnik / Karine Harutyunyan
  • Աբգարյանների տունը հրդեհից հետո
    Աբգարյանների տունը հրդեհից հետո
    © Sputnik / Karine Harutyunyan
  • Սաշիկ Աբգարյանը
    Սաշիկ Աբգարյանը
    © Sputnik / Karine Harutyunyan
1 / 13
© Sputnik / Karine Harutyunyan
Պտղունք համայնքի ղեկավար Կարապետ Արթենյան

Ամբողջովին այրված տներից մեկ ուրիշի մոտ ամուսիններ են կանգնած` 68 և 67–ամյա Գնել ու Արեգնազ Կյուրեղյանները։ Կինը հոգոց հանելով թվարկում է, թե ինչ են թողել կրակին նվեր, նշում է նաև օժիտ բերած կարի մեքենան, ինչին ի պատասխան ամուսինը հավելում է.

«Այ կնիկ, բա օժիտիդ գորգե՞րը»։

Ամուսիններով ծիծաղում են` փորձելով ցավը հումորով հաղթահարել։

Гнел и Арегназ Кюрегяны у сгоревшего из-за пожара дома в селе Птхунк (25 сентября 2020). Армавир
© Sputnik / Karine Harutyunyan
Գնել ու Արեգնազ Կյուրեղյանները

Մոտենալով նրանց` հետաքրքրվում եմ, թե ինչ է այրվել, ինչին ի պատասխան Գնել Կյուրեղյանը մեղմ ժպիտով պատասխանում է.

«Այ բալա, ճիշտ կլինի հարցնես` ինչ չի այրվել»։

Ու կրակի բաժին դարձած իրերից առաջինը, որ թվարկում է տղամարդը, գրքերն են` մի ամբողջ պահարան։ Գնել Կյուրեղյանը բակում նստած է եղել, երբ աղմուկ է լսել, ծխի հոտ առել ու տեսել` հարևան տներն այրվում են։ Տանը մենակ է եղել, բայց հասցրել է որոշ իրեր դուրս հանել, այդ թվում` իր և կնոջ այն նկարները, որոնք անակնկալ է արել ու «էն թվերին» շրջանակի մեջ անցկացնելով, նվիրել կնոջը։

Гнел Кюрегян у сгоревшего из-за пожара дома в селе Птхунк (25 сентября 2020). Армавир
© Sputnik / Karine Harutyunyan
Գնել Կյուրեղյանը

Կինը պատմում է, որ 1000 դոլարի չափով խնայողություն է ունեցել, որը խոհանոցում էր։ Ամուսինն այս մասին առաջին անգամ է լսում ու հումորով արձագանքում` այ կին, դու ինձնից փաստորեն գաղտնիք ես ունեցե՞լ։

Ամուսինները չեն հուսահատվում. եղածը եղած է, հիմա կարևոր է, որ պատկան մարմիններն իրենց մասին չմոռանան ու ապրելու տեղի հարցը լուծեն, իսկ մնացածին իրենք կհասնեն` բոլորն էլ աշխատող մարդիկ են։

Մինչ կնոջ հետ խոսում ենք, ամուսինը տարիքս է հարցնում ու թե.

«էդ է, տանը մի չամուսնացած տղա ունեմ, քեզ հարս եմ պահելու»։ Ծիծաղում ենք, հետո կինը խորը հոգոց է հանում, նայում ավերակ դարձած տանն ու կիսաձայն ինքն իր հետ խոսում.

«Հարս եմ բերելու։ Ո՞ւր ես բերելու, է, այ մարդ։ Դու ինքդ մնալու տեղ չունես»։

Сгоревший из-за пожара дом семьи Кюрегянов в селе Птхунк (25 сентября 2020). Армавир
© Sputnik / Karine Harutyunyan
Պտղունքում հրդեհի բաժին դարձած շենքը

Պտղունք համայնքի ղեկավար Կարապետ Արթենյանը հայտնեց, որ հրդեհված շենքը կառուցվել էր 1930-ականներին, և արդեն 4-րդ կարգի վթարային շենք էր համարվում։ Այս գարնանը համայնքի ղեկավարն ուզել է սուբվենցիոն ծրագրով շենքի տանիքը նորոգել, սակայն ասել են, որ 4-րդ կարգի վթարային շենքը չեն ներառի ծրագրի մեջ։

Староста села Птхунк Карапет Артенян
© Sputnik / Karine Harutyunyan
Պտղունք համայնքի ղեկավար Կարապետ Արթենյան

«Գյուղն այս շենքից է դուրս եկել` սա գյուղի առաջին կառույցն է։ 52 բնակիչ է հիմա տուժել, նրանց մեջ 10-ից ավելին երեխաներ են։ Գյուղում չկա որևէ ազատ շենք, որ տրամադրենք ու ժամանակավոր ապրեն` մինչև մի ճար կգտնվի։ Հարևանները պատրաստ են ընդունել անօթևան մնացածներին, բայց բոլորն ինչ–որ ազգականի տուն են գնացել»,–ասաց Արթենյանը։

Երևանում պայթյունից տուժած շենքի բնակիչների համար պետությունը նոր բնակարաններ կգնի

Համայնքի ղեկավարն արդեն դիմել է մարզպետարան, և շուտով հանձնաժողով կստեղծվի բնակիչների կրած վնասը գնահատելու համար։

Փոխհատուցման համար առաջիկայում կդիմեն կառավարությանը։

2463
թեգերը:
ընտանիք, Պտղունք, հրդեհ, Արմավիրի մարզ
Ըստ թեմայի
Խոշոր հրդեհ Մատենադարանի տարածքում. կրակը տեսանելի է քաղաքի տարբեր մասերից. լուսանկարներ
Խոշոր հրդեհ կրակայրիչների արտադրամասում. աշխատակիցներից մեկն այրվածքներ է ստացել
Երևանի շենքերից մեկում հրդեհ է բռնկվել. դեպքի վայր է մեկնել 2 մարտական հաշվարկ
Կին

Հեռախոսային տեռոր. ինչպես օգնել հայ զինվորների ընտանիքներին, որոնց զանգել են Ադրբեջանից

667
(Թարմացված է 00:45 28.10.2020)
ՀՀ ՄԻՊ գրասենյակն ու պատկան կառույցներն արձանագրել են, որ ադրբեջանցիները զանգում են սպանված կամ գերեվարված հայ զինվորականների հեռախոսահամարներից։ Այս իրավիճակում չի կարելի մոռանալ զինծառայողների հարազատներին հոգեբանական օգնություն ցուցաբերելու մասին։

Սեպտեմբերի 27-ին Արցախում սկսված պատերազմը ի թիվս այլ խնդիրների ևս մեկ կարևոր խնդիր վերհանեց` ՀՀ քաղաքացիներին ուղարկված ադրբեջանական զանգերն ու հաղորդագրությունները։ Պատերազմի առաջին օրերին Ադրբեջանից կեղծ հաղորդագրություններ ստացան պատահական բաժանորդները, բայց հետո ադրբեջանցիները սկսեցին սպանված հայ զինվորականի հեռախոսից զանգեր ուղարկել նրա հարազատներին ու բարեկամներին։ Եղան նաև դեպքեր, որ հայ զինվորականների ընտանիքներին ուղարկեցին դաժանաբար սպանված զինվորականի լուսանկարները։

Սոցցանցերում առկա տեսանյութերի և Sputnik Արմենիայի սեփական աղբյուրների համաձայն` ՀՀ քաղաքացիներին զանգահարած անձինք զինծառայողների ընտանիքի անդամներին (կանանց, մայրերին, եղբայրներին) հայտնում են, որ զինծառայողը սպանված է։ Բացի այդ, նրանք անպարկեշտ խոսքերով վիրավորում են զոհվածի ընտանիքի անդամներին, նսեմացնում նրանց պատիվն ու արժանապատվությունը, սպառնում ամբողջ հայ ժողովրդի ոչնչացմամբ։ Այդ մարդիկ հիմնականում խոսում են ռուսերեն ակցենտով կամ վատ հայերենով։

«Սիրտս պայթում է». ինչ նամակ է գրել գերեվարված Ազնիվը

ՀՀ մարդու իրավունքների պաշտպանի գրասենյակը նման փաստերն արձանագրում է համապատասխան զեկույցներ պատրաստելու և միջազգային կառույցներին ներկայացնելու համար, բայց հազվադեպ է մանրամասներ հրապարակում։ Այդուհանդերձ, ՄԻՊ–ը մի աղաղակող փաստ ներկայացրել էր։

Հոկտեմբերի 16-ին` ժամը 13-ի սահմանում, մի ադրբեջանցի զանգահարել է հայ զինծառայողի հարազատ եղբորը և տեղեկացրել, որ նրա եղբայրը գտնվում է իրենց մոտ, իրենք կտրել են եղբոր գլուխը, իսկ լուսանկարը տեղադրելու են համացանցում: Զանգից մի քանի ժամ անց սպանված զինծառայողի լուսանկարը եղբայրը հայտնաբերել է նրա սոցիալական ցանցի էջում: Հենց ադրբեջանցի զինվորականներն էլ նկարը սոցիալական ցանցի էջում տեղադրել են նրան սպանելուց հետո: Ադրբեջանի զինվորականների հետ եղբայրն ունեցել է իրար հաջորդող երկու հեռախոսային խոսակցություն, որոնց ընթացքում ադրբեջանական մի քանի զինվորական խմբով ծաղրել են, փորձել են նվաստացնել սպանված զինծառայողի եղբորը, նրա հետ խոսել ատելության խոսքով։ Ընդ որում` զանգերը կատարվել են հենց սպանված զինծառայողի հեռախոսահամարից:

«Եղել ենք նաև դեպքեր, երբ հեռախոսազանգեր են ստացել նույն ընտանիքի միանգամից երկու անդամներ, սակայն հաճախ զանգահարում են միայն բարեկամներից մեկին։ Մենք չենք կարող նման դեպքերի կոնկրետ թիվ նշել կամ մանրամասներ բացահայտել։ Մենք այժմ հավաքում ենք բոլոր նման փաստերը», – Sputnik Արմենիայի թղթակցին հայտնեցին ՀՀ մարդու իրավունքների պաշտպանի գրասենյակից։

Այս համատեքստում հատկապես արդիական է նման հաղորդագրություններ և զանգեր ստացած քաղաքացիներին հոգեբանական աջակցություն ցուցաբերելու հարցը։ Նույնիսկ դժվար է պատկերացնել, թե ինչ վիճակում են հայտնվում մայրերը, կանայք, եղբայրներն ու հայրերը։ Բայց Հայաստանում նույնիսկ խաղաղ ժամանակ ընդունված չէ հոգեբաններին դիմելը, պատերազմի ժամանակ` առավել ևս։

Այնուամենայնիվ, Երևանում պատերազմի սկզբից հոգեբանական աջակցության մի քանի անվճար թեժ գիծ է բացվել։ Սակայն բոլոր հոգեբանները մի առանցքային խնդրի են բախվում. մարդն ինքը պետք է դիմի օգնություն ստանալու համար, ինքը պետք է զանգահարի թեժ գծին։ Պատերազմից տուժածներին պարտադիր հոգեբանական օգնություն տրամադրելու մեխանիզմներ չկան։

ՀՀ մարդու իրավունքների պաշտպանի գրասենյակից Sputnik Արմենիային հայտնեցին, որ որևէ քաղաքացի չի դիմել ՄԻՊ–ին հոգեբանական օգնություն ստանալու խնդրանքով։ Նույնը մեզ ասացին Հայաստանում ռազմական դրության ժամանակ բացված պաշտոնական «թեժ գծի» ներկայացուցիչները։

«Զանգահարելով 117 հեռախոսահամարին, այնուհետև հավաքելով 9` քաղաքացիները կարող են անվճար հոգեբանական աջակցություն ստանալ։ Մենք զրույցի գաղտնիությունը չենք խախտում, բայց ադրբեջանական կողմի հետ շփումների վերաբերյալ զանգեր չենք ստացել», – Sputnik Արմենիայի հետ զրույցում ասացին «թեժ գծի» պատասխանատուները։

Հայտնի հոգեբան, հոգեբանական գիտությունների դոկտոր և Աբովյանի անվան մանկավարժական համալսարանների և Հայ–Ռուսական (Սլավոնական) համալսարանի պրոֆեսոր Մելս Մկրտումյանը, որն արցախյան առաջին պատերազմի տարիներից զբաղվում է զինված հակամարտությունների հետևանքով տուժածների և զինվորականների խնդիրներով, ասում է, որ լավ կլինի, եթե բոլոր տուժածների ընտանիքների տվյալները հավաքվեն նպատակաուղղված հոգեբանական աշխատանք տանելու համար։

«Զանգերի և շփումների նշված դեպքերը մեծ տրավմա են հասցնում զինվորների հարազատներին։ Նման սթրես ապրած քաղաքացիների հետ պետք է երկարատև հոգեբանական աշխատանք տանել, ցանկալի է դեմ առ դեմ, ոչ հեռախոսով։ Արդյունավետ կարող է լինել խմբային հոգեթերապիան, որի ժամանակ միանման ապրումներով անցած մայրերը, կանայք և մյուս հարազատները պարբերաբար հավաքվեն միասին, պատմեն իրենց ապրումները, սատարեն միմյանց», – ասում է հոգեբանը։

Նրա խոսքով` զինվորների հարազատների հետ ցանկալի է նաև աշխատել նախապես, պատրաստել նրանց նման հնարավոր դիվերսիաների։

«Անգամ եթե մարդն ինքը հոգեբան է կամ բժիշկ, նա նախևառաջ ծնող է, զոհվածի հարազատ, և նրա արձագանքը նման փաստերին համապատասխան է լինելու։ Բայց, ինչպես ասում են, պատերազմը պատերազմ է. բոլորս ենք ապրում հակառակորդի տեղեկատվական դիվերսիայի սպառնալիքի տակ։ Եվ բոլորս պետք է դիմակայենք դրան։ Բացի այդ, մարդը հոգու խորքում (հատկապես մայրերը) վատթարագույնին է պատրաստ։ Հանգուցյալ մայրս ասում էր` մոր մտքինը կպնի սարերերին, հարսի մտքերը կպնեն տղուս։ Այդպիսի հակառակորդ ունեցողը պետք է պատրաստ լինի ամենավատին, ամենասարսափելի երևույթներին», – ընդգծեց Մկրտումյանը։

Նշենք, որ ՀՀ մարդու իրավունքների պաշտպան Արման Թաթոյանը հայտարարել էր, որ նման հանցավոր արարքներ կատարողները, դրանց համար պատասխանատուները պետք է ենթարկվեն անխուսափելի պատժի՝ միջազգային քրեական իրավունքի ողջ խստությամբ:

667
թեգերը:
հոգեբան, ծնող, Զինվոր, Արցախ, Հայաստան
Ըստ թեմայի
Բեմադրված հարցազրույցները միշտ էլ եղել են․ փորձագետը` գերիների փոխանակման մասին
Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ն ապացույցներ ունի
Արցախի ԱԳՆ-ն հայ գերիների ու զինծառայողների տեսանյութերի կապակցությամբ դիմել է ԿԽՄԿ-ին
Առաջնագծում

Աշխարհազորը Հայաստանում կգործի ՏԻՄ ղեկավարների տեղակալների հրամանատարությամբ

481
(Թարմացված է 19:34 27.10.2020)
Պաշտպանության փոխնախարարը ԱԺ արտահերթ նիստում պարզաբանեց, որ զինվորական կցագրում ունեցող պահեստազորայինները, զինվորականներն ու զորակոչի ենթակա քաղաքացիները աշխարհազորի մեջ չեն մտնելու:

ԵՐԵՎԱՆ, 27 հոկտեմբերի - Sputnik. ՀՀ կառավարությունն առաջարկում է «Պաշտպանությամ մասին» օրենքում ավելացնել «աշխարհազոր» եզրույթը: Օրենքում համապատասխան փոփոխության նախագիծն այսօր քննարկվում է ՀՀ ԱԺ արտահերթ նիստում:

Ինչպես հարցի զեկուցման ընթացքում նշեց ՀՀ պաշտպանության փոխնախարար Գաբրիել Բալայանը, աշխարհազորը գործելու է տարածքային սկզբունքով՝ Երևանում և մարզերում ու պայմանականորեն բաղկացած է լինելու զորամիավորումներից, դրանց ենթակա բրիգադներից ու գումարտակներից:

«Աշխարհազորի ընդհանուր ղեկավարումն իրականացվելու է ԶՈւ ԳՇ պետի կողմից՝ աշխարհազորային շտաբի միջոցով: Աշխարհազորային միավորման ղեկավար է հանդիսանալու համապատասխան ՏԻՄ ղեկավարի տեղակալը, գյուղական բնակավայրերում՝ գյուղապետերի, քաղաքներում՝ քաղաքապետերի տեղակալները, Երևանում՝ քաղաքապետի տեղակալը, իսկ վարչական շրջանններում՝ վարչական շրջանների ղեկավարների տեղակալները»,- ասաց Բալայանը:

Փոխնախարարը նաև պարզաբանեց, որ զինվորական կցագրում ունեցող պահեստազորայինները, զինվորականներն ու զորակոչի ենթակա քաղաքացիները աշխարհազորի մեջ չեն մտնելու: Աշխարհազորային կարող են դառնալ կամավորականները, այդ թվում այն անձինք, ովքեր ազատված են զինվորական ծառայությունից:

ՀՀ Ազգային ժողովի նիստը մեկնարկեց ուշացումով և մեկ րոպե լռությամբ

Նշենք, որ այս կարգավորումները ներկայացված են «Պաշտպանության մասին» օրենքում փոփոխությունների կից փաթեթով ներկայացված՝ «Տարածքային կառավարման մասին», «ՏԻՄ մասին» և «Երևան քաղաքում տեղական ինքնակառավարման մասին» ՀՀ օրենքներում լրացումներ ու փոփոխություններ կատարելու մասին նախագծերի փաթեթով:

481
թեգերը:
աշխարհազոր, ռազմական դրություն, ԱԺ
Ըստ թեմայի
Ինչ նկատի ուներ Փաշինյանը «ցավոտ փոխզիջում» ասելով. պատասխանում է Ալեն Սիմոնյանը
«Պաշտպանության մասին օրենքում» փոփոխություններ կկատարվեն. ԱԺ–ն ընդունեց նախագիծը
ԱԺ արտահերթ նիստում կքննարկվի ռազմական դրության ժամանակ հարկային արտոնության հարցը
Արման Թաթոյան

«Դա պարտադիր է զինծառայողների կյանքի պաշտպանության համար»․ Թաթոյանն աջակցում է ՀՀ ՊՆ-ին

42
(Թարմացված է 01:13 28.10.2020)
ՀՀ ՄԻՊ-ն իր աջակցությունն է հայտնել Հայաստանի պաշտպանական գերատեսչությանը՝ առաջնագծում սմարթֆոնների օգտագործման թեմայով։

ԵՐԵՎԱՆ, 28 հոկտեմբերի - Sputnik. Պետք է բացառել սմարթֆոնների առկայությունը կամ օգտագործումը մարտական գործողությունների գոտում։ Facebook-ի իր էջում ՀՀ մարդու իրավունքների պաշտպան Արման Թաթոյանն այս հարցում իր աջակցություն է հայտնել Հայաստանի պաշտպանության նախարարության հայտարարություններին։

«Դա հատկապես պարտադիր է զինծառայողների կյանքի ու առողջության պաշտպանության համար»,-գրել է նա։

Ինչպես արդեն տեղեկացրել ենք, ՀՀ պաշտպանության նախարարությունը հորդորում է բացառել մարտական գործողությունների գոտում սմարթֆոնների առկայությունը և կիրառությունը։

«Ժամանակակից տեխնոլոգիական լուծումները թույլ են տալիս սմարթֆոնների միջոցով տեղորոշել զինծառայողների գտնվելու վայրը, ինչից հետո հակառակորդը կարող է տեղորոշել նրանց։ Սմարթֆոնի ազդանշանը հնարավոր է որսալ ԱԹՍ–ի միջոցով, տեղորոշել գտնվելու վայրը և հենց նույն սարքի միջոցով էլ թիրախավորել զինվորին»,–հայտնում է ՊՆ–ն։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

42
թեգերը:
սմարթֆոն, հեռախոս, զինծառայող, առաջնագիծ, Սահման, ՀՀ ՄԻՊ, Արման Թաթոյան
Ըստ թեմայի
Խաղաղությունը պարտադրում են, կամ ինչպես կարող է Մոսկվան ճնշել Բաքվին և Անկարային
Գեղասահորդուհի Ադելիա Պետրոսյանը հաղթական ելույթ է ունեցել «Արցախ» ստեղծագործության ներքո
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ