Գյումրի

Բուհերի ռեկտորներ, մանկավարժներ. Շիրակի մարզում կորոնավիրուսի ակտիվացում է նկատվում

205
(Թարմացված է 19:55 25.09.2020)
Անցած 3 օրերի ընթացքում Շիրակի մարզում վարակի դեպքեր են արձանագրվել քաղաքապետարանում, բուհերում ու դպրոցներում:

ԵՐԵՎԱՆ, 25 սեպտեմբրի – Sputnik, Արմենուհի Մխոյան. Շիրակի մարզում սեպտեմբերի 25-ի դրությամբ 53 դպրոցում կատարվել  է կորոնավիրուսի թեստի նմուշառում։ Թեստավորվել են դպրոցների 2520 աշխատակից, նրանցից դրական ցուցանիշ են ունեցել 31-ը:

Մարզպետարանի առողջապահության ու սոցիալական ապահովության բաժնի պետի ժամանակավոր պաշտոնակատար  Լեյլի Ասլանյանը Sputnik Արմենիային վստահեցնում է՝ վերջին 2-3  օրերին հաստատված դեպքերի որոշ ավելացում ու վիրուսի տարածման ակտիվություն նկատվում է, բայց այդ թվերն անհանգստացնող չեն:

«Անշուշտ սա պայմանավորված է ուսումնական հաստատությունների աշխատանքով ու շփման շրջանակների ընդլայնմամբ»,- նշում է Լեյլի Ասլանյանը։

Այս  պահին ուսուցիչների մոտ հայտաբերված կորոնավիրուսով  պայմանավորված հեռավար ուսուցման են անցել Ախուրյանի 2-րդ դպրոցը և Շիրակի պետական համալսարանի հենակետային ավագ դպրոցի մեկ դասարան։

Կորոնավիրուսի թեստի դրական արդյունք գրանցվել է նաև Երևանի պետական տնտեսագիտական համալսարանի Գյումրու մասնաճյուղի տնօրենի ԺՊ Կարեն Պետրոսյանի և Շիրակի պետական համալսարանի ռեկտորի ԺՊ Երվանդ Սերոբյանի մոտ։ Երկուսն էլ իրենց բուժումը ստանում են Երևանում, Սբ Գրիգոր Լուսավորիչ հիվանդանոցում: Նրանց վիճակը բավարար է:

«Մեր հիվանդությունը պատճառ չէ, որ ասեն, թե դասերը չսկսած ուսանողներն անցել են հեռավար կրթության։  Հիբրիդային կրթություն է ու, համաձայն նախարարի որոշման, այն դասերը, որոնք տեսական են, պետք է արվեն առցանց տիրույթում, իսկ այն դասերը, որոնք պահանջում են տեխնիկա,  լաբորատորիաններ, դահլիճ, անցկացնում եմ բուհում»,-նշեց Շիրակի պետական համալսարանի ռեկտորի ԺՊ Երվանդ Սերոբյանը:

Հայաստանում ուսուցիչների գրեթե 1,5 տոկոսի մոտ կորոնավիրուս է հայտնաբերվել. ԱՆ

Նշենք, որ Գյումրու քաղաքապետ Սամվել Բալասանյանն ու փոխքաղաքապետ Հայկ Սուլթանյանը, որոնց մոտ ևս օրեր առաջ հաստատվել էր կորնավիրուս, իրենց լավ են զգում: Երկուսն էլ շարունակում են բուժում ստանալ տնային պայմաններում: Աշխատում են հեռավար: Քաղաքապետարանում նոր դեպքեր չեն արձանագրվել:

Որքա՞ն է ավելացել կորոնավիրուսի հետևանքով խնդիրներ ունեցող վարկառուների թիվը ՀՀ–ում

Ընդհանուր առմամբ այս պահի դրությամբ Շիրակի մարզում մեկուսացված քաղաքացիների թիվը 478 է, նրանցից 110-ը դրական ախտանիշներով են: Սեպտեմբերի 25-ին Երևան է տեղափոխվել 7 վարակակիր: Հիշեցնենք, որ առողջապահության նախարարի հրամանով սեպտեմբերի 1-ից Գյումրու ինֆեկցիոն հիվանդանոցն այլևս կորոնավիրուսով հիվանդների չի բուժում, բայց տրիաժ ծառայություն իրականացնում է:

 

205
թեգերը:
Ուսուցիչ, թեստ, ռեկտոր, կորոնավիրուս, Գյումրի, Շիրակի պետական համալսարան, Շիրակի մարզ
թեմա:
Կորոնավիրուսը Հայաստանում և Արցախում (1579)
Ըստ թեմայի
ՌԴ-ում չեն բացառել, որ COVID-19-ի դեմ պատվաստանյութ կմատակարարեն նախկին ԽՍՀՄ երկրներ
Covid-19-ից Հայաստանում ևս 3 կին են մահացել. նրանցից մեկն այլ հիվանդություն չի ունեցել
Ռուսաստանում սկսել են COVID-19–ի դեմ պատվաստանյութը փորձարկել ռիսկային խմբերի վրա
Օգտատերը կեղծ տեղեկություն է կարդում

Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ը ապացույցներ ունի

118
(Թարմացված է 21:03 24.10.2020)
Հայաստանի մարդու իրավունքների պաշտպանի ձեռք բերած ապացույցները վկայում են, որ սոցիալական ցանցերի այդ էջերը կամ օգտահաշվիներն ակտիվացվում են ադրբեջանական IP (Internet Protocol) տիրույթից:

ԵՐԵՎԱՆ, 24 հոկտեմբերի - Sputnik. Հայաստանի մարդու իրավունքների պաշտպանը ձեռք է բերել և հրապարակել օբյեկտիվ բնույթի ապացույցներ այն մասին, որ ադրբեջանցիներն ապօրինաբար տիրանում են սոցիալական ցանցերի հայկական օգտահաշիվների գաղտնաբառերին ու սկսում են կառավարել այդ էջերը: ՀՀ ՄԻՊ Արման Թաթոյանը գրառում է արել Facebook-ի իր էջում։

«Այս պահին հրապարակում եմ ընդամենը մի քանի ապացույց: Այս պահի մեր ուսումնասիրությունները ցույց են տալիս, որ խոսքը գերեվարված կամ այլ կերպ Ադրբեջանում հայտնված մեր հայրենակիցների մասին է:Այս և մյուս բոլոր նյութերը փաստագրված են Հայաստանի մարդու իրավունքների պաշտպանը կողմից՝ միջազգային մարմիններին ըստ իրավասության ուղարկելու նպատակով»,–գրել է Թաթոյանը:

Նրա խոսքով`ապացույցները վկայում են, որ սոցիալական ցանցերի այդ էջերը կամ օգտահաշվիներն ակտիվացվում են ադրբեջանական IP (Internet Protocol) տիրույթից:

Նշենք, որ հայկական օգտատերերի նշված էջերից տարածվում է ատելություն: Տարածվում են նաև Հայաստանում և Արցախում հասարակական ու քաղաքական ներքին թշնամանք հրահրող, հասարակությունում լարվածություն, խուճապ ու տագնապ առաջացնող նյութեր:

Ադրբեջանն ունի բազմաթիվ զոհեր ու չի ցանկանում, որ այդ զոհերը հասնեն իրենց ընտանիքներին

Հայաստանի մարդու իրավունքների պաշտպանի ուսումնասիրությունը վեր է հանել դեպքեր, երբ այդ նյութերն արժանանում են հայկական օգտահաշիվների արձագանքի՝ ակնհայտորեն չիմանալով, որ էջը կառավարվում է Ադրբեջանից:

Թաթոյանը հորդորում է բացառիկ զգուշություն ցուցաբերել սոցիալական ցանցերով տարածվող նյութերից օգտվելիս կամ դրանք տարածելիս:

Ադրբեջանցի ռազմագերու վիրահատությունը բարեհաջող է անցել. Շուշան Ստեփանյան

118
թեգերը:
Արման Թաթոյան, գերի, Հայաստան
Ըստ թեմայի
Ռազմագերիներին ստիպողաբար խոսեցնելը թշնամու անզորության հստակ ցուցիչն է. Հովհաննիսյան
Արտակ Բեգլարյանը մի քանի խնդրանքով դիմել է հայրենակիցներին
Ադրբեջանցի ռազմագերին պատմում է` ինչպես են իրեն վիրավոր թողել ռազմի դաշտում ու փախել
Նորածին

«Լոխ լյավա, տարալընք». «Շենգավիթ» ԲԿ–ում արդեն 15 արցախցի փոքրիկ է ծնվել

58
(Թարմացված է 19:41 24.10.2020)
Փոքրիկներն արցախցի են, ծնվել են Երևանում, բայց անպայման վերադառնալու են հայրենի տուն։

ԵՐԵՎԱՆ, 24 հոկտեմբերի - Sputnik. Պատերազմի առաջին օրերից մինչ օրս «Շենգավիթ» բժշկական կենտրոնում 15 արցախցի փոքրիկ է ծնվել։ Տեղեկությունը հայտնում է «Շենգավիթ» բժշկական կենտրոնի մամուլի ծառայությունը` Facebook-ի իր էջում հրապարակելով փոքրիկ արցախցիների լուսանկարները։

Երևանում ծնվել է արցախցի Միրզոյանների ընտանիքի 7-րդ երեխան. լուսանկար

«Նրանք բոլորը արցախցի են, բայց ծնվել են Երևանում՝ տուն վերադառնալու ակնկալիքով։ Թիկունքը ամուր է՝ «լոխ լյավա, տարալընք»»,–գրված է լուսանկարներին կից։

Հայաստանում արցախցի ևս մի տղա է ծնվել. փոքրիկի հայրը հիմա առաջնագծում է

Փոքրիկները հիացրել են օգտատերերին, նրանք ակտիվ տարածում են նորածինների լուսանկարները։

«Աստված պահապան լինի այս հրաշք բալիկներին։ Մեկը մեկից սիրուն եմ։ Հրաշք ձագուկներ»,–գրել են էջի հետևորդները։

Կյանքն է պատասխանը. Երևանում արցախցի գեղեցկուհի է ծնվել. լուսանկար

58
թեգերը:
նորածին, երեխա, Արցախ
Ըստ թեմայի
Կարևոր է, որ երեխաները չկորցնեն իրենց ժպիտը. Արցախի ՄԻՊ–ը պայծառ լուսանկար է հրապարակել
Հղիության 38-րդ շաբաթում Ստեփանակերտից մեքենան վարելով 3 երեխաների հետ եկել է Երևան
«Պիտի ապրենք...». Հենրիխ Մխիթարյանն արցախցի երեխաների ձայնը փոխանցել է աշխարհին. տեսանյութ