Լոռի

Ո՞ր մանկավարժների և դպրոցականների տրանսպորտային ծախսերը կփոխհատուցվեն. նախարարի հրամանը

137
(Թարմացված է 20:14 24.09.2020)
Որպեսզի չարաշահումներ չլինեն, փոխհատուցում կտրվի միայն այն օրերի համար, երբ աշակերտներն ու ուսուցիչները «ներկա» են ստացել դպրոցում։

ԵՐԵՎԱՆ, 24 սեպտեմբերի — Sputnik. 2021թ-ի հունվարի 1-ից հետո ԿԳՄՍ նախարարությունը կփոխհատուցի մարզային մի շարք դպրոցների ուսուցիչների և աշակերտների տրանսպորտային ծախսերը։

ԿԳՄՍ նախարար Արայիկ Հարությունյանի համապատասխան որոշման նախագիծը հրապարակվել է իրավական ակտերի հրապարակման e-draft.am էլեկտրոնային հարթակում։

Դրա համաձայն` նախարարի հրամանի համար հիմք է ծառայել ՀՀ պետական բյուջեով նախատեսված «Հանրակրթական դպրոցների մանկավարժներին և դպրոցահասակ երեխաներին տրանսպորտային ծախսերի փոխհատուցում» միջոցառումը։ Մինչ այժմ այս միջոցառումը մնացել է թղթի վրա, քանի որ դրա իրականացման ձևը հաստատված չի եղել։

Արայիկ Հարությունյանի նոր հրամանով, փաստորեն, հաստատվում է փոխհատուցման կարգը, որի համաձայն, պետությունը կփոխհատուցի ՀՀ բոլոր այն գյուղական դպրոցների ուսուցիչներին ու աշակերտներին, ովքեր իրենց գյուղում դպրոց չլինել պատճառով ստիպված են ամեն օր տրանսպորտով հասնել հարևան գյուղ ու նույն կերպ էլ վերադառնալ։ Ընդ որում, պետությունը փոխհատուցելու է երկու ոււղությունները` միկրոավտոբուսային երթուղի լինելու դեպքում` միկրոավտոբուսային երթուղու սակագնի չափով,  միկրոավտոբուսային և ավտոբուսային երթուղիներ լինելու դեպքում` ավտոբուսային երթուղիների համար սահմանված սակագնի չափով, իսկ երթուղիների բացակայության դեպքում` յուրաքանչյուր կմ-ի համար 25 ՀՀ դրամի չափով։

Դե իսկ, որպեսզի չարաշահումներ չլինեն, փոխհատուցում կտրվի միայն այն օրերի համար, երբ աշակերտներն ու ուսուցիչները «ներկա» են ստացել դպրոցում։

Դասագրքեր, ուսուցիչների պակաս... ի՞նչ խնդիրներ ունեն ազգային փոքրամասնությունները ՀՀ-ում

Ամսական փոխհատուցման առավելագույն չափը, նախարարի հրամանով, յուրաքանչյուր ուսուցչի և աշակերտի համար սահմանվել է 20 200 ՀՀ դրամը։

Նշենք, որ 2021թ–ից ենթադրաբար ուժի մեջ մտնող կարգն առայժմ վերաբերելու է միայն առարկայական ուսուցիչներին, դասվարներին, զինղեկներին ։ Իսկ ուսուցչի օգնականների ու  հատուկ մանկավարժների տրանսպորտային ծախսերը նախատեվում է փոխհատուցել 2022 թվականի հունվարի 1-ից հետո։

Ո՞ր դեպքում են ուսուցիչներն ու աշակերտներն ազատվում դիմակ դնելու պահանջից. նոր կանոններ

ԿԳՄՍ նախարարի հրամանի նախագիծն առայժմ ներկայացվել է հանրային քննարկման` մինչև 2020թ–ի հոկտեմբերի 9–ը։ Բարեհաջող ընթացքի դեպքում այն կընդունվի մինչև տարեվերջ և իրավական ուժ կստանա 2021թ–ի հունվարի 1-ից։

137
թեգերը:
Տրանսպորտ, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան, դպրոց, Ուսուցիչ, Աշակերտ, գյուղացի, Գյուղ
Ըստ թեմայի
Ուսուցիչներից քանիսի՞ մոտ է կորոնավիրուս հայտնաբերվել. թեստավորումը շարունակվում է
Դպրոցներին տրամադրվող տաք սնունդը համավարակի պատճառով կփոխարինվի չորով
Դպրոցի ճամփան դժվար է, երկար... Սալուտցիները սպառնում են դասի չուղարկել երեխաներին
Կին

Հեռախոսային տեռոր. ինչպես օգնել հայ զինվորների ընտանիքներին, որոնց զանգել են Ադրբեջանից

668
(Թարմացված է 00:45 28.10.2020)
ՀՀ ՄԻՊ գրասենյակն ու պատկան կառույցներն արձանագրել են, որ ադրբեջանցիները զանգում են սպանված կամ գերեվարված հայ զինվորականների հեռախոսահամարներից։ Այս իրավիճակում չի կարելի մոռանալ զինծառայողների հարազատներին հոգեբանական օգնություն ցուցաբերելու մասին։

Սեպտեմբերի 27-ին Արցախում սկսված պատերազմը ի թիվս այլ խնդիրների ևս մեկ կարևոր խնդիր վերհանեց` ՀՀ քաղաքացիներին ուղարկված ադրբեջանական զանգերն ու հաղորդագրությունները։ Պատերազմի առաջին օրերին Ադրբեջանից կեղծ հաղորդագրություններ ստացան պատահական բաժանորդները, բայց հետո ադրբեջանցիները սկսեցին սպանված հայ զինվորականի հեռախոսից զանգեր ուղարկել նրա հարազատներին ու բարեկամներին։ Եղան նաև դեպքեր, որ հայ զինվորականների ընտանիքներին ուղարկեցին դաժանաբար սպանված զինվորականի լուսանկարները։

Սոցցանցերում առկա տեսանյութերի և Sputnik Արմենիայի սեփական աղբյուրների համաձայն` ՀՀ քաղաքացիներին զանգահարած անձինք զինծառայողների ընտանիքի անդամներին (կանանց, մայրերին, եղբայրներին) հայտնում են, որ զինծառայողը սպանված է։ Բացի այդ, նրանք անպարկեշտ խոսքերով վիրավորում են զոհվածի ընտանիքի անդամներին, նսեմացնում նրանց պատիվն ու արժանապատվությունը, սպառնում ամբողջ հայ ժողովրդի ոչնչացմամբ։ Այդ մարդիկ հիմնականում խոսում են ռուսերեն ակցենտով կամ վատ հայերենով։

«Սիրտս պայթում է». ինչ նամակ է գրել գերեվարված Ազնիվը

ՀՀ մարդու իրավունքների պաշտպանի գրասենյակը նման փաստերն արձանագրում է համապատասխան զեկույցներ պատրաստելու և միջազգային կառույցներին ներկայացնելու համար, բայց հազվադեպ է մանրամասներ հրապարակում։ Այդուհանդերձ, ՄԻՊ–ը մի աղաղակող փաստ ներկայացրել էր։

Հոկտեմբերի 16-ին` ժամը 13-ի սահմանում, մի ադրբեջանցի զանգահարել է հայ զինծառայողի հարազատ եղբորը և տեղեկացրել, որ նրա եղբայրը գտնվում է իրենց մոտ, իրենք կտրել են եղբոր գլուխը, իսկ լուսանկարը տեղադրելու են համացանցում: Զանգից մի քանի ժամ անց սպանված զինծառայողի լուսանկարը եղբայրը հայտնաբերել է նրա սոցիալական ցանցի էջում: Հենց ադրբեջանցի զինվորականներն էլ նկարը սոցիալական ցանցի էջում տեղադրել են նրան սպանելուց հետո: Ադրբեջանի զինվորականների հետ եղբայրն ունեցել է իրար հաջորդող երկու հեռախոսային խոսակցություն, որոնց ընթացքում ադրբեջանական մի քանի զինվորական խմբով ծաղրել են, փորձել են նվաստացնել սպանված զինծառայողի եղբորը, նրա հետ խոսել ատելության խոսքով։ Ընդ որում` զանգերը կատարվել են հենց սպանված զինծառայողի հեռախոսահամարից:

«Եղել ենք նաև դեպքեր, երբ հեռախոսազանգեր են ստացել նույն ընտանիքի միանգամից երկու անդամներ, սակայն հաճախ զանգահարում են միայն բարեկամներից մեկին։ Մենք չենք կարող նման դեպքերի կոնկրետ թիվ նշել կամ մանրամասներ բացահայտել։ Մենք այժմ հավաքում ենք բոլոր նման փաստերը», – Sputnik Արմենիայի թղթակցին հայտնեցին ՀՀ մարդու իրավունքների պաշտպանի գրասենյակից։

Այս համատեքստում հատկապես արդիական է նման հաղորդագրություններ և զանգեր ստացած քաղաքացիներին հոգեբանական աջակցություն ցուցաբերելու հարցը։ Նույնիսկ դժվար է պատկերացնել, թե ինչ վիճակում են հայտնվում մայրերը, կանայք, եղբայրներն ու հայրերը։ Բայց Հայաստանում նույնիսկ խաղաղ ժամանակ ընդունված չէ հոգեբաններին դիմելը, պատերազմի ժամանակ` առավել ևս։

Այնուամենայնիվ, Երևանում պատերազմի սկզբից հոգեբանական աջակցության մի քանի անվճար թեժ գիծ է բացվել։ Սակայն բոլոր հոգեբանները մի առանցքային խնդրի են բախվում. մարդն ինքը պետք է դիմի օգնություն ստանալու համար, ինքը պետք է զանգահարի թեժ գծին։ Պատերազմից տուժածներին պարտադիր հոգեբանական օգնություն տրամադրելու մեխանիզմներ չկան։

ՀՀ մարդու իրավունքների պաշտպանի գրասենյակից Sputnik Արմենիային հայտնեցին, որ որևէ քաղաքացի չի դիմել ՄԻՊ–ին հոգեբանական օգնություն ստանալու խնդրանքով։ Նույնը մեզ ասացին Հայաստանում ռազմական դրության ժամանակ բացված պաշտոնական «թեժ գծի» ներկայացուցիչները։

«Զանգահարելով 117 հեռախոսահամարին, այնուհետև հավաքելով 9` քաղաքացիները կարող են անվճար հոգեբանական աջակցություն ստանալ։ Մենք զրույցի գաղտնիությունը չենք խախտում, բայց ադրբեջանական կողմի հետ շփումների վերաբերյալ զանգեր չենք ստացել», – Sputnik Արմենիայի հետ զրույցում ասացին «թեժ գծի» պատասխանատուները։

Հայտնի հոգեբան, հոգեբանական գիտությունների դոկտոր և Աբովյանի անվան մանկավարժական համալսարանների և Հայ–Ռուսական (Սլավոնական) համալսարանի պրոֆեսոր Մելս Մկրտումյանը, որն արցախյան առաջին պատերազմի տարիներից զբաղվում է զինված հակամարտությունների հետևանքով տուժածների և զինվորականների խնդիրներով, ասում է, որ լավ կլինի, եթե բոլոր տուժածների ընտանիքների տվյալները հավաքվեն նպատակաուղղված հոգեբանական աշխատանք տանելու համար։

«Զանգերի և շփումների նշված դեպքերը մեծ տրավմա են հասցնում զինվորների հարազատներին։ Նման սթրես ապրած քաղաքացիների հետ պետք է երկարատև հոգեբանական աշխատանք տանել, ցանկալի է դեմ առ դեմ, ոչ հեռախոսով։ Արդյունավետ կարող է լինել խմբային հոգեթերապիան, որի ժամանակ միանման ապրումներով անցած մայրերը, կանայք և մյուս հարազատները պարբերաբար հավաքվեն միասին, պատմեն իրենց ապրումները, սատարեն միմյանց», – ասում է հոգեբանը։

Նրա խոսքով` զինվորների հարազատների հետ ցանկալի է նաև աշխատել նախապես, պատրաստել նրանց նման հնարավոր դիվերսիաների։

«Անգամ եթե մարդն ինքը հոգեբան է կամ բժիշկ, նա նախևառաջ ծնող է, զոհվածի հարազատ, և նրա արձագանքը նման փաստերին համապատասխան է լինելու։ Բայց, ինչպես ասում են, պատերազմը պատերազմ է. բոլորս ենք ապրում հակառակորդի տեղեկատվական դիվերսիայի սպառնալիքի տակ։ Եվ բոլորս պետք է դիմակայենք դրան։ Բացի այդ, մարդը հոգու խորքում (հատկապես մայրերը) վատթարագույնին է պատրաստ։ Հանգուցյալ մայրս ասում էր` մոր մտքինը կպնի սարերերին, հարսի մտքերը կպնեն տղուս։ Այդպիսի հակառակորդ ունեցողը պետք է պատրաստ լինի ամենավատին, ամենասարսափելի երևույթներին», – ընդգծեց Մկրտումյանը։

Նշենք, որ ՀՀ մարդու իրավունքների պաշտպան Արման Թաթոյանը հայտարարել էր, որ նման հանցավոր արարքներ կատարողները, դրանց համար պատասխանատուները պետք է ենթարկվեն անխուսափելի պատժի՝ միջազգային քրեական իրավունքի ողջ խստությամբ:

668
թեգերը:
հոգեբան, ծնող, Զինվոր, Արցախ, Հայաստան
Ըստ թեմայի
Բեմադրված հարցազրույցները միշտ էլ եղել են․ փորձագետը` գերիների փոխանակման մասին
Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ն ապացույցներ ունի
Արցախի ԱԳՆ-ն հայ գերիների ու զինծառայողների տեսանյութերի կապակցությամբ դիմել է ԿԽՄԿ-ին
Առաջնագծում

Աշխարհազորը Հայաստանում կգործի ՏԻՄ ղեկավարների տեղակալների հրամանատարությամբ

481
(Թարմացված է 19:34 27.10.2020)
Պաշտպանության փոխնախարարը ԱԺ արտահերթ նիստում պարզաբանեց, որ զինվորական կցագրում ունեցող պահեստազորայինները, զինվորականներն ու զորակոչի ենթակա քաղաքացիները աշխարհազորի մեջ չեն մտնելու:

ԵՐԵՎԱՆ, 27 հոկտեմբերի - Sputnik. ՀՀ կառավարությունն առաջարկում է «Պաշտպանությամ մասին» օրենքում ավելացնել «աշխարհազոր» եզրույթը: Օրենքում համապատասխան փոփոխության նախագիծն այսօր քննարկվում է ՀՀ ԱԺ արտահերթ նիստում:

Ինչպես հարցի զեկուցման ընթացքում նշեց ՀՀ պաշտպանության փոխնախարար Գաբրիել Բալայանը, աշխարհազորը գործելու է տարածքային սկզբունքով՝ Երևանում և մարզերում ու պայմանականորեն բաղկացած է լինելու զորամիավորումներից, դրանց ենթակա բրիգադներից ու գումարտակներից:

«Աշխարհազորի ընդհանուր ղեկավարումն իրականացվելու է ԶՈւ ԳՇ պետի կողմից՝ աշխարհազորային շտաբի միջոցով: Աշխարհազորային միավորման ղեկավար է հանդիսանալու համապատասխան ՏԻՄ ղեկավարի տեղակալը, գյուղական բնակավայրերում՝ գյուղապետերի, քաղաքներում՝ քաղաքապետերի տեղակալները, Երևանում՝ քաղաքապետի տեղակալը, իսկ վարչական շրջանններում՝ վարչական շրջանների ղեկավարների տեղակալները»,- ասաց Բալայանը:

Փոխնախարարը նաև պարզաբանեց, որ զինվորական կցագրում ունեցող պահեստազորայինները, զինվորականներն ու զորակոչի ենթակա քաղաքացիները աշխարհազորի մեջ չեն մտնելու: Աշխարհազորային կարող են դառնալ կամավորականները, այդ թվում այն անձինք, ովքեր ազատված են զինվորական ծառայությունից:

ՀՀ Ազգային ժողովի նիստը մեկնարկեց ուշացումով և մեկ րոպե լռությամբ

Նշենք, որ այս կարգավորումները ներկայացված են «Պաշտպանության մասին» օրենքում փոփոխությունների կից փաթեթով ներկայացված՝ «Տարածքային կառավարման մասին», «ՏԻՄ մասին» և «Երևան քաղաքում տեղական ինքնակառավարման մասին» ՀՀ օրենքներում լրացումներ ու փոփոխություններ կատարելու մասին նախագծերի փաթեթով:

481
թեգերը:
աշխարհազոր, ռազմական դրություն, ԱԺ
Ըստ թեմայի
Ինչ նկատի ուներ Փաշինյանը «ցավոտ փոխզիջում» ասելով. պատասխանում է Ալեն Սիմոնյանը
«Պաշտպանության մասին օրենքում» փոփոխություններ կկատարվեն. ԱԺ–ն ընդունեց նախագիծը
ԱԺ արտահերթ նիստում կքննարկվի ռազմական դրության ժամանակ հարկային արտոնության հարցը
Արման Թաթոյան

«Դա պարտադիր է զինծառայողների կյանքի պաշտպանության համար»․ Թաթոյանն աջակցում է ՀՀ ՊՆ-ին

43
(Թարմացված է 01:13 28.10.2020)
ՀՀ ՄԻՊ-ն իր աջակցությունն է հայտնել Հայաստանի պաշտպանական գերատեսչությանը՝ առաջնագծում սմարթֆոնների օգտագործման թեմայով։

ԵՐԵՎԱՆ, 28 հոկտեմբերի - Sputnik. Պետք է բացառել սմարթֆոնների առկայությունը կամ օգտագործումը մարտական գործողությունների գոտում։ Facebook-ի իր էջում ՀՀ մարդու իրավունքների պաշտպան Արման Թաթոյանն այս հարցում իր աջակցություն է հայտնել Հայաստանի պաշտպանության նախարարության հայտարարություններին։

«Դա հատկապես պարտադիր է զինծառայողների կյանքի ու առողջության պաշտպանության համար»,-գրել է նա։

Ինչպես արդեն տեղեկացրել ենք, ՀՀ պաշտպանության նախարարությունը հորդորում է բացառել մարտական գործողությունների գոտում սմարթֆոնների առկայությունը և կիրառությունը։

«Ժամանակակից տեխնոլոգիական լուծումները թույլ են տալիս սմարթֆոնների միջոցով տեղորոշել զինծառայողների գտնվելու վայրը, ինչից հետո հակառակորդը կարող է տեղորոշել նրանց։ Սմարթֆոնի ազդանշանը հնարավոր է որսալ ԱԹՍ–ի միջոցով, տեղորոշել գտնվելու վայրը և հենց նույն սարքի միջոցով էլ թիրախավորել զինվորին»,–հայտնում է ՊՆ–ն։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

43
թեգերը:
սմարթֆոն, հեռախոս, զինծառայող, առաջնագիծ, Սահման, ՀՀ ՄԻՊ, Արման Թաթոյան
Ըստ թեմայի
Խաղաղությունը պարտադրում են, կամ ինչպես կարող է Մոսկվան ճնշել Բաքվին և Անկարային
Գեղասահորդուհի Ադելիա Պետրոսյանը հաղթական ելույթ է ունեցել «Արցախ» ստեղծագործության ներքո
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ