Գրիգոր Լուսավորիչ

«Գրիգոր Լուսավորիչ» ԲԿ–ում թունավորվածների թիվն ավելացել է ու հասել 50-ի

163
(Թարմացված է 12:23 21.09.2020)
Թունավորման ախտանշաններ են ի հայտ եկել մի քանի աշխատակիցների ու հիվանդների մոտ: Հիվանդանոցին սպասարկող «Արտ լանչի» սեփականատերը կարծում է, որ խնդիրը կարող է կապված լինել մատակարար ընկերության հետ։

ԵՐԵՎԱՆ, 21 սեպտեմբերի – Sputnik. «Սուրբ Գրիգոր Լուսավորիչ» բուժկենտրոնում թունավորվածների թիվը հասել է 50–ի։ Sputnik Արմենիային տեղեկությունը հայտնեց ԲԿ–ի մամուլի խոսնակ Ծովինար Խաչատրյանը։

Ավելի վաղ հայտնի էր դարձել, որ բուժկենտրոնի աշխատակիցների ու պացիենտների մոտ (ընդհանուր թիվը` 33 հոգի) սննդային թունավորման ախտանշաններ են ի հայտ եկել։

«Նրանցից 8–ը պացիենտներ են, իսկ մնացածը` բուժաշխատողներ։ Բոլորի վիճակն այս պահին լավ է»,– ասաց Խաչատրյանը։

Նա չբացառեց, որ մարդիկ թունավորվել են ԲԿ-ի տարածքում գործող «Արտ լանչ» ցանցի ճաշարանի սննդից։

Սննդի անվտանգության տեսչական մարմնից Spuntik Արմենիային հայտնեցին, որ տեսուչներն ահազանգով այցելել են հիվանդանոցի ճաշարան։

«Ոչ աշխատանքային օրը մենք լիազորված չենք տեսչական ստուգում անցկացնելու։ Սակայն մեր տեսուչները զննել են սպասարկման սրահն ու խոհանոցը և որևէ արտառոց, անհապաղ շտկում պահանջող խախտումներ չեն հայտնաբերել»,– ասաց Սննդի տեսչության մամուլի քարտուղար Անուշ Հարությունյանը։

Հիվանդությունների վերահսկողության և կանխարգելման ազգային կենտրոնը ճաշատեսակների և աղցանների նմուշներ է վերցրել, որոնք կենթարկի փորձաքննության։ Արդյունքները հայտնի կլինեն առաջիկայում ու կտրամադրվեն նաև Սննդի տեսչությանը։

«Արտ լանչ» ճաշարանների ցանցի տնօրեն, համահիմնադիր Բակուր Մելքոնյանն էլ թեմային անդրադարձել է Facebook–ում։

«Ես պատրաստ եմ կրել ցանկացած պատասխանատվություն, եթե կատարել եմ որևէ օրենքի խախտում կամ մախինացիա: Բայց ուզում եմ, որ չլինի տարիներ առաջ կատարվածի նման, երբ օրեր անց պարզվեց, որ մեղավորը «Արտ լանչը» չէր, այլ մատակարար մի կազմակերպություն, բայց դա արդեն ոչ մեկին չէր հետաքրքրում: Լինենք պրոֆեսիոնալ, սպասենք արդյունքներին»,– գրել է նա:
Մելքոնյանը նշել է նաև, որ մի քանի պրոֆեսիոնալ բժիշկ մասնագետների հետ զրույցից հասկացել է, որ թունավորում չկա, այլ եղել է աղեստամոքսային խանգարում:

163
թեգերը:
թունավորում, «Սուրբ Գրիգոր Լուսավորիչ» ԲԿ, Հայաստան
Ըստ թեմայի
Մահվան ևս 6 դեպք. ՀՀ–ում կորոնավիրուսի զոհ դարձածներից ամենաերիտասարդը 60-ամյա կին է
10 մահ, 2 մարդու կուրացում. Երևանում ալկոհոլային թունավորման դեպքով 12 քրգործ է հարուցվել
21 մահվան դեպք. ալկոհոլային թունավորումից ևս 1 մարդ է մահացել
Նորածին

«Լոխ լյավա, տարալընք». «Շենգավիթ» ԲԿ–ում արդեն 15 արցախցի փոքրիկ է ծնվել

56
(Թարմացված է 19:41 24.10.2020)
Փոքրիկներն արցախցի են, ծնվել են Երևանում, բայց անպայման վերադառնալու են հայրենի տուն։

ԵՐԵՎԱՆ, 24 հոկտեմբերի - Sputnik. Պատերազմի առաջին օրերից մինչ օրս «Շենգավիթ» բժշկական կենտրոնում 15 արցախցի փոքրիկ է ծնվել։ Տեղեկությունը հայտնում է «Շենգավիթ» բժշկական կենտրոնի մամուլի ծառայությունը` Facebook-ի իր էջում հրապարակելով փոքրիկ արցախցիների լուսանկարները։

Երևանում ծնվել է արցախցի Միրզոյանների ընտանիքի 7-րդ երեխան. լուսանկար

«Նրանք բոլորը արցախցի են, բայց ծնվել են Երևանում՝ տուն վերադառնալու ակնկալիքով։ Թիկունքը ամուր է՝ «լոխ լյավա, տարալընք»»,–գրված է լուսանկարներին կից։

Հայաստանում արցախցի ևս մի տղա է ծնվել. փոքրիկի հայրը հիմա առաջնագծում է

Փոքրիկները հիացրել են օգտատերերին, նրանք ակտիվ տարածում են նորածինների լուսանկարները։

«Աստված պահապան լինի այս հրաշք բալիկներին։ Մեկը մեկից սիրուն եմ։ Հրաշք ձագուկներ»,–գրել են էջի հետևորդները։

Կյանքն է պատասխանը. Երևանում արցախցի գեղեցկուհի է ծնվել. լուսանկար

56
թեգերը:
նորածին, երեխա, Արցախ
Ըստ թեմայի
Կարևոր է, որ երեխաները չկորցնեն իրենց ժպիտը. Արցախի ՄԻՊ–ը պայծառ լուսանկար է հրապարակել
Հղիության 38-րդ շաբաթում Ստեփանակերտից մեքենան վարելով 3 երեխաների հետ եկել է Երևան
«Պիտի ապրենք...». Հենրիխ Մխիթարյանն արցախցի երեխաների ձայնը փոխանցել է աշխարհին. տեսանյութ
Արխիվային լուսանկար

ԱՄՆ–ի հայ բժիշկները տոմոգրաֆայի սարք են ուղարկել ՀՀ. հայտնի է` որ ԲԿ–ին այն կտրամադրվի

52
Բժշկական կենտրոնը ներկայում բժշկական օգնություն և սպասարկում է տրամադրում նաև արցախյան պատերազմի վիրավորներին։

ԵՐԵՎԱՆ, 24 հոկտեմբերի - Sputnik. Հայաստանն ԱՄՆ–ի հայ բժիշկներից համակարգչային տոմոգրաֆայի սարք է ստացել, որը որոշվել է տալ Կապանի ԲԿ–ին։ Տեղեկությունը հայտնում է ՀՀ առողջապահության նախարարության մամուլի ծառայությունը։

«Հաշվի առնելով, որ Կապանի բժշկական կենտրոնը ներկայումս բժշկական օգնություն և սպասարկում է տրամադրում նաև արցախյան պատերազմի վիրավորներին, առողջապահության նախարարությունը որոշում է կայացրել հումանիտար օգնությամբ ստացված համակարգչային տոմոգրաֆը տրամադրել Կապանի բժշկական կենտրոնին»,–նշված է հաղորդագրության մեջ:

Նշենք, որ սարքը կծառայի նաև տարածաշրջանի բնակչությանը` հետազոտման և ճշգրիտ բուժման համար:

Հավելենք, որ տոմոգրաֆիայի սարքը եղել է Ամերիկայի Միացյալ Նահանգների հայ բժիշկների` մարդասիրական օգնության շրջանակներում Հայաստան ուղարկած հումանիտար բեռի մեջ:

Կանադան ԿԽՄԿ–ին 350 հազար դոլար է փոխանցել Արցախում հումանիտար նպատակների համար

52
թեգերը:
Հումանիտար օգնություն, Կապան, բժիշկ, ԱՄՆ
Ըստ թեմայի
Միներալնիե Վոդի քաղաքի հայ համայնքը հումանիտար օգնություն է ուղարկել Հայաստան
Կանադայի Տորոնտո քաղաքում մեծ քանակությամբ հումանիտար օգնություն է հավաքվել Արցախի համար
Հայաստան ժամանեց հերթական հումանիտար ուղեբեռը
Դմիտրի Մեդվեդև. արխիվային լուսանկար

«Կա ռիսկ, որ սևը մատուցվելու է որպես սպիտակ...». Մեդվեդևը` ՄԱԿ-ի դերակատարության մասին

0
(Թարմացված է 20:23 24.10.2020)
Դմիտրի Մեդվեդևը նշել է, որ աշխարհի շատ կետերում շարունակում են մխալ զինված հակամարտությունների օջախներ, որոնց պատճառով ամեն օր մարդիկ են մահանում։ ՄԱԿ-ի Անվտանգության խորհրդի դերակատարությունն այդ համատեքստում շատ կարևոր է։

ԵՐԵՎԱՆ, 24 հոկտեմբերի — Sputnik. Հասարակության շրջանում պառակտում մտցնելն ու գործող իշխանությանը գահընկեց անելու համար ընդդիմությանն աջակցելը` ձևականորեն հղում անելով «ժողովրդավարական արժեքներին», այլ երկրների գործերին ապօրինի միջամտության տիպիկ սցենար է, որը շարունակում է կրկնվել։ Այս մասին նշված է ՌԴ Անվտանգության խորհրդի նախագահի տեղակալ Դմիտրի Մեդվեդևի «ՄԱԿ-ի 75-ամյանը․ հին խնդիրները, նոր մարտահրավերներն ու գլոբալ լուծումները» խորագրով հոդվածում, որը հրապարակվել է RT հեռուստաալիքի կայքում։

Մեդվեդևը նշել է նաև, որ 2003 թվականին ԱՄՆ գլխավորությամբ միջազգային կոալիցիան, որում ներառված էին ՆԱՏՕ-ի մի շարք երկրներ, Իրաք է ներխուժել։ Միջազգային ահաբեկչության դեմ պայքարի ու զանգվածային ոչնչացման զենքի որոնման պատրվակով գահընկեց է արվել ու ապօրինի մահապատժի ենթարկվել երկրի նախագահ Սադամ Հուսեյնը, վերացվել է «ինքնավար պետությունն» ու «իրական ժողովրդավարական» պետություն է ստեղծվել։ Մեդվեդևը նշել է, որ բոլորին հայտնի է՝ ինչ դուրս եկավ դրանից։

Նա մեկ ուրիշ օրինակ էլ է բերել․ 2012 թվականին «ԱՄՆ-ն, համագործակցելով ՆԱՏՕ-ի անդամ այլ երկրների հետ, գաղտնի ռազմական աջակցություն է ցուցաբերել Սիրիայի ապստամբներին»։

«Դա հանգեցրեց միայն մեծ արյունահեղության ու երկրում ներքին ճգնաժամի», - փաստել է ՌԴ Անվտանգության խորհրդի փոխնախագահը։

ՄԱԿ–ի Անվտանգության խորհուրդն Արցախի թեմայով փակ խորհրդակցություն կանցկացնի

Մեդվեդևն ասել է նաև, որ հետխորհրդային տարածքում կան «չկայացած պետություններ», որոնք ունակ չեն կայուն քաղաքական համակարգ կառուցել ու ապահովել իրենք քաղաքացիների վստահությունը վաղվա օրվա հանդեպ։ Նրա խոսքով՝ «Վեյմարի հանրապետության՝ Երրորդ ռեյխի վերածվելու դրամատիկ վերածննդի օրինակը հստակորեն ցուց տվեց, որ լայն ժողովրդավարական ազատության տրամադրումը, որը ապահովված չէ տնտեսական աճով, քաղաքացիների մասին հոգատարությամբ ու ծայրահեղական դրսևորումներին իսկապես հակազդելու` պետության ունակությամբ, անխուսափելիորեն տանում է քաղաքական օրակարգի մեկուսացման, հանցագործությունների աճի, ժողովրդավարական ինստիտուտների խոցելիության, որի հետևանքը լինում է պետության կազմաքանդումը կամ անցումը դիկտատուրայի»։

«Ցավոք, նախորդ դարի ընթացքում (1917 ու 1991 թվականներին) Ռուսաստանը նույնպես երկու անգամ եղել է փլուզվելու ու անարխիայի եզրին։ Երկու անգամ էլ պետության փլուզումն ուղեկցվել է համընդհանուր ազատության ու ժողովրդավարության մասին կարգախոսներով։ Այսօր էլ տեսնում ենք «չկայացած պետությունների» (failed states) օրինակներ (այդ թվում նաև հետխորհրդային տարածքում), որոնք ունակ չեն կայուն քաղաքական համակարգ կառուցել, իրենք քաղաքացիների մոտ վաղվա օրվա հանդեպ վստահություն ապահովել»,-նշել է նա։

Մեդվեդևի խոսքով՝ այդ ֆոնին ՄԱԿ-ը տապալելու ու դրա փոխարեն «ժողովրդավարական ազգերի միություն» ստեղծելու փորձերը զգուշավորություն են առաջացնում, նման գաղափարները կարող են տանել դեպի միջազգային լարվածության և ուղիղ հակամարտությունների։

Նա ընդգծել է, որ ՄԱԿ-ը ստեղծվել է մարդու իրավունքների հայեցակարգի զարգացման ու տարբեր ոլորտներում պետությունների համագործակցությանը մարդասիրական ուղղվածություն հաղորդելու ֆոնին։ Այսօր մարդու իրավունքով ուղեկցվում են գրեթե բոլոր թեմաները, որոնք գտնվում են ՄԱԿ-ի կառույցների ուշադրության կենտրոնում` սկսած բնապահպանությունից ու անձնական տվյալների պաշտպանությունից մինչև կիբեռանվտանգությունն ու կենսատեխնոլոգիաները։

Մեդվեդևը նշել է նաև, որ ոչ մի միջազգային այլ կառույց, հատկապես ռազմական դաշինքներ, չեն կարող խախտել համաշխարհային հանրության կամքն արտահայտելու հարցում ՄԱԿ-ի կանոնակարգային մարմինների մենաշնորհը։

«Գլոբալ անվտանգության համար պատասխանատվության բեռ դնելը, տարբեր կազմակերպությունների ու տերությունների փորձերը՝ ուղղված պետություններն ու կառավարությունները պիտակավորելուն ու աշխարհի ճակատագրերը վճռելուն, մեզ անխուսափելիորեն մի քանի տասնյակ տարի հետ կշպրտեն», - վստահ է Մեդվեդևը։

«Ինչպե՞ս սա հասկանանք». Արտակ Բեգլարյանը քննադատել է ՄԱԿ–ին

Նա ընդգծել է, որ միայն ՄԱԿ-ի Անվտանգության խորհրդի համաձայնեցված կարծիքն է թույլ տալիս հասկանալ՝ զինված բախումներում ով է ագրեսոր, իսկ ով՝ ագրեսիայի զոհ։ Նա նշել է նաև, որ աշխարհի շատ կետերում շարունակում են զինված հակամարտության օջախներ լինել, որոնց արդյունքում ամեն օր մարդիկ են մահանում։

«Որպես կանոն` ՄԱԿ-ի Անվտանգության խորհրդի կողմից միայն այս կամ այն իրավիճակի մասին համաձայնեցված իրավական գնահատականն է թույլ տալիս հասկանալ՝ ով է իրավացի և ով` մեղավոր, ով է ագրեսոր, իսկ ով՝ ագրեսիայի զոհ։ Հակառակ դեպքում տեղեկատվական նետումների, փաստերը կեղծելու, «հիբրիդային» պատերազմի պայմաններում կա ռիսկ, որ սևը մատուցվելու է որպես սպիտակ, անօրինականը դառնալու է օրինական, ճշմարտությունը կթաքցնեն գեղեցիկ հեռուստատեսային պատկերի կամ սոցիալական ցանցերի հրապարակումների հետևում», - նշված է հոդվածում։

Հիշեցնենք՝ ՄԱԿ-ը նշում է իր 75-ամյակը ամբողջ աշխարհի համար հսկայական ցնցումների պայմաններում, որոնք սրվում են առողջապահության ոլորտում աննախադեպ գլոբալ ճգնաժամով, որը սպառնում է լուրջ տնտեսական ու սոցիալական հետևանքներ ունենալ։

ՄԱԿ–ն արցախյան հակամարտության ֆոնին առաջարկել է թռիչքների անվտանգության միջոցներ ձեռնարկել

0
թեգերը:
Ռուսաստան, Դմիտրի Մեդվեդև, Միավորված ազգերի կազմակերպություն (ՄԱԿ)
Ըստ թեմայի
Երևանն ու Բաքուն պետք է զերծ մնան չկշռադատված գործողություններից. Մեդվեդև
Ղարաբաղյան հակամարտությունը ռազմական լուծում չունի. Դմիտրի Մեդվեդև
ՌԴ ԱԽ–ում խոսվել է գրոհայիններին Ղարաբաղ տեղափոխելու վտանգների մասին․ Պեսկով