Խաղող

Հայաստանում հնարավո՞ր է ապրել խաղողագործությամբ. փորձագետների կարծիքները տարբեր են

61
Գյուղացիները ստիպված են խաղողի վաճառքից ստացված գումարով ապրել մի ամբողջ տարի։ Իսկ այս տարի վաստակելու խնդիրն ավելի բարդ էր։

ԵՐԵՎԱՆ, 18 սեպտեմբերի – Sputnik. Խաղողի ներկայիս գների պատճառով գյուղացիները նորմալ եկամուտ չեն ստանում ծանր աշխատանքի դիմաց։ Այսօր լրագրողներին հետ հանդիպման ժամանակ հայտարարեց Հայաստանի խաղողագործների միության նախագահ Արտակ Սարգսյանը։

Սահմանված գինն այս տարի շատ ցածր է` 1 կգ–ի դիմաց 135-140 դրամ, այն հազիվ ծածկում է խաղողի աճեցման ինքնարժեքը։ Նրա խոսքով`  միայն Երևանի կոնյակի գործարանն է 155 դրամ առաջարկում (18-20% շաքարի պարունակության դեպքում), սակայն այն, բնականաբար,  գնում է կոնյակի համար նախատեսված տեխնիկական խաղողի ոչ ամբողջ խմբաքանակը։

«Մյուսները ստիպված են վաճառել խաղողը 130-140 դրամով, երբեմն էլ նաև ավելի էժան։ Եկամուտը նվազագույնն է, իսկ դրանով ստիպված ես ապրել ամբողջ տարին ու պահել ընտանիքդ», – ընդգծեց Սարգսյանը։

Ըստ նրա` խաղողի ինքնարժեքը միայն մոտ 110 դրամ է կազմում(1 կգ–ն)։

Հայաստանի խաղողագործության և գինեգործության կենտրոնի տնօրեն Զարուհի Մուրադյանի կարծիքով, սակայն, ինքնարժեքն ավելի ցածր է` 75-90 դրամ (1 կգ)` նույնիսկ հաշվի առնելով աշխատանքը։

«Որակյալ խաղող արտադրելու դեպքում, եկամուտը լիովին բավարար է։ Այս տարի, իհարկե, ավելի դժվարացել է։ Սակայն ծանր է ոչ միայն գյուղացիների համար, այլև գործարանների։ Չէ՞ որ նրանց վաճառքները ևս կրճատվել են, ավելի շատ ապրանք է մնացել պահեստներում», – նշեց նա։

Սեղանի տեսակները, բնականաբար, ավելի թանկ են վաճառվում։ Սակայն այս տարի, ըստ Սարգսյանի, այն վաճառվում է ընդամենը 150 դրամով, այն դեպքում, երբ անցած տարի խաղողը 300-400 դրամ էր։

Այգեգործը նախարարից լավ է. արմավիրցի Երեմի 100 տեսակի աղջիկ-խաղողներն ու ինքնաշեն տրակտորը

«Պարզ է, որ արտահանողների մոտ ևս բարդություններ են առաջացել ռուսական շուկայում, վաճառքը դժվարացել է ճգնաժամի պատճառով։ Նրանց դժվարությունները նաև մեզ են փոխանցվել», – հավելեց նա։

Հիշեցնենք, որ պաշտոնական տվյալներով, Հայաստանում 120-130 հազար տոննա խաղող է աճեցվում, որի շուրջ 10%–ը սեղանի, մնացածը` տեխնիկական։

61
թեգերը:
Գինի, գին, բերք, գյուղացի, Խաղող
Ըստ թեմայի
«Կարևորը՝ բերքը չփչանա». խաղողագործները դժգոհ են փոխմարզպետի պատասխանից և մթերման գներից
Ի՞նչ է տեղի ունենում օրգանիզմում, երբ խաղող ենք ուտում
Կարմիր խաղողի պահանջարկը մեծ է, կամ ինչպես հայերը սիրեցին սպիտակ և վարդագույն գինիները
Լամպ

Երևանի և 5 մարզի որոշ հատվածներում էլեկտրամատակարարումը կդադարեցվի

44
(Թարմացված է 09:25 29.07.2021)
«Հայաստանի էլեկտրական ցանցեր» ընկերությունը պլանային նորոգման աշխատանքներ է իրականացնելու։

ԵՐԵՎԱՆ, 29 հուլիսի – Sputnik. «Հայաստանի էլեկտրական ցանցեր» ընկերությունը տեղեկացնում է, որ հուլիսի 29-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևան քաղաքում՝

09:00-15:00 Իսակովի պող․27, 27/9, 27/12, 27/23, 27/29, 27/43, 27/46, 27/47, 27/60, 29/11 սեփական տներ և հարակից ոչ բնակիչ-բաժանորդներ, Հայաստանի Ոստիկանության կրթահամալիր և «Վալենսիա ՀՁ» ՍՊԸ,

10:00-16:00 Որմնադիրների փ. 51-81 սեփական տներ, Խորենացի փ. 229-239 սեփական տներ, Սարի Թաղ 1-9 շարքերի բնակիչ-բաժանորդներ և հարակից ոչ բնակիչ-բաժանորդներ,

11:00-16:00 Նուբարաշեն 11փ. 2, 3, 19-23 շենքեր և հարակից ոչ բնակիչ բաժանորդներ,

11:00-17:00 Դավթաշեն 4-րդ թաղ․7, 8, 9, 10, 11 շենքեր և հարակից ոչ բնակիչ-բաժանորդներ, Արտաշիսյան փ․ 71, 73 շենքեր, Չեխովի փ ․54, 56 շենքեր, Արտաշիսյան փ․ 53/14, 53/14, 53/15, 57/12, 59, 61, 63, 63ա, 63բ, 65, 67, 69 շենքեր և հարակից ոչ բնակիչ-բաժանորդներ, «Ջրային կառույցներ» ՓԲԸ, «Աբսեո-Արտ« ՍՊԸ, քաղ․«Կ․Մկրտչյան», «ԳՈՌՆԱՆ» ՍՊԸ, քաղ․ «Դ․Սարգսյան», քաղ․ «Բ․Կարնազյան», քաղ․ «Ա․ Զարգարյան», քաղ․ «Ա․ Սահակյան», «Կանաչապատում և շրջակա միջավայր» ՍՊԸ, «Սեքյուրիթի Դրիմ» ՍՊԸ, «Երքաղլույս» ՓԲԸ,

14:00-17:00 Նորք Մարաշ՝ Նորքի 9-րդ փողոցի սեփական տներ և հարակից ոչ բնակիչ-բաժանորդներ, «Ար և Ար Դիզայն Քնսթրաքշն» ընկերություն, «Ադամիուն» ՍՊԸ, քաղ․ «Զ․Բաղդասարյան», «Դիօկսիդ» և «Էմ Ջի գրուպ» ՍՊԸ-ներ,

Արարատի մարզում՝

10:00-11:00 Արաքսավան և Հովտաշեն գյուղեր, Մխչյան և Մրգավետ գյուղեր մասնակի,

11։00-15։00 Բյուրավան և Ջրաշեն գյուղեր մասնակի,

Կոտայքի մարզում՝

11։00-15։00 Պռոշյան համայնք մասնակի, «ԱԼԼ գազ» ՍՊԸ, «ԱԻՍԱ» ՍՊԸ, Ա/Ձ «Հ․ Բալյան», Ա/Ձ «Արթին Զաքարի» և հարակից ոչ բնակիչ-բաժանորդներ,

11։00-16։00 Ջրվեժ՝ Բագրևանդ թաղամաս, Ջրվեժ գյուղն ամբողջությամբ և քարի արտադրամաս,

11։00-17։00 Գեղաշեն, Բալահովիտ, Ջրվեժ և Գառնի գյուղեր մասնակի,

15։00-17։00 Բալահովիտ գյուղ մասնակի, զինմաս, գազալցակայան և հարակից տարածքներ,

Գեղարքունիքի մարզում՝

10։00–11։00 Երանոս համայնքն ամբողջությամբ և հարակից ոչ բնակիչ-բաժանորդներ,

11։00–15։00 Մարտունի քաղաք՝ Մյասնիկյան փողոցն ամբողջությամբ և հարակից ոչ բնակիչ-բաժանորդներ,

Լոռու մարզում՝

12:00-17:00 Վահագնի և Անտառամուտ գյուղեր,

Շիրակի մարզում՝

11:00-17:00 Ախուրյանի տարածաշրջան՝ Ազատան և Բենիամին գյուղեր, Աշոցքի տարածաշրջան՝ Կարմրավան, Զույգաղբյուր, Աշոցք, Կրասար, Մեծ Սեպասար, Փոքր Սեպասար, Ղազանչի, Սիզավետ, Թավշուտ գյուղեր և «Տիրամայր Նարեկ» Աշոցքի հիվանդանոց:

44
թեգերը:
Հայաստանի էլեկտրական ցանցեր (ՀԷՑ), էլեկտրաէներգիա, լամպ, Հայաստան
Ըստ թեմայի
Հայաստանում քանի՞ մարդ է սիբիրյան խոցով վարակվել. նախարարության պատասխանը
ՀԷՑ–ի 42–ամյա աշխատակիցը էլեկտրահարվել է ու մահացել. shamshyan.com
Իսկական թրիլլեր Երևանում. ինչպես է ՀՀ քաղաքացին 6 մարդու սպանություն պատվիրել. մանրամասներ
Մեղվաբույծների դասընթացներ

Լոռիում կբացվի պրոֆեսիոնալ մեղվաբույծների առաջին դպրոցը

21
(Թարմացված է 23:05 27.07.2021)
Արցախի 44-օրյա պատերազմի մասնակիցները, որոնք հաշմանդամության կարգ են ստացել, մեղվաբույծի մասնագիտության նրբությունները սովորելու հնարավորություն կունենան։

Շատ շուտով Հայաստանի Լոռու մարզում երիտասարդ տղաներին ու աղջիկներին կսկսեն մեղվաբուծություն սովորեցնել պրոֆեսիոնալ հիմունքներով։

Курсы по подготовке пчеловодов в Лори
© Photo : provided by Mariam Antonyan
Մեղվաբույծների դասընթացներ

«Աստղիկ» բարեգործական հիմնադրամի տնօրեն Մարիամ Անտոնյանը մեղվաբույծ Տիգրան Սեդրակյանի հետ մտադիր է ստեղծել Հայաստանում առաջին դպրոցը, որտեղ կսովորեցնեն այդ մասնագիտության նրբությունները։

Նրանք արդեն նմանատիպ համատեղ ծրագիր իրականացրել են, և այն լիովին արդարացրել է սպասումները։

Курсы по подготовке пчеловодов в Лори
© Photo : provided by Mariam Antonyan
Մեղվաբույծների դասընթացներ

«Աշնանը մենք սկսեցինք մի ծրագիր իրականացնել, որի շրջանակում Կուրթան և Հարթագյուղ համայնքների բնակիչները ինչպես տեսական, այնպես էլ գործնական գիտելիքներ ստացան մեղվաբուծության մասին։ Դասընթացի ավարտից հետո տղաներից յուրաքանչյուրն իր հետ մի փեթակ տարավ։ Եվ հիմա պատկերացրեք` նրանցից շատերը բավականին հաջող են վարում այդ գործը և նույնիսկ կարողացել են ավելացնել մեղուների թիվը»,-պատմեց Մարիամը Sputnik Արմենիայի թղթակցին։

Курсы по подготовке пчеловодов в Лори
© Photo : provided by Mariam Antonyan
Մեղվաբույծների դասընթացներ

Այդպես մի շարք ոչ մեծ նախագծերից հետո ծագեց որոշվեց դպրոց ստեղծել, որը կայուն կերպով պրոֆեսիոնալ մեղվաբույծներ կպատրաստի։ Պարապմունքները կտևեն 12 ամիս, իսկ շրջանավարտները կկարողանան ինչպես աշխատանք գտնել այդ ոլորտում, այնպես էլ սեփական բիզնեսը զարգացնել։

Մարիամն ընդգծեց, որ նախաձեռնությունն առաջին հերթին նախատեսված է հաշմանդամություն ունեցող անձանց համար: Խոսքը մասնավորապես 44-օրյա պատերազմի ընթացքում վիրավորված ու հաշմանդամության կարգ ստացած երիտասարդների մասին է։

«Հաշմանդամություն ունեցողները գործնականում անելիք չունեն մեր գյուղերում, և այդ առումով մեղվաբուծությունը կարող է լավ ելք դառնալ։ Բայց, այնուամենայնիվ, դպրոցը գործելու է բոլոր նրանց համար, ովքեր կցանկանան զբաղվել այդ գործով»,-ասաց նա։

Հայտերն ընդունվում են մինչև սեպտեմբերի 15-ը, իսկ հոկտեմբերի 1-ից կսկսվեն դասերը։

Առայժմ դպրոցը գործելու է Լոռու մարզի երեք գյուղերում՝ Գյուլագարակ, Հարթագյուղ և Եղեգնուտ, բայց հետագայում նախաձեռնողները նախատեսում են այսպիսի դպրոցներ բացել նաև երկրի այլ մարզերում։

Տիգրան Սեդրակյանը, որն արդեն մեղվաբույծների պատրաստման փորձ ունի, նշեց, որ սա բոլորովին նոր նախաձեռնություն է Հայաստանի համար, քանի որ երկրում դեռևս չկան կրթական հաստատություններ, որտեղ կարելի է յուրացնել այդ մասնագիտությունը: Եթե չհաշվենք, իհարկե, զանազան տեխնիկումներն ու առանձին կուրսերը Հայաստանի ազգային ագրարային համալսարանում։ Այսպիսով, դպրոցը որոշ չափով կկարողանա լրացնել այդ բացը։

Ուղղափառության մեռնող վկան Լոռիում, կամ ինչի մասին է լռում Հրաշագործի եկեղեցին

21
թեգերը:
դպրոց, մեղու, Հայաստան
Ըստ թեմայի
Այդ դժվարությունները տեսել եմ. 3 վերջույթը կորցրած փոխգնդապետն օգնում է զինհաշմանդամներին
Լճում ապրող Պողոս-Պետրոսը․ ինչպես Ապարանում եկեղեցին ջրի տակ հայտնվեց
Պապին, Ծիտը, Գևորգը... մոռանալ չի կարելի. կապիտանը պատմում է հերոսների ու չհերոսների մասին
Дорожно-транспортное происшествие на улице Себастия (21 мая 2019). Еревaн

Սարսափելի դեպք Կոտայքի մարզում. վրաերթի ենթարկված կնոջ մարմինը մի քանի մասի է բաժանվել

0
Մեքենան կնոջը վրաերթի է ենթարկել ռեստորանային համալիրի մոտ։ Հետիոտն անցել է չթույլատրվող հատվածով։

ԵՐԵՎԱՆ, 29 հուլիսի – Sputnik. Կոտայքի մարզում մահվան ելքով վրաերթ է տեղի ունեցել, որի հետևանքով մի կին է մահացել։ Տեղեկությունը հայտնում է shamshyan.com–ը։

Ըստ կայքի` երեկ՝ հուլիսի 28-ին, Ժամը 22:40-ի սահմանում, «Hyundai» մակնիշի ավտոմեքենան Երևան-Սևան ավտոճանապարհի 12-րդ կմ հատվածում, «Լուսաբաց» ռեստորանային համալիրի դիմաց վրաերթի է ենթարկել կին հետիոտնի, որն անցել է չթույլատրվող հատվածով։

Կինը տեղում մահացել է, իսկ նրա մարմինը մի քանի մասի է բաժանվել:

Ոստիկանությունն ու քննչական բաժինը պարզում են մահացածի և վարորդի ինքնությունը:

 

0