ԵՐԵՎԱՆ, 16 սեպտեմբերի - Sputnik. ԿԳՄՍ նախարար Արայիկ Հարությունյանը վստահեցնում է, որ աշխատանքից ազատման դիմում կգրի, եթե նման հիմքեր լինեն։ Հարությունյանը այդ մասին հայտնեց այսօր կազմակերպված ասուլիսի ժամանակ`մեկնաբանելով վերջին օրերին իր հրաժարականի պահանջով անցկացվող ակցիաները։

© Photo : Facebook / Армен Егиазарян

ԿԳՄՍ նախարար Արայիկ Հարությունյանի գնալու ժամանակն է

«Եթե նման հիմքեր լինեն, ինքս մեկ րոպե ավել չեմ մնա այս պաշտոնին և դիմում կգրեմ։ Բողոքները կապված են այն մեծ ռեֆորմների փաթեթի հետ, որն իրականացվում է։ Որոշ քաղաքական շրջանակներ մտահոգություն ունեն, որ բարեփոխումների արդյունքում ունենալու ենք մի սերունդ, որն այլևս իրենց հենքը չի հանդիսանալու, այլ լինելու է քննադատող և վերլուծող»,–ասաց Հարությունյանը։

Նրա խոսքով` այդ սերունդը որոշում է կայացնելու, որ երբեք նման խմբերի չի սատարելու և տարբեր շղարշի տակ գործող խմբերն այլևս աջակիցներ չեն ունենալու։ Հարցին, թե, այնուամենայնիվ, ի՞նչ է կարծում Հարությունյանը` իր հրաժարականի պահանջ չկա՞` նախարարը պատասխանեց` թող ամպագոռգոռ հայտարարություններով չվախեցնեն, քանի որ ինքը չի վախենում նման բաներից։

Հարությունյանը հրաժարական կտա միայն, երբ հասական` սխալ ուղղությամբ են առաջ գնում, քանի որ իր քաղաքական թիմում էլ չկա հրաժարականի հարց։

Արայիկ Հարությունյանը որոշել է դատի տալ սուտ տեղեկություն տարածողներին

Ինչ վերաբերում է բողոքող խմբերի հետ հանդիպել–չհանդիպելուն, ապա, ըստ Հարությունյանի, բոլոր դեպքերում, երբ բողոքների հիմքում կա օրակարգ, ինքը հանդիպում է նրանց հետ։ Իսկ երբ ծայրահեղ պահանջ են դնում, օրինակ, նախարարի հրաժարականը, ապա Հարությունյանը չի գնում հանդիպման, քանի որ իր հրաժարականն օրակարգային հարց չէ։ Նախարարը վստահեցնում է` պատրաստ է ցանկացած քննարկման, բայց ոչ քաղաքական դրդապատճառներով։

© Sputnik / Asatur Yesayants

«Իմ հրաժարականի հարցը չի քննարկվում». ԿԳՄՍ նախարար

Խոսելով ԱԺ գիտության, կրթության, մշակույթի, սփյուռքի, երիտասարդության և սպորտի հարցերի հանձնաժողովի հարցերի հետ իր ունեցած հարաբերությունների մասին` Հարությունյանը վստահեցրեց` հանձնաժողովի անդամների մեծամասնության հետ լավ հարաբերություններ ունի։

Հիշեցնենք, որ այսօր «Լուսավոր Հայաստանը» ԱԺ-ում ներկայացնելու է Արայիկ Հարությունյանի հրաժարականի պահանջը։ Արդեն տևական ժամանակ է, ինչ տարբեր խմբեր բողոքի ակցիաներով են հանդես գալիս ու պահանջում Հարությունյանի հրաժարականը։

ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4889 մարդ (+189), կատարվել է 739116 (+2526) թեստավորում, առողջացել են վարակվածներից 163906-ը (+168)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։

© Sputnik / Валерий Мельников

Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։