Երևան

Մի փոքր կցրտի. եղանակի տեսություն

60
(Թարմացված է 18:28 15.09.2020)
Օդերևութաբանների կանխատեսումներով` առաջիկա օրերին որոշ մարզերում տեղումներ կգրանցվեն, իսկ մայրաքաղաքում` ոչ։

ԵՐԵՎԱՆ, 16 սեպտեմբերի — Sputnik. Հանրապետության տարածքում սեպտեմբերի 16-17-ը Սյունիքում և Արցախում սպասվում է կարճատև անձրև և ամպրոպ։ Սեպտեմբերի 18-20-ը սպասվում է առանց տեղումների եղանակ:

Ո՞ր ավիաընկերություններն են վերսկսել կանոնավոր չվերթերը դեպի Հայաստան

Տեղեկությունը հայտնում են ՀՀ ԱԻՆ «Հիդրոմետ» ծառայությունից։

Օդի ջերմաստիճանը սեպտեմբերի 16-17-ը Լոռիում, Տավուշում, Սյունիքում և Արցախում կնվազի 4-6 աստիճանով:

Եղանակի կանխատեսում
Եղանակի կանխատեսում

Երևան քաղաքում սեպտեմբերի 16-20-ը սպասվում է առանց տեղումների եղանակ:

Մայրաքաղաքում սեպտեմբերի 16–ի գիշերը կգրանցվի 17-19 աստիճան տաքություն, իսկ ցերեկային ժամերին կլինի +32...+34։

Ադրբեջանում հայտնված սպային առևանգե՞լ են. դեպքերն այլ ընթացք են ստանում

60
թեգերը:
ցուրտ, Անձրև, Հայաստան, եղանակ
թեմա:
Եղանակը Հայաստանում (909)
Մեսրոպ Առաքելյան

Սահմանափակումներն ուշացած են. բուքմեյքերական խաղադրույքների մեծ մասը կատարվում է օնլայն

59
(Թարմացված է 08:44 18.09.2020)
ՀՀ վարչապետի խորհրդական Մեսրոպ Առաքելյանը Sputnik Արմենիայի եթերում անդրադարձել է շահումով խաղերին և բուքմեյքերական գրասենյակների գործունեությանը վերաբերող նոր պայմաններին։
Առաքելյան. «Բուքմեյքերական ընկերությունների գործունեության ծավալը խիստ մտահոգիչ է»

ՀՀ կառավարությունն այսօրվա նիստում հաստատեց վիճակախաղերի, տոտալիզատորների, բուքմեյքերական գրասենյակի գործունեության պայմանները։ Ինչպես նշեց ՀՀ ֆինանսների նախարար Ատոմ Ջանջուղազյանը, բոլոր այն կազմակերպությունները, որոնք չեն պահպանի սահմանված կանոնները,ստիպված կլինեն հրաժարվել իրենց գործունեությունից։

Մեսրոպ Առաքելյանի դիտարկմամբ` նախորդ տարի ԱԺ–ն կատարեց օրենսդրական փոփոխություններ, որոնք առնչվում էին բուքմեյքերական գրասենյակների աշխատանքային սահմանափակումներին։ Նոր օրենքը նոր սահմանափակումներ է մտցնում` կապված գովազդի, արտաքին տեսքի, տեղակայման հեռավորության հետ, ինչը մի փոքր քայլ է այն ուղղությամբ, որպեսզի ոչ թե սահմանափակվի տոտալիզատորների գործունեությունը, այլ նվազեցվի դրանց մատչելիությունը։

«Բայց անկեղծ ասած`այն չափը, որով այսօր բուքմեյքերական ընկերությունները ծավալում են իրենց գործունեությունը, համարում եմ խիստ մտահոգիչ, իսկ այն սահմանափակումները, որոնք մենք կիրառում ենք, խաղադրույքների նվազման առումով շատ լուրջ փոփոխություն չեն առաջացնում»,– նշում է վարչապետի խորհրդականը։

Մեսրոպ Առաքելյանի փոխանցմամբ` սկզբում խոսվում էր բուքմեյքերական գրասենյակների գործունեությունն արգելելու մասին, բայց հետո՝ ԱԺ քննարկումների արդյունքում, ընտրվեց փոխզիջումային տարբերակ։ Ըստ նրա` այժմ առկա է մի իրավիճակ, որ նույնիսկ եթե գրասենյակների ամբողջ ծավալը վերացնենք, միևնույն է, տարեցտարի ոչ միայն այդ ոլորտը, այլև տնտեսությունն ու հատկապես սպասարկման ոլորտը գնում է դեպի օնլայն հարթակ։

Առաքելյան. «Հայաստանում պետք է արգելվի բուքմեյքերական գործունեությունը»

Խաղադրույքների մասով նկատվում է, որ ավելի մեծ ծավալների շրջանառություն են ապահովում համացանցային տարբերակները։ Հետևաբար գրասենյակների՝ ոչ առցանց տիրույթում նույնիսկ ամբողջական փակումը խնդրի լուծման վրա չի ունենա այնպիսի ազդեցություն, որ խաղադրուքները նվազեն։

«Բուքմեյքերական գրասենյակների հանդեպ կիրառվող սահմանափակումները ուշացած են զուտ ժամանակային առումով, որովհետև տնտեսությունն ինքը տանում է այդ գրասենյակների փակման, ոչ արդյունավետ լինելուն»,– նշում է վարչապետի խորհրդականը։

Կառավարությունը խստացնում է շահումով խաղերի գործունեության պայմանները. մանրամասներ

Մեսրոպ Առաքելյանի համոզմամբ` խաղադրույք կատարելը կամ խաղասենյակում հայտնվելը հպարտության չափանիշ չէ, և եթե դեռահասը մտնում է բուքմեյքերական գրասենյակ, այդ մասին կարող են իմանալ։ Բայց եթե նա խաղադրույք է կատարում օնլայն հարթակում՝ գաղտնիության պայմաններում, սա արդեն խնդրահարույց է։ Ըստ նրա` սմարթֆոնների տարածումը կամ «հեռախոսային հիվանդությունն» ավելի շատ դեռահասների շրջանում է տարածված, հետևաբար IT ոլորտի զարգացմանը զուգընթաց անհրաժեշտ է շարունակ ձեռքը պահել զարկերակի վրա և վերահսկողությունն իրականացնել պատշաճ մակարդակով։

Հիշեցնենք, որ վիճակախաղերի, տոտալիզատորների, բուքմեյքերական գրասենյակի գործունեության պայմաններտ վերաբերյալ կառավարության որոշումն ուժի մեջ է մտնում 2020 թվականի նոյեմբերի 1-ից:

59
թեգերը:
Հայաստան, բուքմեյքեր
Ըստ թեմայի
Ի՞նչ են պարզել ռումբի ահազանգից հետո «Աջարաբեթի» գրասենյակ մեկնած մասնագետները
Առաքելյան. «Հայաստանում պետք է արգելվի բուքմեյքերական գործունեությունը»
Ոչ ոք վաղվա վրա վստահ չէ. մարդիկ հրաժարվել են առցանց խաղադրույքներից ու պատվերներից
Արխիվային լուսանկար

Դպրոցի ճամփան դժվար է, երկար... Սալուտցիները սպառնում են դասի չուղարկել երեխաներին

111
Չորրորդ դասարանից բարձր աշակերտները ստիպված կլինեն կրթություն ստանալու համար ամեն օր 12 կմ քայլել։

ԵՐԵՎԱՆ, 17 սեպտեմբերի - Sputnik, Արմենուհի Մխոյան. Շիրակի մարզի Սալուտ բնակավայրի 17 դպրոցականների հետագա ուսումնառությունը հարցականի տակ է. հարևան Մուսայելյան գյուղ տանող երթուղին այս ուսումնական տարում այլևս չի գործում։ Սալուտի բնակիչներն էլ պնդում են՝ հարցը չլուծվի՝ երեխաներին դպրոց չեն ուղարկի:

Երբ դասընկեր ունենալը երազանք է. Շաղիկում ուսումնական տարին մեկ աշակերտով կսկսեն

Նշենք, որ Սալուտի երեխաները 4-րդ դասարանից հետո ուսումնառությունը շարունակում են Մուսայելյանի դպրոցում, ուր հաճախում են նաև Սարապատ համայնքի Հարթաշեն ու Վարդաղբյուր բնակավայրերի աշակերտները։

Պատասխանատուները նշում են, որ փոխադրամիջոց չլինելու պատճառը ֆինանսական կարգի փոփոխությունն է. եթե նախորդ տարիներին գումարը հատկացվում էր դպրոցին, որն էլ տրանսպորտային կազմակերպության մրցույթ էր հայտարարում, հիմա այն տրամադվում է մանկավարժներին և աշակերտներին՝ օրական 200 դրամ հաշվարկով։ Իսկ դա արդյունքում ավելի քիչ գումար է կազմում, քան մրցույթի ժամանակ էր հատկացվում։

«Սրանից ելնելով՝ կազմակերպությունները հրաժարվում են փոխադրում իրականացնել ավելի ցածր գնով»,-Sputnik Արմենիային տեղեկացնում է Շիրակի մարզպետարանի կրթության վարչության պետ Հրայր Կարապետյանը։

Դպրոցներին տրամադրվող տաք սնունդը համավարակի պատճառով կփոխարինվի չորով

Հարցը համայնքի ու վարչական ղեկավարի կողմից Ժամանակավորապես լուծվել է՝ որոշակի տրանսպորտային միջոցներ են տրամադրվել, բայց խնդրի վերջնական կարգավորման համար մարզպետարանը դիմել է ՀՀ կրթության, գիտության, մշակույթի և սպորտի նախարարությանը։

Պատասխանատուն նշում է՝ այս պահին հիմնական բողոքներն աշակերտներից ու նրանց ծնողներից են, իսկ մանկավարժները հիմնականում այլ բնակավայրերից են, և նրանց տեղափոխումը կազմակերպված է:

111
թեգերը:
Շիրակի մարզ, դպրոց, Գյուղ
Ըստ թեմայի
Ֆիոլետովո գյուղի դպրոցն այս տարի այլ տեսք ուներ. ինչ փոփոխություններ էին արվել
Կարելի՞ է բազմակի օգտագործման դիմակ դնել. դասերը մեկնարկելուն պես նոր հարցեր են ծագել
Որոշ դասեր այգում և երաժշտություն դասամիջոցներին. դպրոցները հարմարվում են նոր պայմաններին
Դիանա Գալոյան. արխիվային լուսանկար

Նիկոլ Փաշինյանը չի ստորագրում Տնտեսագիտականի ռեկտորի հրամանը. «Ժողովուրդ»

0
(Թարմացված է 10:52 18.09.2020)
Վարչապետը տնտեսագիտականի հարցում կարծես թե այլ որոշում ունի, ինչի համար էլ դեռևս այդ հարցը թողնում է օդում կախված։

ԵՐԵՎԱՆ, 18 սեպտեմբերի — Sputnik. ՀՀ վարչապետ Նիկոլ Փաշինյանը չի ստորագրում այն հրամանագիրը, ըստ որի Դիանա Գալոյանը կարող է ստանձնել Երևանի պետական տնտեսագիտական համալսարանի ռեկտորի պաշտոնը։ Տեղեկությունը հայտնում է «Ժողովուրդ» օրաթերթը։

Նշենք, որ դեռևս հուլիսի 17-ին ռեկտոր է ընտրվել Դիանա Գալոյանը: Հենց նույն օրը՝ զուգահեռ, ՀՀ կրթության, գիտության, մշակույթի եւ սպորտի նախարարության Բարձրագույն որակավորման հանձնաժողովն անվավեր ճանաչեց Տնտեսագիտական համալսարանի նախկին ռեկտոր Դիանա Գալոյանի՝ տնտեսագիտության դոկտորի գիտական աստիճանը:

Այս որոշումը Կրթության, գիտության, մշակույթի և սպորտի նախարարությունը չեղյալ համարեց, քանի որ քննություն էր իրականացրել ու պարզել, որ Բարձրագույն որակավորման կոմիտեն անհիմն որոշում է կայացրել:

Չնայած զրկեցին դոկտորի գիտական աստիճանից, բայց Դիանա Գալոյանն ընտրվեց ՀՊՏՀ ռեկտոր

«Այս ամենից հետո Փաշինյանն ինչպես որ մայիսից մինչև այսօր չի ստորագրում ԲՈԿ նախագահ Սմբատ Գոգյանի հրաժարականի դիմումը, այնպես էլ Դիանա Գալոյանի դիմումը չի ստորագրում»,–նշված է «Ժողովուրդի» լուրում։

Ըստ շրջանառվող տեղեկությունների՝ վարչապետը, կարծես թե, այս ամենի վերաբերյալ այլ որոշում ունի, ինչի համար էլ դեռևս այդ հարցերը թողնում է օդում կախված:

Թերթը գրում է նաև, որ կրթության, գիտության, մշակույթի և սպորտի փոխնախարար Գրիշա Թամրազյանն ամեն ինչ արեց, որ ԵՏՊՀ ռեկտոր դառնա Դիանա Գալոյանը, բայց կարծես թե իր հաշվարկներում սխալվել էր. վերջնարդյունքը դեռևս մշուշոտ է:

Դիանա Գալոյանն իր թեկնածությունը կառաջադրի տնտեսագիտականի ռեկտորի ընտրություններին

0
թեգերը:
Նիկոլ Փաշինյան, ռեկտոր, Դիանա Գալոյան