Транспортное движение в Москве

Հնարավոր է՝ Ռուսաստանում թույլատրեն օգտվել հայկական վարորդական իրավունքից

366
(Թարմացված է 19:47 15.09.2020)
Ներկայում ՌԴ օրենսդրությամբ աշխատանքի տեղավորվելիս ճանաչվում են միայն այն երկրների վարորդական իրավունքները, որտեղ ռուսաց լեզուն որևէ պաշտոնական կարգավիճակ ունի, այսինքն՝ ԵԱՏՄ բոլոր անդամ երկրների վարորդական իրավունքները, բացի Հայաստանից։

ԵՐԵՎԱՆ, 15 սեպտեմբերի – Sputnik. Ռուսաստանում օրինագիծ է մշակվել, որը թույլ է տալիս ԵԱՏՄ երկրների, իսկ դա նշանակում է նաև Հայաստանի քաղաքացիներին, աշխատանքի մեջ օգտագործել տրանսպորտային միջոցներ վարելու՝ ազգային վարորդական իրավունքը։ Նախաձեռնությունը ՌԴ ՆԳՆ–ինն է: Փաստաթուղթը հրապարակվել է նորմատիվ իրավական ակտերի նախագծի դաշնային պորտալում։

Նշենք, որ Ռուսաստանում հայկական վարորդական վկայականների ճանաչման հարցը երկար ժամանակ երկու երկրների օրակարգում էր։  Ռեզոնանսային այս խնդիրը մեկնաբանում էին ամենատարբեր մակարդակի քաղաքական գործիչները։

Նոր օրինագծով նախատեսվում է փոփոխություն մտցնել «Ճանապարհային երթևեկության անվտանգության մասին» դաշնային օրենքի 25-րդ հոդվածի 13-րդ կետում։ Այսօր տվյալ հոդվածն արգելք է սահմանում տրանսպորտային միջոցի կառավարման հետ կապված ձեռնարկատիրական և աշխատանքային գործունեություն իրականացնելիս ազգային կամ միջազգային վարորդական իրավունքով տրանսպորտային միջոց վարելու համար։

Երբ դիրքն ու հայտնի լինելը չեն օգնում․ Արարատ Քեշչյանը դժգոհել է ՃՈ աշխատանքից

Օրինագծի հեղինակներն առաջարկում են այդ հոդվածում` ԵԱՏՄ երկրների քաղաքացիներին առնչվող հատուկ կետ մտցնել. «Տվյալ կետի դրույթը չի տարածվում ԵԱՏՄ անդամ երկրների այն քաղաքացիների, ինչպես նաև այն պետությունների քաղաքացիների վրա, որոնց օրենսդրությամբ ռուսաց լեզուն կիրառվում է որպես պետական կամ պաշտոնական լեզու և որոնք ձեռնարկատիրական ու աշխատանքային գործունեություն են ծավալում նշված պետությունների իրավասու մարմինների կողմից տրված ազգային վարորդական վկայականների հիման վրա Ռուսաստանի Դաշնության տարածքում, որն ուղղակիորեն կապված է տրանսպորտային միջոցների կառավարման հետ»:

Օրինագծին կից բացատրական գրության մեջ նշվում է, որ նախագծվող փոփոխությունները ԵԱՏՄ անդամ երկրների քաղաքացիների ազգային  վարորդական իրավունքները ՌԴ տարածքում ճանաչում են ձեռնարկատիրական և աշխատանքային գործունեությամբ զբաղվելու դեպքում։

Ավելի վաղ ՌԴ–ում մարդու իրավունքների հանձնակատար Տատյանա Մոսկալկովան չէր բացառել, որ հնարավոր է առանձին քննություն մտցվի ՌԴ–ում ՀՀ քաղաքացիների վարորդական իրավունքները հաստատելու համար։ Ռուսաստանի օրենսդրությամբ աշխատանքի տեղավորվելիս ճանաչվում են միայն այն երկրների վարորդական իրավունքները, որոնցում ռուսաց լեզուն որևէ պաշտոնական կարգավիճակ ունի, այդ պատճառով ՌԴ–ում վարձատրվող վարորդական աշխատանքի համար ճանաչվում են ԵԱՏՄ բոլոր անդամ երկրների վարորդական վկայականները, բացի Հայաստանից։

366
թեգերը:
Եվրասիական Տնտեսական Միություն (ԵԱՏՄ), տաքսի, վարորդական իրավունք, Ռուսաստան, Հայաստան
Ըստ թեմայի
ՃՈ տեսուչը կաշառքով օժանդակել է վարորդական իրավունքներ ստանալու հարցում
Քոչարյանը մեկնաբանել է Ռուսաստանում հայկական վարորդական իրավունքի ճանաչման հարցը
Հայաստանը ԵԱՏՄ երկրների վարորդական իրավունքները կճանաչի փոխադարձության սկզբունքով. Քոչարյան
Ինչու են վարորդները զրկվել վարորդական իրավունքի վկայականից. տեսանյութ
Գրիգոր Լուսավորիչ

«Գրիգոր Լուսավորիչ» ԲԿ–ում թունավորվածների թիվն ավելացել է ու հասել 50-ի

118
(Թարմացված է 12:23 21.09.2020)
Թունավորման ախտանշաններ են ի հայտ եկել մի քանի աշխատակիցների ու հիվանդների մոտ: Հիվանդանոցին սպասարկող «Արտ լանչի» սեփականատերը կարծում է, որ խնդիրը կարող է կապված լինել մատակարար ընկերության հետ։

ԵՐԵՎԱՆ, 21 սեպտեմբերի – Sputnik. «Սուրբ Գրիգոր Լուսավորիչ» բուժկենտրոնում թունավորվածների թիվը հասել է 50–ի։ Sputnik Արմենիային տեղեկությունը հայտնեց ԲԿ–ի մամուլի խոսնակ Ծովինար Խաչատրյանը։

Ավելի վաղ հայտնի էր դարձել, որ բուժկենտրոնի աշխատակիցների ու պացիենտների մոտ (ընդհանուր թիվը` 33 հոգի) սննդային թունավորման ախտանշաններ են ի հայտ եկել։

«Նրանցից 8–ը պացիենտներ են, իսկ մնացածը` բուժաշխատողներ։ Բոլորի վիճակն այս պահին լավ է»,– ասաց Խաչատրյանը։

Նա չբացառեց, որ մարդիկ թունավորվել են ԲԿ-ի տարածքում գործող «Արտ լանչ» ցանցի ճաշարանի սննդից։

Սննդի անվտանգության տեսչական մարմնից Spuntik Արմենիային հայտնեցին, որ տեսուչներն ահազանգով այցելել են հիվանդանոցի ճաշարան։

«Ոչ աշխատանքային օրը մենք լիազորված չենք տեսչական ստուգում անցկացնելու։ Սակայն մեր տեսուչները զննել են սպասարկման սրահն ու խոհանոցը և որևէ արտառոց, անհապաղ շտկում պահանջող խախտումներ չեն հայտնաբերել»,– ասաց Սննդի տեսչության մամուլի քարտուղար Անուշ Հարությունյանը։

Հիվանդությունների վերահսկողության և կանխարգելման ազգային կենտրոնը ճաշատեսակների և աղցանների նմուշներ է վերցրել, որոնք կենթարկի փորձաքննության։ Արդյունքները հայտնի կլինեն առաջիկայում ու կտրամադրվեն նաև Սննդի տեսչությանը։

«Արտ լանչ» ճաշարանների ցանցի տնօրեն, համահիմնադիր Բակուր Մելքոնյանն էլ թեմային անդրադարձել է Facebook–ում։

«Ես պատրաստ եմ կրել ցանկացած պատասխանատվություն, եթե կատարել եմ որևէ օրենքի խախտում կամ մախինացիա: Բայց ուզում եմ, որ չլինի տարիներ առաջ կատարվածի նման, երբ օրեր անց պարզվեց, որ մեղավորը «Արտ լանչը» չէր, այլ մատակարար մի կազմակերպություն, բայց դա արդեն ոչ մեկին չէր հետաքրքրում: Լինենք պրոֆեսիոնալ, սպասենք արդյունքներին»,– գրել է նա:
Մելքոնյանը նշել է նաև, որ մի քանի պրոֆեսիոնալ բժիշկ մասնագետների հետ զրույցից հասկացել է, որ թունավորում չկա, այլ եղել է աղեստամոքսային խանգարում:

118
թեգերը:
թունավորում, «Սուրբ Գրիգոր Լուսավորիչ» ԲԿ, Հայաստան
Ըստ թեմայի
Մահվան ևս 6 դեպք. ՀՀ–ում կորոնավիրուսի զոհ դարձածներից ամենաերիտասարդը 60-ամյա կին է
10 մահ, 2 մարդու կուրացում. Երևանում ալկոհոլային թունավորման դեպքով 12 քրգործ է հարուցվել
21 մահվան դեպք. ալկոհոլային թունավորումից ևս 1 մարդ է մահացել
հիվանդանոց, արխիվային լուսանկար

Մահվան ևս 6 դեպք. ՀՀ–ում կորոնավիրուսի զոհ դարձածներից ամենաերիտասարդը 60-ամյա կին է

105
(Թարմացված է 11:11 21.09.2020)
Մահվան դեպքերի ընդհանուր թիվը կորոնավիրուսի համավարակի ողջ ընթացքում Հայաստանում հասել է 936–ի:

ԵՐԵՎԱՆ, 21 սեպտեմբերի – Sputnik. Կորոնավիրուսը Հայաստանում ևս 6 մարդու կյանք է խլել։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 65 (կին), 82 (տղամարդ), 81 (կին), 61 (տղամարդ), 60 (կին) և 84 (կին) տարեկան։ Բոլորն ունեցել են ուղեկցող խրոնիկական հիվանդություններ»,– նշված է հաղորդագրության մեջ։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 121-ով ու հասել 47552–ի։

105
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Խցանված Երևանն ու դիմակավոր ուղևորները. ինչպե՞ս փրկել կորոնավիրուսից փրկվածներին
Գյումրու քաղաքապետի մոտ կորոնավիրուս է հաստատվել. ևս 26 աշխատակից թեստավորվել են
Կորոնավիրուսի պատվաստանյութը կարո՞ղ է պաշտպանել գրիպից. պատասխանում է մասնագետը
Ալեն Սիմոնյան. արխիվային լուսանկար

«Պետք է հասկանանք՝ ով է իրեն թույլ տվել ընդդեմ ՀՀ-ի շպիոնաժով զբաղվել». Ալեն Սիմոնյան

0
(Թարմացված է 20:40 21.09.2020)
Աղմուկ հանած հոդվածում գրված է, թե Կրեմլը Հայաստանի բոլոր բարձրաստիճան կառույցներում գործակալներ է ունեցել։ Շրջանառվում են նաև ԱԱԾ նախկին տնօրենների` Գեորգի Կուտոյանի, Արթուր Վանեցյանի անունները։

ԵՐԵՎԱՆ, 21 սեպտեմբերի — Sputnik. ԱԺ փոխնախագահ Ալեն Սիմոնյանն այսօր Գյումրիում պատասխանեց լրագրողների՝ այսպես կոչված «ԱԱԾ դոսյեի» մասին հարցերին:

«Կեցցե՛ Հայաստանի Հանրապետությունը՝ որպես անկախ երկիր, որտեղ որևիցե կենտրոն, բացի հայ ժողովրդից, որևիցե լծակ չի կարող գոյություն ունենալ»,- ասաց նա:

Այդուհանդերձ, ԱԺ փոխնախագահը կարծիք հայտնեց, որ այդ հարցով պետք է քննություն իրականացվի, որպեսզի պարզ դառնա, թե «ով է այդ անձնավորությունը, որը կարողացել է իրեն թույլ տալ ընդդեմ ՀՀ-ի շպիոնաժով զբաղվել»:

ԱԺ փոխնախագահը նշեց, որ նման գործակալական ցանցեր ձևավորվում են ամիսների, տարիների ընթացքում, ու ամեն օր կարող են բացահայտումներ լինել:

«Հետևություններ պիտի անենք ու անցնենք առաջ»,- ասաց նա:

Աղմուկ հանած հոդվածում գրված էր, թե Կրեմլը Հայաստանի բոլոր բարձրաստիճան կառույցներում գործակալներ է ունեցել։ Այդ թվում շրջանառվում էին ԱԱԾ նախկին տնօրենների` Գեորգի Կուտոյանի, Արթուր Վանեցյանի անունները։

Ըստ «Դոսյեի»` օրինակ` Վանեցյանին հաճախ են Մոսկվայում տեսնում ազդեցիկ գործարարների ընկերակցությամբ:

Ինչ վերաբերում է հոդվածում հիշատակվող կոնկրետ անուններին, Ալեն Սիմոնյանը նշեց, որ նրանց նկատմամբ պետք է ձևավորվի հանրության վերաբերմունքը:

Նշենք, որ ԱԱԾ տնօրեն Արգիշտի Քյարամյանը ևս այսօր Եռաբլուրում լրագրողների հետ զրույցում ասել էր, որ Ազգային անվտանգության ծառայությունը ռուսական «Դոսյե» կենտրոնի հրապարակած զեկույցի հիման վրա արդեն իսկ հետազոտություն է սկսել։

«Գործող իշխանությունն ունի համակիրների վտանգավոր բանակ». Արթուր Վանեցյան

0
թեգերը:
Արթուր Վանեցյան, Կրեմլ, լրտես, Ալեն Սիմոնյան
Ըստ թեմայի
Պողոսյան. վստահե՛ք իմ դարավոր «շպիոնական» փորձին
Խանդավառներն ու շպիոն Օնիկները. բոլորը բոլորին գործակալ կհամարե՞ն, թե կբռնեն գործակալներին
«Շպիոնների» հայտնաբերում, կադրային ջարդ, թե՞... ի՞նչ է կատարվում ԱԱԾ–ում