Հիվանդանոց

Կորոնավիրուսի հետևանքով մահվան 3 դեպք է գրանցվել

51
(Թարմացված է 11:04 14.09.2020)
Վրջին մեկ օրում կորոնավիրուսի հետևանքով մահացածներն ունեցել են ուղեկցող խրոնիկական հիվանդություններ։

ԵՐԵՎԱՆ, 14 սեպտեմբերի — Sputnik. ՀՀ առողջապահության նախարարությունը տեղեկացնում է, որ Հայաստանում կորոնավիրուսի հետևանքով վերջին մեկ օրում մահվան 3 դեպք է գրանցվել։

«Կորոնավիրուսի հտեևանքով մահացել են 2 կին և մեկ տղամարդ։ Կանայք եղել են 67 և 73 տարեկան, իսկ տղամարդը` 70։ Բոլորն ունեցել են ուղեկցող խրոնիկական հիվանդություններ»,–նշված է հաղորդագրության մեջ։

Հիշեցնենք, որ սեպտեմբերի 14-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 45969 դեպք, որոնցից 41693-ն` առողջացած, 919-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 3075 պացիենտ: Ընդհանուր առմամբ կատարվել է 240943 թեստավորում:

Հիշեցնենք, որ երեկ կատարվել է 2631 թեստավորում, որից հաստատվել է կորոնավիրուսային հիվանդության 107 նոր դեպք: Ունենք 34 առողջացած:

«Երկրորդ օրն է, ամեն ինչ նորմալ է»․ Սիմոնյանն ու Բաբայանը պատվաստվել են կորոնավիրուսի դեմ

51
թեգերը:
տղամարդ, Կին, Մահ, Հայաստան, կորոնավիրուս
թեմա:
Կորոնավիրուսը Հայաստանում և Արցախում (1501)
Ըստ թեմայի
Ռուսաստանն օգնում է հարևաններին Covid-19-ի դեմ պայքարում. ինչ է ստացել Հայաստանը
Մարգարիտա Սիմոնյանը պատմել է, թե ինչ գանգատներ ունի Covid 19-ի դեմ պատվաստվելուց հետո
Covid-ով պայմանավորված տնտեսական ճգնաժամի ֆոնին կան նաև լավ լուրեր. Փաշինյան
Երևան

Քանի՞ օր անձրև չի գա Հայաստանում. եղանակի տեսություն

13
(Թարմացված է 22:41 26.09.2020)
Օդերևութաբանների կանխատեսումներով` հանրապետության տարածքում առաջիկա օրերին օդի ջերմաստիճանի էական փոփոխություն չի գրանցվի։

ԵՐԵՎԱՆ, 27 սեպտեմբերի — Sputnik. Հայաստանի տարածքում սեպտեմբերի 27-ին տեղումներ չեն լինի։ Չոր եղանակը կշարունակվի մինչև սեպտեմբերի 30-ը։ Տեղեկությունը հայտնում է ՀՀ արտակարգ իրավիճակների նախարարությունը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Երևանում սեպտեմբերի 27-ի ցերեկային ժամերին սպասվում է 28–30, երեկոյան՝ 23–25, գիշերը՝ 14+16 տաքություն։

Հայաստանի հյուսիսում` Շիրակում, սեպտեմբերի 27-ին ցերեկը սպասվում է 20–25, գիշերը՝ 6–10 տաքություն։ Հարավում` Սյունիքում, ցերեկը կլինի 22–25, գիշերը՝ 12–16 տաքությունը։ Արցախում նույնպես տաք աշուն է, ցերեկը օդի ջերմաստիճանը կտատանվի +20–ից +25–ի, գիշերը՝ +6–ից +10–ի սահմանում։

 Եղանակի կանխատեսում
Եղանակի կանխատեսում
13
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց
Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել
ՀՀ ոստիկանությունը մարտից ի վեր ավելի քան 145 հազար վարչական տույժ է նշանակել
Օլգա Բուզովան ու Դավիթ Մանուկյանը

«Սա սեր չէ». էքստրասենսը կանխատեսել է, որ Բուզովան ու Դավիթը բաժանվելու են

52
(Թարմացված է 23:51 26.09.2020)
«Էքստրասենսների մարտ» շոուին մասնակցած Բուզովային ասել են, որ նրա հետ բավականին տգեղ են վարվել։ Երգչուհին խոստովանել է, որ իր հետ իսկապես եղել է նման բան։

ԵՐԵՎԱՆ, 26 սեպտեմբերի – Sputnik. Հեռուստահաղորդավարուհի և երգչուհի Օլգա Բուզովան մանակցել է «Էքստրասենսների մարտ» շոուին։ Էքստրասենսները հանգամանորեն նկարագրել են նրա հոգեվիճակն ու կանխատեսել, թե ինչ է նրան սպասում ընկերոջ` Դավայի (պարող, բլոգեր և երգիչ Դավիթ Մանուկյան) հետ հարաբերություններում։

Ավելի վաղ ԶԼՄ–ները գրել էին, որ վերջին ժամանակաշրջանում Բուզովան ու Դավան հաճախ են վիճում և չեն կարողանում ընդհանուր լեզու գտնել։

Ինչպես հայտնում է «ՍտարԽիտը», էստոնացի էքստրասենս Անտոնինա Կերսնան, առանց Օլգայի դեմքը տեսնելու, ասել է, որ նա երբեք երեխաներ չի ունեցել և աբորտներ չի արել։ Էքստրասենսը չի սխալվել։

«Ձիու առողջություն ունի», – վստահեցրել է Կերսնան։

Էքստրասենս Մաքսիմ Ֆյոդորովն էլ նշել է, որ իր առջև նստածը նյարդային է և փոքր–ինչ հիստերիկ։

«Անձնական երջանկություն չկա, որոշակի հարաբերությունների ուրվագծեր կան։ Հոգու մտերմությունն անհնար է։ Դու կա՛մ չես վստահում, կա՛մ վախենում ես։ Ներսում դատարկություն է», – ավելացրել է նա։

Նրա խոսքով` Բուզովան այդ դատարկությունը ժամանակավորապես մոռացության տալու համար ստիպված լրացնում է ինչով պատահի` արցունքներ, ալկոհոլ։

Սակայն այդ խոսքերը զայրացրել են երգչուհուն։ Նա սկսել է վստահեցնել, որ կարող է միայն մեկ բաժակ գինի խմել ոստրե ուտելիս, այն էլ` ընկերոջ հետ։

Իսկ ահա Մաքսիմ Ռապոպորտը հայտնել է, որ իր դիմաց նստած կինը հոգեկան ապրումներ ու ցավ ունի, նրա սրտին վերք կա։ Ըստ նրա` կնոջը դավաճանել են, բավականին տգեղ են վարվել նրա հետ։

Օլգան խոստովանել է, որ էքստրասենսը նկարագրել է Դմիտրի Տարասովի հետ բաժանվելուց հետո նրա վիճակը։

Ռապոպորտը «գաղտնազերծել» է նաև հեռուստահաղորդավարուհու ներկայիս սիրավեպի որոշ մանրամասները։ Նա ասել է, որ այդ հարաբերությունների վրա խաչ է տեսնում։

«Սա սեր չէ։ Մեկին մյուսով է փոխել։ Ելքը նույնը կլինի` դարձյալ արցունքներ, հիստերիկա։ Նրան օգտագործում են։ Նա չափազանց բաց է և դյուրահավատ։ Ձեր հարաբերությունները ոչ մի բանի չեն տանի», – հավելել է Ռապոպորտը։

Հիշեցնենք, որ 34-ամյա Բուզովան ու 27-ամյա Դավիթը վերջին մեկ տարում պարբերաբար լուսանկարներ էին հրապարակում իրենց ռոմանտիկ կյանքից։ Նրանց բաժանման մասին սկսեցին խոսել, երբ երգչուհին Instagram-ի իր էջից հեռացրեց սիրեցյալի հետ լուսանկարները։

Արյունը ջուր չի դառնա. ռուս երգչուհին խոստովանել է հայկական արմատների մասին

52
թեգերը:
էքստրասենս, արցունք, սեր, Օլգա Բուզովա
Ըստ թեմայի
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
Ուզում եմ հայրենիքիս հետ ծանոթանալ. Լեդի Գագայի հայ դիզայները ներկայացրել է աշխատանքները
Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից
Միշա Ալոյան

Կյանքը սկսվում է մայրիկից. ինչպես չեմպիոն Ալոյանը հաղթեց Բաքվում

0
(Թարմացված է 14:47 25.09.2020)
Հայաստանում ծնվածների թվում շատ են տաղանդավոր մարզիկները, որոնք հայրենիքից դուրս փառքով են պսակում իրենց տաղանդը։ Նրանցից մեկը բռնցքամարտիկ Միխայիլ Ալոյանն է։ Նա հանդես է գալիս ՌԴ դրոշի ներքո, բայց չի մոռանում իր հայրենիքի մասին՝ գործնականում ապացուցելով սերը ՀՀ հանդեպ։

Տոկիոյում Օլիմպիական խաղերը կկայանան անկախ կորոնավիրուսի հետ կապված իրավիճակից։ Այդպես է որոշել Միջազգային օլիմպիական կոմիտեն (ՄՕԿ)։ Մեր մարզիկն այդ նորության համար միայն ուրախ է և պատրաստվում է Տոկիո մեկնել` իրագործելու իր երազանքը։

Բռնցքամարտիկ Միխայիլ Ալոյանը երազում է ոչ միայն մասնակցել Օլիմպիական խաղերին, որոնք նրա համար թվով երրորդն են, այլ Տոկիոյում ոսկի նվաճել․ բրոնզե և արծաթե մեդալներ նա արդեն ունի։ Բայց սա դեռ ամենը չէ, ամեն ինչ առջևում է` չէ՞ որ Ալոյանն ընդամենը 32 տարեկան է։

Миша Алоян во время поединка против Марвина Солано
© Sputnik / Рамиль Ситдиков
Ռուսական բռնցքամարտի օրը Կարմիր հրապարակում

Հետագա մեր շարադրանքն ավելի շատ կլինի ոչ այնքան բռնցքամարտի, որքան ուժեղ բնավորության տեր տղամարդ ձևավորելու մասին, և որ ամենակարևորն է՝ ոչ միայն ռինգում։ Դրանից էլ ավելի կարևոր է այն, որ նա ինքնուրույն է իրենից իսկական տղամարդ կերտել։

Ինչպե՞ս իջևանցի Միշան հայտնվեց Ռուսաստանում և ինչո՞ւ դարձավ Միխայիլ։ Պատասխանը շատ պարզ է․«Որովհետև մրցումներին անդադար հարցնում էին՝ ինչպես Ձեզ ներկայացնենք` անձնագրո՞վ, թե՞ օնոմաստիկայի նորմերով» ։

Արդյունքում՝ իր անվան գրությունը նա փոխեց նաև անձնագրում, դարձավ Միխայիլ, սակայն ընկերների համար այդպես էլ մնաց Միշա։ Եվս մեկ պատճառ, որը նրան դրդեց փոփոխություն կատարել անվան մեջ. Ալոյանի կարծիքով՝ երեխաները պետք է «ճիշտ» հայրանուն ունենան։

... Իջևանից «հեռավոր երկրներ» տեղափոխվելու մասին․ նրանց տանն ամեն ինչ այնպես էր, ինչպես այն ժամանակվա հայկական ընտանիքների մեծ մասում։ Հայրը մեկնում էր արտագնա աշխատանքի, այնուհետև որոշեց ընտանյոք Ռուսաստան տեղափոխվել։  Ընտրեցին Նովոկուզնեցկը, որտեղ ածուխ են արդյունահանում և մետաղ հալեցնում։ Հասունացման շրջանում գտնվող տղայի ձևավորման համար ճիշտ ընտրություն էր։ Ճիշտ չի լինի ասել, որ եթե Ալոյաններն ընտրեին բոլորին քաջ հայտնի հարսների քաղաքը, Միշան ավելի հանգիստ բնավորություն կունենար, սակայն...

Ով է բռնցքամարտիկ Ալոյանի հիմնական հակառակորդը օլիմպիական ուղեգրի համար պայքարում

Ռինգում հաղթանակներ տոնելուց առաջ, տղան ստիպված էր պաշտպանել ինքն իրեն և բնավորություն ձևավորել Նովոկուզնեցկի փողոցներում։ Եկվոր տղայի ոչ հռոմեական քիթը բազմաթիվ հարցեր էր առաջացնում, և չի կարելի ասել, թե դրանք բացառապես քաղաքակիրթ ձևով էին հնչում։ Որոշ ժամանակ անց քթի հետ կապված հարցեր ուղղելու ցանկությունն անհետացավ, փոխարենը քաղաքի բնակիչները սկսեցին հետաքրքրվել բռնցքամարտում նրա հաջողություններով, հետո սկսեցին հպարտանալ դրանցով և վերջապես ասել, որ «Միշա–նովոկուզնեցկին» աշխարհի լավագույն բռնցքամարտիկն է։  Իրավունք ունեին, նա դարձել էր այդպիսին, սակայն արդեն հասունանում էր Նովոսիբիրսկ տեղափոխվելու գործընթացը։

Շատերը կարող են մեզ նախանձել. բռնցքամարտիկ Միխայիլ Ալոյանը` Տետեի հետ առաջիկա մարտի մասին

... 2011 թվականին Ալոյանը մեկնեց Բաքու`մասնակցելու աշխարհի առաջնությանը։ Այնտեղ Միխայիլ Ալոյանը ռինգում հանդիպեց ադրբեջանցի Էլվին Մամիշզադեին, դահլիճը վանկարկում էր նրա անունը և սպասում հայրենակցի հաղթանակին և «յան» ազգանունը կրողի պարտությանը։ Ալոյանը, որը մինչ այդ ոչ միայն մարզել էր մկանները, այլև իր մեջ տղամարդու բնավորություն և երկաթե կամք դաստիարակել (շնորհակալություն Նովոկուզնեցկին), հաղթեց՝ դառնալով ռուսաստանյան միակ բռնցքամարտիկը, որը հասավ եզրափակիչ և այդ մրցումներում ոսկե մեդալ նվաճեց։

Миша Алоян
© Sputnik / Михаил Фомичев
Միշա Ալոյան

Ալոյանին հաղթանակի առթիվ շնորհավորեց ՌԴ այն ժամանակվա նախագահ Դմիտրի Մեդվեդևը։ Բաքվում գտնվելու ժամանակ բռնցքամարտիկի անվտանգությունն ուժեղացրել էին։

Չեմպիոն, մեդալներ, գավաթներ, գովասանագրեր... Բայց ամեն ինչ այդքան էլ հարթ չէր և միշտ չէ, որ հաջողվում էր հեշտ դուրս գալ իրավիճակից։ Ռիո դե Ժանեյրոյում կայացած Օլիմպիական խաղերին Ալոյանը պարգևատրվեց արծաթե մեդալով, ապա դոպինգ ընդունելու կասկածով, այն հետ վերցրին։

«Ինձ մեղադրում էին ոչ թե դոպինգ ընդունելու, այլ հակադոպինգային կանոնները խախտելու մեջ։ Սփրեյը դոպինգ չէ։ Քննությունը կես տարի տևեց, ես մարզվում էի, բայց ելույթ չէի ունենում»,– պարզաբանում է բռնցքամարտիկը և հավելում, որ ամեն մարզիչը ոչ մի բանում մեղավոր չէ։

«Այստեղ պետք է պատասխանատվության կանչել բժշկին և բռնցքամարտիկին։ Ինձ համար, որպես ինքնաքննադատող և բացառապես սեփական ուժերի վրա հույս դնող մարդու, ավելի հեշտ է մեղադրել ինքս ինձ, քան մարզիչին»,- վստահեցնում է մարզիկը։

Միշա Ալոյանը նվաճեց WBA International գոտին թեթևագույն քաշային կարգում

Ընտանիքի վերաբերյալ մարզիկի պատկերացումները ներկայացնում ենք առանց մեկնաբանությունների։ «Ունեմ մայր, հայր, եղբայր, որը մեկ տարի ինձնից մեծ է, իր ընտանիքի հետ միասին, իհարկե։ Կին, որդի։ Եվ պատահական չէ, որ սկսեցի մայրիկից, քանի որ կյանքը սկսվում է մայրիկից» ։

Հայաստանի մասին ևս Ալոյանը շատ հակիրճ է խոսում․ «Իմ հայրենիքն է, առաջին հայրենիքս։ Այնտեղ եմ ծնվել, մեծացել։ Այստեղ կարելի է երկար խոսել ընկերների և ծանոթների մասին, բայց, եթե անկեղծ, չէի ցանկանա որևէ մեկին առանձնացնել»։

Ալոյանը Հայաստանում

18 տարի անց ընկերոջ` Դավիթ Հայրապետյանի հետ, որը ևս բռնցքամարտիկ է և կրկին ճանաչված, այցելեց Հայաստան։ Զբոսնեցին, ընկերներին տեսակցեցին, համադասարանցուն հանդիպեցին։

«Այստեղ շուրջբոլորը յուրային են, բոլորը քեզ նման են։ Քեզ զգում ես, ինչպես տանը։ Երևանը շատ գեղեցիկ քաղաք է։ Շատ են գեղեցիկ հուշարձանները։ Նախկինում ես դա չէի նկատում։ Գիշերային Երևանը նույնպես շատ գեղեցիկ է։ Ես հիացած եմ», – ասում է Հայրապետյանը։

Ալոյանի խոսքով՝ իրենց ուղևորության պարտադիր մաս էր կազմում Հայոց ցեղասպանության զոհերի հուշարձան այցելելը։

«Մենք պետք է իմանանք մեր պատմությունը»,- եզրափակում է նա։

Միշան ճիշտ է մտածում։  Առավել ևս, որ նա Հայաստանի մարզային պատմության մի մասն է։  Սպասենք օլիմպիական ոսկուն, իսկ Օլիմպիադան ինչպես հայտարարեց ՄՕԿ–ը, պետք է կայանա՝ ի հեճուկս կովիդի։

0
թեգերը:
Դմիտրի Մեդվեդև, Բաքու, դոպինգ, մեդալ, հաղթանակ, բռնցքամարտիկ, բռնցքամարտ
Ըստ թեմայի
Ֆանտաստիկ «come back». «Արարատ-Արմենիան» գերկամային հաղթանակ տարավ
Հաղթանակներն են, որ նոր սխրանքների են կոչում սերունդներին. Սերժ Սարգսյանի շնորհավորանքը
Երբ միավորում է ընդհանուր հաղթանակը. նախկին ԽՍՀՄ երկրների զինծառայողները Մոսկվայում
Լևոն Արոնյանի հերթական հաղթանակը. հայ գրոսմայստերն ունի 9 միավոր և 5–րդ տեղում է