Լիլու, ամուսին, լուսանկար, երգչուհի, lilu, amusin, novosti armenii, lusankar, yergchuhi
Լիլուն և ամուսինը

«Թե ասա` ինչու ես փչացնում գյոզալական նկարներս». Լիլուն խրատել է ամուսնուն

586
(Թարմացված է 10:00 14.09.2020)
Ճանաչված երգչուհին զվարճալի լուսանկարներ է հրապարակել ամուսնու հետ ու նկատողություն արել նրան։

ԵՐԵՎԱՆ, 13 սեպտեմբերի - Sputnik. ԱՄՆ–ի Լոս Անջելես քաղաքում բնակվող երգչուհի Լիլուն, որը շուտով երկրորդ անգամ կմայրանա, Instagram–ի իր էջում նոր լուսանկարներ է հրապարակել ամուսնու՝ Արկադի Վարդանյանի հետ ու զվարճալի գրառում արել։

«Թող բոլոր փայտերը քեզ նման լինեն». երգչուհի Լիլուն պատրաստվում է իր հարսանիքին. տեսանյութ

Կադրերում երևում է, որ երգչուհու ամուսինը հումորային լուսանկարներ «ստեղծելու» մեծ վարպետ է։

«Թե ասա` ինչի ես փչացնում գյոզալական նկարներս»,– կատակել է երգչուհին։

Посмотреть эту публикацию в Instagram

Публикация от Lilit Ghukasyan L I L U (@lilumusic_official)

Նրա էջի հետևորդներին դուր է եկել լուսանկարները։ Նրանք բազմաթիվ դրական մեկնաբանություններ են գրել։

«Շատ լավն եք է»,«հրաշք զույգ, շատ համահունչ եք», «ոնց եմ ձեզ սիրում»,–գրել են նրանք։

Հիշեցնենք, որ երգչուհին ամուսնացել էր 2019-ի դեկտեմբերին, իսկ իր հղիության մասին հայտնել այս տարվա մայիսին։

Երգչուհի Լիլուն յուրահատուկ ձևով է հայտնել ապագա փոքրիկի սեռը․ տեսանյութ

Նա ևս մեկ զավակ ունի և հաճախ է որդու՝ Ռոբերտի առօրյայի մասին պատմող լուսանկարներ ու տեսանյութեր հրապարակում Instagram–ում։ Երգչուհու խոսքով՝ ամուսինն ու որդին շատ լավ հարաբերություններ ունեն։

586
թեգերը:
ամուսին, Լուսանկար, ԱՄՆ, երգչուհի, Լիլու
Ըստ թեմայի
Հպարտ «կալաբոկ». հղի Լիլուն նոր լուսանկար է հրապարակել
Երգչուհի Լիլուն երեխայի է սպասում․ լուսանկար
Երգչուհի Լիլուն ամուսնացել է. հայտնի է թե ով է նրա ընտրյալը. տեսանյութ
Արմեն Չարչյան

Արմեն Չարչյանին կալանավորելու` դատարանի որոշման դեմ վերաքննիչ բողոք է ներկայացվել

18
(Թարմացված է 23:11 24.06.2021)
Պրոֆեսոր Արմեն Չարչյանի պաշտպանը հայտնել է, որ իրենց պայքարը շարունակվում է։

ԵՐԵՎԱՆ, 24 հունիսի – Sputnik. «Հայաստան» դաշինքի պատգամավորության թեկնածու, «Իզմիրլյան» բժշկական կենտրոնի տնօրեն Արմեն Չարչյանին կալանավորելու դատարանի որոշման դեմ այսօր ներկայացվել է վերաքննիչ բողոք։ Տեղեկությունը Facebook–ի էջում հայտնում է Չարչյանի պաշտպան Էրիկ Ալեքսանյանը։

«Մեր պայքարը շարունակվում է»,–գրել է նա։

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Հունիսի 21-ին ԿԸՀ–ն թույլատրեց Արմեն Չարչյանին քրեական հետապնդման ենթարկել։

Հատուկ քննչական ծառայությունը որոշեց նրան որպես մեղադրյալ ներգրավել, իսկ քննիչը Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրեց։

Հունիսի 23-ին դատարանը նրան կալանավորելու որոշում կայացրեց։ Նույն օրը հայտնի դարձավ, որ Չարչյանին շտապօգնության մեքենայով տեղափոխել են հիվանդանոց։

Պահանջը մեկն է՝ անհապաղ ազատ արձակել. բողոքի ակցիա՝ ի պաշտպանություն Արմեն Չարչյանի

18
թեգերը:
բժիշկ, բողոք, պաշտպան, Արմեն Չարչյան
Ըստ թեմայի
Կապրենք, կտեսնենք. Ավանեսյանը չի բացառում, որ երաշխավորագիր կներկայացնի Չարչյանի համար
Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել
Պահանջը մեկն է՝ անհապաղ ազատ արձակել. բողոքի ակցիա՝ ի պաշտպանություն Արմեն Չարչյանի
ՀՀ գլխավոր դատախազություն

Դատախազությունը չի կասկածում Չարչյանի մասնագիտական հեղինակության վրա. հայտարարություն

46
(Թարմացված է 23:14 24.06.2021)
ՀՀ դատախազությունն արձագանքել է պրոֆեսոր Արմեն Չարչյանի ձերբակալության վերաբերյալ մեկնաբանություններին։

ԵՐԵՎԱՆ, 24 հունիսի – Sputnik. ՀՀ դատախազությունը կասկածի տակ չի դնում Հայաստան» դաշինքի պատգամավորության թեկնածու, «Իզմիրլյան» բժշկական կենտրոնի տնօրեն Արմեն Չարչյանի մասնագիտական հեղինակությունը։ Այսպիսի հայտարարությամբ է հանդես եկել ՀՀ գլխավոր դատախազությունը։

Նշվում է, որ Չարչյանին առնչվող քրեական գործի և նրա նկատմամբ կալանքը որպես խափանման միջոց ընտրելու վերաբերյալ դատարանի որոշման ընդունումից հետո Չարչյանի պաշտպանների, «Հայաստան» դաշինքի կողմից համառորեն փորձ է արվում հանրությանը պարտադրել Չարչյանի նկատմամբ քաղաքական հետապնդում իրականացվելու կեղծ օրակարգը:

«Պաշտպանության կողմը փորձում էր հասարակության մոտ կարծիք ձևավորել, թե առկա ձայնագրությունը կեղծ է: Մինչդեռ խափանման միջոցի ընտրությանը վերաբերող դատական նիստի ընթացքում պաշտպանության կողմը հրապարակել է տեսաձայնագրություն, որում ամբողջությամբ ընդգրված է քրեական գործի հարուցման պահին նախաքննական մարմնի տրամադրության տակ գտնվող ձայնագրության բովանդակությունը և ընդունել, որ խոսողը հանդիսանում է Չարչյանը»,–նշված է հաղորդագրության մեջ:

Բացի այդ, նշվում է, որ որևէ իրավական և տրամաբանական հիմք չունեն հիվանդության պատճառով մեղադրյալի նկատմամբ խափանման միջոց կալանքը դատախազի կողմից պարտադիր վերացնելու և դա օրենքի պահանջ հանդիսանալու մասին դատողությունները, որոնք արվել են ՀՀ գլխավոր դատախազության առջև կազմակերպված ակցիայի ընթացքում:

Նշվում է, որ ՀՀ քրեական դատավարության օրենսգրքի 151-րդ հոդվածի 3.2-րդ մասի համաձայն՝ դատախազն իրավունք ունի փոփոխելու կամ վերացնելու մեղադրյալի նկատմամբ որպես խափանման միջոց ընտրված կալանքը, երբ առկա է կալանքը կրելուն խոչընդոտող ծանր հիվանդություն, իսկ նման եզրահանգումը պետք է կատարված լինի համապատասխան բժշկական հանձնաժողովի կողմից: Ընդ որում, կալանքը կրելուն խոչընդոտող ծանր հիվանդությունների ցանկը սահմանված է ՀՀ կառավարության որոշմամբ:

«Ներկա պահին Չարչյանը գտնվում է իր նախընտրած քաղաքացիական հիվանդանոցում՝ բժիշկների հսկողության ներքո: Թե՛ դատարանին, և թե՛ դատախազությանը պաշտպանության կողմից միջնորդությանը կից ներկայացված ընդամենը տեղեկանքում արձանագրված ախտորոշումն ընդգրկված չէ այդ ցանկում: Առ այսօր պաշտպանության կողմից նախաքննական մարմնին չի ներկայացվել որևէ փաստական տվյալ, որ մեղադրյալի մոտ, հնարավոր է՝ առկա է կալանքի հետ անհամատեղելի ծանր հիվանդություն»,–հայտնում է դատախազությունը:

«Նստվածքը մնացել է». հրապարակվել է Չարչյանի հանդիպման ամբողջական ձայնագրությունը

Այդուհանդերձ, Չարչյանի մոտ նշված ցանկում ընդգրկված հիվանդության առկայության վերաբերյալ տվյալները քրեական գործով իրականացվող քննությամբ ձեռք բերվելու կամ պաշտպանության կողմից տրամադրվելու դեպքում անհապաղ կնշանակվի օրենքով նախատեսված դատաբժշկական հանձնաժողովային փորձաքննություն, որի եզրակացության հիման վրա էլ քրեադատավարական օրենքով կլուծվի վերջինիս նկատմամբ ընտրված խափանման միջոց կալանավորման վերացման հարցը:

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Հունիսի 21-ին ԿԸՀ–ն թույլատրեց Արմեն Չարչյանին քրեական հետապնդման ենթարկել։ Հատուկ քննչական ծառայությունը որոշեց նրան որպես մեղադրյալ ներգրավել, իսկ քննիչը Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրեց։ Հունիսի 23-ին դատարանը նրան կալանավորելու որոշում կայացրեց։

Նույն օրը հայտնի դարձավ, որ Չարչյանին շտապօգնության մեքենայով տեղափոխել են հիվանդանոց։

Պահանջը մեկն է՝ անհապաղ ազատ արձակել. բողոքի ակցիա՝ ի պաշտպանություն Արմեն Չարչյանի

46
թեգերը:
«Հայաստան» դաշինք, կալանավորել, բժիշկ, հայտարարություն, ՀՀ դատախազություն, Արմեն Չարչյան
Ըստ թեմայի
Կապրենք, կտեսնենք. Ավանեսյանը չի բացառում, որ երաշխավորագիր կներկայացնի Չարչյանի համար
Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել
Պահանջը մեկն է՝ անհապաղ ազատ արձակել. բողոքի ակցիա՝ ի պաշտպանություն Արմեն Չարչյանի
Մայր աթոռը հորդորում է անհապաղ ազատ արձակել Արմեն Չարչյանին
Ռուսաստանի Գիտությունների ակադեմիայի Արևելագիտության ինստիտուտի փոխտնօրեն Ալեքսանդր Սկակով

Լենինի նման` «պլոմբած» վագոնով․ Սկակովը խոսել է Սյունիքի «ճանապարհային միջանցքի» մասին

9
(Թարմացված է 23:26 24.06.2021)
Ռուս փորձագետը վստահ է, որ Հայաստանի Հանրապետության տարածքով Ադրբեջանից Նախիջևան մարդկանց ավտոմոբիլային երթևեկության կամ տեղափոխման մասին հիմա խոսք անգամ լինել չի կարող։

Հայաստանի Սյունիքի մարզով անցնող հնարավոր տրանսպորտային միջանցքը կարող է ենթադրել միայն բեռների տեղափոխում երկաթուղով և ոչ ավելին։ Այս մասին Sputnik Արմենիային տված հարցազրույցում ասաց Ռուսաստանի Գիտությունների ակադեմիայի Արևելագիտության ինստիտուտի փոխտնօրեն Ալեքսանդր Սկակովը։ 

Заместитель директора по развитию Института востоковедения РАН, кандидат исторических наук Александр Скаков беседует с корреспондентом Sputnik Армения
© Sputnik / Andranik Ghazaryan
Ռուսաստանի Գիտությունների ակադեմիայի Արևելագիտության ինստիտուտի փոխտնօրեն Ալեքսանդր Սկակովը և Sputik Արմենիայի լրագրող Դավիթ Գալստյանը

 

Սկակովի կարծիքով ՝ այս փուլում Ադրբեջանը ձգտում է ամրապնդել անցած պատերազմի արդյունքները։ Սակայն ապագայում Բաքուն ձգտելու է էլ ավելի շատ բան ստանալ՝ ռուս խաղաղապահների դուրսբերում և Լեռնային Ղարաբաղի նկատմամբ լիակատար վերահսկողություն։

«Եվ, իհարկե, մտադիր է ստանալ ճանապարհը (Սյունիքի տարածքով,– խմբ․)։ Դա առավելագույնն է, ինչ նա ուզում է։ Բայց այն, ինչ ուզում է և այն, ինչ արդյունքում կստանա, իհարկե, տարբեր բաներ են»,-ասաց Սկակովը։

Մեկնաբանելով այսպես կոչված «Զանգեզուրի միջանցքի» հարցը, որի մասին այդքան հաճախ են խոսում Բաքվում, փորձագետը նշեց, որ Սյունիքի մարզով հիմա միայն բեռների տեղափոխում է հնարավոր:

«Միայն տրանսպորտային միջանցք և ուրիշ ոչինչ։ Բեռնափոխադրումներ երկաթուղով։ Դա անել կարելի է։ Հիշո՞ւմ եք, թե ինչպես էր Լենինը Մոսկվա գնում։ «Պլոմբած» վագոնով։ Միայն այդպես։ Ոչ մի ուղևորափոխադրության, որևէ այլ բանի շարժման (օրինակ՝ ավտոմեքենաների) մասին խոսք անգամ լինել չի կարող։ Դա ակտուալ չէ»,-վստահ է Սկակովը։ 

Դրա հետ մեկտեղ նա չի կարծում, որ դա չի հանգեցնի Հայաստանի ինքնիշխանության կրճատման. միջանցքի անվտանգության համար պատասխանատու կլինեն ռուս սահմանապահները։

Գուցե ապագայում այդ ճանապարհը լիարժեք գործարկվի, բայց դա կլինի 50 տարի հետո, երբ նոր սերունդներ կմեծանան, իսկ առայժմ նման բան չի կանխատեսվում։ Ընդ որում, այս հարցում իրավիճակի բարենպաստ զարգացումն ուղղակիորեն կախված է նաև Ղարաբաղյան հակամարտության կարգավորումից։

«Վաղ թե ուշ կբարձրացվի Ղարաբաղի ապագայի հարցը, բայց հիմա բոլորն ուզում են դնել այն հեռավոր դարակում և այսօր այդ մասին չմտածել»,-նկատեց փորձագետը։

Նա վստահ է, որ ռուս խաղապահներն Արցախում կմնան ոչ թե 5 տարի, այլ շատ ավելի երկար՝ 15, 20, գուցե անգամ 30 տարի։ Թեև Բաքվում, իհարկե, դա ոմանց դուր չի գա։

«Զուտ տերմինի խնդիր է». Մհեր Գրիգորյանը` Ադրբեջանի հետ միջանցք բացել–չբացելու մասին

«Երբ բարձրացվի կարգավիճակի հարցը, հարկ կլինի ինչ-որ ուրիշ լուծումներ փնտրել։ Հասկանալի է, որ Ղարաբաղի հնարավորություններն արդեն այն չեն, ինչ պատերազմից առաջ, և տարածքների փոխանակումը կարգավճակի հետ արդեն անհնար է։ Բայց կարող է ինչ-որ այլ խաղ լինել։ Մասնավորապես, երկու համաշխարհային պատերազմներից հետո կիրառվում էր այնպիսի գաղափար, ինչպիսին է «կոնդոմինիումը (համատեղ տիրապետում,– խմբ.)»,-ասաց Սկակովը։

Այսինքն, ըստ Սկակովի, երեք կողմերը կարող են պատասխանատու լինել որևէ տարածքի համար։ Ղարաբաղի դեպքում որպես նման երկրներ կարող են հանդես գալ, օրինակ, Հայաստանը, Ռուսաստանը, Ադրբեջանը (առանց Թուրքիայի, իհարկե)։

Պատմության մեջ նման հակամարտությունների կարգավորման դեպքեր եղել են։ Այս համատեքստում նա օրինակ բերեց անցած հարյուրամյակի 90-ական թվականներին օսերի և ինգուշների միջև առկա հակամարտությունները, ինչպես նաև հիշեցրեց Չեչնիայի իրադարձությունների մասին։ Հիմա այդ շրջաններում իրավիճակը կայուն է։

«Հուսով եմ, որ այստեղ էլ կհաջողվի կարգավորել հարաբերությունները։ Բայց դրա համար, առաջին հերթին, տարիներ կամ տասնամյակներ են հարկավոր, և երկրորդ՝ ինչ-որ մեկը, ով կկարողանա անել դա «վերևից»։ Ուղղակի կօգնի մարդկանց հաշտվել, միասին ապրել։ Եթե դա կկարողանա անել Ռուսաստանը՝ շատ լավ։ Կկարողանա՞ դա անել ԱՄՆ-ն։ Կասկածում եմ»,-ասաց Սկակովը։

Եթե երկու երկրների կառավարությունների մակարդակով համաձայնություն լինի, գործընթացն ավելի հեշտ կընթանա։

«Միջանցքային» տրամաբանությամբ հարցեր ՀՀ–ն չի քննարկելու. Մհեր Գրիգորյանը` իրանցի նախարարին

Ինչ վերաբերում է Ադրբեջանի զինված ուժերի ստորաբաժանումների ներխուժմանը Գեղարքունիք և Սյունիք, ապա այս թեման, ըստ փորձագետի, նոր չէ. սահմանագծման խնդիրն առկա է ողջ հետխորհրդային տարածքում: Այդպիսի խնդիր կա Ռուսաստանի և Վրաստանի, Ռուսաստանի և Ադրբեջանի, Ադրբեջանի և Վրաստանի միջև։

«Մի կիլոմետր այս կողմ, մի կիլոմետր այն կողմ։ Այդ ամենը անելը դժվար չէ, բայց Բաքվի համար դա առևտուր անելու, իր խաղադրույքները բարձրացնելու ևս մեկ առիթ է»,-ասաց Սկակովը։

Նրա խոսքով՝ նույնը վերաբերում է նաև հայ գերիների վերադարձին հայրենիք։ Ադրբեջանը փորձում է Հայաստանից լրացուցիչ զիջումներ ստանալ ամեն տեղ, որտեղ դա հնարավոր է։

Ադրբեջանցի զինվորականները մայիսի 12-ից գտնվում են Հայաստանի Սյունիքի մարզի Սև լճի շրջանում՝ փորձելով ամրապնդվել հայկական տարածքների հաշվին: Նմանատիպ իրավիճակ է ստեղծվել նաև Գեղարքունիքի մարզում՝ Վարդենիսի մերձակայքում։ Պարբերաբար միջադեպեր են տեղի ունենում պետական սահմանի տարբեր հատվածներում։ Մայիսի 25-ին տեղի ունեցած փոխհրաձգության արդյունքում ՀՀ ԶՈւ պայմանագրային զինծառայող է զոհվել:

Ուրեմն մենք էլ ենք և՛ Նախիջևանում, և՛ Ադրբեջանում միջանցք ունենալու. ԱԽ քարտուղար

9
թեգերը:
երկաթուղի, Թուրքիա, Ադրբեջան, Ճանապարհ, Մեղրի
Ըստ թեմայի
ՀԱԿ–ը խոսում է Մեղրիից Ռուսաստան միջանցք ունենալու մասին. Տեր-Պետրոսյան
Սահմաններ բացելը` խնդրեմ, բայց ոչ սուվերեն տարածք կամ միջանցք․ Մարուքյան
ՀՀ կառավարությունը չի քննարկելու միջանցքային որևէ տրամաբանություն. Փաշինյան