«Օրենքով գող»

Մեղադրանք է առաջադրվել «օրենքով գող» «Արսեն Երևանսկուն» և ևս 11 անձի

103
(Թարմացված է 11:16 09.09.2020)
Նախաքննությունն ավարտվել է, և քրեական գործն ուղարկվել նախաքննության օրինականության նկատմամբ հսկողություն իրականացնող դատախազին:

ԵՐԵՎԱՆ, 9 սեպտեմբերի — Sputnik. ՀՀ քննչական կոմիտեն տեղեկացնում է, որ մեղադրանք է առաջադրվել «Արսեն Երևանսկի» մականվամբ (Արսեն Մկրտչյան) «օրենքով գողին» և ևս 11 անձի։

Տեղեկացվում է, որ քննությամբ ձեռք բերված փաստական տվյալների համաձայն՝ 1999թ. քրեական աստիճանակարգության բարձրագույն կարգավիճակ ունեցող «Դեդ Հասան» և «Կնդո Մայիս» մականվամբ անձանց կողմից Արսեն Մկրտչյանը «թագադրվելով», ստացել է «օրենքով գողի»՝ քրեական աստիճանակարգության բարձրագույն կարգավիճակ և, քրեական աշխարհում հայտնի դարձել որպես «Արսեն Երևանսկի» կամ «Արսենչիկ»։

Այսպիսով նա դարձել է քրեական աստիճանակարգությամբ ու միջանձնային հիերարխիկ հարաբերություններով օժտված անձանց միավորման՝ քրեական ենթամշակույթ կրող խմբավորման անդամ, որը գործում է իր կողմից սահմանված ու ճանաչված վարքագծի կանոնների համաձայն, որոնք չեն համապատասխանում պետության կողմից սահմանված վարքագծի համապարտադիր կանոններին, և որի նպատակը հանցագործություն կատարելն է կամ հանցագործության կատարումը հովանավորելը կամ այլ անձանց հանցավոր արարքի կատարմանը ներգրավելը կամ բռնության, սպառնալիքի, հարկադրանքի կամ անօրինական այլ գործողությունների միջոցով հանրային կամ մասնավոր հարցերին առնչվող վեճերը (խնդիրները) լուծելը կամ անօրինական օգուտ կամ այլ առավելություն ստանալը:

«Արսեն Երևանսկի» մականվամբ անձը, 2020թ. փետրվարի 22-ի դրությամբ, շարունակելով պահպանել «օրենքով գողի»՝ քրեական աստիճանակարգության բարձրագույն կարգավիճակը, 2020թ. փետրվարի 22-ից սկսած ղեկավարել է քրեական ենթամշակույթ կրող խմբավորում՝ դրա կողմից հետապնդվող նպատակների իրականացմանն ուղղված գործողություններ կատարելով։ Մասնավորապես, իր անօրինական ազդեցությունն օգտագործելով` մասնավոր հարցերին առնչվող վեճերը լուծելու և անօրինական օգուտ ստանալու, ինչպես նաև քրեական ենթամշակույթ կրող խմբավորման կողմից սահմանված և ճանաչված վարքագծի կանոններ խախտած անձին քրեակատարողական հիմնարկում համապատասխան վերաբերմունքի արժանացնելու նպատակով, քրեական ենթամշակույթ կրող խմբավորման անդամներ հանդիսացող և դրա կողմից հետապնդվող նպատակների իրականացմանը ներգրավված տարբեր անձանց տվել է հանձնարարություններ:

Կրակոցներ Երևանում․ կա 4 վիրավոր, մեկը «օրենքով գող» Կանևսկոյի քրոջ տղան է

Բացի այդ, տարբեր անձինք, իրենց հերթին ստանալով և կատարելով «Արսեն Երևանսկի» մականվամբ «օրենքով գողի» հանձնարարությունները, մասնակցել են քրեական ենթամշակույթ կրող խմբավորմանը, ինչպես նաև ներգրավված են եղել դրա կողմից հետապնդվող նպատակների իրականացմանը:

Ձեռք բերված բավարար ապացույցների համակցությամբ՝ «Արսեն Երևանսկի» մականվամբ «օրենքով գողին» մեղադրանք է առաջադրվել` ՀՀ քրեական օրենսգրքի 223.2-րդ հոդվածի 2-րդ մասի 5-րդ կետով (Հանցավոր համագործակցություն ստեղծելը կամ հանցավոր համագործակցությանը մասնակցելը), խմբավորման անդամներից մեկին՝ ՀՀ քրեական օրենսգրքի 223.2-րդ հոդվածի 3-րդ մասի 5-րդ կետով (Հանցավոր համագործակցություն ստեղծելը կամ հանցավոր համագործակցությանը մասնակցելը), 6 անձի՝ ՀՀ քրեական օրենսգրքի 223.3-րդ հոդվածի 1-ին մասով, 3 անձի՝ ՀՀ քրեական օրենսգրքի 223.4-րդ հոդվածի 1-ին մասով և ևս մեկին՝ ՀՀ քրեական օրենսգրքի 223.3-րդ հոդվածի 3-րդ մասի 2-րդ կետով:

«Օրենքով գող» Զապը կալանավորվել է. ՔԿ–ն մանրամասներ է հայտնում

Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել նախաքննության օրինականության նկատմամբ հսկողություն իրականացնող դատախազին:

103
թեգերը:
Արսեն Երևանսկի, Մեղադրանք, օրենքով գող
Ըստ թեմայի
Որքա՞ն գումարի համար են խառնվել «օրենքով գողն» ու «զոն նայողը». ձերբակալության հետքերով
Թուրքիայի հանգստավայրերից մեկում սպանել են հայտնի «օրենքով գող» Լոտու Գուլիին
Բերման են ենթարկվել «օրենքով գող» Օշականցի Գևորիկն ու ևս 4 անձ. ԱԱԾ
NordStar ինքնաթիռ, արխիվային լուսանկար

Առաջիկա օրերին Մոսկվա-Երևան չարտերային չվերթեր կլինեն

21
(Թարմացված է 18:56 18.09.2020)
Չվերթերը կկայանան սեպտեմբերի 23-ին և 25-ին, մեկնումը Մոսկվայի ժամանակով՝ 11:00-ին, «Դոմոդեդովո» օդանավակայանից։

ԵՐԵՎԱՆ, 18 սեպտեմբերի - Sputnik. ՀՀ քաղաքացիներին Հայաստան վերադարձնելու գործընթացը շարունակվում է։ Ռուսաստանի Դաշնության մայրաքաղաք Մոսկվայից ևս 2 չարտերային չվերթ է ծրագրվում դեպի Երևան։ Լուրը Facebook-ի պաշտոնական էջում հայտնում է Ռուսաստանում Հայաստանի դեսպանությունը։

Չվերթերը կկայանան սեպտեմբերի 23-ին և 25-ին, մեկնումը Մոսկվայի ժամանակով՝ 11:00-ին։ Թռիչքները կիրականացնի «Nord Star» ավիաընկերությունը «Դոմոդեդովո» օդանավակայանից։

«Տոմսերի վաճառքը կիրականացվի «Դոմոդեդովո» օդանավակայանի N 85 և N 94 տոմսարկղերից, կամ ավիաընկերության մոսկովյան գրասենյակից (հասցե՝ Բալակլավսկի պողոտա 16, 2-րդ հարկ, գր․3, մուտքը՝ Ստարոբալակլավսկայա փողոցի կողմից, մետրոյի «Չերտանովսկայա» կայարան, տոմսերը կարող եք ամրագրել հետևյալ հեռախոսահամարներով՝ +7 (495) 739 93 33, +7 (495) 739-95-55)»,- տեղեկացնում են դեսպանությունից։

Ո՞ր ավիաընկերություններն են վերսկսել կանոնավոր չվերթերը դեպի Հայաստան

Նշենք, որ ավիատոմսի արժեքը 14.700 ռուբլի է։

Չվերթերին վերաբերող բոլոր հարցերով անհրաժեշտ է դիմել ավիաընկերության գրասենյակ։

21
թեգերը:
Դոմոդեդովո, չվերթ, Մոսկվա, Երևան, Հայաստան
Ըստ թեմայի
Եկատերինբուրգ–Երևան չարտերային չվերթ կկայանա. դեսպանություն
Մոսկվայից Երևան նոր չարտերային չվերթեր կլինեն. տոմսի գինը 94 հազար դրամի սահմաններում է
Մոսկվայից դեպի Երևան ու Գյումրի 6 նոր չվերթ կկայանա. թռիչքների օրերն ու ժամերը հայտնի են
Մոսկվայից դեպի Երևան նոր չարտերային չվերթեր կիրականացվեն
Խաղող

Հայաստանում հնարավո՞ր է ապրել խաղողագործությամբ. փորձագետների կարծիքները տարբեր են

28
Գյուղացիները ստիպված են խաղողի վաճառքից ստացված գումարով ապրել մի ամբողջ տարի։ Իսկ այս տարի վաստակելու խնդիրն ավելի բարդ էր։

ԵՐԵՎԱՆ, 18 սեպտեմբերի – Sputnik. Խաղողի ներկայիս գների պատճառով գյուղացիները նորմալ եկամուտ չեն ստանում ծանր աշխատանքի դիմաց։ Այսօր լրագրողներին հետ հանդիպման ժամանակ հայտարարեց Հայաստանի խաղողագործների միության նախագահ Արտակ Սարգսյանը։

Սահմանված գինն այս տարի շատ ցածր է` 1 կգ–ի դիմաց 135-140 դրամ, այն հազիվ ծածկում է խաղողի աճեցման ինքնարժեքը։ Նրա խոսքով`  միայն Երևանի կոնյակի գործարանն է 155 դրամ առաջարկում (18-20% շաքարի պարունակության դեպքում), սակայն այն, բնականաբար,  գնում է կոնյակի համար նախատեսված տեխնիկական խաղողի ոչ ամբողջ խմբաքանակը։

«Մյուսները ստիպված են վաճառել խաղողը 130-140 դրամով, երբեմն էլ նաև ավելի էժան։ Եկամուտը նվազագույնն է, իսկ դրանով ստիպված ես ապրել ամբողջ տարին ու պահել ընտանիքդ», – ընդգծեց Սարգսյանը։

Ըստ նրա` խաղողի ինքնարժեքը միայն մոտ 110 դրամ է կազմում(1 կգ–ն)։

Հայաստանի խաղողագործության և գինեգործության կենտրոնի տնօրեն Զարուհի Մուրադյանի կարծիքով, սակայն, ինքնարժեքն ավելի ցածր է` 75-90 դրամ (1 կգ)` նույնիսկ հաշվի առնելով աշխատանքը։

«Որակյալ խաղող արտադրելու դեպքում, եկամուտը լիովին բավարար է։ Այս տարի, իհարկե, ավելի դժվարացել է։ Սակայն ծանր է ոչ միայն գյուղացիների համար, այլև գործարանների։ Չէ՞ որ նրանց վաճառքները ևս կրճատվել են, ավելի շատ ապրանք է մնացել պահեստներում», – նշեց նա։

Սեղանի տեսակները, բնականաբար, ավելի թանկ են վաճառվում։ Սակայն այս տարի, ըստ Սարգսյանի, այն վաճառվում է ընդամենը 150 դրամով, այն դեպքում, երբ անցած տարի խաղողը 300-400 դրամ էր։

Այգեգործը նախարարից լավ է. արմավիրցի Երեմի 100 տեսակի աղջիկ-խաղողներն ու ինքնաշեն տրակտորը

«Պարզ է, որ արտահանողների մոտ ևս բարդություններ են առաջացել ռուսական շուկայում, վաճառքը դժվարացել է ճգնաժամի պատճառով։ Նրանց դժվարությունները նաև մեզ են փոխանցվել», – հավելեց նա։

Հիշեցնենք, որ պաշտոնական տվյալներով, Հայաստանում 120-130 հազար տոննա խաղող է աճեցվում, որի շուրջ 10%–ը սեղանի, մնացածը` տեխնիկական։

28
թեգերը:
Գինի, գին, բերք, գյուղացի, Խաղող
Ըստ թեմայի
«Կարևորը՝ բերքը չփչանա». խաղողագործները դժգոհ են փոխմարզպետի պատասխանից և մթերման գներից
Ի՞նչ է տեղի ունենում օրգանիզմում, երբ խաղող ենք ուտում
Կարմիր խաղողի պահանջարկը մեծ է, կամ ինչպես հայերը սիրեցին սպիտակ և վարդագույն գինիները
Աննա Հակոբյանը նվերներ է ուղարկել Պրոֆ. Ռ. Յոլյանի անվան արյունաբանական կենտրոնում բուժում ստացող, քաղցկեղ և արյան հիվանդություններ ունեցող երեխաներին

Ինչու՞ վարչապետի տիկինն անձամբ չի հանձնել նվերները արյունաբանականում բուժվող փոքրիկներին

7
(Թարմացված է 20:51 18.09.2020)
Աննա Հակոբյանը նշել է, որ քաղցկեղ և արյան հիվանդություններ ունեցող երեխաները, երիտասարդները շարունակելու են մնալ իր աջակցության ներքո։

ԵՐԵՎԱՆ, 18 սեպտեմբերի - Sputnik. ՀՀ վարչապետ Նիկոլ Փաշինյանի տիկին Աննա Հակոբյանը նվերներ է ուղարկել Պրոֆ. Ռ. Յոլյանի անվան արյունաբանական կենտրոնում բուժում ստացող, քաղցկեղ և արյան հիվանդություններ ունեցող երեխաներին և երիտասարդներին: Լուրը նա հայտնել է Facebook-ի իր պաշտոնական էջում ու լուսանկարներ հրապարակել։

«Նոր տիպի կորոնավիրուսի համավարակով պայմանավորված այս անգամ չկարողացա անձամբ այցելել արյունաբանական կենտրոն և նվերները հանձնել երեխաներին:

Анна Акопян подписывает подарки для детей с заболеваниями крови (18 сентября 2020). Еревaн
Աննա Հակոբյանը նվերներ է ուղարկել Պրոֆ. Ռ. Յոլյանի անվան արյունաբանական կենտրոնում բուժում ստացող, քաղցկեղ և արյան հիվանդություններ ունեցող երեխաներին

Փոքրիկներին ուղարկած անհատական բացիկներում գրել եմ՝ «Միշտ կլինեմ քո կողքին»,- գրել է Աննա Հակոբյանը։

Նա նաև շեշտել է, որ քաղցկեղ և արյան հիվանդություններ ունեցող երեխաները, երիտասարդները շարունակելու են գտնվել իր աջակցության և հոգածության ներքո:

Հիշեցնենք, որ երեկ Աննա Հակոբյանը տեղեկացրեց, որ դադարեցնում է «Ժպիտների քաղաք» բարեգործական հիմնադրամի հոգաբարձուների խորհրդի նախագահի լիազորությունները։ Իր որոշման պատճառների մասին վարչապետի կինը չի նշել։ Նա վստահություն է հայտնել, որ իր գնալուց հետո էլ հիմնադրամի շահառու` քաղցկեղով հիվանդ երեխաները հուսալի և ապահով ձեռքերում կմնան։

Այն բանից հետո, երբ առողջապահության նախարարությունը հայտարարեց արյունաբանության կենտրոնի տնօրեն Սամվել Դանիելյանի հետ աշխատանքային պայմանագիրը լուծարելու որոշման մասին, երկու օրվա ընթացքում աշխատանքից հեռանալու դիմումներ գրեցին կենտրոնի 50-ից ավելի բժիշկներ, նաև ՀՀ մանկական քաղցկեղի և արյան հիվանդությունների կենտրոնի տնօրեն Գևորգ Թամամյանը։ Նրանք բաց նամակով դիմեցին Նիկոլ Փաշինյանին՝ խնդրելով վերանայել Դանիելյանի հետ պայմանագրի լուծարումը։

Սեպտեմբերի 17-ի երեկոյան, ՀՀ վարչապետ Նիկոլ Փաշինյանը հայտարարեց, որ Սամվել Դանիելյանը կշարունակի պաշտոնավարել և որ ինքն առողջապահության նախարարին հանձնարարել է երկարացնել նրա հետ աշխատանքային պայմանագիրը։

7
թեգերը:
Facebook, նվեր, Յոլյանի անվան արյունաբանական կենտրոն, երեխա, Աննա Հակոբյան
Ըստ թեմայի
Գուրգեն Դաբաղյանը հայրիկ է դարձել. երգիչը լուսանկար է հրապարակել և հայտնել երեխայի սեռը
Գիտես` սաղ կյանքս վարչապե՞տ եմ եղել. Փաշինյանը խորոված է սարքել տավուշցի երեխաների համար
Դպրոցի ճամփան դժվար է, երկար... Սալուտցիները սպառնում են դասի չուղարկել երեխաներին