Սուրմալու

«Սուրմալուի» տաղավարների վարձավճարը թանկանալո՞ւ է. տնօրենը մանրամասներ է հայտնել

423
(Թարմացված է 19:15 08.09.2020)
«Սուրմալու» առևտրի կենտրոնի վաճառականների զգալի մասն անակնկալի եկան` լսելով, որ վարձավճարները թանկանալու են, իսկ առևտրի կենտրոնի տնօրենն ասաց, որ բողոքող չկա։

ԵՐԵՎԱՆ, 8 սեպտեմբերի — Sputnik. «Սուրմալու» առևտրի կենտրոնում ընդամենը 12 տաղավարի վարձավճարն է թանկանալու։ Տեղեկությունը Sputnik Արմենիայի թղթակցին ասաց «Սուրմալուի» տնօրեն Վարդան Մանուկյանը։

Նշենք, որ այսօր մամուլում լուրեր տարածվեցին, որ «Սուրմալու» առևտրի կենտրոնի ղեկավարությունը մտադիր է շուրջ 20 տոկոսով բարձրացնել տաղավարների վարձավճարները, ինչը, հարուցել է առևտրականների զայրույթը: Նշվում էր, որ առևտրականներին հստակ բացատրություն չեն տվել, թե ինչ հիմնավորմամբ և ինչու է այս համավարակային պայմաններում նման որոշում կայացվել:

Sputnik Արմենիայի թղթակիցը եղել է «Սուրմալու» առևտրի կենտրոնում և զրուցել ինչպես վաճառականների, այնպես էլ առևտրի կենտրոնի տնօրենի հետ։

Ի զարմանս մեզ` վաճառականների զգալի մասն անակնկալի եկան` լսելով, որ վարձավճարները թանկանալու են։

«Առաջին անգամ ձեզնից եմ լսում։ Եթե նման բան լիներ, ինձ թվում է առաջինը մենք կիմանայինք»,–ասաց վաճառականներից մեկը։

«Չգիտեմ ձեզ ինչ են ասել, բայց այս պայմաններում ուղղակի ծիծաղելի է խոսել համընդհանուր վարձավճարների թանկացումից։ Ես նման բան համենայնդեպս չեմ լսել»,–ասաց մեկ այլ վաճառական։

Մոտ 15 տաղավարում գրեթե նույն պատասխանը լսելուց հետո, մեզ պատահած տղամարդը, որը ևս վաճառական է, նշեց, որ առավոտյան է թանկացման մասին կարդացել ու խառնվել է իրար, սակայն ղեկավարությունից հանգստացրել են` շարունակեք աշխատել, տեղեկությունն իրականությանը չի համապատասխանում։

Թե ինչպես և ինչու են նման լուրեր տարածվել, փորձեցինք պարզել հենց «Սուրմալու» առևտրի կենտրոնի տնօրեն Վարդան Մանուկյանից։

Նրա խոսքով`տեղեկությունը ընդհանուր առևտրի կենտրոնին չի վերաբերում, խոսքը 12 տաղավարի մասին է, որտեղ վարձավճարն այժմ 100.000 դրամ է և դառնալու է 120.000 դրամ, և դա ունի իր հստակ բացատրությունը։

Որ դեպքում կարող են վարորդները հաշտվել Հայաստանում ճանապարհները վճարովի դարձնելու մտքի հետ

Մանուկյանի խոսքով` առևտրի կենտրոնի տարածքից դեպի Սևանի փողոց տանող ուղղության վրա 4 մետրանոց դարպաս կա, որի մի կողմում տեղակայված են 12 տաղավարներ` 22 քմ տարածքով և ծառայում են որպես պահեստներ։ Դարպասի մյուս կողմում նույն տարածքով տաղավարները ծառայում են, որպես խանութներ։ Պահեստների տերերը վճարում են 100.000 դրամ, իսկ խանութների տերերը 180.000 դրամ։

«Ես ժողով արեցի, ասեցի տղերք ջան, ես ձեզ պահեստների համար 22 քմ փոխարեն տալիս եմ 36 քմ տարածք, էլի 100.000 դրամով, առևտրի կենտրոնի երկրորդ հարկում, այդ տարածքն էլ գոնե 150.000 դրամով տամ այն մարդկանց, որոնք խանութ են ուզում աշխատացնել։

Չհամաձայնեցին, ասեցին մենք մեր տարածքն ենք ուզում, ես էլ սեփականատերերի հետ խորհրդակցելով, տղաների համաձայնությունը ստանալով` 20.000 դրամով վարձավճարները թանկացրի։ 12–ի տաղավարի տերերից 10–ն արդեն ինձ հետ պայմանագիր են կնքել, մեկը վաղն է կնքելու, մյուսը արձակուրդ է, գա կկնքենք, այսինքն` բողոքող մարդ չկա»,–պարզաբանեց տնօրենը։

Նրա խոսքով`պահեստների տերերի համար ոչ մի խնդիր չէր լինելու երկրորդ հարկ տեղափոխվելը, քանի որ մոտ 2 մլն դրամ ծախսել է և որակյալ վերելակ է տեղադրվել, որն ավելի քան 2 տոննա բեռ է կարող է տեղափոխել։

«Չգիտեմ, այդ բողոքողների մասին որ գրել են ով է նման բան իրենց ասել կամ ով է բողոքողը, թող ասեն, մենք էլ իմանանք։ Մարդիկ մի բան էլ գոհ ու շնորհակալ են, որ վարձավճարները 20.000 դրամ ենք բարձրացրել, այն դեպքում, երբ 4 մետր այն կողմ վարձավճարը 180.000 դրամ է»,–ասաց նա։

Ո՞վ է ստում. «Առինջ մոլի» ղեկավարությունը հերքում է վարձավճարի բարձրացումը

Տնօրենի խոսքով`այսօր իրենք պահանջարկ ունեն, մարդիկ գալիս են տարածք են ուզում ու պատրաստ են անգամ կրկնակի վճարել, բայց իրենք հարգում ենք վաճառականներին ու երկրում նման դրության պայմաններում չեն պատրաստվում համընդհանուր վարձավճարները թանկացնել։

423
թեգերը:
բողոք, վարձ, Տնօրեն, առևտրական, առևտուր, «Սուրմալու» առևտրի կենտրոն
Ըստ թեմայի
Ինչ զբաղվածություն ունեն Հայաստանում կանայք ու տղամարդիկ և ինչպես են վարձատրվում
Ինչո՞ւ են բարձրացել ԵՊՀ–ի ուսման վարձերը. «անակնկալ» կորոնավիրուսային իրավիճակում
Ուրեմն ձեռնտու է. ԵՊՀ ռեկտորի ժամանակավոր պաշտոնակատարը` ուսման վարձերը բարձրացնելու մասին
Գևորգ Կոստանյան

Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ

328
(Թարմացված է 17:47 29.09.2020)
Հետախուզվող նախկին պաշտոնյաներն անձամբ կամ փաստաբանների միջոցով միջնորդություն են ներկայացրել նախաքննական մարմիններին` հետախուզումը դադարեցնելու մասին։

ԵՐԵՎԱՆ, 29 սեպտեմբերի - Sputnik. Հետախուզման մեջ գտնվող ՀՀ նախկին բարձրաստիճան 3 պաշտոնյաներ դիմել են ՀՀ իշխանություններին` հայրենիք վերադառնալու ու Արցախին օգտակար լինելու հարցով։

Արցախ մեկնելու ցանկություն է հայտնել ՀՀ պաշտպանության նախկին նախարար, հետախուզման մեջ գտնվող Միքայել Հարությունյանը: Վերջինը 168.am-ին հայտնել է, որ ՀՀ իշխանություններից առայժմ պատասխան չի ստացել։

Սեպտեմբերի 27-ին ՀՀ դատախազությանն ու ՀՔԾ պետին է դիմել նաև ՀՀ նախկին գլխավոր դատախազ Գևորգ Կոստանյանը` իր նկատմամբ հայտարարված հետախուզումը վերացնելու միջնորդությամբ, քանի որ այդ հանգամանքը թույլ չի տալիս հատել ՌԴ սահմանն ու վերադառնալ Հայաստան։

Ընդ որում, նա պատրաստակամություն է հայտնում պատերազմական իրավիճակի ավարտից անմիջապես հետո ինքնակամ ներկայանալ նախաքննական մարմին։

13 կուսակցություն կոչով դիմել են Հայաստանի ու Արցախի իշխանություններին

ՀՀ իշխանությանը դիմած երրորդ նախկին պաշտոնյան հետախուզման մեջ գտնվող ԴԱՀԿ նախկին պետ Միհրան Պողոսյանն է: Նա նշել է, որ ցանկանում է «օր առաջ վերադառնալ Հայաստան և իր հնարավորությունների սահմաններում աջակից լինել իր ժողովրդին»։

Հիշեցնենք` ՀՀ պաշտպանության նախկին նախարար, գեներալ-գնդապետ Միքայել Հարությունյանին մեղադրանք է առաջադրվել 2008 թվականի մարտի 1-ի իրադարձությունների օրերին սահմանադրական կարգը տապալելու համար, հեռակա կարգով դատապարտվել է կալանքի, նրա նկատմամբ միջազգային հետախուզում է հայտարարվել:

Գևորգ Կոստանյանը կորոնավիրուսով է վարակվել

Միհրան Պողոսյանը մեղադրվում է առանձնապես խոշոր չափերի փողերի լվացման համար։

Հիշեցնենք` Գևորգ Կոստանյանը դեռևս 2019թ-ի սեպտեմբերին «Մարտի 1»-ի գործով հրավիրվել էր հարցաքննության, սակայն ՀՔԾ–ն հայտնել էր, որ Կոստանյանն արտերկրում է և կվերադառնա 15-20 օրից։ Նա «Մարտի 1»–ի գործով ներգրավվել է որպես մեղադրյալ։

Ըստ այդ մեղադրանքի` 2008–ի մարտի 1-ին և 2-ին Երևանում տեղի ունեցած իրադարձություններից հետո Գևորգ Կոստանյանը պահանջել է հետին ամսաթվով կազմել և շրջանառության մեջ դնել մարտի 1-ին և 2-ին ոստիկանության կատարած գործողությունների իրավաչափությունը հիմնավորող փաստաթղթեր:

328
թեգերը:
Հատուկ քննչական ծառայություն (ՀՔԾ), պաշտոնյա, Արցախ
Ըստ թեմայի
Միհրան Պողոսյանին նոր ծանր մեղադրանքներ կառաջադրվեն. գլխավոր դատախազ
«Իմ անձնական կարծիքով`սխալ է». Տոնոյանը` Միքայել Հարությունյանի երկքաղաքացիության մասին
Հրայր Թովմասյանի նախկին վարորդին մեղադրանք է առաջադրվել. ի՞նչ կապ ունի Միհրան Պողոսյանը
ՄԻՊ Արման Թաթոյան

Վարդենիսի նյարդահոգեբանական տուն-ինտերնատի բնակիչները հրետակոծությունից տագնապ են ապրել

102
(Թարմացված է 16:55 29.09.2020)
Արման Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ԵՐԵՎԱՆ, 29 սեպտեմբերի - Sputnik. ՀՀ Մարդու իրավունքների պաշտպան Արման Թաթոյանը տեղեկացնում է, որ Վարդենիսում հրետակոծության մասին ահազանգեր է ներկայացրել Վարդենիսի նյարդահոգեբանական տուն-ինտերնատի բժշկական անձնակազմը։

«Տուն–ինտերնատի անձնակազմից նշել են, որ հրետակոծության պատճառով խնամյալների մոտ վախ ու տագնապ է առաջացել: Հրետակոծության փաստերը հաստատվել են նաև պաշտոնական հարցման արդյունքներով»,–նշված է ՄԻՊ–ի հաղորդագրության մեջ։

Մարդու իրավունքների պաշտպանի թեժ գծին ահազանգեր են ներկայացրել խաղաղ բնակիչները և տրամադրել նաև մոտ մեկ ժամ առաջ արված հրետակոծության լուսանկարներ: Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ՄԻՊ–ը փաստում է, որ առավոտյան այրվել է նաև քաղաքացիական ավտոբուս թիրախային ԱԹՍ հարձակման արդյունքում։ Սպանվել է մեկ խաղաղ բնակիչ, ինչը հաստատվել է նաև Մարդու իրավունքների պաշտպանի պաշտոնական աղբյուրներով:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 83 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

102
թեգերը:
հրետակոծություն, Արման Թաթոյան, ՀՀ ՄԻՊ, Վարդենիս
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Վարդենիսում երկրորդ ճակատ բացելու փորձը նորություն չէ. Հովհաննիսյան
Նախարարն ու մարզպետը հրապարակել են Վարդենիսում խոցված ավտոբուսի լուսանկարները
Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ

Ադրբեջանը շարունակում է կորուստներ կրել․ տեսանյութ (18+)

0
(Թարմացված է 07:46 30.09.2020)
Արցախի պաշտպանության նախարարության հրապարակած հերթական տեսանյութում երևում են ադրբեջանցի զինծառայողները։

Արցախի պաշտպանության նախարարությունը վաղ առավոտյան նոր տեսանյութ է հրապարակել։

«Ադրբեջանը շարունակում է կորուստներ կրել»,- գրված է տեսանյութին կից։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

ՀՀ պաշտպանության նախարարության ներկայացուցիչ Արծրուն Հովհաննիսյանը երեկ ճեպազրույցի ընթացքում հայտնեց, որ Ադրբեջանը ռազմական գործողությունների ընթացքում ընդհանուր առմամբ կորցրել է 790 կենդանի ուժ, որից 180–ը` Քարվաճառի ուղղությամբ, որտեղ համառ և թեժ մարտեր են ընթացել։ Նրա խոսքով` հակառակորդը մոտ 1900 վիրավոր ունի։ Հակառակորդը կորցրել է 137 տանկ և զրահատեխնիկա, 72 ԱԹՍ, 7 ուղղաթիռ, 1 ինքնաթիռ։ 

Կանանց ու երեխաներին տարհանել են Մարտակերտից, տղամարդիկ մնալու են մինչև հաղթական ավարտ

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ 

Մենք պատրաստ ենք ամեն ինչի. ՊԲ–ն հայ հրետանավորների մասնակցությամբ տեսանյութ է հրապարակել

 

0
թեգերը:
տեսանյութ, զինծառայող, Ադրբեջան
թեմա:
Ադրբեջանական ագրեսիա Արցախում. 2020
Ըստ թեմայի
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Առաջնագծից հեռու, բայց հրաձգության ներքո․ ի՞նչպիսին է Ստեփանակերտն այս օրերին
Հայ զինծառայողները մի քանի վայրկյանում երկու ԱԹՍ են խոցում. տեսանյութ