Վարդանյան եղբայրները

Անհավանական տպավորիչ և բարդ․ Վարդանյան եղբայրները «Զարմանալի մարդիկ» շոուի եզրափակիչում են

1004
(Թարմացված է 18:21 08.09.2020)
Գևորգ և Անդրանիկ Վարդանյանները հանդիսատեսի քվեարկության ընթացքում գրանցել են լավագույն արդյունքը` հավաքելով 21 տոկոս։

ԵՐԵՎԱՆ, 8 սեպտեմբերի – Sputnik, Լիլիթ Հարությունյան. Գևորգ և Անդրանիկ Վարդանյանները դարձել են «Ռոսիա» հեռուստաալիքով հեռարձակվող «Զարմանալի մարդիկ» հայտնի շոուի առաջին թողարկման հաղթող և անցել հինգերորդ եթերաշրջանի եզրափակիչ։

Եղբայրները թրերով տպավորիչ համար են ներկայացրել, որը հավասարակշռությունը պահելու բացառիկ օրինակ է։

Շոուի ընթացքում ընդհանուր առմամբ 8 համար է ներկայացվել։ Վարդանյան եղբայրները  հանդիսատեսի քվեարկության ընթացքում լավագույն արդյունքն են ցուցաբերել` հավաքելով 21 տոկոս։

Հեռուստածրագրի հաղորդավարի կարծիքով` «դա վախենալու աստիճան հիասքանչ էր»։ Միևնույն ժամանակ ճանաչողական նյարդագիտության ինստիտուտի տնօրեն Վասիլի Կլյուչարևը նշել էր, որ Գևորգի և Անդրանիկի համարը անհավանական տպավորիչ և բարդ էր։

«Ինձ վրա այն անհավանական տպավորություն թողեց»,– ասել է նա։

Տղաների ելույթից տպավորված էին նաև ժյուրիի մյուս անդամները։

«Սիրտս սկսեց բաբախել, շատ էի անհանգստանում ձեզ համար։ Իսկապես շատ հզոր էր»,– նշել է պարուսույց և հեռուստահաղորդավար Եվգենի Պապունաիշվիլին։

Հաղորդավար Օլգա Շելեստի խոսքով` դժվար է հասկանալ մարդկանց, որոնք նման վտանգավոր հնարքներ են կատարում, բայց դա, իսկապես, տպավորիչ է. «Վախենում ես դիտել, այնքան անհավանական սուր զգացողություններ են»։

Վարդանյան եղբայրները միակն են աշխարհում, որ այդ հնարքը հենց այդկերպ են կատարել։

Ինչպես Sputnik Արմենիայի թղթակցի հետ զրույցում պատմեց եղբայրներից մեկը` Անդրանիկը, ծրագրին մասնակցությունն իրենց համար լուրջ մարտահրավեր էր, քանի որ համավարակի պատճառով նրանք շուրջ կես տարի ելույթ չէին ունեցել և չէին մարզվել։

«Նախապատրաստվել ենք ընդամենը մեկ շաբաթում։ Ուզում էինք նոր համար հորինել, բայց ժամանակի սղության պատճառով որոշեցինք վերականգնել հներից ինչ–որ բան։ Սակայն դա էլ բավարար եղավ, եզրափակիչ դուրս գալու համար»,– ասաց նա։

Անդրանիկի խոսքով` իրենց ռեսթարթի նման մի բան էր անհրաժեշտ։

«Փառքի րոպե». Պոզները պաշտպանել է Խալաֆյանին, Յուրսկին հիացած է Վարդանյաններով

«Ամենակարևորը մեզ համար ռեսթարթ անելն է, երկար ընդմիջումից հետո կրկին մտնել հունի մեջ։ Չէ՞ որ կրկեսային ոլորտն այս ընթացքում լուրջ տուժեց և դեռ հայտնի չէ, թե երբ ամեն ինչ նորից կվերսկսվի։ Բայց մենք պետք է կրկին հիշեցնեինք մեր մասին...»,– հավելեց տղան։

«Զարմանալի մարդիկ» շոուի հինգերորդ եթերաշրջանը մեկնարկել է կիրակի` սեպտեմբերի 6-ին։

Հիշեցնենք, որ Վարդանյան եղբայրները 2017 թվականին դարձան «Փառքի րոպե» շոուի հաղթող։ Նույն թվականին նրանք  այցելեցին նաև Sputnik Արմենիա և ընթերցողներին նվիրեցին իրենց փոքր ելույթը։

1004
թեգերը:
եղբայր, եզրափակիչ, Ռուսաստան, հայ
Ըստ թեմայի
PETA-ն մեղադրանք է ներկայացրել Վարդանյան եղբայրներին. տղաները շատ են տխրել
Վարդանյան եղբայրները ելույթ կունենան Երևանյան կրկեսի բացմանը
Վարդանյան եղբայրները «Минута славы» նախագծում․ Դրանք ուժեղ զգացողություններ են
Երևան

Քանի՞ օր անձրև չի գա Հայաստանում. եղանակի տեսություն

19
(Թարմացված է 22:41 26.09.2020)
Օդերևութաբանների կանխատեսումներով` հանրապետության տարածքում առաջիկա օրերին օդի ջերմաստիճանի էական փոփոխություն չի գրանցվի։

ԵՐԵՎԱՆ, 27 սեպտեմբերի — Sputnik. Հայաստանի տարածքում սեպտեմբերի 27-ին տեղումներ չեն լինի։ Չոր եղանակը կշարունակվի մինչև սեպտեմբերի 30-ը։ Տեղեկությունը հայտնում է ՀՀ արտակարգ իրավիճակների նախարարությունը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Երևանում սեպտեմբերի 27-ի ցերեկային ժամերին սպասվում է 28–30, երեկոյան՝ 23–25, գիշերը՝ 14+16 տաքություն։

Հայաստանի հյուսիսում` Շիրակում, սեպտեմբերի 27-ին ցերեկը սպասվում է 20–25, գիշերը՝ 6–10 տաքություն։ Հարավում` Սյունիքում, ցերեկը կլինի 22–25, գիշերը՝ 12–16 տաքությունը։ Արցախում նույնպես տաք աշուն է, ցերեկը օդի ջերմաստիճանը կտատանվի +20–ից +25–ի, գիշերը՝ +6–ից +10–ի սահմանում։

 Եղանակի կանխատեսում
Եղանակի կանխատեսում
19
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց
Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել
ՀՀ ոստիկանությունը մարտից ի վեր ավելի քան 145 հազար վարչական տույժ է նշանակել
Օլգա Բուզովան ու Դավիթ Մանուկյանը

«Սա սեր չէ». էքստրասենսը կանխատեսել է, որ Բուզովան ու Դավիթը բաժանվելու են

54
(Թարմացված է 23:51 26.09.2020)
«Էքստրասենսների մարտ» շոուին մասնակցած Բուզովային ասել են, որ նրա հետ բավականին տգեղ են վարվել։ Երգչուհին խոստովանել է, որ իր հետ իսկապես եղել է նման բան։

ԵՐԵՎԱՆ, 26 սեպտեմբերի – Sputnik. Հեռուստահաղորդավարուհի և երգչուհի Օլգա Բուզովան մանակցել է «Էքստրասենսների մարտ» շոուին։ Էքստրասենսները հանգամանորեն նկարագրել են նրա հոգեվիճակն ու կանխատեսել, թե ինչ է նրան սպասում ընկերոջ` Դավայի (պարող, բլոգեր և երգիչ Դավիթ Մանուկյան) հետ հարաբերություններում։

Ավելի վաղ ԶԼՄ–ները գրել էին, որ վերջին ժամանակաշրջանում Բուզովան ու Դավան հաճախ են վիճում և չեն կարողանում ընդհանուր լեզու գտնել։

Ինչպես հայտնում է «ՍտարԽիտը», էստոնացի էքստրասենս Անտոնինա Կերսնան, առանց Օլգայի դեմքը տեսնելու, ասել է, որ նա երբեք երեխաներ չի ունեցել և աբորտներ չի արել։ Էքստրասենսը չի սխալվել։

«Ձիու առողջություն ունի», – վստահեցրել է Կերսնան։

Էքստրասենս Մաքսիմ Ֆյոդորովն էլ նշել է, որ իր առջև նստածը նյարդային է և փոքր–ինչ հիստերիկ։

«Անձնական երջանկություն չկա, որոշակի հարաբերությունների ուրվագծեր կան։ Հոգու մտերմությունն անհնար է։ Դու կա՛մ չես վստահում, կա՛մ վախենում ես։ Ներսում դատարկություն է», – ավելացրել է նա։

Նրա խոսքով` Բուզովան այդ դատարկությունը ժամանակավորապես մոռացության տալու համար ստիպված լրացնում է ինչով պատահի` արցունքներ, ալկոհոլ։

Սակայն այդ խոսքերը զայրացրել են երգչուհուն։ Նա սկսել է վստահեցնել, որ կարող է միայն մեկ բաժակ գինի խմել ոստրե ուտելիս, այն էլ` ընկերոջ հետ։

Իսկ ահա Մաքսիմ Ռապոպորտը հայտնել է, որ իր դիմաց նստած կինը հոգեկան ապրումներ ու ցավ ունի, նրա սրտին վերք կա։ Ըստ նրա` կնոջը դավաճանել են, բավականին տգեղ են վարվել նրա հետ։

Օլգան խոստովանել է, որ էքստրասենսը նկարագրել է Դմիտրի Տարասովի հետ բաժանվելուց հետո նրա վիճակը։

Ռապոպորտը «գաղտնազերծել» է նաև հեռուստահաղորդավարուհու ներկայիս սիրավեպի որոշ մանրամասները։ Նա ասել է, որ այդ հարաբերությունների վրա խաչ է տեսնում։

«Սա սեր չէ։ Մեկին մյուսով է փոխել։ Ելքը նույնը կլինի` դարձյալ արցունքներ, հիստերիկա։ Նրան օգտագործում են։ Նա չափազանց բաց է և դյուրահավատ։ Ձեր հարաբերությունները ոչ մի բանի չեն տանի», – հավելել է Ռապոպորտը։

Հիշեցնենք, որ 34-ամյա Բուզովան ու 27-ամյա Դավիթը վերջին մեկ տարում պարբերաբար լուսանկարներ էին հրապարակում իրենց ռոմանտիկ կյանքից։ Նրանց բաժանման մասին սկսեցին խոսել, երբ երգչուհին Instagram-ի իր էջից հեռացրեց սիրեցյալի հետ լուսանկարները։

Արյունը ջուր չի դառնա. ռուս երգչուհին խոստովանել է հայկական արմատների մասին

54
թեգերը:
էքստրասենս, արցունք, սեր, Օլգա Բուզովա
Ըստ թեմայի
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
Ուզում եմ հայրենիքիս հետ ծանոթանալ. Լեդի Գագայի հայ դիզայները ներկայացրել է աշխատանքները
Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից
Շուշան Ստեփանյան

Գործողությունները վաղուց պլանավորված են եղել. Շուշան Ստեփանյան

24
(Թարմացված է 10:15 27.09.2020)
ՀՀ ՊՆ խոսնակ Շուշան Ստեփանյանը տեղեկացնում է, որ Ադրբեջանի ձեռնարկած սադրանքը նախապես ծրագրված էր։

ԵՐԵՎԱՆ, 27 սեպտեմբերի – Sputnik. Ադրբեջանի ՊՆ-ն պաշտոնապես հայտարարել է «հակահարձակում» սկսելու մասին, ինչը փաստում է, որ գործողությունները վաղուց պլանավորված են եղել։ Facebook սոցցանցի իր էջում գրել է ՀՀ ՊՆ խոսնակ Շուշան Ստեփանյանը։

«Տարրական գիտելիք ունեցող ցանկացած զինվորական կփաստի, որ հակահարձակման օպերացիայի պլանավորումը շաբաթներ է տևում»,–գրել է նա։

Ստեփանյանի խոսքով` էսկալացիայի մասին պաշտոնական հաղորդագրությունից րոպեներ անց էլ ադրբեջանական և թուրքական լրատվամիջոցներն առաջնագծից նյութեր են հրապարակում, ինչը ևս փաստում է, որ Ադրբեջանի ձեռնարկած սադրանքը նախապես ծրագրված էր։

Հիշեցնենք՝ այսօր վաղ առավոտյան արցախա–ադրբեջանական շփման գծի ողջ երկայնքով ադրբեջանական կողմը ակտիվ հերտակոծություն է սկսել՝ թիրախավորելով նաև խաղաղ բնակավայրերը, այդ թվում՝ մայրաքաղաք Ստեփանակերտը:

Հայկական կողմը խաղաղ բնակչության շրջանում վիրավորներ ունի

24
թեգերը:
հրետակոծություն, Ադրբեջան, Ղարաբաղյան հակամարտություն, Լեռնային Ղարաբաղ, Արցախ