ԵՊՀ

Տուժել են ոչ միայն դիմորդները, այլև դասախոսները. ԵՊՀ–ում դժգոհ են տեղերի զգալի կրճատումից

204
(Թարմացված է 22:21 06.09.2020)
Երևանի պետական համալսարանի դասախոսները կարծում են, որ արդարացված չէ բուհի ֆակուլտետներում տեղերի կրճատումը։

ԵՐԵՎԱՆ, 6 սեպտեմբերի — Sputnik. Այս տարի ԵՊՀ–ում էականորեն նվազել են տարբեր ֆակուլտետներին հատկացված տեղերը։ Նախորդ տարվա համեմատ դրանք պակասել են 512-ով։ Որքան էլ զարմանալի թվա, առյուծի բաժինը հասել է տնտեսագիտական ֆակուլտետին` 52 տեղ քիչ է հատկացվել։ Դրան հաջորդում են հայոց լեզու և գրականություն, ինչպես նաև անգլերեն լեզու, գերմաներեն լեզու և հաղորդակցություն ֆակուլտետները` 50-ական տեղեր կրճատվելով։ Օրեր առաջ ԵՊՀ ռեկտորի ԺՊ Գեղամ Գևորգյանն իր ասուլիսի ժամանակ, ընդունելության տեղերի կրճատման մասին խոսելով, նշել էր, որ նախաձեռնվել է իրատեսական պլանավորում, որպեսզի լինի որակյալ ընդունելություն։

Հայ բանասիրության ֆակուլտետի դասախոս Նարինե Դիլբարյանը Sputnik Արմենիայի հետ զրույցում նշեց, որ իր համոզմամբ` շատ անըմբռնելի բացատրություն է կրճատել տեղերը, որպեսզի որակը բարձրացնեն. տեղերի կրճատումը բնավ որակի հետ կապված չէ։

«Այս տարի բավականին շատ դիմորդներ ունեինք, և եղան ուսանողներ, որոնք 14 միավորով ուղղակի դուրս մնացին։ Արդյունքում մենք ընդամենը 73 ուսանող ունենք հիմա, և սա այն դեպքում, որ շուկայում բանասերների անհրաժեշտությունը պահանջարկված է»,–ասաց Դիլբարյանը։

Նա նշեց, որ այսօր պետական, առևտրային հիմնարկների գրագրության, գովազդային պաստառների լեզվի մասին բողոքները շատ են, և որակի բարձրացման կարիք կա։ Դիլբարյանի խոսքով` տեղերի կրճատումը բանասիրության բաժնին բավական վնաս է հասցրել։ Հարցն այն է, որ գրաբարագետների պակաս կա, քանի որ հիմա մեծամասամբ ավագ սերունդն է տիրապետում գրաբարին, տեքստեր թարգմանում։ Բացի այդ, տեղերի կրճատմամբ, տուժեցին նաև դասախոսները, որովհետև շատերի դրույքը չլրացավ։

Մասնագետը վստահեցնում է, որ ԵՊՀ դասախոսների հետ չի քննարկվել ֆակուլտետներում տեղերի կրճատման հարցը։ Եվ որ իրենց համար անհասկանալի են ինչպես տեղերի կրճատումը, այնպես էլ այս` կորոնավիրուսային իրավիճակում ուսման վարձերի բարձրացումը։

«Փոքր համալսարան` փոքր հոգսեր. կարծում եմ` առաջնորդվել են այս սկզբունքով, քանի որ այդպես ավելի հեշտ է»,–ասաց Դիլբարյանը։

ԵՊՀ տնտեսագիտության ֆակուլտետի դասախոս Վարդան Բոստանջյանն էլ է կարծում, որ տեղերի կրճատումն արդարացված չէ։

Ես չեմ առաջադրվել, չեմ էլ առաջադրվի. ինչու Գևորգյանը իրեն չի տեսնում ԵՊՀ ռեկտորի պաշտոնում

«Շուկան ակնհայտորեն տնտեսագետների կարիք ունի։ Սակայն որակով տնտեսագիտական դպրոց անցնելը շատ կարևոր է, հատկապես այս պահին, երբ մենք շուկայական հարաբերությունների ձևավորման նոր փուլ ենք հասել։ Խնդրի նման լուծումը` տեղերի կրճատումը, տարբերակ չէ»,–ասաց Բոստանջյանը։

Նրա խոսքով` կրթության որակը դեռ շարունակում է խոցելի մակարդակում լինել։ Երիտասարդների որոշ զանգված լուրջ չի վերաբերվում ուսմանը, ինչն էլ  բացասական ազդեցություն է թողնում մյուսների վրա։  Բացի այդ, Բոստանջյանը կարծում է, որ պրոֆեսորադասախոսական կազմի ֆինանսավորման խնդիրները լուծելու ճանապարհ է պետք, որպեսզի որակյալ կադրեր հրավիրեն բուհ։ Նա ասում է` կրթության որակը կբարձրանա, եթե ոչ թե ֆակուլտետներում առկա տեղերը կրճատեն, այլ ընթացքում «մաղեն» ուսանողներին և վատ սովորողներին դուրս թողնեն բուհից։ 

Հիշեցնենք, որ ավելի վաղ հայտնել էինք` Երևանի պետական համալսարանում ուսման վարձերը թանկացել են։ Մի շարք ֆակուլտետներում, ի տարբերություն նախորդ տարվա, ուսման վարձերը զգալի են թանկացել, օրինակ` «Տեղեկատվական անվտանգություն», «Ինֆորմատիկա և կիրառական մաթեմատիկա» ֆակուլտետների ուսման վարձերը 160 000 դրամով են բարձրացել։ Այժմ երկու ֆակուլտետների ուսման վարձն էլ 700 000 դրամ է` նախկին 540 000-ի փոխարեն։

204
թեգերը:
վարձ, դասախոս, դիմորդ, Ուսանող, Երևանի պետական համալսարան (ԵՊՀ)
Ըստ թեմայի
Երբ զենքը գրիչն է. Յուրա Հարությունյանը գիտի ամենաբարդ մասնագիտություններից մեկի գաղտնիքը
Բացթողո՞ւմ, թե՞ նոր մոտեցում. «Հայոց պատմության» նոր չափորոշիչների շուրջ աղմուկը չի լռում
«Դարձ ի շրջանս յուր». ով է կրկին ընտրվել ԵՊՀ հոգաբարձուների խորհրդի նախագահ
Պանիր. արխիվային լուսանկար

Խախտումներ սննդամթերքի շուկայում. մոտ 100 կգ «Այծի Ձոր» և «Չանախ» պանիր է ոչնչացվել

23
(Թարմացված է 14:13 29.09.2020)
«Այծի Ձոր» և «Չանախ» պանիրների ողջ խմբաքանակը հանվել է շրջանառությունից, նաև կասեցվել է դրանց արտադրությունը։

ԵՐԵՎԱՆ, 29 սեպտեմբերի– Sputnik. Խախտումներ են հայտնաբերվել պանրի արտադրությամբ զբաղվող հայաստանյան ընկերություններից մեկում։ ՀՀ սննդամթերքի անվտանգության տեսչական մարմնի մամուլի ծառայության հաղորդմամբ` Վայոց Ձորի մարզային կենտրոնի տեսուչները ստուգում են իրականացրել «Գոլդեն Գոութ» ՓԲԸ–ում։

«Վերահսկողության ընթացքում նմուշառումներ են կատարվել առկա արտադրատեսակներից և ներկայացվել լաբորատոր փորձաքննության: Արդյունքում պարզվել է, որ «Այծի Ձոր» և «Չանախ» պանիրների նմուշները ԱՑԽՄ և ոսկեգույն ստաֆիլակոկ ցուցանիշներով չեն համապատասխանում Մաքսային միության տեխնիկական կանոնակարգի պահանջներին»,– նշված է հաղորդագրության մեջ։

Հայտնաբերված խախտումների արդյունքում «Այծի Ձոր» և «Չանախ» պանիրների ողջ խմբաքանակը, համապատասխանաբար՝ 45 և 49 կգ, հանվել է շրջանառությունից և ոչնչացվել:

Նշված արտադրատեսակների արտադրությունը կասեցվել է: Ընկերությանը տրվել է ժամանակ հայտնաբերված խախտումները վերացնելու համար:

«Չանախի» թթվասերի ու կաթնաշոռի արտադրությունը կասեցվել է. ՍԱՏՄ

23
թեգերը:
ՍԱՏՄ(Սննդամթերքի անվտանգության տեսչական մարմին), Պանիր
Ըստ թեմայի
Այսուհետ Գյումրիում կիրականացվի ցիվիլ առևտուր. մսավաճառները ՍԱՏՄ ղեկավարից նվեր ստացան
Կոտայքի մարզի խանութներում ոչնչացվել է ժամկետանց սննդամթերք․ ՍԱՏՄ
«Ունենք 976 փակված հանրային սննդի օբյեկտներ, սննդի արտադրամասեր և խանութներ». ՍԱՏՄ
Հայ զինվորներն առաջնագծում

Զինվորների մասին տեղեկություն հավաքելու փորձերից պետք է զերծ մնալ. ԱԱԾ

82
(Թարմացված է 13:55 29.09.2020)
Զինվորների մասին տեղեկություններ հավաքագրելիս հնարավոր է հայտնվեն ոչ ճիշտ տեղեկություններ և առիթ դառնան տարաբնույթ թյուրիմացությունների համար:

ԵՐԵՎԱՆ, 29 սեպտեմբերի - Sputnik. Ազգային անվտանգության ծառայությունը տեղեկացնում է, որ պետք է զերծ մնալ զինվորների մասին տեղեկություններ ճշտելու և նրանց ծնողներին փոխանցելու առաջարկից։

«Համացանցում նկատվում են հայտարարություններ տարբեր զորամասերի զինծառայողների մասին տեղեկություններ ճշտելու և նրանց ծնողներին փոխանցելու պատրաստակամության վերաբերյալ: Նման ծառայություններ առաջարկող անձանցից պահանջվում է զերծ մնալ այդօրինակ գործընթացների կազմակերպումից»,–նշված է հայտարարության մեջ։

ԱԱԾ–ն հորդորում է նման հարցադրումներ ունեցող անհատներին հավաստի տեղեկություններ ստանալու նպատակով բացառապես դիմել իրավասու պետական մարմիններին: Հակառակ պարագայում հնարավոր է հայտնվեն ոչ ճիշտ տեղեկություններ և առիթ դառնան տարաբնույթ թյուրիմացությունների համար:

ԱԱԾ–ն ևս մեկ անգամ հիշեցնում է, որ դեղորայք, սննդամթերք և այլ պարագաներ հավաքագրելու անհրաժեշտություն այս պահին չկա։

Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Արցախի ՊԲ ստորաբաժանումները «Իգլա»-ով հակառակորդի երկու ուղղաթիռ են ոչնչացրել։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

82
թեգերը:
Բանակ, Զինվոր, ՀՀ ազգային անվտանգության ծառայություն. ԱԱԾ
Ըստ թեմայի
Հայկական ԶՈւ–ն ստիպված է օգտագործել խոշոր տրամաչափի ռազմական տեխնիկա. ՀՀ ՊՆ
Արցախի ՊԲ ստորաբաժանումները «Իգլա» ԴԶՀՀ-ով հակառակորդի երկու ուղղաթիռ են ոչնչացրել
Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ
Անվտանգության խորհրդի քարտուղար Արմեն Գրիգորյանը հեռախոսազրույց է ունեցել Ռուսաստանի Դաշնության անվտանգության խորհրդի քարտուղար Նիկոլայ Պատրուշևի հետ

Արմեն Գրիգորյանը Նիկոլայ Պատրուշևին է ներկայացրել Ադրբեջանի վտանգավոր միտումները

0
(Թարմացված է 14:17 29.09.2020)
Ռուսաստանի Դաշնության անվտանգության խորհրդի քարտուղար Նիկոլայ Պատրուշևը խորը մտահոգություն է հայտնել ստեղված իրավիճակի առնչությամբ։

ԵՐԵՎԱՆ, 29 սեպտեմբերի – Sputnik. Այսօր Անվտանգության խորհրդի քարտուղար Արմեն Գրիգորյանը հեռախոսազրույց է ունեցել Ռուսաստանի Դաշնության անվտանգության խորհրդի քարտուղար Նիկոլայ Պատրուշևի հետ: Տեղեկությունը հայտնում են ԱԽ մամուլի ծառայությունից։

«ԱԽ քարտուղարն անդրադարձել է արցախա-ադրբեջանական սահմանագոտում տիրող իրավիճակին, ընդգծել է Ադրբեջանի կողմից սանձազերծված պատերազմի, այդ թվում նաև Ադրբեջանի կողմից հակամարտությունը Հայաստանի Հանրապետության տարածք տեղափոխելու միտումների և խաղաղ բնակչությանը թիրախավորելու փաստերին»,–ասված է հաղորդագրության մեջ:

ԱԽ քարտուղար Արմեն Գրիգորյանն ընդգծել է, որ Արցախի Պաշտպանության բանակը ռազմաճակատի ողջ երկայնքով, ինչպես նաև ՀՀ զինված ուժերը երկրի սահմաններն անառիկ պահելու առումով փայլուն կերպով կատարում են իրենց առջև դրված բոլոր մարտական առաջադրանքները և իրավիճակը պահում են լիակատար վերահսկողության տակ: Արմեն Գրիգորյանն նշել է նաև տարածաշրջանային անվտանգության վրա բացասական ազդեցություն ունեցող Թուրքիայի ապակայունացնող դիրքորոշման հանգամանքը:

Ռուսաստանի Դաշնության անվտանգության խորհրդի քարտուղար Նիկոլայ Պատրուշևը խորը մտահոգություն է հայտնել ստեղված իրավիճակի առնչությամբ և զարգացումներով՝ ընդգծելով հակամարտության միմիայն խաղաղ ճանապարհով կարգավորման անհրաժեշտությունը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Զինվորների մասին տեղեկություն հավաքելու փորձերից պետք է զերծ մնալ. ԱԱԾ

Արցախի ՊԲ ստորաբաժանումները «Իգլաով» հակառակորդի երկու ուղղաթիռ են ոչնչացրել։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

 

0
թեգերը:
Ղարաբաղյան հակամարտություն, Լեռնային Ղարաբաղ, Արցախ, Հայաստան, հայ-ադրբեջանական, Ադրբեջան, հեռախոսազրույց, Նիկոլայ Պատրուշև, Արմեն Գրիգորյան
թեմա:
Ադրբեջանական ագրեսիա Արցախում. 2020
Ըստ թեմայի
Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում
Ռոբերտ Քոչարյանը մեկնել է Արցախ
Վիրավոր զինվորներին հուզող միակ հարցը պաշտպանությանը վերադառնալն է. Զարուհի Բաթոյան