Отдыхающие на озере Севан

«Լավ է եղանակի տիրակալ լինելը». Սուրենյանը գիտի` երբ գնալ Սևան

473
Գագիկ Սուրենյանը Սևանից լուսանկար է հրապարակել, որը բազմաթիվ հումորային մեկնաբանությունների տեղիք է տվել։

ԵՐԵՎԱՆ, 6 սեպտեմբերի — Sputnik. ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանն իր հանգստյան օրն է անցկացնում Սևանում։

Նա Սևանից զավակների հետ Facebook սոցցանցի իր էջում լուսանկար է հրապարակել ու գրել, որ Սևանում նման շոգ եղանակ այս տարի ողջ ամռան ընթացքում չէր եղել։

Սուրենյանի գրառումն անտարբեր չի թողել ֆեյսբուքյան օգտատերերին։ Նրանք, մասնավորապես, գրել են, որ Սուրենյանի ընտանիքի բախտն ուղղակի բերել է։

«Դե, դու գիտես էլի որ օրերին գնաս, որ տաք լինի։ Թե չէ` մենք երբ գնացինք սառն էր»,–մեկնաբանել է Սուրենյանի գրառումը մի օգտատեր։ Մեկ ուրիշն էլ գրել է, որ օդերևութաբան հայր ունենալը լավ բան է, քանի որ յուրաքանչյուր հանգիստ անցկացվում է ճիշտ եղանակին։

Միջնադարյան Մարմաշեն վանական համալիրը վերականգնվում է. նաև պեղումներ կլինեն

«Լավ է եղանակի տիրակալ լինելը. երբ Սևան ես գնում, ջերմաստիճանը բարձրացնում ես»,–Սուրենյանի հրապարակած նկարին կից գրել է մեկ ուրիշ օգտատեր։

Հիշեցնենք, որ այսօր և վաղը Հայաստանում տեղումներ չեն գրանցվելու։ Օդի ջերմաստիճանը սեպտեմբերի 6-ին կբարձրանա 2-3, 8-9-ը կնվազի 3-4 աստիճանով: Գեղարքունիքի մարզում այսօր սպասվում է +26-31 աստիճան տաքություն։ 

473
թեգերը:
եղանակ, շոգ, Սևան, Գագիկ Սուրենյան
Ըստ թեմայի
Դեղին ավազը գեղեցկության համար չէ. Սևանի «Ճայերի կղզում» հարսանիք կազմակերպողները կպատժվեն
Սևանա լճի մակարդակը նախորդ տարվա համեմատ բարձրացել է
Ձկնագողերը ցանցեր են տեղադրել, որ մանրաձուկը Սևանի փոխարեն իրենց ձեռքում հայտնվի
Օդնոկլասնիկ

Վանաձորցի կինը «Օդնոկլասնիկիի» միջոցով ծանոթացել է մի տղամարդու հետ ու կողոպտել նրան

6
(Թարմացված է 16:34 22.09.2020)
Կինը հանդիպման հրավիրած տղամարդուն սպառնացել է բռնություն գործադրել` պահանջելով 1 միլիոն դրամից ավելի գումար։

ԵՐԵՎԱՆ, 22 սեպտեմբերի - Sputnik. ՀՀ քննչական կոմիտեն տեղեկացնում է, որ վանաձորցի 30-ամյա մի կին «Օդնոկլասնիկի» կայքի միջոցով ծանոթացել է համաքաղաքացի 28-ամյա տղամարդու հետ, որից հետո փորձել է նրանից գումար շորթել։

«Մարտի 27-ին՝ ժամը 16:00-ի սահմաններում, 30-ամյա կինը տղամարդուն հանդիպման է հրավիրել վարձակալած բնակարան։ Այնտեղ կինը մեկ այլ անձի հետ նախնական համաձայնությամբ` դանակն օդում թափահարելով խուճապ ու վախի զգացում առաջացնելով, ինչպես նաև արատավորող տեղեկություններ և տեսագրություն հրապարակելու սպառնալիքով, 28-ամյա տղամարդուց պահանջել են մաս-մաս իրենց վճարել 1.257.000 դրամ»,–նշված է ՔԿ–ի հաղորդագրության մեջ։

Որպես երաշխիք՝ տղամարդուց վերցրել են նրա նույնականացման քարտը և ծառայողական վկայականը:

Բացի այդ, պարզվել է նաև, որ, նախնական համաձայնությամբ Վանաձորի բնակչուհին և ինքնությունը չպարզված անձը բացահայտ հափշտակել են տուժողի մոտ առկա կանխիկ գումարը:

Քննությամբ ձեռք բերված բավարար ապացույցների համակցությամբ՝ Վանաձոր քաղաքի 30-ամյա բնակչուհուն մեղադրանք է առաջադրվել՝ ՀՀ քրեական օրենսգրքի 182-րդ հոդվածի (շորթումը) 2-րդ մասի 1-ին, 2-րդ և 3.1-րդ կետերով և 176-րդ հոդվածի (կողոպուտը) 2-րդ մասի 1-ին կետով:

«Բյութի օֆ Արմենիայից» տուժածները կարող են դիմել Հայաստանի քննչական կոմիտե

Վերջինիս մասով հայտարարվել է նախաքննության ավարտի մասին, և քրեական գործը, մեղադրական եզրակացությամբ, ուղարկվել է դատարան:

Ձեռնարկվում են միջոցառումներ՝ կնոջ հետ համագործակցած անձի ինքնությունը պարզելու, նրան հայտնաբերելու և վարույթն իրականացնող մարմնին ներկայացնելու ուղղությամբ:

6
թեգերը:
ՀՀ Ոստիկանություն, գողություն, Քննչական կոմիտե
Ըստ թեմայի
Ոստիկանությունը տեսանյութ է հրապարակել որդու կողմից հորը պատահաբար սպանելու դեպքի վայրից
Երևանում գողություն կատարած 56-ամյա կինը բերման է ենթարկվել
Գողություն Երևանում. թալանել են «Մխիթար Սեբաստացի» կրթահամալիրը
«Red Wings»-ի ինքնաթիռ

Հայտնի է Մոսկվա-Երևան նոր չվերթերի ժամանակացույցը

92
Ռուսաստանում Հայաստանի դեսպանատունը տեղեկացրել է նոր չարտերային չվերթների մասին:

Երևան, 22 սեպտեմբերի - Sputnik. Մոսկվայից Երևան երկու նոր չվերթերը նախատեսված են սեպտեմբերի 26-ին և 30-ին: Լուրը Facebook-ի իր էջում հայտնել է Ռուսաստանում Հայաստանի դեսպանությունը:

Սեպտեմբերի 26–ին «Դոմոդեդովո» օդանավակայանից չարտերային չվերթը կիրականացնի «Red Wings» ավիաընկերությունը (թռիչքը ՝ ժամը 17:00-ին), իսկ սեպտեմբերի 30–ին «Զվարթնոցում» վայրէջք կկատարի նույն օդանավակայանից մեկնած «Nord Star» ավիաընկերության ինքնաթիռը (թռիչքը ՝ 11:00-ին):

Ավիատոմսերը կարելի է ձեռք բերել «Դոմոդեդովո» օդանավակայանի № 85 և 94 դրամարկղերում կամ ավիաընկերությունների մոսկովյան ներկայացուցչություններում: Տոմսերի արժեքը ՝ 14 700 ռուբլի։

Ավելի քան 300 մարդ կարողացել է Հայաստանից Ռուսաստան գնալ

92
թեգերը:
դեսպանատուն, Դոմոդեդովո, տոմս, «Զվարթնոց» օդանավակայան, չվերթ, Մոսկվա, Երևան, Հայաստան
Ըստ թեմայի
Մոսկվայից Երևան նոր չարտերային չվերթեր կլինեն. տոմսի գինը 94 հազար դրամի սահմաններում է
Ռուսաստանից Հայաստան կժամանի հերթական չարտերային չվերթը
Ռուսաստանը վերականգնում է չվերթերը մի շարք երկրների հետ. Հայաստանը ցանկում չկա
Առաջիկա օրերին Մոսկվա-Երևան չարտերային չվերթեր կլինեն