Կեֆիր

Բեռնաթափման օրեր. ինչպես մեկ օրում մաքրել օրգանիզմը և նիհարել

852
(Թարմացված է 12:32 06.09.2020)
Բեռնաթափման օրերն օգտակար են նաև նրանց համար, ովքեր նիհարելու նպատակ չունեն։ Ձեզ ենք ներկայացնում բեռնաթափման մի քանի տարբերակ։

ԵՐԵՎԱՆ, 6 սեպտեմբերի – Sputnik. Բեռնաթափման օրն օգնում է, որ օրգանիզմը «հանգստանա» և ազատվի կուտակված վնասակար նյութերից։

Մասնագետները խորհուրդ են տալիս օրգանիզմը բեռնաթափել շաբաթական մեկ անգամ։ Այդ օրը պետք է նվազեցնել ֆիզիկական ծանրաբեռնվածությունը։

Բեռնաթափման նախորդ օրվա երեկոյան արդեն պետք է նվազեցնել սննդի կալորիականությունը։ Երեկոյան ժամը 6-ից հետո սնվելն անցանկալի է։ Ընթրիքին պետք է աղցան ուտել կամ կեֆիր խմել։

Բեռնաթափման հաջորդ օրը կարելի է մի փոքր ավելի ուշ նախաճաշել։ Շիլա կերեք և հյութ խմեք։ Եթե լավ եք զգում, ապա կարող եք նաև միրգ ու բանջարեղեն ուտել։ Նախաճաշը պետք է բեռնաթափման օրվա շարունակությունը լինի։

Եթե որոշել եք նիհարել, ապա բեռնաթափման մեկ օրը քիչ օգուտ կտա։ Խորհուրդ է տրվում այն կրկնել ամեն շաբաթ։

Մի մոռացեք նաև մաքրման ամենակարևոր միջոցի` ջրի մասին, որը կօգնի օրգանիզմից դուրս բերել վնասակար նյութերը և օրվա ընթացքում պահպանել ինքնազգացողությունը։ Ընդ որում` ջուրը պետք է խմել փոքր կումերով։

Օրգանիզմի մաքրման այս տարբերակը նաև կողմնակի ազդեցություն ունի։ Հնարավոր է` գլխացավ և կենտրոնացման հետ կապված խնդիրներ ի հայտ գան։ Իսկ աղեստամոքսային տրակտի խնդիրների առկայության դեպքում պետք է բժշկի դիմել խորհրդատվություն ստանալու համար։ Օրինակ` մրգային և բանջարեղենային օրերը կարող են հանգեցնել ստամոքսահյութի թթվայնության բարձրացման, ինչը գաստրիտ և նույնիսկ ստամոքսի խոց կառաջացնի։

Ձեզ ենք ներկայացնում բեռնաթափման օրվա մի քանի տարբերակ։

Կեֆիրով

Բեռնաթափման օրվա այս տարբերակը հարմար է ճոխ ճաշկերույթի հետևանքներից ազատվելու համար։ Կեֆիրը հիանալի ազդեցություն է թողնում մարսողության, իմունիտետի վրա, օրգանիզմից դուրս է բերում ավելորդ հեղուկը, օրգանիզմը մաքրում վնասակար նյութերից։

Բայց հաշվի առեք, որ ցանկալի է նախապես մի փոքր պատրաստվել և մեկ օր առաջ ճաշացանկից հանել յուղալի սնունդը։

Բանջարեղենային

Հատուկ սննդակարգի ամենատարածված մթերքը վարունգն է, որը քիչ կալորիաներ է պարունակում, դուրս է բերում վնասակար նյութերը, կանխում ածխաջրերի վերափոխումը ճարպերի։ Մեկ օրվա ընթացքում կարելի է 1.5 կգ վարունգ ուտել, ընդ որում` առանց աղի ու համեմունքների։

Ի՞նչ է կատարվում օրգանիզմում, երբ հոն ենք ուտում

Հիշեք նաև, որ վարունգը չի կարելի մաքրել, քանի որ կեղևը բջջանյութի հիմնական աղբյուրն է։ Վարունգից բացի` կարելի է նաև երկու ձու ուտել։

Մրգային

Մրգերը վիտամինների և օգտակար նյութերի իսկական աղբյուր են։ Իսկ մրգային բեռնաթափման օրերը կօգնեն կարգավորել մարսողությունը, լավացնել մազերի, մաշկի և եղունգների վիճակը։ Սակայն սա չի վերաբերում բանանին ու խաղողին։

Ընդհանուր առմամբ կարելի է ուտել մոտ 1.5 կգ միրգ։ Բայց այս սննդակարգը հարմար տարբերակ է միայն նրանց համար, ովքեր սովորական օրերին էլ են ճիշտ են սնվում, այլապես շատ դժվար կլինի։

Սպիտակուցային

Սպիտակուցային սննդակարգը որևէ ածխաջուր չի պարունակում, ճարպերն էլ շատ քիչ են, ինչը թույլ է տալիս խթանել նյութափոխանակությունը, նպաստում է նիհարելուն և ավելորդ ճարպերից ազատվելուն։ Այսպիսի բեռնաթափման օրերին սոված չեք մնա, քանի որ սպիտակուց պարունակող մթերքները տևական ժամանակ պահպանում են կուշտ լինելու զգացողությունը։

Սպիտակուցային դիետայի ժամանակ թույլատրվում է օգտագործել ոչ ճարպոտ միս, հավ, ձուկ, ձու, լոբազգիներ, բանջարեղեն (բացի կարտոֆիլից), պրոտեինային կոկտեյլներ։ Մեծ քանակությամբ ջուրը պարտադիր է։

Ի՞նչ է կատարվում օրգանիզմում, երբ նուռ ենք ուտում

Հնդկաձավարով

Հնդկաձավարը շատ հեշտ է մարսվում և օգտակար միկրոտարրեր ու հանքանյութեր է պարունակում։ Իսկ «դանդաղ» ածխաջրերն օգնում են պահպանել կուշտ լինելու զգացողությունը։

Եփելու ընթացքում չի կարելի ավելացնել կարագ, աղ, համեմունքներ և ուրիշ մթերքներ։ Պետք է ուտել փոքր չափաբաժիններով, օրվա ընթացքում մի քանի անգամ։

Ի՞նչ է տեղի ունենում օրգանիզմում, երբ խաղող ենք ուտում

852
թեգերը:
առողջ սնունդ, սնունդ, նիհարել, մթերք
Ըստ թեմայի
Ինչպես Նարինեն 10 օրում նիհարեց և դարձավ Լիլիթ Բաբասյանի հայտարարած մարաթոնի հաղթողը
Մաքսիմ Ֆադեևը 100 կգ նիհարել է. լուսանկար
Մթերքներ, առանց որոնց անհնար է նիհարել. սննդաբանի խորհուրդները
Գևորգ Կոստանյան

Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ

324
(Թարմացված է 17:47 29.09.2020)
Հետախուզվող նախկին պաշտոնյաներն անձամբ կամ փաստաբանների միջոցով միջնորդություն են ներկայացրել նախաքննական մարմիններին` հետախուզումը դադարեցնելու մասին։

ԵՐԵՎԱՆ, 29 սեպտեմբերի - Sputnik. Հետախուզման մեջ գտնվող ՀՀ նախկին բարձրաստիճան 3 պաշտոնյաներ դիմել են ՀՀ իշխանություններին` հայրենիք վերադառնալու ու Արցախին օգտակար լինելու հարցով։

Արցախ մեկնելու ցանկություն է հայտնել ՀՀ պաշտպանության նախկին նախարար, հետախուզման մեջ գտնվող Միքայել Հարությունյանը: Վերջինը 168.am-ին հայտնել է, որ ՀՀ իշխանություններից առայժմ պատասխան չի ստացել։

Սեպտեմբերի 27-ին ՀՀ դատախազությանն ու ՀՔԾ պետին է դիմել նաև ՀՀ նախկին գլխավոր դատախազ Գևորգ Կոստանյանը` իր նկատմամբ հայտարարված հետախուզումը վերացնելու միջնորդությամբ, քանի որ այդ հանգամանքը թույլ չի տալիս հատել ՌԴ սահմանն ու վերադառնալ Հայաստան։

Ընդ որում, նա պատրաստակամություն է հայտնում պատերազմական իրավիճակի ավարտից անմիջապես հետո ինքնակամ ներկայանալ նախաքննական մարմին։

13 կուսակցություն կոչով դիմել են Հայաստանի ու Արցախի իշխանություններին

ՀՀ իշխանությանը դիմած երրորդ նախկին պաշտոնյան հետախուզման մեջ գտնվող ԴԱՀԿ նախկին պետ Միհրան Պողոսյանն է: Նա նշել է, որ ցանկանում է «օր առաջ վերադառնալ Հայաստան և իր հնարավորությունների սահմաններում աջակից լինել իր ժողովրդին»։

Հիշեցնենք` ՀՀ պաշտպանության նախկին նախարար, գեներալ-գնդապետ Միքայել Հարությունյանին մեղադրանք է առաջադրվել 2008 թվականի մարտի 1-ի իրադարձությունների օրերին սահմանադրական կարգը տապալելու համար, հեռակա կարգով դատապարտվել է կալանքի, նրա նկատմամբ միջազգային հետախուզում է հայտարարվել:

Գևորգ Կոստանյանը կորոնավիրուսով է վարակվել

Միհրան Պողոսյանը մեղադրվում է առանձնապես խոշոր չափերի փողերի լվացման համար։

Հիշեցնենք` Գևորգ Կոստանյանը դեռևս 2019թ-ի սեպտեմբերին «Մարտի 1»-ի գործով հրավիրվել էր հարցաքննության, սակայն ՀՔԾ–ն հայտնել էր, որ Կոստանյանն արտերկրում է և կվերադառնա 15-20 օրից։ Նա «Մարտի 1»–ի գործով ներգրավվել է որպես մեղադրյալ։

Ըստ այդ մեղադրանքի` 2008–ի մարտի 1-ին և 2-ին Երևանում տեղի ունեցած իրադարձություններից հետո Գևորգ Կոստանյանը պահանջել է հետին ամսաթվով կազմել և շրջանառության մեջ դնել մարտի 1-ին և 2-ին ոստիկանության կատարած գործողությունների իրավաչափությունը հիմնավորող փաստաթղթեր:

324
թեգերը:
Հատուկ քննչական ծառայություն (ՀՔԾ), պաշտոնյա, Արցախ
Ըստ թեմայի
Միհրան Պողոսյանին նոր ծանր մեղադրանքներ կառաջադրվեն. գլխավոր դատախազ
«Իմ անձնական կարծիքով`սխալ է». Տոնոյանը` Միքայել Հարությունյանի երկքաղաքացիության մասին
Հրայր Թովմասյանի նախկին վարորդին մեղադրանք է առաջադրվել. ի՞նչ կապ ունի Միհրան Պողոսյանը
ՄԻՊ Արման Թաթոյան

Վարդենիսի նյարդահոգեբանական տուն-ինտերնատի բնակիչները հրետակոծությունից տագնապ են ապրել

100
(Թարմացված է 16:55 29.09.2020)
Արման Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ԵՐԵՎԱՆ, 29 սեպտեմբերի - Sputnik. ՀՀ Մարդու իրավունքների պաշտպան Արման Թաթոյանը տեղեկացնում է, որ Վարդենիսում հրետակոծության մասին ահազանգեր է ներկայացրել Վարդենիսի նյարդահոգեբանական տուն-ինտերնատի բժշկական անձնակազմը։

«Տուն–ինտերնատի անձնակազմից նշել են, որ հրետակոծության պատճառով խնամյալների մոտ վախ ու տագնապ է առաջացել: Հրետակոծության փաստերը հաստատվել են նաև պաշտոնական հարցման արդյունքներով»,–նշված է ՄԻՊ–ի հաղորդագրության մեջ։

Մարդու իրավունքների պաշտպանի թեժ գծին ահազանգեր են ներկայացրել խաղաղ բնակիչները և տրամադրել նաև մոտ մեկ ժամ առաջ արված հրետակոծության լուսանկարներ: Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ՄԻՊ–ը փաստում է, որ առավոտյան այրվել է նաև քաղաքացիական ավտոբուս թիրախային ԱԹՍ հարձակման արդյունքում։ Սպանվել է մեկ խաղաղ բնակիչ, ինչը հաստատվել է նաև Մարդու իրավունքների պաշտպանի պաշտոնական աղբյուրներով:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 83 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

100
թեգերը:
հրետակոծություն, Արման Թաթոյան, ՀՀ ՄԻՊ, Վարդենիս
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Վարդենիսում երկրորդ ճակատ բացելու փորձը նորություն չէ. Հովհաննիսյան
Նախարարն ու մարզպետը հրապարակել են Վարդենիսում խոցված ավտոբուսի լուսանկարները
Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

135
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

135
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում