Գյումրեցի Գևորգ Հովսեփյանն իր պատրաստած խաղալիքներով

Եռաչափ և 2D. գյումրեցի երիտասարդը էկոլոգիապես մաքուր, անվտանգ և հետաքրքիր խաղեր է ստեղծում

1432
(Թարմացված է 10:10 06.09.2020)
Երջանկահիշատակ Վանուշ պապից ժառանգած սերը փայտի հանդեպ երիտասարդ տղային ստիպեց համալսարանն ավարտելուց հետո վերադառնալ հայրենի Գյումրի և կյանքի կոչել վաղեմի երազանքը՝ էկոլոգիապես մաքուր և անվտանգ, երեխաների տրամաբանությունը զարգացնող փայտե խաղալիքներ ստեղծել:

Գյումրեցի Գևորգ Հովսեփյանի պատրաստած փայտե գլոխկոտրուկներն ու փազլները ոչ միայն ցանկացած երեխայի ազատ ժամանակը կլցնեն, այլև «կստիպեն» խաղի միջոցով մաթեմատիկա, աշխարհագրություն, պատմություն կամ երկրաչափություն սովորել: Դրանք շատ լավ դիդակտիկ նյութեր կարող են լինել ինչպես մանկապարտեզներում, այնպես էլ դպրոցներում ու հատուկ հաստատություններում:

Փայտե մատանիներ, խաղալիքներ և մոմակալներ. ինչպես է գյումրեցին ներկայացնում հայրենի քաղաքը

ԵՊՀ-ի Ինֆորմատիկայի ու կիրառական մաթեմատիկայի բաժինն ավարտած երիտասարդի գեները հաղթեցին մասնագիտական նախասիրություններին և նա, թողնելով Երևանի գործը, եկավ հայրենի Գյումրի ու տան սենյակներից մեկը փոքր արհեստանոցի վերածեց։

Экологически чистые деревянные игрушки, паззлы и головоломки, созданные 25-летним Геворком Овсепяном из Гюмри
© Sputnik / Armenuhi Mkhoyan
Երեխաները խաղում են գյումրեցի Գևորգ Հովսեփյանի պատրաստած խաղալիքներով

Համակարգչով անհավանական ճշգրտությամբ անհրաժեշտ պատկերի մոդելավորումից հետո հրահանգավորվում է լազերային տպիչը, որն էլ րոպեներ անց ստանում է անհրաժեշտ պատկերը: Դետալները մշակումից հետո մեկիկ- մեկիկ հավաքվում են, անհրաժեշտության դեպքում՝ գունավորվում: Ստացված գլուխկոտրուկներն ու փազլներն առաջինը Գևորգի զարուհիները՝ Նարեն ու Ագնեսան են փորձարկում:

Геворк Овсепян из Гюмри, создающий экологически чистые деревянные игрушки, паззлы и головоломки
© Sputnik / Armenuhi Mkhoyan
Գևորգ Հովսեփյանն աշխատանքի պահին

Մեզ հետ զրույցում Գևորգը պատմում է, որ  խաղալիքներ պատրաստելու ցանկությունն  ի հայտ է եկել երեխաների հետ շփվելիս՝ նախ  քույրիկի երեխաների, ապա նաև «Երազանքի ճամբարում» և Գյումրու դպրոցներից մեկում` որպես  Արմաթ ինժեներական լաբորատորիա  խմբավար աշխատելիս: Սկզբում ձեռքով էր պատրաստում, հիմա արդեն գործը հեշտացել է լազերային հաստոցի միջոցով: Լազերային ու ֆրեզերային հաստոցները Գևորգը  ձեռք է բերել դրամաշնորհային ծրագրերով:

Фотография дедушки Геворка Овсепяна - Вануша Овсепяна
© Sputnik / Armenuhi Mkhoyan
Գևորգ Հովսեփյանի պապի լուսանկարն իր աշխատասենյակում

Փոքր սենյակ–արհեստանոցի պատին՝  ամենատեսանելի տեղում, հյուսն պապի դիմանկարն է: Թեև 8 տարեկան էր, երբ պապիկը մահացավ, բայց նրա` փայտե իրեր սարքելու շնորհքով թոռը մինչ օրս հպարտանում է: «Փայտամշակումը պապական արհեստ է եղել ու փոխանցվել է սերնդեսերունդ: Ես երկար ժամանակ փայտի գործ չէի արել, համալսարանն  ավարտելուց հետո այդ սերն արթնացավ: Անում եմ ամեն ինչ, որ պապիս նմանվեմ»,-պատմում է 25-ամյա երիտասարդը՝ ընդգծելով, որ իր բոլոր նպատակներն ու երազանքները կապված են հայրենի Գյումրու հետ: Փայտե խաղալիքների համար ընտրել է WOODY-GYUMRI անվանում–ապրանքանիշը, որ գնորդը իմանա՝ խաղալիքը Գյումրիում է պատրաստված:

Экологически чистые деревянные игрушки, паззлы и головоломки, созданные 25-летним Геворком Овсепяном из Гюмри
© Sputnik / Armenuhi Mkhoyan
Գյումրեցի Գևորգ Հովսեփյանի պատրաստած խաղալիքները

Նրա ստեղծած խաղերը 2 տարեկանից բարձրերի համար են և տարիքային սահմանափակում չունեն: Գևորգն արդեն 4 տեսակի եռաչափ ու նույնքան էլ 2D փազլների հեղինակ է, որոնք արդեն «փորձարկում» անցել են երեխաների շրջանում:

Այս պահին ընթացքի մեջ է խաղալիքների ու ապրանքանիշի լիցենզավորման հարցը: Գևորգի նպատակը արհեստանոցը մեծացնելն ու իր ստեղծած էկո խաղալիքներն ավելի շատ արտադրելն է: Հիմա միայն պատվերների դեպքում է աշխատում:

Экологически чистые деревянные игрушки, паззлы и головоломки, созданные 25-летним Геворком Овсепяном из Гюмри
© Sputnik / Armenuhi Mkhoyan
Գյումրեցի Գևորգ Հովսեփյանն այսպես արտահայտում է իր սերը հայրենի քաղաքի նկատմամբ

Ի դեպ, գլուխկոտրուկները նաև կունենան յուրահատուկ ուղեցույց, որոնք QR կոդի միջոցով քայլ առ քայլ կբացատրեն անելիքը։ Թեև երիտասարդը վստահեցնում է ՝ երեխաները շատ ճարպիկ են ու ուղեցույցի կարիքը հաճախ չեն զգում, ինչպես իր զարմուհիները, ովքեր զարմացնող արագությամբ կարողանում են հավաքել քեռու պատրաստած նույնիսկ ամենաբարդ պատկերները:

  • Գյումրեցի Գևորգ Հովսեփյանի պատրաստած խաղալիքները
    Գյումրեցի Գևորգ Հովսեփյանի պատրաստած խաղալիքները
    © Sputnik / Armenuhi Mkhoyan
  • Երեխաները խաղում են գյումրեցի Գևորգ Հովսեփյանի պատրաստած խաղալիքներով
    Երեխաները խաղում են գյումրեցի Գևորգ Հովսեփյանի պատրաստած խաղալիքներով
    © Sputnik / Armenuhi Mkhoyan
  • Գյումրեցի Գևորգ Հովսեփյանի պատրաստած խաղալիքների ապրանքանիշը
    Գյումրեցի Գևորգ Հովսեփյանի պատրաստած խաղալիքների ապրանքանիշը
    © Sputnik / Armenuhi Mkhoyan
  • Գյումրեցի Գևորգ Հովսեփյանը պատրաստել է Sputnik Արմենիայի տարբերանշանը
    Գյումրեցի Գևորգ Հովսեփյանը պատրաստել է Sputnik Արմենիայի տարբերանշանը
    © Sputnik / Armenuhi Mkhoyan
  • Գյումրեցի Գևորգ Հովսեփյանի պատրաստած խաղալիքները
    Գյումրեցի Գևորգ Հովսեփյանի պատրաստած խաղալիքները
    © Sputnik / Armenuhi Mkhoyan
  • Գյումրեցի Գևորգ Հովսեփյանն իր պատրաստած խաղալիքներով
    Գյումրեցի Գևորգ Հովսեփյանն իր պատրաստած խաղալիքներով
    © Sputnik / Armenuhi Mkhoyan
1 / 6
© Sputnik / Armenuhi Mkhoyan
Գյումրեցի Գևորգ Հովսեփյանի պատրաստած խաղալիքները
1432
թեգերը:
փայտ, երեխա, խաղալիք, Երիտասարդ, Գյումրի
Ըստ թեմայի
Պատրաստված է Հայաստանում. գյումրեցի եղբայրները պատրաստվում են փայտե ակնոցով գրավել աշխարհը
Կիթառի փոխարեն փայտ. նեպալցի փոքրիկ տղաները հիացրել են օգտատերերին. զվարճալի տեսանյութ
 Facebook

Ադրբեջանի իշխանությունն արգելափակել է գրեթե բոլոր սոցիալական ցանցերը

47
(Թարմացված է 11:40 27.09.2020)
Ադրբեջանում վաղ առավոտից սոցցանցային օգտատերերը բողոքում են, որ Facebook, Youtube, Whatsapp, TikTok սոցցանցային հարթակները չեն աշխատում։

ԵՐԵՎԱՆ, 27 սեպտեմբերի - Sputnik. Ադրբեջանի իշխանությունները արգելափակել են գրեթե բոլոր սոցիալական ցանցերը: Տեղեկությունը հայտնում է երկրի տրանսպորտի, կապի և բարձր տեխնոլոգիաների նախարարությունը:

Ադրբեջանի իշխանությունները պարզաբանել են, որ սոցիալական ցանցերի արգելափակումը պայմանավորված է «Հայաստանի կողմից լայնածավալ սադրանքները կանխելու համար»:

«Հուսով ենք, որ Ադրբեջանի քաղաքացիները ըմբռնում կցուցաբերեն՝ կապված այն սահմանափակումների հետ, որոնք կարող են ծագել սոցցանցային տիրույթում ՝ հակամարտության համատեքստում»,- նշել են նախարարությունից:

Նշենք, որ Ադրբեջանում սոցցանցային օգտատերերը վաղ առավոտից բողոքում են, որ Facebook, Youtube, Whatsapp, TikTok սոցցանցային հհարթակները չեն աշխատում:

Մեկ կին և մեկ երեխա. Մարտունիում խաղաղ բնակիչներ են զոհվել

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

«Պատերազմ են ուզում, պատերազմ էլ կստանան». Արցախի նախագահ

47
թեգերը:
Արցախ, հայ-ադրբեջանական, Ադրբեջան, Facebook
թեմա:
Ադրբեջանական ագրեսիա - 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Ինչպես է հայկական զինուժը ոչնչացնում ադրբեջանական տանկերը. տեսանյութ
Մարտերը շարունակվում են. հայկական կողմը խոցել է 2 ուղղաթիռ, 14 ԱԹՍ, տանկեր. տեսանյութ
Երևան

Քանի՞ օր անձրև չի գա Հայաստանում. եղանակի տեսություն

34
(Թարմացված է 22:41 26.09.2020)
Օդերևութաբանների կանխատեսումներով` հանրապետության տարածքում առաջիկա օրերին օդի ջերմաստիճանի էական փոփոխություն չի գրանցվի։

ԵՐԵՎԱՆ, 27 սեպտեմբերի — Sputnik. Հայաստանի տարածքում սեպտեմբերի 27-ին տեղումներ չեն լինի։ Չոր եղանակը կշարունակվի մինչև սեպտեմբերի 30-ը։ Տեղեկությունը հայտնում է ՀՀ արտակարգ իրավիճակների նախարարությունը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Երևանում սեպտեմբերի 27-ի ցերեկային ժամերին սպասվում է 28–30, երեկոյան՝ 23–25, գիշերը՝ 14+16 տաքություն։

Հայաստանի հյուսիսում` Շիրակում, սեպտեմբերի 27-ին ցերեկը սպասվում է 20–25, գիշերը՝ 6–10 տաքություն։ Հարավում` Սյունիքում, ցերեկը կլինի 22–25, գիշերը՝ 12–16 տաքությունը։ Արցախում նույնպես տաք աշուն է, ցերեկը օդի ջերմաստիճանը կտատանվի +20–ից +25–ի, գիշերը՝ +6–ից +10–ի սահմանում։

 Եղանակի կանխատեսում
Եղանակի կանխատեսում
34
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց
Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել
ՀՀ ոստիկանությունը մարտից ի վեր ավելի քան 145 հազար վարչական տույժ է նշանակել
ՌԴ ԱԳՆ

Հորդորում ենք կողմերին անհապաղ դադարեցնել կրակը. ՌԴ ԱԳՆ-ի կոչը

122
(Թարմացված է 11:47 27.09.2020)
Ռուսաստանի Դաշնության արտգործնախարարությունն անդրադարձել է արցախա–ադրբեջանական սահմանին ստեղծված իրավիճակին և հայտարարություն տարածել։

ԵՐԵՎԱՆ, 27 սեպտեմբերի – Sputnik. ՌԴ արտգործնախարարությունն արցախա–ադրբեջանական շփման գոտում ծավալված իրադարձությունների վերաբերյալ հայտարարություն է տարածել։

«Ըստ առկա տեղեկությունների՝ կտրուկ սրվել է իրավիճակը Լեռնային Ղարաբաղի հակամարտության գոտում։ Շփման գծի երկայնքով երկու կողմերից ինտենսիվ գնդակոծություններ են ընթանում: Տեղեկություններ են ստացվում կորուստների մասին։ Կոչ ենք անում կողմերին անհապաղ դադարեցնել կրակը և բանակցություններ սկսել իրավիճակի կայունացման նպատակով»,– նշված է հաղորդագրության մեջ:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Ինչպես է հայկական զինուժը ոչնչացնում ադրբեջանական տանկերը. տեսանյութ

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

122
թեգերը:
Արտաքին գործերի նախարարություն (ԱԳՆ), Ադրբեջան, Արցախ, Ղարաբաղյան հակամարտություն, Լեռնային Ղարաբաղ, Հայաստան, Ռուսաստան
թեմա:
Ադրբեջանական ագրեսիա - 2020
Ըստ թեմայի
Գարեգին Բ–ն ընդհատում է իր այցն ու Իտալիայից վերադառնում հայրենիք. նա կոչով դիմել է ազգին
Մեկ կին և մեկ երեխա. Մարտունիում խաղաղ բնակիչներ են զոհվել
Այս պահին կամավորագրման անհրաժեշտություն չկա. ՀՀ ՊՆ