Աշոտ Հովսեփյանի տան մոտ

Արմավիրում ալկոհոլային թունավորման գործով մեղադրյալի մոտ կորոնավիրուս է հաստատվել

263
(Թարմացված է 21:34 04.09.2020)
Դատական նիստը հետաձգվել է Աշոտ Հովսեփյանի ինքնազգացողության կտրուկ վատացման պատճառով։

ԵՐԵՎԱՆ, 4 սեպտեմբերի - Sputnik. Արմավիրում ալկոհոլային թունավորման գործով մեղադրվող Աշոտ Հովսեփյանի մոտ կորոնավիրուս է ախտորոշվել։ Լուրը Sputnik Արմենիայի հետ զրույցում հայտնեց նրա փաստաբան Գոռ Գևորգյանը՝ նշելով, որ ախտորոշումն ընդամենը երկու ժամ առաջ է հայտնի դարձել։ Աշոտ Հովսեփյանը «Սուրբ Գրիգոր Լուսավորիչ» ԲԿ-ում է։ Ինքնամեկուսանալ է պատրաստվում նաև փաստաբանը, քանի որ շփվել է պաշտպանյալի հետ։

Հովսեփյանի կալանավորման միջնորդությունը պետք է քննվեր այս գիշեր, սակայն դատական նիստը հետաձգվել է նրա ինքնազգացողության կտրուկ վատացման պատճառով։

Ավելի վաղ տեղեկացրել ենք, որ նշված դեպքի առթիվ ՀՀ քննչական կոմիտեի Արմավիրի մարզային քննչական վարչությունում հարուցվել է քրեական գործ ՀՀ քրեական օրենսգրքի 279-րդ հոդվածի (անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը) 3-րդ մասի հատկանիշներով: Արմավիր քաղաքի բնակիչ՝ Աշոտ Լենդրուշի Հովսեփյանը՝ ծնված 1970թ., ձերբակալվել էր անվտանգության պահանջներին չհամապատասխանող ապրանքներ իրացնելու կասկածանքով:

Արմավիրում խմիչքից թունավորման քրեական գործով ևս երկու անձ է ձերբակալվել

Օգոստոսի 31-ից սեպտեմբերի 3-ն ընկած ժամանակահատվածում Արմավիրում ալկոհոլից թունավորվածների թիվն արդեն իսկ հասել է 25-ի։ Այդ նույն ընթացքում թունավորման դեպքեր են գրանցվել նաև Կոտայքում, Երևանում։ Ընդհանուր թունավորվել է 38 մարդ, 14-ը մահացել են։ Իրականացված համաճարակաբանական հետազոտության արդյունքում պարզվել է, որ Արմավիրի մարզի տուժածների թունավորման հավանական աղբյուր է հանդիսացել մեկ վայրից ձեռք բերված ոչ գործարանային արտադրության օղու օգտագործումը: Երևանում տուժածների մեծամասնությունն օգտագործել է բժշկական սպիրտ` որպես օղու փոխարինիչ, մյուս մասի, ինչպես նաև Կոտայքի մարզում տուժածի օգտագործած սպիրտի տեսակը պարզելու համար համաճարակաբանական հետազոտությունները շարունակվում են:

263
թեգերը:
օղի, Արմավիր, կորոնավիրուս, Հայաստան
Ըստ թեմայի
«Մահացու օղուց» ևս 200 լիտր է հայտնաբերվել Արմավիրում. տեսանյութ
Արմավիրում թունավորումից մահացածներից 2-ը քաղաքապետարանի աշխատակիցներ էին
ԱԻՆ-ը հրապարակել է Արմավիրում խմիչքից թունավորվածների և մահացածների անունները
Հայ դպրոցականների թիմը

Հաղթանակ. հայ դպրոցականների թիմը մեդալներ է շահել ամենահեղինակավոր օլիմպիադայում

97
(Թարմացված է 23:01 27.09.2020)
Ռազմական իրադարձությունների ֆոնին կրթական հաղթանակը ևս մեկ անգամ հիշեցնում է, որ մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը։

ԵՐԵՎԱՆ, 27 սեպտեմբերի – Sputnik. Այսօր ավարտվել է աշխարհում ամենահեղինակավոր մաթեմատիկայի օլիմպիադան, և հայ դպրոցականների թիմը շահել է 2 արծաթե, 3 բրոնզե մեդալներ և 1 գովասանագիր։ Տեղեկությունը հայտնում է ԲՈԿ նախկին ղեկավար Սմբատ Գոգյանը, որը եղել է դպրոցականների թիմի ղեկավարը։

Հայկական թիմում են եղել Մհեր Կարագուլյանը, Էրիկ Բաբասյանը, Վաչագան Դիլանյանը, Հայկ Կարապետյանը, Տիգրան Չտչյանն ու Վահագն Հովհաննիսյանը։

«Այսօրվա ռազմական իրադարձությունների ֆոնին այս կրթական հաղթանակը բոլորիս հիշեցնում է, որ ռազմի դաշտում հաղթանակների իմաստը հենց հայ հասարակության գոյության և արարման համար է։ Մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը»,– Facebook-ի իր էջում գրել է Գոգյանը։

Մեր թիմն օլիմպիադային մասնակցել է «Քվանտ վարժարանի» տարածքում, իսկ ամբողջ տարվա ընթացքում աշակերտներին իրենց գիտելիքներն են փոխանցել ֆիզմաթ դպրոցի ուսուցիչներ Տիգրան Մարգարյանը, Գուրգեն Ասատրյանը, նախկին օլիմպիականներ Ալբերտ Գևորգյանը, Գագիկ Մաղաքյանը և Սմբատ Գոգյանը։

Հայ դպրոցականները մեդալներ են նվաճել Ինֆորմատիկայի միջազգային օլիմպիադայում

97
թեգերը:
մաթեմատիկա, օլիմպիադա, Սմբատ Գոգյան, Հայաստան
Ըստ թեմայի
Դպրոցականները պետության հաշվին կապահովվեն բժշկական դիմակներով ու ախտահանիչներով
«Որ բացում ենք, էլ չենք փակում. դպրոցներն ու դպրոցականները փորձադաշտ չեն». Փաշինյան
Ո՞ր մանկավարժների և դպրոցականների տրանսպորտային ծախսերը կփոխհատուցվեն. նախարարի հրամանը
Վարդան Մինասյան

Վարդան Մինասյանն ու Արաս Օզբիլիսն իրենց զորակցությունն են հայտնել հայոց բանակին

70
(Թարմացված է 19:53 27.09.2020)
Ֆուտբոլի հայտnի մարզիչն ու հայտնի ֆուտբոլիստը վստահ են, որ հայոց բանակը միայն հաղթելու ունակությամբ է օժտված։

ԵՐԵՎԱՆ, 27 սեպտեմբերի - Sputnik. Հայաստանի ֆուտբոլի ազգային հավաքականի նախկին գլխավոր մարզիչ Վարդան Մինասյանը Instagram-ի իր էջում գրառում է կատարել ու անդրադարձել Արցախում ընթացող մարտերին։ Նա իր զորակցությունն է հայտնել Հայոց բանակին ու հայ զինվորին։ «Ուժ և կորով, միասնյություն, հաղթելու ենք»,–ծիծաղող զինծառայողներով նկարի վրա գրել է Վարդան Մինասյանը։

View this post on Instagram

Ուժ ու կորով, միասնություն #հաղթելուենք

A post shared by Vardan Minasyan (@official.vardanminasyan) on

Արցախում ընթացող ռազմական գործողություններին Instagram-ի իր էջում անդրադարձել է նաև Հայաստանի ազգային հավաքականի ֆուտբոլիստ Արաս Օզբիլիսը։ Ֆուտբոլիստը թեժ կետերում գտնվողներին իր աջակցությունը հայտնել էԱրցախի հանրապետության դրոշը հրապարակելով։

View this post on Instagram

🙏🏼🙏🏼🙏🏼🙏🏼

A post shared by Aras Ozbiliz (@arasozbiliz) on

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 20 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիարվոր ունի։

Արցախում և Հայաստանում ռազմական դրություն և համատարած զորահավաք է հայտարարվել։

«Նախնիներս Ղարաբաղից են»․ Արոնյանն արձագանքել է Արցախում տեղի ունեցող իրադարձություններին

70
թեգերը:
Արցախ, Ղարաբաղյան հակամարտություն, Լեռնային Ղարաբաղ, Արաս Օզբիլիս, Վարդան Մինասյան
թեմա:
Ադրբեջանական ագրեսիա Արցախում. 2020
Ըստ թեմայի
Մեր ու մանուկ, ամբողջ ազգով կանգնելու ենք ու հաղթենք. ԵԿՄ-ն պատրաստ է մեկնել Արցախ
Հաքերային հարձակման են ենթարկվել հայկական մի շարք ԶԼՄ–ների կայքեր
Ակնկալում ենք, որ միջազգային հանրությունը կարձագանքի Ադրբեջանի քայլերին. նախագահ
Տարոն Հովհաննիսյան

Փորձագետը ներկայացրել է ադրբեջանական կողմից ոչնչացված զինվորների անուններ

0
Հավաքված տվյալները դեռ շատ փոքր մասն են, բացի դրանից, կան տեղեկություններ տարբեր բնակավայրերից զոհերի ընդհանուր թվերի մասին։

ԵՐԵՎԱՆ, 28 սեպտեմբերի - Sputnik. Կառավարությանն առընթեր «Օրբելի» կենտրոնի ադրբեջանական հարցերով փորձագետ Տարոն Հովհաննիսյանին հաջողվել է բաց աղբյուրներից հավաքել ադրբեջանական կողմի ոչնչացված զինվորների անունները: Փորձագետն այս մասին հայտնել է «Ֆեյսբուք»-ի իր էջում՝ նշելով, որ անվանապես հավաքված տվյալները դեռ շատ փոքր մասն են, բացի դրանից, կան տեղեկություններ տարբեր բնակավայրերից զոհերի ընդհանուր թվերի մասին, բայց դրանցում դեռևս անուններ չեն նշվում:

Փորձագետի առանձնացրած ցանկը ստորև.


1.Լենքորանի բնակիչ, 1980թ. ծնված փոխգնդապետ Մեհման Միրազիզ օղլու Շիրվանովը (Mehman Mirəziz oğlu Şirvanov)
2. Գյոյչայի շրջանի Լափչըփլաղ գյուղից (Göyçay rayonunun Ləkçıplaq kəndi) Զամիգ Չինգիզ օղլու Ահմադով (Zamiq Çingiz oğlu Əhmədov)
3. Սալյանի շրջանի Խոջալի գյուղի (Salyan Rayon Xocalı kəndi) 21-ամյա բնակիչ Մամմադով էլմիր Արզու օղլուն (Məmmədov Elmir Arzu oğlu)
4. Լենքորանի Քյարգյալան գյուղի (Lənqəran, Kərgəlan) բնակիչ, 2002թ. ծնված, շարքային Գալիբ Հասանով/Qalib Əkbərov: Հուղարկավորվելու է սեպտեմբերի 28-ին Քյարգյալան գյուղի գերեզմանատանը (Qalib Həsənov)
5. Մասալիի շրջանի Հիշքյադարա գյուղից ( Masallı rayonu, Hişkədərə kəndi) ավագ-լեյտենանտ Զաուր Հյուսեյնով (Hüseynov Zaur)
6. Մինգեչաուրից պայմանագրային Շահլար Վելիև (Şahlar Vəliyev): Նշվել է, որ Շ. Վելիևը վիրավորվել էր Ապրիլյան մարտերի ընթացքում:
7. Մինգեչաուրից շարքային Ալլահվերդի Բաբաև (Allahverdi Babayev)
8. Ջալիլիաբադի Մուղան գյուղից (Muğan, Svetlayazarya) շարքային Հասան Թուրան օղլու Դեմիրով (Həsən Turan oğlu Dəmirov)
9. Գախի Ջելայեր գյուղից (Qax, Cəlayer kəndi) ավագ լեյտենանտ Թաբրիզ Ռասուլզադե (Təbriz Rəsulzadə)
10. Ուջարի շրջանի Չիյնի գյուղից (Ucar rayonu Çiyni kəndi) 19-ամյա զինծառայող, շարքային Հյուսեին Վահիմ օղլու Հասանով (Hüseyn Vahim oğlu Həsənov)
11. Խաչմազի շրջանից (Xaçmaz rayonu) 2001թ. ծնված շարքային Սաֆարալիև Ռեշադ Ֆերման օղլու (Səfərəliyev Rəşad Fərman oğlu)
12. Քյալբաջարի շրջանից շարքային Աթաև Նիջաթ Հաբիլ օղլու (Atayev Nicat Habil oğlu)
13. Բալաքյանից Օմեր Գորադաև (Ömer Qoradayev) 1
Ղուբայի շրջանից ավագ լեյտենանտ Իսմեթ Հաջիև Շոլաթ օղլու (İsmət Həcıyev Şolət oğlu)
14. Ղուբայից շարքային Յաշար Ալի օղլու Խուդաև (Xudayev Yaşar Əli oğlu)
15. Սաբիրաբադի Զենգենե գյուղից (Sabirabad rayon Zengene kendi) 1995թ. ծնված պայմանագրային զինծառայող Ֆարիդ Նաղիև (Fərid Nağıyev)
16. Եվլախի շրջանից (Yevlax rayon şəhidi) 1987թ. ծնված, պայմանագրային զինծառայող, սպա Քազըմով Էմին Ֆերման օղլուն (Kazımov Emin Fərman oğlu) սպանվել է Մռավի ուղղությամբ մարտերում
17. Ահմադով Էլմեդդին Ուղուր օղլուն (Əhmədov Elməddin Uğur oğlu) սպանվել է Ֆիզուլիի ուղղությամբ
18. Ջալիլաբադի շրջանի Հեզաբադ գյուղից (Cəlilabad rayonun Həzabad kəndi) Գարդաշ Ալխաս Միրխաս օղլու (Qardaş Alxas Mirxas oğlu)
19. Շարքային Օսմանով (մեր տեսանյութից)
20. կրտսեր սերժանտ Բաբազադե Մ. (մեր տեսանյութից)
21. Լեյտենանտ Զեյնալով Զ. (մեր տեսանյութից)
22. Ջալիլաբադի շրջանից ենթասպա Մուրադ Բաբաև
23... Շարունակելի

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

ԱՀ ՊԲ–ն նաև տեսանյութ է ներկայացվել, որտեղ երևում են հակառակորդի մարդկային կորուստները։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Հակառակորդը կիրառում է «ՏՕՍ» ծանր հրանետային համակարգ. ՀՀ ՊՆ

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 31 զինծառայող։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

 

 

0
թեմա:
Ադրբեջանական ագրեսիա Արցախում. 2020