ԵՐԵՎԱՆ, 4 սեպտեմբերի – Sputnik. ՀՀ կրթության, գիտության, մշակույթի և սպորտի նախարար Արայիկ Հարությունյանի հրամանով հաստատվել են հանրակրթական ուսումնական հաստատությունների 2020-2021 ուստարվա ուսումնական պլանները:

© Sputnik / Aram Nersesyan

Դպրոցականները պետության հաշվին կապահովվեն բժշկական դիմակներով ու ախտահանիչներով

Դրանց համաձայն` դպրոցներում դասերը կսկսվեն 2020թ. սեպտեմբերի 14-ին, կավարտվեն 2021թ. հունիսի 4-ին։ Հանրակրթական ուսումնական բոլոր հաստատություններում սահմանվում է 6-օրյա աշխատանքային շաբաթ։ Դասի տևողությունը սահմանվել է 45 րոպե:

Կորոնավիրուսի համավարակը դպրոցականներին աշնանային ու ձմեռային արձակուրդներից չի զրկի։ Նախարարի հրամանով` 3-12-րդ դասարանցիներն աշնանը արձակուրդ կգնան նոյեմբերի 2-ից 15-ը, ձմռանը՝ դեկտեմբերի 28-ից հունվարի 10-ը։ Իսկ գարնանը արձակուրդ չեն ունենա։ Գարնանը կհանգստանան միայն առաջին ու երկրորդ դասարանցիները։

Առաջին դասարանցիներին աշնանային արձակուրդները կտրվեն նոյեմբերի 2-ից 15-ը, ձմեռայինը՝ դեկտեմբերի 28-ից հունվարի 24-ը, գարնանայինը` մարտի 22-ից ապրիլի 4-ը։

Երկրորդ դասարանցիներին աշնանային արձակուրդները կտրվեն նոյեմբերի 2-ից 15-ը, ձմեռայինը՝ դեկտեմբերի 28-ից հունվարի 17-ը, իսկ գարնանայինը՝ մարտի 22-ից 28-ը:

Ոչ պետական ուսումնական հաստատությունում արձակուրդների տևողությունը և ժամկետները կսահմանեն դրանց ղեկավարները` այդ մասին 5 աշխատանքային օրվա ընթացքում տեղյակ պահելով նախարարությանը:

Որոշ աշակերտներ դպրոց կհաճախեն 3 օր. ծնողները մտահոգ են` ամեն ինչ թողնում են իրենց վրա

ԵՐԵՎԱՆ, 5 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 5249 մարդ, կատարվել է 744863 թեստավորում, առողջացել են վարակվածներից 164463-ը։ Գրանցվել է մահվան 3215 դեպք (+7)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 822-ի։

© Sputnik / Andranik Ghazaryan

Դիմակներն իզուր եք պահել. «կորոնավիրուսային տուգանքները» կվերադառնան

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։