Facebook սոցիալական կայք

Տնօրենը կարդացել է աշխատակցի անձնական նամակները. ՊՈԱԿ-ի ժ/պ-ին մեղադրանք է առաջադրվել

820
(Թարմացված է 18:12 04.09.2020)
Մեր աղբյուրի տեղեկություններով՝ դեռ նախորդ տարվանից քննվող գործը երկար ժամանակ «քնեցվել է», իսկ նշանակված նոր քննիչն ակտիվորեն լծվել է աշխատանքի։

ԵՐԵՎԱՆ, 4 սեպտեմբերի - Sputnik. ԿԳՄՍ նախարարության «Մշակութային արժեքների փորձագիտական կենտրոն» ՊՈԱԿ-ի տնօրենի ժամանակավոր պաշտոնակատարը կարդացել է աշխատակցի ֆեյսբուքյան անձնական նամակագրությունը։

Sputnik Արմենիայի տեղեկություններով՝ ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում օգոստոսի 20-ին մեղադրանք է առաջադրվել ՊՈԱԿ-ի տնօրենի ժամանակավոր պաշտոնակատար Եսթեր Աբրահամյանին։

Մեր աղբյուրի փոխանցմամբ՝ նա մեղադրվում է ՀՀ քրեական օրենսգրքի 146-րդ հոդվածի 1-ին մասով՝ անձի նամակագրության, հեռախոսային խոսակցությունների, փոստային, հեռագրական կամ այլ հաղորդումների գաղտնիությունը խախտելու համար: Այն պատժվում է տուգանքով՝ նվազագույն աշխատավարձի հիսնապատիկից հարյուրապատիկի չափով։

ՊԵԿ պաշտոնյաները հայտնվել են մեղադրյալի կարգավիճակում. ՀՔԾ–ն մանրամասներ է հայտնում

Հիշեցնենք՝ դեռ նախորդ տարի լրատվամիջոցներում աղմուկ բարձրացավ, թե «Մշակութային արժեքների փորձագիտական կենտրոն» ՊՈԱԿ-ի արդեն նախկին աշխատակիցը պնդում է, որ ՊՈԱԿ-ի Ժ/պ Եսթեր Աբրահամյանը մուտք է գործել իր ֆեյսբուքյան էջ, կարդացել անձնական հաղորդագրությունները, ավելին՝ հանրայնացրել դրանք աշխատավայրում։ Համբարձումյանի կարծիքով՝ դա արվել է իրեն նվաստացնելու և ստիպելու աշխատանքից հեռացման դիմում գրել։

Մեր աղբյուրի տեղեկություններով՝ դեռ նախորդ տարվանից քննվող գործը երկար ժամանակ «քնեցվել է», իսկ նշանակված նոր քննիչն ակտիվորեն լծվել է աշխատանքի։

820
թեգերը:
պաշտոնյա, նամակ, Մեղադրանք, Կրթության, գիտության, մշակույթի և սպորտի նախարարություն (ԿԳՄՍ), Հայաստան
Երևան

Քանի՞ օր անձրև չի գա Հայաստանում. եղանակի տեսություն

19
(Թարմացված է 22:41 26.09.2020)
Օդերևութաբանների կանխատեսումներով` հանրապետության տարածքում առաջիկա օրերին օդի ջերմաստիճանի էական փոփոխություն չի գրանցվի։

ԵՐԵՎԱՆ, 27 սեպտեմբերի — Sputnik. Հայաստանի տարածքում սեպտեմբերի 27-ին տեղումներ չեն լինի։ Չոր եղանակը կշարունակվի մինչև սեպտեմբերի 30-ը։ Տեղեկությունը հայտնում է ՀՀ արտակարգ իրավիճակների նախարարությունը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Երևանում սեպտեմբերի 27-ի ցերեկային ժամերին սպասվում է 28–30, երեկոյան՝ 23–25, գիշերը՝ 14+16 տաքություն։

Հայաստանի հյուսիսում` Շիրակում, սեպտեմբերի 27-ին ցերեկը սպասվում է 20–25, գիշերը՝ 6–10 տաքություն։ Հարավում` Սյունիքում, ցերեկը կլինի 22–25, գիշերը՝ 12–16 տաքությունը։ Արցախում նույնպես տաք աշուն է, ցերեկը օդի ջերմաստիճանը կտատանվի +20–ից +25–ի, գիշերը՝ +6–ից +10–ի սահմանում։

 Եղանակի կանխատեսում
Եղանակի կանխատեսում
19
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց
Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել
ՀՀ ոստիկանությունը մարտից ի վեր ավելի քան 145 հազար վարչական տույժ է նշանակել
Օլգա Բուզովան ու Դավիթ Մանուկյանը

«Սա սեր չէ». էքստրասենսը կանխատեսել է, որ Բուզովան ու Դավիթը բաժանվելու են

52
(Թարմացված է 23:51 26.09.2020)
«Էքստրասենսների մարտ» շոուին մասնակցած Բուզովային ասել են, որ նրա հետ բավականին տգեղ են վարվել։ Երգչուհին խոստովանել է, որ իր հետ իսկապես եղել է նման բան։

ԵՐԵՎԱՆ, 26 սեպտեմբերի – Sputnik. Հեռուստահաղորդավարուհի և երգչուհի Օլգա Բուզովան մանակցել է «Էքստրասենսների մարտ» շոուին։ Էքստրասենսները հանգամանորեն նկարագրել են նրա հոգեվիճակն ու կանխատեսել, թե ինչ է նրան սպասում ընկերոջ` Դավայի (պարող, բլոգեր և երգիչ Դավիթ Մանուկյան) հետ հարաբերություններում։

Ավելի վաղ ԶԼՄ–ները գրել էին, որ վերջին ժամանակաշրջանում Բուզովան ու Դավան հաճախ են վիճում և չեն կարողանում ընդհանուր լեզու գտնել։

Ինչպես հայտնում է «ՍտարԽիտը», էստոնացի էքստրասենս Անտոնինա Կերսնան, առանց Օլգայի դեմքը տեսնելու, ասել է, որ նա երբեք երեխաներ չի ունեցել և աբորտներ չի արել։ Էքստրասենսը չի սխալվել։

«Ձիու առողջություն ունի», – վստահեցրել է Կերսնան։

Էքստրասենս Մաքսիմ Ֆյոդորովն էլ նշել է, որ իր առջև նստածը նյարդային է և փոքր–ինչ հիստերիկ։

«Անձնական երջանկություն չկա, որոշակի հարաբերությունների ուրվագծեր կան։ Հոգու մտերմությունն անհնար է։ Դու կա՛մ չես վստահում, կա՛մ վախենում ես։ Ներսում դատարկություն է», – ավելացրել է նա։

Նրա խոսքով` Բուզովան այդ դատարկությունը ժամանակավորապես մոռացության տալու համար ստիպված լրացնում է ինչով պատահի` արցունքներ, ալկոհոլ։

Սակայն այդ խոսքերը զայրացրել են երգչուհուն։ Նա սկսել է վստահեցնել, որ կարող է միայն մեկ բաժակ գինի խմել ոստրե ուտելիս, այն էլ` ընկերոջ հետ։

Իսկ ահա Մաքսիմ Ռապոպորտը հայտնել է, որ իր դիմաց նստած կինը հոգեկան ապրումներ ու ցավ ունի, նրա սրտին վերք կա։ Ըստ նրա` կնոջը դավաճանել են, բավականին տգեղ են վարվել նրա հետ։

Օլգան խոստովանել է, որ էքստրասենսը նկարագրել է Դմիտրի Տարասովի հետ բաժանվելուց հետո նրա վիճակը։

Ռապոպորտը «գաղտնազերծել» է նաև հեռուստահաղորդավարուհու ներկայիս սիրավեպի որոշ մանրամասները։ Նա ասել է, որ այդ հարաբերությունների վրա խաչ է տեսնում։

«Սա սեր չէ։ Մեկին մյուսով է փոխել։ Ելքը նույնը կլինի` դարձյալ արցունքներ, հիստերիկա։ Նրան օգտագործում են։ Նա չափազանց բաց է և դյուրահավատ։ Ձեր հարաբերությունները ոչ մի բանի չեն տանի», – հավելել է Ռապոպորտը։

Հիշեցնենք, որ 34-ամյա Բուզովան ու 27-ամյա Դավիթը վերջին մեկ տարում պարբերաբար լուսանկարներ էին հրապարակում իրենց ռոմանտիկ կյանքից։ Նրանց բաժանման մասին սկսեցին խոսել, երբ երգչուհին Instagram-ի իր էջից հեռացրեց սիրեցյալի հետ լուսանկարները։

Արյունը ջուր չի դառնա. ռուս երգչուհին խոստովանել է հայկական արմատների մասին

52
թեգերը:
էքստրասենս, արցունք, սեր, Օլգա Բուզովա
Ըստ թեմայի
Գալկինը հիանում է կնոջով, իսկ հետևորդներն այդ տեսանյութը տհաճ ու տարօրինակ են համարում
Ուզում եմ հայրենիքիս հետ ծանոթանալ. Լեդի Գագայի հայ դիզայները ներկայացրել է աշխատանքները
Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից
Армянский военнослужащий на боевой позициии

Մնացեք թաքստոցներում. շփման գծի երկայնքով մարտերը շարունակվում են

27
(Թարմացված է 10:06 27.09.2020)
Միաժամանակ ԱՀ նախագահի մամուլի խոսնակը նշել է, որ Պաշտպանության բանակը հուժկու հարվածներով կասեցնում է հակառակորդի գործողությունները:

ԵՐԵՎԱՆ, 27 սեպտեմբերի - Sputnik. Արցախի Հանրապետության նախագահի մամուլի խոսնակ Վահրամ Պողոսյանը տեղեկացրել է, որ հայ-ադրբեջանական սահմանին տիրող իրավիճակն ամբողջությամբ գտնվում է Հանրապետության նախագահի վերահսկողության տակ։

Միաժամանակ Պողոսյանը բնակչությանը կոչ է արել թաքստոցներից դուրս չգալ:

«Բնակչությանը կոչ ենք անում պահպանել հանգստություն, մնացեք թաքստոցներում։ Մարտերը շփման գծի ողջ երկայնքով շարունակվում են։ Պաշտպանության բանակը հուժկու հարվածներով կասեցնում է հակառակորդի գործողությունները»,- նշել է նա։

Հիշեցնենք՝ այսօր վաղ առավոտյան, շփման գծի ողջ երկայնքով ադրբեջանական կողմը ակտիվ հերտակոծություն է սկսել՝ թիրախավորելով նաև խաղաղ բնակավայրերը, այդ թվում՝ մայրաքաղաք Ստեփնակաերտը:

27