Լաբորատորիա

Հայաստանում 2020 թ–ին ՄԻԱՎ-ով վարակված 7 երեխա են հայտնաբերել

53
(Թարմացված է 15:19 03.09.2020)
Մասնագետներն այժմ աշխատանքային խումբ են ստեղծել և քննություն են անցկացնում, որպեսզի պարզեն, թե ինչպես է ստացվել, որ նրանց մինչև վերջերս չէին հայտնաբերել։

ԵՐԵՎԱՆ, 3 սեպտեմբերի – Sputnik. «Ինֆեկցիոն հիվանդությունների ազգային կենտրոնի» տնօրենի ժամանակավոր պաշտոնակատար Հովհաննես Մադոյանն այսօր լրագրողների հետ հանդիպման ժամանակ հայտնեց, որ վերջին 6 ամիսների ընթացքում Հայաստանում մինչև 5 տարեկան 7 երեխայի մոտ ՄԻԱՎ է հայտնաբերվել։

«Վերջին 5 տարվա մեջ սա աննախադեպ երևույթ է։ Երեխաներից 3-ը մեկ տարեկան են, ծնվել են 2019-ին, իսկ հղիությունը եղել է 2018-2019-ին։ Մեկը 2 տարեկան է, երկուսը՝ 3, ևս մեկը՝ 5»,– ասաց նա։

Մադոյանի խոսքով՝ մասնագետներն այժմ աշխատանքային խումբ են ստեղծել և քննություն են անցկացնում, որպեսզի պարզեն, թե ինչպես է ստացվել, որ այս երեխաները վարակվել են, ինչպես է ստացվել, որ նրանց մինչև վերջերս չէին հայտնաբերել։

«Չի կարող լինել, որ տարիներ շարունակ 2-3 դեպք է արձանագրվում, մեկ էլ կես տարվա մեջ 7 դեպք։ Մենք կգտնենք պատճառը և հանրությանը անպայման կներկայացնենք», - վստահեցրեց Մադոյանը։

Նա նաև տեղեկացրեց, որ 2020 թվականի հունվարից մինչ օրս Հայաստանում գրանցվել է ՄԻԱՎ–ով վարակվելու 249 դեպք։

«Մեր կանխատեսմամբ՝ երևի տարվա ընթացքում կունենանք 400-450 դեպք, գրեթե նույն ցուցանիշը, ինչ նախորդ տարի։ Մարտի կեսերից մինչև ապրիլի վերջ, երբ արտակարգ դրության խիստ սահմանափակումներ էին գործում, դեպքերը մի պահ նվազեցին. պլանային այցելություններ գրեթե չէին կատարվում։ Հիմա վերականգնվել է մարդկանց հոսքը, նույնիսկ ավելի շատ է դիմելիությունը, որովհետև եթե նախկինում մարդիկ որևէ հիվանդություն, ջերմություն ոտքի վրա էին անցկացնում, ապա հիմա ավելի շատ են դիմում բժիշկներին»,- նշեց Մադոյանը։

Նրա խոսքով` ՄԻԱՎ–ով վարակվելու դեպքերի ավելացման կամ նվազման միտումների վերաբերյալ որևէ բան ասելը դժվար է։

Նշենք, որ ՄԻԱՎ-ը չի փոխանցվում կենցաղային շփումների ժամանակ` ձեռք սեղմելու, համբույրի, գրկախառնվելու միջոցով, հեռախոսից, համակարգչից օգտվելիս, հագուստի և սպիտակեղենի միջոցով, հասարակական զուգարանից օգտվելիս, ջրի, սննդի, հազի, փռշտոցի, մոծակի կծելու միջոցով:

ՄԻԱՎ-ով վարակվել հնարավոր է միայն սեռական ճանապարհով` առանց պահպանակի սեռական հարաբերությունների ժամանակ, վարակված արյան միջոցով` թմրամիջոցների ներարկային օգտագործման, չախտազերծված բժշկական պարագաների օգտագործման ժամանակ, ՄԻԱՎ վարակ ունեցող մորից` հղիության ընթացքում, ծննդաբերության ժամանակ և կրծքով կերակրվելիս:

Ինչ փոփոխություններ է նախատեսում «Նորք» ինֆեկցիոնի տնօրենի ԺՊ-ն

53
թեգերը:
Հովհաննես Մադոյան, երեխա, ՄԻԱՎ, Հայաստան
Ըստ թեմայի
Հայաստանում ամենափոքր վարակակիրը 1 տարեկան է, կամ ՄԻԱՎ-ով էլ կարելի է առողջ երեխա ունենալ
«Մանկաբարձն ասաց` ինձ նմաններին վառել է պետք». ինչպես են կանայք ՄԻԱՎ–ով ապրում Հայաստանում
Ապրել բորբոսնած սենյակը կորցնելու վախով և շփվելու երազանքով. ՄԻԱՎ-ով կնոջ ցավը
Հայ դպրոցականների թիմը

Հաղթանակ. հայ դպրոցականների թիմը մեդալներ է շահել ամենահեղինակավոր օլիմպիադայում

48
(Թարմացված է 23:01 27.09.2020)
Ռազմական իրադարձությունների ֆոնին կրթական հաղթանակը ևս մեկ անգամ հիշեցնում է, որ մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը։

ԵՐԵՎԱՆ, 27 սեպտեմբերի – Sputnik. Այսօր ավարտվել է աշխարհում ամենահեղինակավոր մաթեմատիկայի օլիմպիադան, և հայ դպրոցականների թիմը շահել է 2 արծաթե, 3 բրոնզե մեդալներ և 1 գովասանագիր։ Տեղեկությունը հայտնում է ԲՈԿ նախկին ղեկավար Սմբատ Գոգյանը, որը եղել է դպրոցականների թիմի ղեկավարը։

Հայկական թիմում են եղել Մհեր Կարագուլյանը, Էրիկ Բաբասյանը, Վաչագան Դիլանյանը, Հայկ Կարապետյանը, Տիգրան Չտչյանն ու Վահագն Հովհաննիսյանը։

«Այսօրվա ռազմական իրադարձությունների ֆոնին այս կրթական հաղթանակը բոլորիս հիշեցնում է, որ ռազմի դաշտում հաղթանակների իմաստը հենց հայ հասարակության գոյության և արարման համար է։ Մեր փրկության գրավականն են հզոր բանակն ու ներդաշնակ հասարակությունը, իսկ վերջինիս գրավականն է որակյալ կրթությունը»,– Facebook-ի իր էջում գրել է Գոգյանը։

Մեր թիմն օլիմպիադային մասնակցել է «Քվանտ վարժարանի» տարածքում, իսկ ամբողջ տարվա ընթացքում աշակերտներին իրենց գիտելիքներն են փոխանցել ֆիզմաթ դպրոցի ուսուցիչներ Տիգրան Մարգարյանը, Գուրգեն Ասատրյանը, նախկին օլիմպիականներ Ալբերտ Գևորգյանը, Գագիկ Մաղաքյանը և Սմբատ Գոգյանը։

Հայ դպրոցականները մեդալներ են նվաճել Ինֆորմատիկայի միջազգային օլիմպիադայում

48
թեգերը:
մաթեմատիկա, օլիմպիադա, Սմբատ Գոգյան, Հայաստան
Ըստ թեմայի
Դպրոցականները պետության հաշվին կապահովվեն բժշկական դիմակներով ու ախտահանիչներով
«Որ բացում ենք, էլ չենք փակում. դպրոցներն ու դպրոցականները փորձադաշտ չեն». Փաշինյան
Ո՞ր մանկավարժների և դպրոցականների տրանսպորտային ծախսերը կփոխհատուցվեն. նախարարի հրամանը
Վարդան Մինասյան

Վարդան Մինասյանն ու Արաս Օզբիլիսն իրենց զորակցությունն են հայտնել հայոց բանակին

53
(Թարմացված է 19:53 27.09.2020)
Ֆուտբոլի հայտnի մարզիչն ու հայտնի ֆուտբոլիստը վստահ են, որ հայոց բանակը միայն հաղթելու ունակությամբ է օժտված։

ԵՐԵՎԱՆ, 27 սեպտեմբերի - Sputnik. Հայաստանի ֆուտբոլի ազգային հավաքականի նախկին գլխավոր մարզիչ Վարդան Մինասյանը Instagram-ի իր էջում գրառում է կատարել ու անդրադարձել Արցախում ընթացող մարտերին։ Նա իր զորակցությունն է հայտնել Հայոց բանակին ու հայ զինվորին։ «Ուժ և կորով, միասնյություն, հաղթելու ենք»,–ծիծաղող զինծառայողներով նկարի վրա գրել է Վարդան Մինասյանը։

View this post on Instagram

Ուժ ու կորով, միասնություն #հաղթելուենք

A post shared by Vardan Minasyan (@official.vardanminasyan) on

Արցախում ընթացող ռազմական գործողություններին Instagram-ի իր էջում անդրադարձել է նաև Հայաստանի ազգային հավաքականի ֆուտբոլիստ Արաս Օզբիլիսը։ Ֆուտբոլիստը թեժ կետերում գտնվողներին իր աջակցությունը հայտնել էԱրցախի հանրապետության դրոշը հրապարակելով։

View this post on Instagram

🙏🏼🙏🏼🙏🏼🙏🏼

A post shared by Aras Ozbiliz (@arasozbiliz) on

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 20 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիարվոր ունի։

Արցախում և Հայաստանում ռազմական դրություն և համատարած զորահավաք է հայտարարվել։

«Նախնիներս Ղարաբաղից են»․ Արոնյանն արձագանքել է Արցախում տեղի ունեցող իրադարձություններին

53
թեգերը:
Արցախ, Ղարաբաղյան հակամարտություն, Լեռնային Ղարաբաղ, Արաս Օզբիլիս, Վարդան Մինասյան
թեմա:
Ադրբեջանական ագրեսիա Արցախում. 2020
Ըստ թեմայի
Մեր ու մանուկ, ամբողջ ազգով կանգնելու ենք ու հաղթենք. ԵԿՄ-ն պատրաստ է մեկնել Արցախ
Հաքերային հարձակման են ենթարկվել հայկական մի շարք ԶԼՄ–ների կայքեր
Ակնկալում ենք, որ միջազգային հանրությունը կարձագանքի Ադրբեջանի քայլերին. նախագահ

Տղերք, պինդ կացեք. համալսարանական բժիշկները ճակատ են մեկնում. տեսանյութ

0
Արցախ են մեկնում նաև Երևանի պետական բժշկական համալսարանի և համալսարանական հիվանդանոցների բժիշկները։

ԵՊԲՀ ռեկտոր, ՀՀ առողջապահության նախկին նախարար Արմեն Մուրադյանը Facebook–ի իր էջում տեսանյութ է հրապարակել, որում երևում է, թե ինչպես են բժիշկները շտապօգնության մեքենաներով ճանապարհ ընկնում դեպի Արցախ։

«Տղերք, պինդ կացեք, համալսարանական Սպիտակ Բանակը ճանապարհին է ...Կասկած չկա` հաղթելու ենք, ի տարբերություն թշնամու, մենք հզոր ենք, ուժեղ ու միասնական...»,– տեսանյութին կից գրել է Մուրադյանը։

Ճակատ մեկնող ավտոմեքենաների հետևից հավաքվածները դույլերով ջուր են լցնում` հաջողությամբ ծառայությունն իրականացնելու և անփորձանք վերադառնալու համար։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

0