ԵՐԵՎԱՆ, 3 սեպտեմբերի – Sputnik. Ուսումնական հաստատություններում ուսումնական գործընթացն անվտանգ կազմակերպելու նպատակով ՀՀ կառավարության որոշմամբ, սեպտեմբեր ամսվա համար բյուջեից հատկացվել է 646 787 500 դրամ լրացուցիչ գումար։

Որոշումն ընդունվել է կառավարության այսօրվա նիստում` առանց զեկուցման ու քննարկման։

Նախագծի հեղինակը ՀՀ ԿԳՄՍ նախարարությունն է, որի հաշվարկով այս գումարի սահմաններում ՀՀ ուսումնական հաստատությունները պետք է ապահովվեն ախտահանման միջոցներով ու եռաշերտ բժշկական դիմակներով:

© Sputnik / Andranik Ghazaryan

Ինչո՞ւ են բարձրացել ԵՊՀ–ի ուսման վարձերը. «անակնկալ» կորոնավիրուսային իրավիճակում

Ընդունված որոշմամբ նախատեսվում է բժշկական դիմակներով ապահովել ինչպես աշակերտներին, այնպես էլ մանկավարժական ու վարչական անձնակազմին:

«Կորոնավիրուսային հիվանդության (COVID-19) պայմաններում ՀՀ-ում սահմանված կանոնների համաձայն` պարտադիր է dnel դիմակ, ախտահանել տարածքները: Հետևաբար նոր ուսումնական տարվա մեկնարկի անվտանգ կազմակերպման համար անհրաժեշտ է ուսումնական հաստատությունները ապահովել ախտահանիչ նյութերով և դիմակներով (աշխատողներին և աշակերտներին/ուսանողներին/սաներին հատկացնելու նպատակով)»,– նշված է կառավարության որոշման նախագծում:

Մեկ ամսվա համար հատկացված գումարի հաշվարկը կատարվել է` հիմք ընդունելով բժշկական դիմակի 25 դրամ արժեքը։ Ձեռքերի ախտահանիչ միջոցները հաշվարկվել են 1 լիտրը 1120 դրամ արժեքով` 1 անձի հաշվով օրը 3 մլ, իսկ շենքերի ախտահանիչ միջոցները` քլորի 1 կգ-ի համար 3500 դրամ արժեքով` 1 հաստատությանը օրական 1 կգ քլոր քանակով։

Մինչ նախագծի ընդունումը ՀՀ ֆինանսների նախարար Ատոմ Ջանջուղազյանը հայտարարեց, որ այն նախապես չի քննարկվել, իսկ պետբյուջեի պահուստային ֆոնդը ներկա պահին ծանրաբեռնված է։ Նախարարն առաջարկեց նախագիծը հաստատել, բայց դրա ֆինանսական հատվածը քննարկել լրացուցիչ կարգով` մինչ որոշման վերջնական ստորագրումը։

Հարցականներով լի ուղեցույց դպրոցների համար. այն խանգարելո՞ւ է, թե՞ օգնելու

Հիշեցնենք` ՀՀ կառավարության որոշմամբ հայաստանյան դպրոցներում այս տարի դասերը կսկսվեն սեպտեմբերի 14-ից։ Ընդ որում` կուտակումներից խուսափելու համար առաջին դասարանցիները դպրոց կգնան սեպտեմբերի 14-ին, մյուսները՝ սեպտեմբերի 15-ին։

Դպրոցներում դիմակ դնելը կլինի պարտադիր։

ԵՐԵՎԱՆ, 5 մարտի - Sputnik. ՀՀ վարչապետ Նիկոլ Փաշինյանի` արտահերթ ընտրությունների առաջարկը ԲՀԿ–ն չի քննարկել։ Տեղեկությունն այսօր ԱԺ–ում կայացած ճեպազրույցում հայտնեց «Բարգավաճ Հայաստան» խմբակցության պատգամավոր Իվետա Տոնոյանը։

«Քանի որ այսօր կուսակցության քաղխորհրդի նիստ նախատեսված չէ, հետևաբար Նիկոլ Փաշինյան– Գագիկ Ծառուկյան հանդիպում ևս նախատեսված չէ»,–ասաց Տոնոյանը` հավելելով, որ այդ որոշումը պետք է բացառապես քաղաքական խորհրդի ձևաչափում կայացվի։ Այսինքն` ի հայտ եկած նոր իրողությունների քննարկում լինի, քաղաքական ներկա իրավիճակի ուսումնասիրություն, վերլուծություն և ըստ այդմ`քաղաքական դիրքորոշում։

© Sputnik / Asatur Yesayants

Այս վիճակից ելք գտնելը ժողովրդի պահանջն է. Մարուքյանը պատրաստ է խոսել բոլոր ուժերի հետ

«Այս պահին մենք ձեռնպահ ենք մնում հարցի հետ կապված մեր անձնական դիրքորոշումը ներկայացնելուց, մինչ այն պահը, երբ քաղաքական խորհուրդը` Գագիկ Ծառուկյանի գլխավորությամբ, կքննարկի որոշումը»,– ասաց Տոնոյանը` պատասխանելով հարցին` հնարավո՞ր է, որ ԲՀԿ–ն հրաժարվի Վազգեն Մանուկյանի գլխավորությամբ ժամանակավոր  կառավարության ձևավորման` ընդդիմադիր շարժման առաջ քաշած դիրքորոշումից ու ընդունի խորհրդարանը ցրելու ու նոր ընտրություններ անցկացնելու Փաշինյանի առաջարկը։

«Բարգավաճ Հայաստան» խմբակցության պատգամավոր Միքայել Մելքումյանն էլ շեշտեց, որ արտահերթ ընտրությունների անցկացումը նաև իրենց օրակարգում է։ «Խնդիրը դրանց անցկացման ժամկետի ու ձևաչափի մեջ է։ Բայց որ ճգնաժամ կա, ու այն երկար չի կարող շարունակվել, միանշանակ է»,– ասաց նա։

Մելքումյանը նշեց, որ կառավարման համակարգը չի գործում ու իր հաշվարկով դրա հետևանքով Հայաստանի տնտեսությունն օրական 5-7 մլն դոլար գումար է կորցնում։ Եվ սա, նրա խոսքով, ամիսներ շարունակվել այլևս չի կարելի։

 Հիշեցնենք, որ մարտի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։

«Բարգավաճ Հայաստանը» վարչապետ հետ հանդիպման չէր գնացել`հայտարարելով, որ նրանից հրավեր չի ստացել։