ԵՐԵՎԱՆ, 3 սեպտեմբերի – Sputnik. Համացանցում են հայտնվել 74–ամյա երգիծաբան Եվգենի Պետրոսյանի և նրա 31 տարեկան կնոջ` Տատյանա Բրուխունովայի հանգստի լուսանկարները։ Զույգն ուղևորվել է Սոչի, հանգիստը վայելել ծովում և զբաղվել ակտիվ մարզաձևերով։ Պետրոսյանը ծովից լուսանկարներ ու տեսանյութ է հրապարակել` ցուցադրելով, թե ինչպես է լողում ծովում և յուրացնում հիդրոցիկլ վարելու հմտությունները։

«Իհարկե օրիգինալն է»․ Եվգենի Պետրոսյանի երիտասարդ կինը պարծեցել է Dior-ի գլխարկով

«Ինձ հարցնում են` ինչպես եք վերաբերվում ձեր տարիքին։ Պատասխանում եմ` նորմալ։ Ինձ ոչ թե իմ տարիքն է կաշկանդում, այլ իմ հասակակիցների տարիքը։ Նայում եմ նրանց ու մտածում` ինչու եք այդքան ծեր», – գրել է Պետրոսյանը։

Երկրպագուները գնահատել են լուսանկարների շարքն ու հիացել երգիծաբանի ֆիզիկական պատրաստվածությամբ։ ««Ամեն ինչ ճիշտ եք անում, Եվգենի Վահանիչ», «Հիանալի տեսք ունեք», «Աստված իմ, կեցցեք»», – գրել են նրանք։ Մեկն էլ սրամտել է. «Ստեպանենկոն ինչ–որ տեղ խաչակնքվում է ու ասում` փառք Աստծո, որ այս ամենն արդեն ինձ հետ կապ չունի»։

«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով

Մինչ երգիծաբանն ակտիվ սպորտով է զբաղվել, նրա երիտասարդ կինը լուսանկարվել է ծովի ֆոնին։

«Միայն ի՞նձ են ճնշում այն տառապալի գրառումները, թե ամառն ավարտվել է։ Այո, ավարտվել է։ Եվ ի՞նչ։ Չէ՞ որ դա աշխարհի վերջը չէ։ Կարևորը, որ ամառները շատ–շատ լինեն», – լուսանկարին կից գրել է նա։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացավ իր օգնականի՝ Տատյանա Բրուխունովայի հետ։ Հանուն Տատյանայի նա բաժանվեց չորրորդ կնոջից՝ Ելենա Ստեպանենկոյից, որի հետ ապրել էր 30 տարի։

Մամուլը բազմիցս գրել է, որ Պետրոսյանն ու Բրուխունովան որդի ունեն, բայց կողմերից ոչ մեկն առայժմ չի հաստատել այդ տեղեկությունը։ 74-ամյա երգիծաբանը հասուն դուստր ունի՝ Վիկտորյան։

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

ԵՐԵՎԱՆ, 5 մարտի - Sputnik. ՀՀ վարչապետ Նիկոլ Փաշինյանի` արտահերթ ընտրությունների առաջարկը ԲՀԿ–ն չի քննարկել։ Տեղեկությունն այսօր ԱԺ–ում կայացած ճեպազրույցում հայտնեց «Բարգավաճ Հայաստան» խմբակցության պատգամավոր Իվետա Տոնոյանը։

«Քանի որ այսօր կուսակցության քաղխորհրդի նիստ նախատեսված չէ, հետևաբար Նիկոլ Փաշինյան– Գագիկ Ծառուկյան հանդիպում ևս նախատեսված չէ»,–ասաց Տոնոյանը` հավելելով, որ այդ որոշումը պետք է բացառապես քաղաքական խորհրդի ձևաչափում կայացվի։ Այսինքն` ի հայտ եկած նոր իրողությունների քննարկում լինի, քաղաքական ներկա իրավիճակի ուսումնասիրություն, վերլուծություն և ըստ այդմ`քաղաքական դիրքորոշում։

© Sputnik / Asatur Yesayants

Այս վիճակից ելք գտնելը ժողովրդի պահանջն է. Մարուքյանը պատրաստ է խոսել բոլոր ուժերի հետ

«Այս պահին մենք ձեռնպահ ենք մնում հարցի հետ կապված մեր անձնական դիրքորոշումը ներկայացնելուց, մինչ այն պահը, երբ քաղաքական խորհուրդը` Գագիկ Ծառուկյանի գլխավորությամբ, կքննարկի որոշումը»,– ասաց Տոնոյանը` պատասխանելով հարցին` հնարավո՞ր է, որ ԲՀԿ–ն հրաժարվի Վազգեն Մանուկյանի գլխավորությամբ ժամանակավոր  կառավարության ձևավորման` ընդդիմադիր շարժման առաջ քաշած դիրքորոշումից ու ընդունի խորհրդարանը ցրելու ու նոր ընտրություններ անցկացնելու Փաշինյանի առաջարկը։

«Բարգավաճ Հայաստան» խմբակցության պատգամավոր Միքայել Մելքումյանն էլ շեշտեց, որ արտահերթ ընտրությունների անցկացումը նաև իրենց օրակարգում է։ «Խնդիրը դրանց անցկացման ժամկետի ու ձևաչափի մեջ է։ Բայց որ ճգնաժամ կա, ու այն երկար չի կարող շարունակվել, միանշանակ է»,– ասաց նա։

Մելքումյանը նշեց, որ կառավարման համակարգը չի գործում ու իր հաշվարկով դրա հետևանքով Հայաստանի տնտեսությունն օրական 5-7 մլն դոլար գումար է կորցնում։ Եվ սա, նրա խոսքով, ամիսներ շարունակվել այլևս չի կարելի։

 Հիշեցնենք, որ մարտի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։

«Բարգավաճ Հայաստանը» վարչապետ հետ հանդիպման չէր գնացել`հայտարարելով, որ նրանից հրավեր չի ստացել։