Փախից երկրորդը Էդգար Մալաքյանն է

Մալաքյան եղբայրներին մեղադրանք է առաջադրվել. փաստաբանը լուսանկարներ է հրապարակել

93
(Թարմացված է 15:27 02.09.2020)
Նախաքննական մարմինը դիմել է դատարան նրանց նկատմամբ կալանքը որպես խափանման միջոց ընտրելու միջնորդությամբ:

ԵՐԵՎԱՆ, 2 սեպտեմբերի – Sputnik. 2-օրյա քննչական գործողություններից հետո անցած գիշեր մեղադրանք է առաջադրվել ֆուտբոլիստներ Մալաքյան եղբայրներին: Նախաքննական մարմինը դիմել է դատարան նրանց կալանավորելու միջնորդությամբ: Տեղեկությունը հայտնում է նրանց փաստաբան Գոռ Միքայելյանը։

«Մեղադրանքի էությունն այն է, որ Մալաքյան եղբայրներն իբր բռնություն են գործադրել ՃՈ աշխատակիցների նկատմամբ, հետո կատարել են խուլիգանություն, որի ընթացքում ծեծի են ենթարկել ՀՀ ազգային անվտանգության ծառայության քննչական դեպարտամենտի քննիչներին, այնուհետև ծեծել են օգնության ժամանած՝ ՃՈ աշխատակիցներին, ինչպես նաև ՀՀ ոստիկանության ՊՊԾ գնդի աշխատակիցներին (փաստորեն՝ իրավապահ մարմիններից գրեթե բոլորի ներկայացուցիչներին)»,- Facebook-ի իր էջում գրել է փաստաբանը:

Նա նաև հրապարակել է Մալաքյան եղբայրների լուսանկարները` որպես ապացույց, որ իրականում, ըստ իր վարկածի, ծեծի ենթարկվողը եղել են իր պաշտպանյալները:

«Ու այսքանից հետո նախաքննական մարմինը պատրաստվում է միջնորդություն ներկայացնել մի ընտանիքից երկու եղբայրներին կալանավորելու համար: Ահա այսպիսի մթնոլորտում էլ ֆուտբոլի ազգային հավաքականը պատրաստվում է առաջիկա գերկարևոր ֆուտբոլային հանդիպումներին»,- նշում է Միքայելյանը:

Հայտնի է` ինչն է եղել ոստիկանների ու Մալաքյան եղբայրների վեճի պատճառը. մանրամասներ

Հիշեցնենք`օգոստոսի 30-ին տեղի ունեցած դեպքի առթիվ ՀՀ ոստիկանության Կենտրոնական բաժնում հարուցվել է քրեական գործ՝ ՀՀ քրեական օրենսգրքի 316-րդ հոդվածի (իշխանության ներկայացուցչի նկատմամբ բռնություն գործադրելը) 1-ին մասով և 258-րդ հոդվածի (խուլիգանություն) 1-ին մասով, որը նախաքննության կատարման համար ուղարկվել է ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժին և ընդունվել վարույթ։

Քրեական գործով ոստիկանության 4 ծառայող ճանաչվել են տուժող, հարցաքննվել են մի շարք անձինք, առգրավվել են տուժողների հագուստները, նշանակվել են դատաբժշկական փորձաքննություններ:

«Դեպքը եղել է լրիվ այլ կերպ». ֆուտբոլիստ եղբայրների փաստաբանը հայտարարություն է տարածել

93
թեգերը:
Հայաստան, ֆուտբոլիստ, Մեղադրանք, Լուսանկար
Ըստ թեմայի
Գալուստ Սահակյանի որդուն մեղադրանք է առաջադրվել. գործն ուղարկվել է դատարան
«Նուբարաշեն» ՔԿՀ նախկին պետին չեն կալանավորի. դատարանը բավարարել է պաշտպանների բողոքը
Խաշթառակում թոռներին ծեծելու մեջ մեղադրվող տղամարդը թունավորմամբ հիվանդանոց է տեղափոխվել
Պուգաչովայի երեխաները

Պուգաչովայի թոռան ու դստեր Dance battle-ը բուռն վեճեր է առաջացրել համացանցում. տեսանյութ

7
(Թարմացված է 23:57 05.08.2021)
Կլավան ու Լիզան ցուցադրել են իրենց տաղանդը, բայց իմպրովիզացիան Ալլա Պուգաչովայի հստակ ղեկավարությամբ վերածվել է մենամարտի։

ԵՐԵՎԱՆ, 6 օգոստոսի - Sputnik. Հայտնի հումորիստ և հեռուստահաղորդավար Մաքսիմ Գալկինը Instagram-ի իր էջում հերթական տեսանյութն է հրապարակել, որն անվանել է «Պարային իմպրովիզացիա»։ Սակայն առաջին իսկ կադրերից պարզ է դառնում, որ երեխաներն ավելի շուտ մրցում են, թե ով է ավելի լավ պարում։

Ալլա Պուգաչովան ցուցումներ է տալիս մե՛կ թոռնուհուն` Կլավային, մե՛կ դստերը` Լիզային: Երեխաներն էլ ջանք չեն խնայում և ամեն կերպ փորձում են հիացնել ու գոհացնել իրենց հայտնի մորն ու տատիկին:

Посмотреть эту публикацию в Instagram

Публикация от Максим Галкин (@maxgalkinru)

Մեկ օրում տեսանյութը դիտվել է ավելի քան 2 մլն անգամ։ Սակայն, ի տարբերություն հայտնի ընտանիքի կյանքի մասին նախորդ տեսագրությունների, երկրպագուները ոչ միայն հիացել են երեխաներով, այլև սկսել են վիճել, թե նրանցից ով է ավելի լավ պարում:

Ալլա Պուգաչովան երեկույթի է ներկայացել չափազանց կարճ հագուստով. լուսանկար և տեսանյութ

Գրեթե միաձայն եզրակացրել են` Քրիստինա Օրբակայտեի դուստր Կլավան առանձնանում է իր նուրբ շարժումներով ու պլաստիկայով («մորն է քաշել»․ նշել են օգտատերերը), իսկ Պուգաչովայի դուստր Լիզան` ռիթմի անհավանական զգացումով, երաժշտականությամբ ու արտիստիզմով։

«Սիրում եմ ջահելներին». Գալկինը Պուգաչովային նրանից փոքր ռետրո մեքենա է նվիրել. տեսանյութ

7
թեգերը:
Ալլա Պուգաչովա, երեխա, Պար, թոռ
Ըստ թեմայի
Գալկինն առաջին անգամ ասել է` ինչպես է ծանոթացել Պուգաչովայի հետ
Պուգաչովան հպարտանում է իր երեխաներով. նրանք արդեն սահում են անվաչմուշկով. տեսանյութ
Ալլա Պուգաչովայի ծովափնյա լուսանկարը բուռն քննարկումների թեմա է դարձել
Արխիվային լուսանկար

Ինչպիսին է լինելու աշխարհի ամենահամեղ խորովածի փառատոնը 2021 թվականին

583
(Թարմացված է 18:51 05.08.2021)
Այս տարի արդեն ավանդական դարձած խորովածի փառատոնը շատ անակնկալներ է խոստանում։ Կազմակերպիչներն ակնկալում են, որ դրան մոտ 50 տաղավարներ ու ավելի քան 5 հազար հյուրեր կմասնակցեն:

ԵՐԵՎԱՆ, 5 օգոստոսի – Sputnik. Խորովածի փառատոնն այս տարի կզարմացնի հյուրերին բազմաթիվ տաղավարներով, համեղ ուտեստներով և հայկական ավանդական խորովածի նոր բաղադրատոմսերով: Միջոցառումը կորոնավիրուսի համավարակի սկզբից ի վեր առաջին անգամ է անցկացվում ու բավականին մասշտաբային է լինելու: Տեղեկությունը Sputnik Արմենիա մուլտիմեդիոն մամուլի կենտրոնում կայացած մամուլի ասուլիսի ժամանակ հայտնեց Հայ խոհարարական ավանդույթների զարգացման և պահպանման հասարակական կազմակերպության նախագահ Սեդրակ Մամուլյանը։

 Седрак Мамулян в гостях радио Sputnik
© Sputnik / Zara Mika
Հայ խոհարարական ավանդույթների զարգացման և պահպանման հասարակական կազմակերպության նախագահ Սեդրակ Մամուլյան

Խորովածի 13-րդ փառատոնը, ավանդույթի համաձայն, տեղի կունենա Լոռու մարզի Ախթալա քաղաքում: Այն կմեկնարկի օգոստոսի 22-ին` ժամը 15:00-ին, ու կշարունակվի մինչև 19:00-ը:

Մասնակիցներին կգնահատեն «Լավագույն համ», «Լավագույն գաղափար», «Լավագույն արտաքին տեսք» անվանակարգերում:

«Կտեղադրվեն մինչև 50 տաղավարներ, մենք 3-5 հազար հյուր ենք ակնկալում։ Միջոցառումը բաղկացած կլինի երկու մասից՝ մրցույթ և մշակութային ծրագիր։ Ժյուրիի կազմում վրացի մասնագետներ կլինեն», - ասաց Մամուլյանը։

Նրա խոսքով՝ մասնակցության հայտեր են ներկայացրել նաև Վրաստանի ու Ռուսաստանի մասնակիցները։

Պատասխանելով այն հարցին, թե որքանով է տեղին նման միջոցառում անցկացնել երկրի ու հայ ժողովրդի համար այսքան ծանր ժամանակներում, Մամուլյանը նշեց, որ դրանում խնդիր չի տեսնում:

Խոհարարն ընդգծեց, որ փառատոնը թույլ կտա բարելավել մարզի գոնե մի քանի տասնյակ ընտանիքների ֆինանսական վիճակը, ուստի, քննադատություն ընդունելով հանդերձ, մտադիր չէ հրաժարվել փառատոնի անցկացումից:

Փառատոնից մեկ օր առաջ Մամուլյանն ու նրա թիմը վարպետության դաս կանցկացնեն ընտանեկան տիպի հոսթելների ու հյուրանոցների սեփականատերերի ու մենեջերների համար:

Ինչ վերաբերում է փառատոնի օրվան՝ ապա այսուհետ այն միշտ կանցկացվի օգոստոսի վերջին կիրակի օրը: Ապագայում կազմակերպիչները մտադիր են այն միջազգային դարձնել։

«Հյուսիսային դարպաս» զբոսաշրջային նախագծի համակարգող Վազգեն Խաչիկյանն իր հերթին կարծում է, որ մասնակիցների մասին Մամուլյանի ներկայացրած տվյալները չափազանց համեստ են: Նրա անձնական հաշվարկներով՝ այս տարի փառատոնին մինչև 20 հազար հյուր կմասնակցի:

Вазген Хачикян во время пресс-конференции (5 августа 2021). Еревaн
© Sputnik / Andranik Ghazaryan
«Հյուսիսային դարպաս» զբոսաշրջային նախագծի համակարգող Վազգեն Խաչիկյան

Ընդ որում, նրա կարծիքով, այնուամենայնիվ, մեծանասնություն կկազմեն տեղի բնակիչները, քանի որ համավարակը չէր կարող չանդրադառնալ օտարերկրյա զբոսաշրջիկների հոսքի վրա:

Ախթալայում արդեն տարածվել է խորովածի բույրը. փառատոնի մեկնարկը տրված է

Խաչիկյանն անդրադարձավ նաև միջոցառման հանրահռչակմանը՝ ընդգծելով, որ դրան միջազգային կարգավիճակ տալու համար անհրաժեշտ է անել հնարավոր ամեն ինչ: Չէ՞ որ խոսքը միայն փառատոնի մասին չէ, այլ ամբողջ աշխարհում Հայաստանի առաջխաղացման մասին։

Փառատոնին Բելգիայից կմասնակցի նաև Youtube-ի աստղ, խոհարարական բլոգեր, մեր հայրենակից Ժորժ Հարությունյանը:

Նա նշեց, որ 2017-ին, երբ իմացել է փառատոնի մասին, գաղափարը նրան միանգամից դուր է եկել։

«Երեք օրում տոմս գնեցի և Հայաստան եկա։ Ամեն տարի գալիս եմ ու ամեն անգամ նորովի եմ ոգևորվում»,-ասաց Հարությունյանը։

Жорж Арутюнян во время пресс-конференции (5 августа 2021). Еревaн
© Sputnik / Andranik Ghazaryan
Ժորժ Հարությունյան

Ասում է` մտադիր է իր ներդրումն անել մեր երկրի սահմաններից դուրս հայկական խորովածի հանրահռչակման գործում։

Բացի այդ, այս տարի փառատոնի հովանավորն է դարձել «Կոկա-Կոլա Հելլենիկ Արմենիա» ընկերությունը։ Ընկերության գործառնական մարքեթինգի և առևտրային տարբերության մենեջեր Եսայի Մելիք-Ելչյանը նշեց, որ այս պահին ընկերությունն աշխարհի բոլոր երկրներում տեղական ավանդական ուտեստների հանրահռչակման արշավ է սկսել:

Есаи Мелик-Йолчян во время пресс-конференции (5 августа 2021). Еревaн
© Sputnik / Andranik Ghazaryan
Եսայի Մելիք-Ելչյան

Այս համատեքստում Հայաստանը բացառություն չէ։ Նա կարծում է, որ Կոկա-Կոլան և խորովածը հիանալի համադրություն են, այդ պատճառով էլ նրանք որոշել են միանալ։

Հիշեցնենք՝ խորովածի փառատոնը Հայաստանում անցկացվում է 2009 թվականից։ 2019 թվականի սկզբին հայկական խորովածը «Սննդի համաշխարհային ատլասում» ճանաչվել է ամենատարածված հայկական ուտեստ։

2020 թվականին փառատոնն անցկացվել է առցանց։ Կազմակերպիչները կոչ են արել բոլորին հանել մանղալներն ու խորոված պատրաստել իրենց տանը, ամառանոցում կամ պատշգամբում։ Ընդ որում, նախաձեռնությանը միացած անձինք սոցիալական ցանցերում պետք է հրապարակեին լուսանկարներ կամ տեսանյութեր՝ ուղեկցելով դրանք #խորովածիմիջազգայինօր հեշթեգով։

583
թեգերը:
խորոված, Ախթալա, Սեդրակ Մամուլյան
Ըստ թեմայի
Ախթալայում բացահայտվել է հայկական խորովածի համի գաղտնիքը
Հայկական Ախթալա քաղաքը խորովածի համաշխարհային մայրաքաղաք կդառնա
Խորովածային բում. զբոսաշրջիկի սրտի ճանապարհն Ախթալայով է անցնում
Ամառ, լեռներ և... խորոված. Ախթալան հյուրընկալեց խորովածասերներին