Երեխա

Նոր ուստարին համավարակի պայմաններում․ ի՞նչ է սպասում Հայաստանի բնակիչներին

313
(Թարմացված է 22:08 01.09.2020)
Հայաստանի բնակիչների շրջանում կորոնավիրուսով վարակվելու վախն ակնհայտորեն նվազում է։ Ինքնամեկուսացումն ավելի է վախեցնում մարդկանց, ու դա լուրջ պատճառներ ունի։ Մինչդեռ վարակաբանների կանխատեսումները բոլորովին էլ սփոփիչ չեն...

Հայաստանում կորոնավիրուսի հետ կապած իրավիճակը կարծես թե որոշ չափով դրական փոփոխության է ենթարկվել, միաժամանակ եվրոպական որոշ երկրներում, ըստ ամենայնի, համավարակի երկրորդ ալիքն է սկսվել։

Արժե՞ արդյոք վախենալ, որ ուսումնական տարին սկսելուն պես նոր բռնկում կլինի մեր երկրում։ Sputnik Արմենիայի հետ զրույցում այս հարցին պատասխանեց ԳԱԱ Մոլեկուլային կենսաբանության ինստիտուտի ավագ գիտաշխատող Հովակիմ Զաքարյանը։ Նրա խոսքով` վարակվածների թվի կտրուկ աճ կարող է լինել ցանկացած պահի, քանի դեռ բնակչության շրջանում վարակի հանդեպ իմունիտետ չի ձևավորվել։

Նրա խոսքով՝ միակ քայլը, որը կարող է օգնել խուսափել իրավիճակի վատթարացումից, խիստ կարանտին պահելն է։

Միաժամանակ մասնագետը խոստովանեց, որ դա էլ իր բարդություններն ունի, քանի որ սահմանափակումները տնտեսական բազում խնդիրների են հանգեցնում։

«Մի շարք երկրների օրինակն ակնհայտ ցույց է տալիս, որ կարանտինային ռեժիմի թուլացումը կարող է վարակվածների թվի կտրուկ աճի հանգեցնել։ Հենց դա է հիմա տեղի ունենում Ֆրանսիայում ու Իսրայելում», - ասաց նա։

Վարակաբանի կարծիքով` մեծ հավանականություն կա, որ դպրոցների, բուհերի ու մի շարք մանկապարտեզների բացվելուն պես վարակի երկրորդ ալիք կարող է սկսվել, քանի որ այդ հաստատություններում մարդկանց մեծ կուտակումները գրեթե անխուսափելի են։

«Միայն պատկերացրեք՝ քանի մարդու կարող է վարակել մեկ վարակվածը, եթե նա գտնվում է փակ տարածքում և այնտեղ 20 աշակերտ կա։ Հատկապես եթե հակահամաճարակաբանական կանոններին չհետևեն»,- ավելացրեց Զաքարյանը։

Փորձագետի կարծիքով՝ վարակի զգալի անկում կարող է լինել միայն զանգվածային պատվաստման դեպքում։ Իսկ եթե սպասենք, որ համաճարակը բնական ճանապարհով նահանջի, ապա դա շատ երկար կարող է տևել։

Ի՞նչ են մտածում ծնողները

Մասնագետի կանխատեսումը, մեղմ ասած, սփոփիչ չէ։ Սակայն և՛ կարանտինը, և՛ ինքնամեկուսացումը վատ են անդրադարձել բնակչության վրա։ Որոշ դեպքերում հետևանքները կարող են նույնիսկ անդառնալի լինել։

Չնայած ռիսկերին՝ Երևանում բնակվող Արմինե Ալեքսանյանն ուրախ է, որ հեռավար դասերի փոխարեն երեխաները նորից սկսելու են դպրոց գնալ։

Sputnik Արմենիայի թղթակցի հետ զրույցում նա խոստովանեց, որ նախ նվազել է կորոնավիրուսով վարակվելու վախը, հետո էլ համավարակն ու կարանտինը շատ են ազդել երեխաների ոչ միայն կենսակերպի, այլև հոգեբանության վրա (հատկապես ՝ անցումային տարիքում գտնվող երեխաների), այնպես որ լավագույն տարբերակը դպրոց գնալն է։

Նրա կրտսեր որդին 14 տարեկան է։ Արմինեն պատմում է, որ տղան միշտ սիրով է հաճախել դպրոց, բացի դրանից փոքրուց միշտ զբաղվել է սպորտով, և նրա ամբողջ օրը մշտապես հագեցած է եղել։ Համավարակի պատճառով հայտարարված արտակարգ դրությունը շատ է ազդել տղայի վրա։

«Այս ընթացքում նա աչքիս առաջ փոխվեց։ Ուրախ, ակտիվ ու հետաքրքրասեր պատանին վերածվեց ինքնամփոփ համակարգչամոլի։ Ժամերով նստած է էկրանի դիմաց, իսկ երբ նկատողություն ենք անում, շատ սուր է արձագանքում, նեղանում մեզանից», - ասաց կինը։

Հիմա Արմինեին ոչ այնքան COVID-19-ն է մտահոգում, որքան որդու հոգեվիճակը, նա շատ է սպասում դպրոցների բացվելուն, որպեսզի տղան նորից սկսի շփվել հասակակիցների հետ ու վերադառնա սովորական կենսակերպին։

Ինչ վերաբերում է մանկապարտեզներին, ապա պարետի որոշման համաձայն՝ հունիսի 15-ից պետական հաստատությունները, ավելի ճիշտ՝ այսպես կոչված հերթապահ մանկապարտեզները բացվել են աշխատող ծնողների երեխաների համար։ Մոտավորապես նույն ժամանակահատվածում սկսել են աշխատել նաև երեխաների զարգացման մասնավոր կենտրոնները։ Սանիտարական նորմերին հետևելը պարտադիր է մանկական բոլոր հաստատությունների ու մանկապարտեզների համար։

Լուսինե Ադամյանը հինգ տարեկան աղջկա մայր է։ Նրա դուստրը մասնավոր մանկապարտեզ է հաճախում։ Լուսինեն ասում է, որ առանձնապես չի վախենում կորոնավիրուսից, քանի որ իր ընտրած մանկապարտեզում շատ լավ են ախտահանում տարածքն ու հետևում երեխաների հիգիենային, օրական երեք անգամ էլ ջերմաչափում են փոքրիկներին։

«Հետևում են հակահամաճարակաբանական բոլոր նորմերին, այնպես որ առանձնապես չեմ անհանգստանում վարակի պատճառով։ Մյուս կողմից էլ հայտնի չէ՝ որքան կտևի այս իրավիճակը, ու երեխային տանը պահելու իմաստ չեմ տեսնում», - ասաց նա։

Լուսինեն ավելի շատ ոչ թե երեխայի համար է վախենում (հայտնի է, որ նրանք ավելի թեթև են տանում COVID-19-ը), որքան ծնողների։

Թեև ոչ բոլորն են նույնքան վստահում մանկապարտեզներին, բայց այլ տարբերակ էլ չունեն։

Դերենիկ Գևորգյանը, որի երկու տարեկան որդին մանկական զարգացման կենտրոն է հաճախում, խոստովանում է, որ վախենում է վարակից, սակայն երեխային պահող չկա, քանի որ ինքն ու կինը աշխատում են։

Միաժամանակ մայրաքաղաքի մանկապարտեզներից մեկի տնօրեն Նոնա Ավագյանը (անունը փոխված է) պնդում է, որ երեխան ապահովագրված չէ վարակվելուց, նույնիսկ եթե մանկապարտեզ չի հաճախում։

«Երեխաներն այսպես թե այնպես հասակակիցների հետ խաղում են բակում, կամ էլ նրանց խաղահրապարակներ են տանում։ Այս դեպքում դայակներն էլ վստահելի տարբերակ չեն։ Ոչ ոք չգիտի՝ նա գործից առաջ ու հետո որտեղ է լինում և ում հետ է շփվում», - մեզ հետ զրույցում ասաց տնօրենը։

Ստացվում է` կյանքի սովորական ռիթմին վերադառնալու ցանկությունն ու անհրաժեշտությունը բթացրել են արդեն բոլորին հոգնեցրած կորոնավիրուսի դեմ վախը։

Հայաստանում կորոնավիրուսով վարակվածների թիվն արդեն հասել է 43 878–ի։ Այս պահին փաստացի բուժում է ստանում 4373 մարդ, կատարվել է 206 929 (989) թեստավորում, առողջացել են վարակվածներից 38356–ը (+634)։ Գրանցվել է մահվան 881 (+2) դեպք։ Կորոնավիրուսով վարակված, բայց այլ պատճառով մահացածների թիվը մնացել է նույնը`268։

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։ Հանրային բաց տարածքներում դիմակ դնելը նույնպես պարտադիր է։

Օգոստոսի 12-ին ՀՀ կառավարությունը որոշեց արտակարգ դրության ռեժիմը երկարացնել մինչև սեպտեմբերի 11-ը: Օգոստոսի 13-ից կարելի է դիմակ չդնել նաև անձնական մեքենաներում և բնության գրկում։

313
թեգերը:
մանկապարտեզ, դպրոց, կորոնավիրուս, համավարակ, Հայաստան
Ըստ թեմայի
Հնարավոր է` օտարերկրյա ուսանողներին թույլ տան ՌԴ մուտք գործել սեպտեմբերին
«Իմ հրաժարականի հարցը չի քննարկվում». ԿԳՄՍ նախարար
Ինչո՞ւ են բարձրացել ԵՊՀ–ի ուսման վարձերը. «անակնկալ» կորոնավիրուսային իրավիճակում
Աճեմյանցիները 6 ամիս անց «պարտքը» տվեցին երեխաներին. բացօթյա ներկայացում Գյումրիում
Дорожный знак при въезде в общину Гегамасар

«Խուճապ չկա, տրամադրությունը մարտական է». Գեղամասարի մոտակայքում ԱԹՍ–ներ են խոցվել

5
(Թարմացված է 15:29 29.09.2020)
Չնայած պարբերաբար հնչող կրակոցներին Գեղարքունիքի մարզի Գեղամասար գյուղը, որը գտնվում է Ադրբեջանի սահմանին, ապրում է իր կյանքով։ Sputnik Արմենիայի թղթակիցներն այցելել են համայնք։

ԵՐԵՎԱՆ, 29 սեպտեմբերի – Sputnik. Ադրբեջանական զինուժն առավոտից գնդակոծում է նաև ՀՀ Վարդենիսի շրջանի սահմանամերձ բնակավայրերը։ Կրակի տակ է նաև Գեղամասար գյուղը։ Այս կողմերում նաև հակառակորդի անօդաչու թռչող սարքեր են երևացել։

Գեղամասար խոշորացված համայնքի ղեկավար Արմեն Ավետյանը գյուղ այցելած Sputnik Արմենիայի թղթակիցներին հավաստիացրեց, որ գյուղում խուճապ չկա։

«Կոնկրետ մեր գյուղ անօդաչու թռչող սարքերը չեն հասել, բնակչությունը վախեցած չէ։ Պլանային տարհանում ևս չի իրականացվում, թեև ամեն մեկն ազատ է գյուղից դուրս գալու համար։ Մենք ամուր շենքեր ունենք, որոնք կարող են որպես ապաստան ծառայել», - ասաց Ավետյանը։

Գյուղացիները մեր թղթակցին պատմել են, որ այսօր գյուղից քիչ հեռու ադրբեջանական 4 անօդաչու սարք է խոցվել: Գյուղի մերձակա մարտական դիրքերը շարունակվում են զանգվածային գնդակոծության ենթարկվել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։

Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Արցախը հայկական է, հայկական էլ կմնա». ֆրանսիական Բուրգ լե Վալանսի քաղաքապետ

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել։

5
թեգերը:
դիրքեր, Սահման, հայ-ադրբեջանական, Ադրբեջան, անօդաչու թռչող սարք, գյուղացի, Գյուղ, Գեղարքունիքի մարզ, Գեղամասար
Պանիր. արխիվային լուսանկար

Խախտումներ սննդամթերքի շուկայում. մոտ 100 կգ «Այծի Ձոր» և «Չանախ» պանիր է ոչնչացվել

55
(Թարմացված է 14:13 29.09.2020)
«Այծի Ձոր» և «Չանախ» պանիրների ողջ խմբաքանակը հանվել է շրջանառությունից, նաև կասեցվել է դրանց արտադրությունը։

ԵՐԵՎԱՆ, 29 սեպտեմբերի– Sputnik. Խախտումներ են հայտնաբերվել պանրի արտադրությամբ զբաղվող հայաստանյան ընկերություններից մեկում։ ՀՀ սննդամթերքի անվտանգության տեսչական մարմնի մամուլի ծառայության հաղորդմամբ` Վայոց Ձորի մարզային կենտրոնի տեսուչները ստուգում են իրականացրել «Գոլդեն Գոութ» ՓԲԸ–ում։

«Վերահսկողության ընթացքում նմուշառումներ են կատարվել առկա արտադրատեսակներից և ներկայացվել լաբորատոր փորձաքննության: Արդյունքում պարզվել է, որ «Այծի Ձոր» և «Չանախ» պանիրների նմուշները ԱՑԽՄ և ոսկեգույն ստաֆիլակոկ ցուցանիշներով չեն համապատասխանում Մաքսային միության տեխնիկական կանոնակարգի պահանջներին»,– նշված է հաղորդագրության մեջ։

Հայտնաբերված խախտումների արդյունքում «Այծի Ձոր» և «Չանախ» պանիրների ողջ խմբաքանակը, համապատասխանաբար՝ 45 և 49 կգ, հանվել է շրջանառությունից և ոչնչացվել:

Նշված արտադրատեսակների արտադրությունը կասեցվել է: Ընկերությանը տրվել է ժամանակ հայտնաբերված խախտումները վերացնելու համար:

«Չանախի» թթվասերի ու կաթնաշոռի արտադրությունը կասեցվել է. ՍԱՏՄ

55
թեգերը:
ՍԱՏՄ(Սննդամթերքի անվտանգության տեսչական մարմին), Պանիր
Ըստ թեմայի
Այսուհետ Գյումրիում կիրականացվի ցիվիլ առևտուր. մսավաճառները ՍԱՏՄ ղեկավարից նվեր ստացան
Կոտայքի մարզի խանութներում ոչնչացվել է ժամկետանց սննդամթերք․ ՍԱՏՄ
«Ունենք 976 փակված հանրային սննդի օբյեկտներ, սննդի արտադրամասեր և խանութներ». ՍԱՏՄ