ԵՊՀ

Ինչո՞ւ են բարձրացել ԵՊՀ–ի ուսման վարձերը. «անակնկալ» կորոնավիրուսային իրավիճակում

905
ԵՊՀ–ի ուսման վարձերն այս տարի զգալի բարձրացել են։ Իսկ թե ինչքանո՞վ է նման փոփոխությունը հիմնավոր, ի՞նչ ազդեցություն կթողնի ուսանողների վրա, Sputnik Արմենիան պարզել է բուհի ռեկտորի ժամանակատարից, ուսխորհրդի նախագահից ու կրթության փորձագետից։

Երևանի պետական համալսարանում ուսման վարձերը թանկացել են։ Կան մի շարք ֆակուլտետներ, որտեղ, ի տարբերություն նախորդ տարվա, ուսման վարձերը զգալի են թանկացել, օրինակ` «Տեղեկատվական անվտանգություն», «Ինֆորմատիկա և կիրառական մաթեմատիկա» ֆակուլտետների ուսման վարձերը 160 000 դրամով են բարձրացել։ Այժմ երկու ֆակուլտետների ուսման վարձն էլ 700 000 դրամ է` նախկին 540 000-ի փոխարեն։

Քիչ չէ այն ֆակուլտետների թիվը, որտեղ ուսման վարձի բարձրացումը 100 000 և ավելի է կազմել . «Միջազգային հարաբերություններ», «Հանրային կառավարում», «Իրավագիտություն», «Կառավարում», «Ֆինանսներ» ֆակուլտետներում ուսման վարձը թանկացել է 130 000 դրամով։ Բացի «Իրավագիտությունից», որի վարձն այժմ 1 մլն դրամ է, մյուս վերոհիշյալ բաժինների վարձը 780 000 դրամ է դարձել։ Ֆակուլտետների մեծ մասում ուսման վարձը 70 000-ական դրամով է բարձրացել («Լրագրություն», «Հայոց լեզու և գրականություն» և այլն)։

Մշուշոտ ապագա․ ինչ է սպասում հայագիտությանը և ինչու է պետությունն անտեսում գիտնականներին

Sputnik Արմենիան ԵՊՀ ռեկտորի պաշտոնակատար Գեղամ Գևորգյանից հետաքրքրվեց, թե ինչ հիմնավորմամբ է ուսման վարձը թանկացել այս` կորոնավիրուսային պայմաններում, երբ մարդիկ առանց այն էլ սոցիալական լավ վիճակում չեն։ Ի պատասխան Գևորգյանն առաջարկեց, որ հիմնավորում պահանջողները տան ուսման վարձերի չափի իրենց տարբերակը, քանի որ բուհն ինչ հիմնավորում էլ ներկայացնի, հակափաստարկներ կասեն։

«Ամենալուրջ հիմնավորումն այն է, որ մեր առաջարկված գներով` 3600-3700 դիմորդ է դիմել ԵՊՀ–ում սովորելու համար, որոնցից 2500–ին հաջողվել է դառնալ մայր բուհի ուսանող։ Ցանկացած վճարում երկկողմանի համաձայնագիր է` մեկն առաջարկում է, մյուսը` համաձայնում կամ չի համաձայնում։ Մենք առաջարկել ենք, ուսանողները համաձայնել են. աղմուկն ինչի՞ մասին է»,–ասաց Գևորգյանը։

Նրա խոսքով` այն, որ առաջարկված գներով այդքան մարդ է դիմել մայր բուհ ընդունվելու, ապացուցում է, որ գները ճիշտ են որոշված։ Բացի այդ, ըստ Գևորգյանի, ԵՊՀ–ն որևէ մասնագիտության գծով մենաշնորհ չունի, և ուսանողները կարող են դիմել այլ բուհեր։ Ավելին, նա վստահեցրեց` ԵՊՀ–ի վարձերի չափը հայաստանյան բուհերի մեջ ամենաբարձրը չեն, սակայն չգիտես ինչու բոլորի ուշադրությունը ԵՊՀ–ի վրա է։

Հարցին, թե ուսման վարձի թանկացման արդյունքում դասախոսների աշխատավարձե՞րն էլ կբարձրանան, Գևորգյանը նշեց` անպայման։ Նա ասաց` երբ որևէ տեղ աշխատավարձերը բարձր են լինում, առաջանում է աշխատուժի առաջարկ, և ընտրության հնարավորությունը մեծանում է։ ԵՊՀ ռեկտորի պաշտոնակատարի խոսքով` բուհի լավագույն դասախոսներն աշխատում են կես կամ քառորդ դրույքով` փորձելով այլ տեղում աշխատելով ապահովել իրենց ընտանիքի բարեկեցությունը։

ԵՊՀ ռեկտորի պաշտոնակատարն ավելացրեց` տարիներ շարունակ բարձրաձայնել է, որ համալսարանական կրթության գինը չի համապատասխանում առաջարկվող ծառայությանը։ «Մենք սպառում ենք տարիներով ստեղծված բարիքը` կադրային ներուժը։ Բուհում կադրերի թարմացում չի լինում, քանի որ աշխատավարձերը հրապուրիչ չեն հեռանկարային երիտասարդների համար։ Իմ կարծիքով` սա դեռ վերջը չէ, դեռ էլի պետք է բարձրացվեն ուսման վարձերը»,–ասաց Գևորգյանը։

ԵՊՀ ուսխորհրդի նախագահ Դավիթ Ափոյանը նույնպես կարծում է, որ ուսման վարձերի բարձրացումն արդարացված է, բայց ոչ այս` կորոնավիրուսային ժամանակահատվածում։ Նրա խոսքով` սեպտեմբերի առաջին կեսերին, երբ ուսանողները դասի հաճախեն, դժգոհություններ կառաջանան այս խնդրի առնչությամբ։

«Կրթության որակի, լավ մասնագետներ ունենալու համար բուհը պետք է բարձր վարձատրի իր աշխատակիցներին։ Ուստի կարծում եմ` ուսման վարձերի բարձրացումն արդարացված է, քանի որ մեր դասախոսների մեծամասնությունը գումարի համար չէ, որ դասավանդում է մեզ մոտ։ Սակայն ճիշտ հակառակն էլ պետք է լինի»,–ասաց Ափոյանը։

Նրա խոսքով` այս փուլում դա ամենաճիշտ լուծումը չէր, քանի որ հատկապես մարզերից եկող ուսանողների համար սա մեծ բեռ կարող է դառնալ։ Այդ ուսանողները Երևանում տուն են վարձակալում, կեցության ծախսերը հոգում և դեռ մի բան էլ պետք է ուսման վարձ վճարեն։ Ափոյանն ասում է` բուհը պետք է օր առաջ մտածի այս խնդրի մասին և այլ լուծումներ առաջարկի։

Կրթության հարցերով փորձագետ Ատոմ Մխիթարյանն էլ կարծում է, որ հատկապես այս շրջանում բուհերը պետք է ձեռնպահ մնան ուսման վարձերում փոփոխություններ կատարելու հարցում։ Նրա խոսքով` գաղտնիք չէ, որ բարձրագույն կրթություն ստանալու ցանկությունն ավելի մեծ է սոցիալական միջին խավի ընտանիքների երեխաների շրջանում, և վարձավճարները բարձրացնելով` երկրորդ վնասն են պատճառում առանց այն էլ ոչ բարվոք վիճակում գտնվողներին։

«ԵՊՀ վարձերը, մյուս բուհերի համեմատ, այնպես չէ, որ ցածր են։ Կարելի էր նման քայլի չգնալ։ Օրինակ` Ռուսաստանում պետբյուջեից հատկացումներ եղան այն ֆակուլտետներին ու բուհերին, որտեղ հնարավոր չէր ցածր ուսման վարձով որակյալ կրթություն կազմակերպել։ Նման լուծում կարելի էր նաև Հայաստանում կիրառել»,–Sputnik Արմենիային ասաց Մխիթարյանը։

Նրա կարծիքով` ճիշտ կլինի վերանայել որոշումները, կամ էլ բուհը պետք է դիմի կառավարությանը` հիմնավորում ներկայացնելով, որ վարձավճարների թանկացման անհրաժեշտություն կա, իսկ կառավարությունն էլ փորձի ֆինանսավորել բուհին։

Հիշեցնենք, որ բուհերում դասերը կանցկացվեն հիբրիդային եղանակով՝ հեռավար և առկա ուսուցման համադրությամբ: Սեպտեմբերի 1-ին դասերը կսկսվի միայն բակալավրի առաջին կուրսեցիների համար, մնացածները բուհ կհաճախեն սեպտեմբերի 15-ից:

905
թեգերը:
Ատոմ Մխիթարյան, Գեղամ Գևորգյան, Դավիթ Ափոյան, վարձ, Երևանի պետական համալսարան (ԵՊՀ), Հայաստան
Ըստ թեմայի
Սյունեցի դպրոցականը փորձում է իրենց գյուղը զբոսաշրջային կենտրոն դարձնել ու ստացվում է
Դպրոցական դասագիրք, մեթոդ փոխելն այդքան հեշտ բան չէ. Արմեն Սարգսյան
Դասղեկները հավելավճար կստանա՞ն. քննարկվել է դպրոցների ֆինանսավորման նոր կարգը
Նոր կանոններ ՀՀ դպրոցներում
Արսեն Թորոսյանն ու Չինաստանի դեսպանը

Թորոսյանը Չինաստանի դեսպանի հետ քննարկել է պատվաստանյութերի կիրառման հնարավորությունը

84
(Թարմացված է 21:44 22.09.2020)
Արսեն Թորոսյանը կորոնավիրուսային իրավիճակի թեմայով հեռախոսազրույց է ունեցել Տյան Էռլոնի հետ։

ԵՐԵՎԱՆ, 22 սեպտեմբերի – Sputnik. ՀՀ առողջապահության նախարար Արսեն Թորոսյանը Չինաստանի արտակարգ և լիազոր դեսպան Տյան Էռլոնի հետ քննարկել է կորոնավիրուսի դեմ մշակվող չինական պատվաստանյութերի կիրառման հնարավորությունը։ Տեղեկությունը հայտնում է առողջապահության նախարարությունը` նշելով, որ Թորոսյանը հեռախոսազրույց է ունեցել Հայաստանում իր դիվանագիտական առաքելությունն ավարտող դեսպանի հետ։

«Թորոսյանը երախտագիտություն է հայտնել դեսպանին` շեշտելով նրա անձնական ջանքերը` աջակցության ու փոխգործակցության ծրագրերի իրագործման ուղղությամբ: Արսեն Թորոսյանը հատկապես ընդգծել է Չինաստանի տրամադրած նյութատեխնիկական, մասնագիտական-խորհրդատվական օգնության կարևորությունը COVID-19 դեմ դժվարին պայքարի ընթացքում»,–նշված է հաղորդագրության մեջ։

Նշենք, որ Թորոսյանն այսօր հեռախոսազրույց է ունեցել նաև Սպառողների իրավունքների պաշտպանության և մարդու բարեկեցության ոլորտում վերահսկողության ՌԴ դաշնային ծառայության ղեկավար Աննա Պոպովայի հետ։

Հիշեցնենք, որ այժմ ամենից շատ շրջանառվում են մի քանի պատվաստանյութերի անուններ` ռուսական «Սպուտնիկ V»–ն և ամերիկյան «Մոդեռնան», անգլիական «ԱստրաԶենեկան», ինչպես նաև մի քանի չինական պատվաստանյութեր։ ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը Sputnik Արմենիայի հետ զրույցում հայտնել էր` Հայաստանը պատվաստանյութերի փնտրտուքների մեջ է, բանակցություններ են վարում առանձին արտադրողների, միջազգային կառույցների և երկրների հետ։

84
թեգերը:
պատվաստանյութ, կորոնավիրուս, Հայաստան
Ըստ թեմայի
Հայաստանում կորոնավիրուսով վարակվածների թիվն ավելացել է ևս 115-ով և հասել 47 667-ի
Արագածոտնի մարզպետը կորոնավիրուսով է վարակվել
Հայազգի բժիշկը կորոնավիրուսի դեմ պայքարի համար արժանացել է Պուտինի սահմանած շքանշանի
Արսեն Թորոսյան

Թորոսյանը կորոնավիրուսի թեմայով հեռախոսազրույց է ունեցել Պոպովայի հետ

70
(Թարմացված է 21:21 22.09.2020)
Թորոսյանն ու Պոպովան քննարկել են նաև երկու երկրների միջև ուղևորափոխադրումների հարցում ծագած խնդիրների լուծմանն օժանդակելու հարցը։

ԵՐԵՎԱՆ, 22 սեպտեմբերի - Sputnik. Կորոնավիրուսային համավարակի հետ կապված համաճարակաբանական իրադրությանն առնչվող հարցեր են քննարկել ՀՀ առողջապահության նախարար Արսեն Թորոսյանը և Սպառողների իրավունքների պաշտպանության և մարդու բարեկեցության ոլորտում վերահսկողության ՌԴ դաշնային ծառայության ղեկավար Աննա Պոպովան։ Տեղեկությունը հայտնում է առողջապահության նախարարությունը։ 

Հեռախոսազրույցի ընթացքում կողմերը քննարկել են կորոնավիրուսի ուղղությամբ երկրների փոխգործակցության հարցեր:

«Նախարարը շնորհակալություն է հայտնել ռուսական կողմին COVID-19 դեմ պայքարում նյութատեխնիկական ու մասնագիտական նշանակալի օգնության, ինչպես նաև երկրների միջև ուղևորափոխադրումների հարցում ծագած խնդիրների լուծմանն օժանդակելու համար»,–նշված է հաղորդագրության մեջ։

Թորոսյանն ու Պոպովան պատրաստակամություն են հայտնել մշտապես քննարկելու համագործակցության և փոխօգնության հարցերը` ինչպես երկկողմ ձևաչափով, այնպես էլ ԵԱՏՄ և ԱՊՀ համագործակցության շրջանակներում:

Երբ և որտեղ է պարտադիր դիմակ դնելը. Արսեն Թորոսյանը նոր հրաման է ստորագրել

Հիշեցնենք, որ ՌԴ պաշտպանության նախարարության ռադիացիոն, քիմիական և կենսաբանական պաշտպանության զորքերի համահավաք ջոկատը ապրիլի 7-ի երեկոյան ժամանել է Երևան։ Շարժական համալիրի շնորհիվ կորոնավիրուսի ախտորոշում է իրականացվում։ 

70
թեգերը:
Ռուսաստան, կորոնավիրուս, Արսեն Թորոսյան
Ըստ թեմայի
Շրջանառության մեջ է դրվել Covid-19-ի դեմ ռուսական պատվաստանյութի առաջին խմբաքանակը
Հայաստանը պատվաստանյութի ձեռքբերման համար բանակցում է ՌԴ–ի հետ. նախարարություն
Ինչքան ժամանակ է Covid-19-ի դեմ պատվաստանյութը պաշտպանում մարդուն

Հաճախորդի լոյալությունը` բիզնեսի առաջխաղացման կարևորագույն ատրիբուտ

0
(Թարմացված է 23:30 22.09.2020)
Տնտեսագետ Հայկ Մանասյանն ու «Բիզնեսի դիալեկտիկա» հաղորդաշարի վարող Արամ Չախոյանը զրուցել են հաճախորդի լոյալության մասին։

Հաճախորդի լոյալությունն այսօր մրցակցային միջավայրի պայմաններում բիզնեսի առաջխաղացման կարևորագույն ատրիբուտներից մեկն է։ 

«Բիզնեսի դիալեկտիկա» հաղորդաշարի հերթական հաղորդման ընթացքում Հայկ Մանասյանը ներկայացնում է, թե իրականում ինչ է հաճախորդի լոյալությունը, որքան կարևոր է դա բիզնեսի առաջխաղացման համար, ինչ օգուտներ կարելի է ակնկալել հաճախորդների լոյալությունից և ինչ մեթոդներով կարելի է հասնել բարձր լոյալության։

«Բիզնեսի դիալեկտիկա». որո՞նք են «երկար պոչերը» բիզնեսի պրոդուկտային պորտֆելում

0
թեգերը:
հաճախորդ, բիզնես
թեմա:
Բիզնեսի դիալեկտիկա
Ըստ թեմայի
Որոնք են գնորդների վարքագծային հիմնական փոփոխությունները ռեցեսիայի պայմաններում
Որն է այն միակ գործոնը, որի շնորհիվ բիզնեսն արժեք է ստեղծում
Մարքեթինգի ու վաճառքի բաժինների բախումից տուժում է բիզնեսը. ի՞նչ անել, որ դա տեղի չունենա