Աշակերտ

Որոշ աշակերտներ դպրոց կհաճախեն 3 օր. ծնողները մտահոգ են` ամեն ինչ թողնում են իրենց վրա

1561
Դպրոցների համար նախատեսված վերջին ուղեցույցում կա մի կետ, որը կարծես մի փոքր անուշադրության է մատնվել։ Խնդիրն այն է, որ ոչ բոլոր աշակերտներն են դպրոց հաճախելու 6-օրյա գրաֆիկով։ Մասնագետներն ու ծնողները դժգոհ են որոշումից։

Սեպտեմբերի 15-ից դպրոցում դասերը սկսելու գրաֆիկով աշակերտների միջև շատ անարդար վիճակ է լինելու, և պայմանները հավասար չեն լինելու բոլորի համար։ Sputnik Արմենիայի հետ զրույցում նման կարծիք հայտնեց կրթական հարցերի փորձագետ Ատոմ Մխիթարյանը։

Հարցն այն է, որ ՀՀ կրթության, գիտության, մշակույթի և սպորտի նախարարության` օրերս հրապարակած ուղեցույցում նշված է` դասարաններում աշակերտների թիվը չպետք է գերազանցի 20-ը։ Եթե աշակերտների թիվը 20–ից ավել է, ապա դասարանները բաժանվում են 2 խմբի։

«Շատ անարդար վիճակ է ստեղծվում։ Որդուս դասարանում շուրջ 30 աշակերտ է սովորում, և նրանց հայտարարել են, որ շաբաթական երեք օր են հաճախելու դասի, այդ թվում` շաբաթ օրը։ Այսինքն` հարևան դասարանում, որտեղ աշակերտների թիվը 20–ից քիչ է, 6–օրյա գրաֆիկով են դասի հաճախելու, իսկ որդուս դասարանի աշակերտները` միայն երեք օր»,–ասաց Մխիթարյանը։

Նրա խոսքով` այս փոփոխությունն էական ազդեցություն կունենա ինչպես ուսուցիչների, այնպես էլ աշակերտների վրա, և կտուժի կրթության որակը։ Կրթության փորձագետը նշում է` չգիտի, թե նման որոշում կայացնելուց ինչքան խորն են մտածել, սակայն ստացվում է` կրկնակի տարբերություն աշակերտների գրաֆիկի միջև։

Կրթության փորձագետից հետաքրքրվեցինք` ինչո՞ւ են աշակերտները 6 օր դասի հաճախում, եթե որոշներին նույն գիտելիքը խոստանում են փոխանցել 3-օրյա գրաֆիկով դասի հաճախելիս։ Ի պատասխան Մխիթարյանը նշեց, որ ավելի լավ կլիներ` բոլորը վեց օր հաճախեն դասի, ու կրթական պրոցեսը նորմալ կկազմակերպվեր։ Նա վստահ է` 3 օր դասի հաճախող աշակերտը չի ստանալու այն գիտելիքը, ինչ 6 օր դասի հաճախողը։

Իսկ թե ինչ լուծում կարող է լինել այս դեպքում, Մխիթարյանն այդ հարցի պատասխանը նույնպես ունի։ «Ուսուցիչների մեծամասնությունը պատրաստ է ծանրաբեռնվածությունը մեծացնել, միայն թե դասերը կարողանան որակով անցկացնել։ Պետք է երկու հերթ սարքեն, և բոլոր աշակերտներն էլ վեց օր հաճախեն դասի։ Այս դեպքում միայն ուսուցիչների վարձատրությունն ավելացնելու անհրաժեշտություն կա. առանց այն էլ նրանք ծանրաբեռնված են աշխատում»,–ասաց Մխիթարյանը։

Փորձագետի խոսքով` ամեն ոլորտ չէ, որ պետք է տուժի կորոնավիրուսի պատճառով, առավել ևս` կրթության ոլորտը։ Ավելին, 3-օրյա գրաֆիկով դասի հաճախելն անթույլատրելի է համարում, մասնավորապես, որ նախորդ կիսամյակ էլ դասապրոցեսը նորմալ չի կազմակերպվել հեռավար դասերի անցնելու հետևանքով։ Կրթության փորձագետը նշում է` եթե կրթության որակի առումով այս կիսամյակն էլ կորչի, ապա լուրջ բաց կառաջանա աշակերտների մոտ։

Նշված փոփոխությունը լուրջ մտահոգություն է առաջացրել նաև ծնողների մոտ. Արմինե Ավետյանը, որի տղան սովորում է երևանյան դպրոցներից մեկի 9-րդ դասարանում, նշում է, որ խնդիրը լուծելու փոխարեն ավելի է խճճվել ամեն ինչ։

«Տղայիս դասարանում 20-ից ավել է աշակերտների թիվը, և նրանց ասել են, որ շաբաթական երեք օր պետք է հաճախեն դասի։ Ավելին, ասել են, որ դասաժամերի քանակը չի էլ ավելանալու։ Այսինքն` դպրոցի ամբողջ հույսը ծնո՞ղն է։ Ինչպե՞ս են պատկերացնում, որ ես պետք է 9-րդ դասարանում սովորող տղայիս համոզեմ նստել և հավելյալ դաս անել այն դեպքում, երբ այդ տարիքում եղածն էլ այդքան հաճույքով չեն անում»,–ասաց Ավետյանը։

Նրա խոսքով` ամեն ինչ հեռավար կրթության նման է լինելու` աշակերտները շատ բան չեն սովորելու, իսկ կիսամյակի վերջում նրանց ներողամտորեն են վերաբերվելու։ Այս դեպքում, իհարկե, հարց է, թե ինչքանով են շահում աշակերտն ու կրթության որակը։ Ավետյանն ասում է, թե ստացվում է` ամեն ինչ թողնում են ծնողի վրա։

Նոր կանոններ ՀՀ դպրոցներում

Հիշեցնենք, որ այս տարի դպրոցներում դասերը կսկսվեն ոչ թե սեպտեմբերի 1-ին, այլ 15-ին։ Նախարարության հրապարակած ուղեցույցով սահմանվում է, որ դպրոցները կաշխատեն 6-օրյա աշխատանքային գրաֆիկով։ Դասերը կարող են անցկացվել դահլիճներում, միջանցքներում և բացօթյա տարածքներում: Բացի այդ, դասամիջոցների ընթացքում սովորողները չպետք է լքեն դասասենյակը. բուֆետները չեն գործելու։ Գրատախտակի մոտ գնալ նույնպես չի թույլատրվելու։ Ինչ վերաբերում է ուսուցիչներին, ապա բարձր ռիսկային խմբի ուսուցիչները կարող են չներկայանալ աշխատանքի։ Ուղեցույցում սահմանված չափորոշիչները մեծ աղմուկ են բարձրացրել. մասնագետներն ու ծնողները քննադատում են դրանք` ասելով, որ նման պայմաններում դասապրոցեսն իրականացնելն անհնար է։

Դպրոցները պատրա՞ստ են նոր կանոններին. անպատասխան հարցեր կան

1561
թեգերը:
ծնող, Ատոմ Մխիթարյան, Աշակերտ, դպրոց, Հայաստան
Ըստ թեմայի
ՄԻՊ–ը հարցադրումներ է ուղարկել ԿԳՄՍՆ դպրոցներում աշակերտների դիմակ դնելու առնչությամբ
Դպրոցական դասագիրք, մեթոդ փոխելն այդքան հեշտ բան չէ. Արմեն Սարգսյան
Դասղեկները հավելավճար կստանա՞ն. քննարկվել է դպրոցների ֆինանսավորման նոր կարգը
Գևորգ Կոստանյան

Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ

321
(Թարմացված է 17:47 29.09.2020)
Հետախուզվող նախկին պաշտոնյաներն անձամբ կամ փաստաբանների միջոցով միջնորդություն են ներկայացրել նախաքննական մարմիններին` հետախուզումը դադարեցնելու մասին։

ԵՐԵՎԱՆ, 29 սեպտեմբերի - Sputnik. Հետախուզման մեջ գտնվող ՀՀ նախկին բարձրաստիճան 3 պաշտոնյաներ դիմել են ՀՀ իշխանություններին` հայրենիք վերադառնալու ու Արցախին օգտակար լինելու հարցով։

Արցախ մեկնելու ցանկություն է հայտնել ՀՀ պաշտպանության նախկին նախարար, հետախուզման մեջ գտնվող Միքայել Հարությունյանը: Վերջինը 168.am-ին հայտնել է, որ ՀՀ իշխանություններից առայժմ պատասխան չի ստացել։

Սեպտեմբերի 27-ին ՀՀ դատախազությանն ու ՀՔԾ պետին է դիմել նաև ՀՀ նախկին գլխավոր դատախազ Գևորգ Կոստանյանը` իր նկատմամբ հայտարարված հետախուզումը վերացնելու միջնորդությամբ, քանի որ այդ հանգամանքը թույլ չի տալիս հատել ՌԴ սահմանն ու վերադառնալ Հայաստան։

Ընդ որում, նա պատրաստակամություն է հայտնում պատերազմական իրավիճակի ավարտից անմիջապես հետո ինքնակամ ներկայանալ նախաքննական մարմին։

13 կուսակցություն կոչով դիմել են Հայաստանի ու Արցախի իշխանություններին

ՀՀ իշխանությանը դիմած երրորդ նախկին պաշտոնյան հետախուզման մեջ գտնվող ԴԱՀԿ նախկին պետ Միհրան Պողոսյանն է: Նա նշել է, որ ցանկանում է «օր առաջ վերադառնալ Հայաստան և իր հնարավորությունների սահմաններում աջակից լինել իր ժողովրդին»։

Հիշեցնենք` ՀՀ պաշտպանության նախկին նախարար, գեներալ-գնդապետ Միքայել Հարությունյանին մեղադրանք է առաջադրվել 2008 թվականի մարտի 1-ի իրադարձությունների օրերին սահմանադրական կարգը տապալելու համար, հեռակա կարգով դատապարտվել է կալանքի, նրա նկատմամբ միջազգային հետախուզում է հայտարարվել:

Գևորգ Կոստանյանը կորոնավիրուսով է վարակվել

Միհրան Պողոսյանը մեղադրվում է առանձնապես խոշոր չափերի փողերի լվացման համար։

Հիշեցնենք` Գևորգ Կոստանյանը դեռևս 2019թ-ի սեպտեմբերին «Մարտի 1»-ի գործով հրավիրվել էր հարցաքննության, սակայն ՀՔԾ–ն հայտնել էր, որ Կոստանյանն արտերկրում է և կվերադառնա 15-20 օրից։ Նա «Մարտի 1»–ի գործով ներգրավվել է որպես մեղադրյալ։

Ըստ այդ մեղադրանքի` 2008–ի մարտի 1-ին և 2-ին Երևանում տեղի ունեցած իրադարձություններից հետո Գևորգ Կոստանյանը պահանջել է հետին ամսաթվով կազմել և շրջանառության մեջ դնել մարտի 1-ին և 2-ին ոստիկանության կատարած գործողությունների իրավաչափությունը հիմնավորող փաստաթղթեր:

321
թեգերը:
Հատուկ քննչական ծառայություն (ՀՔԾ), պաշտոնյա, Արցախ
Ըստ թեմայի
Միհրան Պողոսյանին նոր ծանր մեղադրանքներ կառաջադրվեն. գլխավոր դատախազ
«Իմ անձնական կարծիքով`սխալ է». Տոնոյանը` Միքայել Հարությունյանի երկքաղաքացիության մասին
Հրայր Թովմասյանի նախկին վարորդին մեղադրանք է առաջադրվել. ի՞նչ կապ ունի Միհրան Պողոսյանը
ՄԻՊ Արման Թաթոյան

Վարդենիսի նյարդահոգեբանական տուն-ինտերնատի բնակիչները հրետակոծությունից տագնապ են ապրել

99
(Թարմացված է 16:55 29.09.2020)
Արման Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ԵՐԵՎԱՆ, 29 սեպտեմբերի - Sputnik. ՀՀ Մարդու իրավունքների պաշտպան Արման Թաթոյանը տեղեկացնում է, որ Վարդենիսում հրետակոծության մասին ահազանգեր է ներկայացրել Վարդենիսի նյարդահոգեբանական տուն-ինտերնատի բժշկական անձնակազմը։

«Տուն–ինտերնատի անձնակազմից նշել են, որ հրետակոծության պատճառով խնամյալների մոտ վախ ու տագնապ է առաջացել: Հրետակոծության փաստերը հաստատվել են նաև պաշտոնական հարցման արդյունքներով»,–նշված է ՄԻՊ–ի հաղորդագրության մեջ։

Մարդու իրավունքների պաշտպանի թեժ գծին ահազանգեր են ներկայացրել խաղաղ բնակիչները և տրամադրել նաև մոտ մեկ ժամ առաջ արված հրետակոծության լուսանկարներ: Թաթոյանը վստահեցնում է, որ այս պահի տվյալները վկայում են, որ խաղաղ բնակչությունը գտնվում է ակնհայտ նպատակային հրետակոծության տակ:

ՄԻՊ–ը փաստում է, որ առավոտյան այրվել է նաև քաղաքացիական ավտոբուս թիրախային ԱԹՍ հարձակման արդյունքում։ Սպանվել է մեկ խաղաղ բնակիչ, ինչը հաստատվել է նաև Մարդու իրավունքների պաշտպանի պաշտոնական աղբյուրներով:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 83 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

99
թեգերը:
հրետակոծություն, Արման Թաթոյան, ՀՀ ՄԻՊ, Վարդենիս
թեմա:
Ադրբեջանական ագրեսիան Հայաստանի վրա - 2020
Ըստ թեմայի
Վարդենիսում երկրորդ ճակատ բացելու փորձը նորություն չէ. Հովհաննիսյան
Նախարարն ու մարզպետը հրապարակել են Վարդենիսում խոցված ավտոբուսի լուսանկարները
Վարդենիսում ադրբեջանական կրակոցից խաղաղ բնակիչ է զոհվել. ՀՀ ԱԳՆ
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

42
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

42
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում